ယော​ရှု 2:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² ကျွန်မ​သည် သင်​တို့​အပေါ် မေတ္တာ​ထား​သကဲ့သို့ သင်​တို့​သည်​လည်း ကျွန်မ​၏​ဆွေမျိုးသားချင်း​အပေါ် မေတ္တာ​ထား​ပါ​မည်​ဟု ထာဝရဘုရား​ကို​တိုင်တည်​၍ ကျွန်မ​အား ယခု​ကျိန်ဆို​ပါ​လော့​။ စိတ်ချ​ရ​သော​အမှတ်အသား​တစ်​ခု​ကို​လည်း ပေး​ခဲ့​ပါ​။

Common Language Bible

¹² ကျွန်​မ​သည်​သင်​တို့​ကို​ကျေး​ဇူး​ပြု​သ​ကဲ့ သို့​ကျွန်​မ​၏​မိ​သား​စု​ကို​လည်း ကျေး​ဇူး​ပြု ပါ​မည်​ဟု​ထာ​ဝ​ရ​ဘု​ရား​ကို​တိုင်​တည်​၍ ကျိန်​ဆို​ကြ​ပါ​လော့။ ကျွန်​မ​သည်​သင်​တို့ ကို​ယုံ​ကြည်​စိတ်​ချ​နိုင်​ကြောင်း​သက်​သေ​အ​ထောက်​အ​ထား​တစ်​ခု​ခု​ကို​ပေး​ပါ​လော့။-

Garrad Bible

^12-13 သို့ ဖြစ်၍ ကျွန် မ သည် သင် တို့ အား ကျေး ဇူး ပြု သည့် နည်း တူ၊ ကျွန် မ၏ ဆွေ မျိုး သား ချင်း တို့ အား ကျေး ဇူး ပြု လျက်၊ ကျွန် မ နှင့် တ ကွ၊ မိ ဘ၊ မောင်၊ ညီ မ၊ ပိုင် ဆိုင် သ မျှ ပါ အ သက် ဘေး မှ ကယ် လွှတ် ချမ်း သာ စေ မည် ဟု ထာ ဝ ရ ဘု ရား ကို တိုင် တည်၍ သ စ္စာ ဆို ပြီး လျှင်၊ မ ဖောက် သော လ က္ခ ဏာ သက် သေ ကို ပေး ခဲ့ ပါ လော့ ဟု ဆို ရာ

Judson Bible

¹² သို့​ဖြစ်၍ သင်​တို့၌ ကျွန်​မ​သည်​ကျေး​ဇူး​ပြု​သော​ကြောင့် သင်​တို့​သည် ကျွန်​မ​ပေါက်​ဖော်​တို့၌ ကျေး​ဇူး​ပြု၍၊

ယော​ရှု 2:12 ပူးပေါင်းရင်းမြစ်များ

ကမ္ဘာ​ဦး 21:23

သို့ဖြစ်၍ သင်​သည် ငါ​မှစ၍ ငါ့​သား​၊ ငါ့​သားမြေးအစဉ်အဆက်​တို့​ကို​မ​လှည့်စား​၊ သင့်​အား ငါ​မေတ္တာ​ထား​သကဲ့သို့ သင်​သည်​လည်း ငါ့​အား​လည်းကောင်း​၊ သင်​တည်းခိုနေထိုင်​သော​ပြည်​အား​လည်းကောင်း မေတ္တာထား​မည်​ဟု ယခု ဤ​နေရာ​တွင် ဘုရားသခင်​ကို​တိုင်တည်​၍ ကျိန်ဆို​ပါ​လော့​”​ဟု မိန့်ဆို​၏​။

ကမ္ဘာ​ဦး 24:3

ကောင်းကင်​နှင့်​မြေကြီး​၏​ဘုရားသခင်​ထာဝရဘုရား​ကို​တိုင်တည်​၍ သင်​သည် ငါ​နေထိုင်​လျက်​ရှိ​သော​အရပ်​မှ ခါနာန်​အမျိုးသမီး​များ​ထဲတွင် ငါ့​သား​အတွက် မိန်းမ​ကို​မ​ရှာ​ဘဲ

ကမ္ဘာ​ဦး 24:9

ထိုအခါ အစေအပါး​သည် မိမိ​သခင်​အာဗြဟံ​၏​ပေါင်​အောက်​၌ လက်​ကို​ထား​ပြီး ဤ​အမှုအရာ​နှင့်​ပတ်သက်၍ ကျိန်ဆို​လေ​၏​။

