ယော​ရှု 1:18 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁸ သင့်​စကား​ကို ဖီဆန်​သော​သူ​၊ သင်​မိန့်မှာ​သမျှ​စကား​ကို မ​နာခံ​သော​သူ​အားလုံး သေဒဏ်​ခံရ​မည်​။ အားယူ​၍​ရဲရင့်​ခြင်း​သာ​ရှိ​လော့​”​ဟု ပြန်ပြော​ကြ​၏​။

Common Language Bible

¹⁸ ကိုယ်​တော်​၏​အာ​ဏာ​ကို​ဖီ​ဆန်​၍​အ​မိန့် ကို​မ​နာ​ခံ​သော​သူ​အား သေ​ဒဏ်​ခံ​စေ ပါ​မည်။ သို့​ဖြစ်​၍​အား​မာန်​တင်း​၍ ရဲ​ရင့် ခြင်း​ရှိ​တော်​မူ​ပါ'' ဟု ဖြေ​ကြား​ကြ​၏။

Garrad Bible

¹⁸ အ ရာ ရာ၌ မိန့် ဆို ချက် ကို မ လိုက် မ နာ၊ ဖီ ဆန် သူ မည် သူ မ ဆို သေ ဒဏ် ခံ ပါ မည်။ အား ယူ၍ ရဲ ရင့် တော် မူ ပါ ဟု ယော ရှု ထံ ဝန် ခံ ကြ ကုန်၏။

Judson Bible

¹⁸ အာ​ဏာ​တော်​ကို​ဆန်၍၊ မှာ​ထား​တော်​မူ​သ​မျှ​သော​စ​ကား​ကို နား​မ​ထောင်​သော​သူ မည်​သည်​ကား၊ အ​သေ​သတ်​ခြင်း​ကို ခံ​စေ​ရ​မည်။ သို့​ဖြစ်၍ အား​ယူ​တော်​မူ​ပါ။ ရဲ​ရင့်​ခြင်း​ရှိ​တော်​မူ​ပါ​ဟု ယော​ရှု​အား​ပြန်​လျှောက်​ကြ၏။

ယော​ရှု 1:18 ပူးပေါင်းရင်းမြစ်များ

ဧ​ဇ​ရ 10:4

သို့ဖြစ်၍ ထ​ပါ​။ ဤ​အမှု​ကို ဦးဆောင်​ပါ​။ အကျွန်ုပ်​တို့​သည် သင်​နှင့်အတူ ပါရှိ​မည်​ဖြစ်​၍ ရဲရင့်​စွာ​လုပ်ဆောင်​ပါ​”​ဟု ဆို​ကြ​သဖြင့်

လုကာ 19:27

ထိုမှတစ်ပါး ငါ​အုပ်ချုပ်​ရန်​အလို​မ​ရှိ​ကြ​သော ငါ​၏​ရန်သူ​များ​ကို ဤ​နေရာ​သို့​ခေါ်ဆောင်​ခဲ့​၍ ငါ​၏​ရှေ့မှောက်​တွင် သူ​တို့​ကို​ကွပ်မျက်​ကြ​လော့’​ဟု ဆို​လေ​၏”​ဟူ၍ မိန့်​တော်မူ​၏။

၁ ကော 16:13

သတိ​ဝီရိယ​ရှိ​ကြ​လော့။ ယုံကြည်​ခြင်း​၌ ခိုင်မြဲ​စွာ​ရပ်တည်​ကြ​လော့။ ရဲစွမ်းသတ္တိ​ရှိ​ကြ​လော့။ ကြံ့ခိုင်​သန်စွမ်း​ကြ​လော့။

ဧ​ဖက် 6:10

နောက်ဆုံး​အနေဖြင့်​ဆို​ရ​လျှင် သခင်​ဘုရား​၌​လည်းကောင်း၊ ကိုယ်တော်​၏​အစွမ်းသတ္တိ​နှင့်ဆိုင်သော တန်ခိုး​အရှိန်အဝါ​၌​လည်းကောင်း ခွန်အား​နှင့်​ပြည့်စုံ​ကြ​လော့။

