ယောဘဝတ္တု။ 34:11 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹¹ အကြောင်းမူကား ကိုယ်တော်​သည် လူ​ကို သူ​၏​လုပ်ဆောင်မှု​အတိုင်း ပြန်ပေးဆပ်​စေ​မည်​။ လူ​ကို သူ​၏​အကျင့်​အတိုင်း ပြန်​ခံရ​စေ​မည်​။

Common Language Bible

¹¹ လူပြုသော အမှု၏အကျိုးအပြစ်ကို ပေးတော်မူ မည်။ လူတိုင်း ကိုယ်ကျင့်သောအကျင့်နှင့်အထိုက် အလျောက် ခံစေတော်မူမည်။

Judson Bible

¹¹ လူ​ပြု​သော​အ​မှု၏ အ​ကျိုး​အ​ပြစ်​ကို ပေး​တော်​မူ​မည်။ လူ​တိုင်း ကိုယ်​ကျင့်​သော​အ​ကျင့်​နှင့် အ​ထိုက်​အ​လျောက် ခံ​စေ​တော်​မူ​မည်။

ယောဘဝတ္တု။ 34:11 ပူးပေါင်းရင်းမြစ်များ

ယောဘဝတ္တု။ 33:26

သူ​သည် ဘုရားသခင်​ထံ​ဆုတောင်း​မည်​။ ဘုရားသခင်​သည်​လည်း သူ့​ကို​လက်ခံ​တော်မူ​မည်​။ ဝမ်းမြောက်​စွာ​ကြွေးကြော်​လျက် မျက်နှာ​တော်​ကို ဖူးမြင်​ရ​လိမ့်မည်​။ သူ့​ကို နဂိုမူလအတိုင်း​ပြန်လည်​ဖြောင့်မတ်​စေ​တော်မူ​မည်​။

ယောဘဝတ္တု။ 34:25

သူ​တို့​ပြု​သော​အမှု​ကို သိ​တော်မူ​သည်​ဖြစ်၍ ညအချိန်​တွင် သူ​တို့​ကို ဖျက်ဆီး​လိုက်​သောအခါ သူ​တို့​ပျက်စီး​သွား​ရ​လေ​၏​။

ဆာ​လံ 62:12

အို ဘုရားရှင်​၊ မေတ္တာကရုဏာ​ကို ကိုယ်တော်​ပိုင်​တော်မူ​၏​။ အကြောင်းမူကား ကိုယ်တော်​သည် လူ​အသီးသီး​တို့​အား မိမိ​တို့​ပြု​သော​အမှု​နှင့်အညီ အကျိုးအပြစ်​ကို ဆပ်ပေး​တော်မူ​၏​။

သုတ္တံကျမ်း။ 1:31

ထို့ကြောင့် သူ​တို့​သည် မိမိ​တို့​ပြုမူကျင့်ကြံ​သော​အမှုအရာ​၏​အသီး​ကို​စား​၍ မိမိ​တို့​၏​အကျင့်အကြံ​များ​နှင့် ဝအီ​ကြ​လိမ့်မည်​။

သုတ္တံကျမ်း။ 12:14

လူ​သည် မိမိ​နှုတ်​၏​အသီးအပွင့်​အားဖြင့် ကောင်း​သော​အရာ​နှင့်​ပြည့်စုံကြွယ်ဝ​လိမ့်မည်​။ သူ့​လက်​၏​လုပ်ဆောင်မှု​သည်​လည်း သူ့​ထံသို့​ပြန်လာ​လိမ့်မည်​။

သုတ္တံကျမ်း။ 24:12

“​ထို​အမှု​ကို ငါ​တို့​မ​သိ​ခဲ့​ပါ​”​ဟု သင်​ဆို​လျှင်​လည်း စိတ်နှလုံး​တို့​ကို​ချိန်တွယ်​တော်မူ​သော​အရှင်​သည် ထို​အရာ​ကို​မ​သိ​နား​မ​လည်​ဘဲ​နေ​မည်လော​။ သင်​၏​စိတ်ဝိညာဉ်​ကို ထိန်းသိမ်းစောင့်ရှောက်​တော်မူ​သော​အရှင်​သည် မ​သိ​ဘဲ​နေ​မည်လော​။ ကိုယ်တော်​သည် လူ​တို့​အား မိမိ​လုပ်ဆောင်မှု​နှင့်အညီ မ​ဆပ်ပေး​ဘဲ​နေ​မည်လော​။

ဟေ​ရှာ​ယ 59:18

သူ​တို့​၏​လုပ်ဆောင်မှု​နှင့်အညီ ရန်ပြု​သော​သူ​တို့​အား အမျက်​တော်​ကို​လည်းကောင်း​၊ ရန်သူ​တို့​အား အကျိုးအပြစ်​ကို​လည်းကောင်း ပေးဆပ်​တော်မူ​မည်​။ ကမ်းရိုးတန်းဒေသ​တို့​အား အကျိုးအပြစ်​ကို ပေးဆပ်​တော်မူ​မည်​။