ကမ္ဘာ​ဦး 40:14

သင်​ကောင်းစား​သောအခါ အကျွန်ုပ်​ကို​အောက်မေ့​၍ အကျွန်ုပ်​အား မေတ္တာ​ပြ​ပါ​လော့​။ ဤ​အိမ်​ထဲမှ ထွက်လာ​နိုင်​ရန် အကျွန်ုပ်​အတွက် ဖာရော​မင်းကြီး​ထံ​လျှောက်တင်​ပေး​ပါ​လော့​။

၂ ရာ​ချုပ် 36:13

သူ့​အား ဘုရားသခင်​ထံ​တိုင်တည်ကျိန်ဆို​စေ​ခဲ့​သော​နေဗုခဒ်နေဇာ​မင်းကြီး​ကို​လည်း ပုန်ကန်​၏​။ သူ​သည် အစ္စရေး​လူမျိုး​၏​ဘုရားသခင်​ထာဝရဘုရား​ထံ ပြန်​မ​လှည့်​၊ ခေါင်းမာ​လျက်​၊ စိတ်နှလုံး​မာကျော​လျက်​သာ နေ​၏​။

ဧ​သ​တာ 8:6

ကျွန်တော်မျိုးမ​၏​လူမျိုး​အပေါ်​ကျရောက်​မည့်​ဘေးဆိုး​ကို အဘယ်သို့ ကြည့်​နေ​နိုင်​ပါ​မည်နည်း​။ ကျွန်တော်မျိုးမ​၏​ဆွေမျိုးသားချင်း​တို့ ဖျက်ဆီး​ခံရ​မည်​ကို အဘယ်သို့ ကြည့်​နေ​နိုင်​ပါ​မည်နည်း​”​ဟု လျှောက်တင်​လေ​၏​။

ထွက်​မြောက် 12:13

သွေး​သည် သင်​တို့​နေ​သော​အိမ်​များ​၌ သင်​တို့​အတွက် အမှတ်လက္ခဏာ​ဖြစ်​လိမ့်မည်​။ ငါ​သည် ထို​သွေး​ကို​မြင်​သောအခါ သင်​တို့​ကို​ကျော်သွား​မည်​။ အီဂျစ်​ပြည်​ကို ငါ​ဒဏ်ခတ်​သောအခါ ဖျက်ဆီး​ခြင်း​ဘေးဒဏ်​သည် သင်​တို့​အပေါ်​သို့ သက်ရောက်​မည်​မ​ဟုတ်​။

ယေ​ရ​မိ 12:16

ထာဝရဘုရား​က “ဗာလ​ဘုရား​ကို တိုင်တည်ကျိန်ဆို​ရန် ငါ့​လူမျိုး​ကို သူ​တို့​သင်ကြား​ပေး​သကဲ့သို့ ‘ထာဝရဘုရား​အသက်ရှင်​တော်မူ​သည်’​ဟု ငါ့​နာမ​ကို​တိုင်တည်ကျိန်ဆို​၍ ငါ့​လူမျိုး​၏​နည်းလမ်း​ကို သူ​တို့​ကြိုးစား​သင်ယူ​မည်​ဆို​လျှင် သူ​တို့​ကို ငါ့​လူမျိုး​ထဲ​တွင် တည်နေခွင့်ပြု​မည်​။

ရှင်မာကု 14:44

ကိုယ်တော်​ကို​အပ်နှံ​သော​သူ​က “ငါ​နမ်း​သော​သူ​သည် ယေရှု​ဖြစ်​၏။ သူ့​ကို​ဖမ်းဆီး​၍ လုံခြုံ​စွာ​ခေါ်ဆောင်​သွား​ကြ​လော့”​ဟု ဆို​လျက် အချက်ပြ​အမှတ်အသား​ကို သူ​တို့​အား​ပေး​ထား​၏။

ရော​မ 1:31

အသိတရား​ကင်းမဲ့​သော​သူ၊ ကတိ​မ​တည်​သော​သူ၊ ကြင်နာစိတ်​ကင်းမဲ့​သော​သူ၊ သနား​ခြင်း​စိတ်​မ​ရှိ​သော​သူ​များ​ဖြစ်​ကြ​၏။

၁ တိ 5:8

မည်သူမဆို မိမိ​ဆွေမျိုးသားချင်း၊ အထူးသဖြင့် မိမိ​အိမ်သူအိမ်သား​တို့​ကို ဂရုမစိုက်​ဘဲ​နေ​လျှင် ထို​သူ​သည် ယုံကြည်​ခြင်း​ကို​ငြင်းပယ်​ပြီ​ဖြစ်၍ မ​ယုံကြည်​သူ​ထက် ဆိုးရွား​၏။