တ​ရား​ဟော 17:12

တစ်စုံတစ်ယောက်​သည် သင်​၏​ဘုရားသခင်​ထာဝရဘုရား​၏​အမှု​တော်​ကို​ထမ်းဆောင်​သော​ယဇ်ပုရောဟိတ်​ကို​သော်လည်းကောင်း​၊ တရားသူကြီး​ကို​သော်လည်းကောင်း နား​မ​ထောင်​ဘဲ အတင့်ရဲ​စွာ​ပြုမူ​နေ​လျှင် ထို​သူ​သည် အသတ်​ခံရ​မည်​။ ဤသို့ဖြင့် မကောင်းမှု​ကို အစ္စရေး​လူမျိုး​ထဲမှ ဖယ်ရှား​ပစ်​ရ​မည်​။

ဟေ​ဗြဲ 12:25

သင်​တို့​သည် မိန့်​တော်မူ​သော​အရှင်​ကို မ​ငြင်းပယ်​မိ​စေရန် သတိပြု​ကြ​လော့။ အကြောင်းမူကား မြေကြီး​ပေါ်တွင် ဗျာဒိတ်​တော်​ပေး​သော​သူ​ကို ငြင်းပယ်​သော​သူ​တို့​သည် အပြစ်ဒဏ်​မှ​မ​လွတ်​ပါက ကောင်းကင်​ဘုံ​မှ​ဗျာဒိတ်​တော်​ပေး​သော​သူ​ကို ငါ​တို့​ငြင်းပယ်​လျှင် ပို၍​ပင် လွတ်​စရာ​အကြောင်း​မ​ရှိ။

ယော​ရှု 1:17

မောရှေ​၏​စကား​ကို အရာရာ​၌​နားထောင်​သကဲ့သို့ သင်​၏​စကား​ကို အကျွန်ုပ်​တို့ နားထောင်​ပါ​မည်​။ ဘုရားသခင်​ထာဝရဘုရား​သည် မောရှေ​နှင့်အတူ ရှိ​သကဲ့သို့ သင်​နှင့်အတူ ရှိ​ပါစေ​။

ယော​ရှု 1:9

သင့်​ကို ငါ​မိန့်မှာ​ထား​သည်​မ​ဟုတ်​လော​။ အားယူ​၍​ရဲရင့်​ခြင်း​ရှိ​လော့​။ မ​ကြောက်​နှင့်​။ စိတ်​မ​ပျက်​နှင့်​။ သင်​သွား​လေရာရာ​၌ သင်​၏​ဘုရားသခင်​ထာဝရဘုရား​သည် သင်​နှင့်အတူ​ရှိ​၏​”​ဟု မိန့်​တော်မူ​၏​။

ယော​ရှု 2:1

နုန်​၏​သား​ယောရှု​သည် သူလျှို​နှစ်ဦး​ကို ရှိတ္တိမ်​အရပ်​မှ တိတ်တဆိတ်​စေလွှတ်​၍ “​ခါနာန်​ပြည်​၊ ဂျေရိခေါ​မြို့​ကို သွား​၍​စူးစမ်း​ကြ​လော့​”​ဟု မှာလိုက်​၏​။ သူ​တို့​လည်း သွား​၍ ရာခပ်​အမည်​ရှိ​သော​ပြည့်တန်ဆာမ​၏​အိမ်​သို့​ဝင်​၍ ညအိပ်​ကြ​၏​။

၁ ရာ 11:12

ထိုအခါ လူ​တို့​က ရှမွေလ​အား “ ‘​ရှောလု​သည် ငါ​တို့​ကို အုပ်စိုး​ရ​မည်လော​’​ဟု ဆို​ခဲ့​သော​သူ​များ​ကား မည်သူ​နည်း​။ အကျွန်ုပ်​တို့​ထံ အပ်​ပါ​လော့​။ သူ​တို့​ကို သတ်ပစ်​မည်​”​ဟု ဆို​ကြ​၏​။