ယောဘဝတ္တု။ 42:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² ယောဘ​၏​ဘဝ​အစပိုင်း​ထက် နောက်ပိုင်း​ကို ထာဝရဘုရား ပို၍​ကောင်းချီးပေး​တော်မူ​သဖြင့် သူ​၌ သိုး တစ်သောင်းလေးထောင်​၊ ကုလားအုတ် ခြောက်​ထောင်​၊ နွား​အရှဉ်း တစ်ထောင်​၊ မြည်းမ တစ်ထောင် ရှိ​လေ​၏​။

Common Language Bible

¹² ထိုသို့ထာဝရဘုရားသည် ယောဘ၏ ရှေ့ဖြစ်ဟန်ကို ကောင်းကြီးပေးတော်မူသဖြင့်၊ သူသည် သိုး တသောင်းလေးထောင်၊ ကုလားအုပ်ခြောက်ထောင်၊ နွားယှဉ်တထောင်၊ မြည်းမတထောင်ကို ရတတ်၏။

Garrad Bible

¹² ထာ ဝ ရ ဘု ရား သည် လည်း၊ ယော ဘ အား နောက် ကို ရှေး ထက် ကောင်း ကြီး ပေး တော် မူ သ ဖြင့်၊ သူ၌ သိုး ဆိတ် တစ် သောင်း လေး ထောင်၊ ကု လား အုပ် ခြောက် ထောင်၊ နွား ရှဉ်း တစ် ထောင်၊ မြည်း မ တစ် ထောင် ရှိ၏။

Judson Bible

¹² ထို​သို့ ထာ​ဝ​ရ​ဘု​ရား​သည် ယော​ဘ၏​ရှေ့​ဖြစ်​ဟန်​ကို ကောင်း​ချီး​ပေး​တော်​မူ​သည်ထက်၊ နောက်ဖြစ်ဟန်ကိုသာ၍ ကောင်းချီးပေးတော်မူသ​ဖြင့်၊ သူ​သည် သိုး​တစ်​သောင်း​လေး​ထောင်၊ ကု​လား​အုတ်​ခြောက်​ထောင်၊ နွား​ရှဉ်း​တစ်​ထောင်၊ မြည်း​မ​တစ်​ထောင်​ကို ရ​တတ်၏။

ယောဘဝတ္တု။ 42:12 ပူးပေါင်းရင်းမြစ်များ

ကမ္ဘာ​ဦး 24:35

ထာဝရဘုရား​သည် အကျွန်ုပ်​၏​သခင်​ကို အလွန်​ကောင်းချီးပေး​တော်မူ​သဖြင့် သူ​သည် ချမ်းသာ​သော​သူ​ဖြစ်လာ​ပါ​သည်​။ ကိုယ်တော်​သည် သူ့​အား သိုးအုပ်​၊ နွားအုပ်​၊ ရွှေ​၊ ငွေ​၊ ကျွန်ယောက်ျား​များ​၊ ကျွန်မိန်းမ​များ​၊ ကုလားအုတ်​များ​နှင့် မြည်း​များ​ကို ပေး​တော်မူ​ပါ​သည်​။

ကမ္ဘာ​ဦး 32:14

ဆိတ်မ​အကောင်​နှစ်ရာ​၊ ဆိတ်ထီး​အကောင်​နှစ်ဆယ်​၊ သိုးမ​အကောင်​နှစ်ရာ​၊ သိုးထီး​အကောင်​နှစ်ဆယ်​၊

ယောဘဝတ္တု။ 1:10

သူ​နှင့်​သူ့​အိမ်သူအိမ်သား​များ​၊ သူ​၌​ရှိသမျှ​တို့​ကို ကိုယ်တော် ဝိုင်းရံ​ကာကွယ်​ပေး​ထား​သည်​မ​ဟုတ်​ပါ​လော​။ သူ​လုပ်ဆောင်​သမျှ​တို့​ကို ကောင်းချီးပေး​သဖြင့် သူ​ပိုင်​သော​တိရစ္ဆာန်​များ​သည်​လည်း မြေကြီး​တစ်ခွင် တိုးပွား​နေ​သည်​မ​ဟုတ်​ပါ​လော​။

ယောဘဝတ္တု။ 1:2

သူ​၌ သား​ခုနစ်​ယောက်​၊ သမီး​သုံး​ယောက်​ရှိ​၏​။

ယောဘဝတ္တု။ 1:3

သူ​သည် သိုး​ခုနစ်​ထောင်​၊ ကုလားအုတ်​သုံး​ထောင်​၊ နွား​အရှဉ်း​ငါး​ရာ​၊ မြည်း​ငါး​ရာ​နှင့် အစေခံ​အများအပြား ပိုင်ဆိုင်​ထား​၏​။ အရှေ့​ပြည်သား​အပေါင်း​တို့​တွင် သူ​သည် အချမ်းသာဆုံး​ဖြစ်​၏​။