ယာ​ကုပ် 2:13

အဘယ်ကြောင့်​ဆိုသော် ကရုဏာ​မ​ရှိ​သော​သူ​သည် ကရုဏာ​ကင်း​သော​တရား​စီရင်​ခြင်း​ကို​ခံရ​လိမ့်မည်။ ကရုဏာ​သည် တရား​စီရင်​ခြင်း​အပေါ်​အောင်ပွဲ​ခံ​တတ်​၏။

ယော​ရှု 2:13

ကျွန်မ​၏​မိဘ​၊ ညီအစ်ကို​မောင်နှမ​တို့​မှစ၍ သူ​တို့​နှင့်ဆိုင်သော​သူ​အပေါင်း​တို့​ကို အသက်ချမ်းသာ​ခွင့်​ပေး​ပါ​။ ကျွန်မ​တို့​၏​အသက်​ကို သေဘေး​ထဲမှ ကယ်နုတ်​ပါ​”​ဟု ဆို​လေ​၏​။

ယော​ရှု 2:18

ဤ​ပြည်​သို့ ငါ​တို့​ရောက်လာ​သောအခါ ဤ​ကြိုးနီ​ကို ငါ​တို့​လျှောဆင်း​လာ​ခဲ့​သော​ပြတင်းပေါက်​၌ ချည်​ထား​ရ​မည်​။ သင်​၏​မိဘ​၊ ညီအစ်ကို​မောင်နှမ​တို့​နှင့် ဆွေမျိုးသားချင်း​အားလုံး​ကို သင့်​အိမ်​၌ ခေါ်ထား​ရ​မည်​။

ယော​ရှု 2:19

သင့်​အိမ်​အပြင်ဘက် လမ်း​ပေါ်သို့​ထွက်သွား​သော​သူ မည်သူမဆို သူ့​သွေး​သည် သူ့​ခေါင်း​ပေါ်၌​တည်​စေ​။ ငါ​တို့​၌​အပြစ်​မ​ရှိ​။ သင့်​အိမ်​ထဲ၌​ရှိ​သော​သူ တစ်စုံတစ်ယောက်​ကို ငါ​တို့​လက်လွန်​မိ​လျှင် သူ့​သွေး​သည် ငါ​တို့​ခေါင်း​ပေါ်​တည်​စေ​။

ယော​ရှု 6:22

ယောရှု​သည် ထို​ပြည်​ကို​စူးစမ်း​ခဲ့​သော​လူ​နှစ်​ယောက်​အား “​ပြည့်တန်ဆာ​မိန်းမ​နှင့် သင်​တို့​ကျိန်ဆို​ထား​သည့်​အတိုင်း သူ့​အိမ်​သို့​သွား​၍ သူ​နှင့် သူ့​အိမ်​၌​ရှိ​သော​သူ​အပေါင်း​တို့​ကို ခေါ်ထုတ်​ခဲ့​လော့​”​ဟု ဆို​လေ​၏​။

ယော​ရှု 9:15

ယောရှု​လည်း သူ​တို့​နှင့် ငြိမ်းချမ်းရေး​ယူ​၏​။ သူ​တို့​ကို အသက်ချမ်းသာ​ပေး​ရန် ကတိသစ္စာ​ပြု​၏​။ လူထု​ခေါင်းဆောင်​တို့​က​လည်း သဘောတူ​ကျိန်ဆို​ကြ​၏​။

သူ​ကြီး 1:24

သူလျှို​တို့​သည် မြို့​ထဲမှ​လူ​တစ်​ယောက်​ထွက်လာ​သည်​ကို မြင်​လျှင် “​မြို့ဝင်လမ်း​ကို ပြ​ပေး​ပါ​။ သင့်​ကို အသက်ချမ်းသာ​ပေး​ပါ​မည်​”​ဟု သူ့​အား ပြော​သဖြင့်

၁ ရာ 30:15

ဒါဝိဒ်​က သူ့​အား “​ထို​ဓားပြ​တို့​ရှိ​ရာ​သို့ ငါ့​ကို​လိုက်ပို့​နိုင်​သလော​”​ဟု ဆို​လျှင် သူ​က “​အကျွန်ုပ်​ကို မ​သတ်​၊ အကျွန်ုပ်​သခင့်​လက်​သို့​လည်း ပြန်​မ​အပ်​ပါ​ဟု ဘုရားသခင်​ထံ​ကျိန်ဆို​မည်​ဆို​လျှင် ထို​ဓားပြ​တို့​ရှိ​ရာ​သို့ လိုက်ပို့​ပါ​မည်​”​ဟု ဆို​ပြီး