ယေ​ရ​မိ 17:10

ငါ​ထာဝရဘုရား​သည် လူ​အသီးသီး​တို့​အား မိမိ​တို့​ပြုမူကျင့်ကြံ​သည့်​အတိုင်း​၊ မိမိ​တို့​လုပ်ဆောင်မှု​အသီးအပွင့်​အတိုင်း ပေးဆပ်​ရန် လူ​တို့​၏​စိတ်နှလုံး​ကို စစ်ကြော​တတ်​၏​။ အတွင်းသဘော​ကို စစ်ဆေး​တတ်​၏​။

ယေ​ရ​မိ 32:19

ကိုယ်တော်​၏​အကြံအစည်​တော်​သည် ထူးကဲ​ပါ​၏​။ ပြု​တော်မူ​သော​အမှု​တော်​သည် ကြီးမြတ်​ပါ​၏​။ လူ​အသီးသီး​တို့​အား မိမိ​တို့​ပြုမူကျင့်ကြံ​သည့်​အတိုင်း​၊ မိမိ​တို့​လုပ်ဆောင်မှု​အသီးအပွင့်​အတိုင်း ပေးဆပ်​ရန် လူသား​တို့​လျှောက်​သော​လမ်း​အားလုံး​ကို စောင့်ကြည့်​တော်မူ​၏​။

ယေ​ဇ​ကျေ​လ 18:13

အတိုး​ဖြင့်​ချေးငှား​၍​အမြတ်​ယူ​ခြင်း စသည့် အမှု​တစ်စုံတစ်ခု​ကို​ပြု​လျှင် သူ​သည် အသက်ချမ်းသာ​ရာ​ရ​မည်​မ​ဟုတ်​။ ထိုသို့သော​စက်ဆုပ်ရွံရှာဖွယ်​ဟူသမျှ​တို့​ကို​ပြု​သောကြောင့် သူ​သည် မုချ​သေ​ရ​မည်​။ သူ​၏​သွေး​သည် သူ့​အပေါ်​ကျရောက်​မည်​။

မဿဲ 16:27

အကြောင်းမူကား လူ့သား​သည် မိမိ​၏​ကောင်းကင်တမန်​များ​နှင့်အတူ မိမိ​ခမည်းတော်​၏​ဘုန်း​အသရေ​ကို​ဆောင်​လျက် ကြွလာ​လိမ့်မည်။ ထိုအခါ လူ​အသီးသီး​တို့​အား သူ​တို့​၏​လုပ်ဆောင်မှု​နှင့်အညီ အကျိုး​အပြစ်​ကို​ပေး​တော်မူ​လိမ့်မည်။

ရော​မ 2:6

ဘုရားသခင်​သည် လူ​အသီးသီး​တို့​အား မိမိ​တို့​ပြု​သော​အမှု​နှင့်အညီ အကျိုး​အပြစ်​ကို​ပေး​တော်မူ​လိမ့်မည်။

၂ ကော 5:10

အကြောင်းမူကား ငါ​တို့​အားလုံး​သည် ကိုယ်ခန္ဓာ​၌​ရှိစဉ် ပြုကျင့်​သည့်​အတိုင်း ကောင်း​သော​အမှု​အတွက်​ဖြစ်စေ၊ ဆိုးညစ်​သော​အမှု​အတွက်​ဖြစ်စေ အကျိုး​အပြစ်​ကို အသီးသီး​ခံစားရ​ရန် ခရစ်တော်​၏​တရားပလ္လင်​ရှေ့၌ ပေါ်လာ​ကြ​ရ​မည်။

၁ ပေ 1:17

သင်​တို့​သည် လူ​တို့​အား မျက်နှာလိုက်​ခြင်း​မ​ရှိ​ဘဲ တစ်ဦးစီ​တို့​ပြု​သော​အမှု​အတိုင်း တရား​စီရင်​တော်မူ​သော​အရှင်​ကို အဖ​ဟု​ခေါ်​ကြ​လျှင် ဤ​လောက​တွင် ဧည့်သည်​အဖြစ်​နေထိုင်​စဉ်​ကာလ​တစ်လျှောက်လုံး ကြောက်ရွံ့​ရိုသေ​သော​စိတ်​ဖြင့် အသက်ရှင်​နေထိုင်​ကြ​လော့။

ဗျာ​ဒိတ် 22:12

“ကြည့်ရှု​လော့။ ငါ​သည်​အလျင်အမြန်​လာ​မည်။ ငါ​ပေး​မည့်​အကျိုး​အပြစ်​ကို​ယူဆောင်​လာ​၍ လူ​အသီးသီး​တို့​အား မိမိ​တို့​ပြု​သော​အမှု​အတိုင်း ငါ​ပေးဆပ်​မည်။

၁ ရာ 26:23

လူ​တို့ ဖြောင့်မတ်​သည့်​အတိုင်း​၊ သစ္စာရှိ​သည့်​အတိုင်း ထာဝရဘုရား ပြန်​ပေးဆပ်​တော်မူ​ပါ​၏​။ ယနေ့ ထာဝရဘုရား​သည် အရှင်မင်းကြီး​ကို အကျွန်ုပ်​လက်​သို့​အပ်​တော်မူ​သော်လည်း ထာဝရဘုရား ဘိသိက်ပေး​ခြင်း​ကို​ခံရ​သော​သူ​အား အကျွန်ုပ် ကိုယ်ထိလက်ရောက်​မ​ပြု​ပါ​။