ယောဘဝတ္တု။ 8:7

သင်​သည် အစ​တွင် သိမ်ငယ်​နေ​ရ​သော်လည်း အဆုံး​တွင် အလွန်​ကြီးပွား​လိမ့်မည်​။

ဆာ​လံ 107:38

ကိုယ်တော်​သည် သူ​တို့​ကို ကောင်းချီးပေး​တော်မူ​သဖြင့် သူ​တို့​သည် အလွန်​တိုးပွား​ကြ​၏​။ သူ​တို့​၏​တိရစ္ဆာန်​ကို​လည်း လျော့နည်း​စေ​တော်​မ​မူ​ခဲ့​ပေ​။

သုတ္တံကျမ်း။ 10:22

ထာဝရဘုရား​၏​ကောင်းချီးမင်္ဂလာ​သည် လူ​ကို​ချမ်းသာကြွယ်ဝ​စေ​၏​။ ကိုယ်တော်​သည် ထို​ချမ်းသာကြွယ်ဝမှု​၌ မည်သည့်​ခက်ခဲပင်ပန်းမှု​ကို​မျှ ထပ်ပေါင်း​တော်​မ​မူ​။

ဒေသနာကျမ်း။ 7:8

အမှုအရာ​၏​အဆုံး​သည် ၎င်း​၏​အစ​ထက် ပို၍​ကောင်း​၏​။ သည်းခံ​သော​စိတ်​သည် ထောင်လွှား​သော​စိတ်​ထက် ပို၍​ကောင်း​၏​။

ယေ​ဇ​ကျေ​လ 36:11

သင်​တို့​ပေါ်တွင် လူ​နှင့်​တိရစ္ဆာန်​တို့​ကို​လည်း တိုးပွား​စေ​သဖြင့် အမြောက်အမြား​တိုးပွား​ကြ​လိမ့်မည်​။ သင်​တို့​ကို ယခင်က​ကဲ့သို့ လူ​နေထိုင်​ရာ​ပြန်ဖြစ်​စေ​မည်​။ ယခင်က​ထက် ပို၍​ကောင်းစား​စေ​မည်​။ သို့မှ ငါ​သည် ထာဝရဘုရား​ဖြစ်ကြောင်း သင်​တို့​သိ​ကြ​လိမ့်မည်​။

တ​ရား​ဟော 8:16

သင့်​ဘိုးဘေး​တို့​မ​သိ​သော​မန္နမုန့်​ဖြင့် တောကန္တာရ​၌ သင့်​ကို​ကျွေးမွေး​တော်မူ​သော​အရှင်​၊ နောက်ဆုံး​၌ သင့်​ကို​ကောင်းစား​စေ​မည့်​အကြောင်း သင့်​ကို​နှိမ့်ချ​ခြင်း​ဖြင့် စမ်းသပ်​တော်မူ​ခဲ့​သော​အရှင်​ဖြစ်​တော်မူ​သည့် သင်​၏​ဘုရားသခင်​ထာဝရဘုရား​ကို သင်​မေ့လျော့​လိမ့်မည်​။

၁ တိ 6:17

ဤ​လောက​၌ ချမ်းသာ​သော​သူ​တို့​သည် စိတ်နေမြင့်​ခြင်း၊ မ​မြဲ​သော​စည်းစိမ်​များ​အပေါ်၌ မျှော်လင့်​အားထား​ခြင်း​မ​ရှိ​ဘဲ ပျော်ရွှင်​မှု​အတွက် အလုံးစုံ​တို့​ကို ငါ​တို့​အား ကြွယ်ဝ​စွာ​ပေး​သနား​တော်မူ​သော ဘုရားသခင်​အပေါ်၌ မျှော်လင့်​အားထား​ကြ​ရန်​လည်းကောင်း၊

ယာ​ကုပ် 5:11

သည်းခံ​သော​သူ​တို့​သည် မင်္ဂလာရှိ​၏​ဟု ငါ​တို့​ယူဆ​ကြ​၏။ ယောဘ​၏​သည်းခံ​ခြင်း​ကို သင်​တို့​ကြား​ရ​ကြ​ပြီ။ နောက်ဆုံး​တွင် ထာဝရ​ဘုရား​ပြု​တော်မူ​သော​အမှု​အားဖြင့် ကိုယ်တော်​သည် အလွန်​ကြင်နာ​တတ်​၍ ကရုဏာ​နှင့်​ပြည့်စုံ​တော်မူ​သော​အရှင်​ဖြစ်​ကြောင်း​ကို​လည်း သင်​တို့​တွေ့မြင်​ရ​ကြ​၏။