ယောဘဝတ္တု။ 3:11 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹¹ ငါ​သည် မွေးစ​ကပင် အဘယ်ကြောင့် မ​သေ​ရ​သနည်း​။ အမိ​ဝမ်း​ထဲက​ထွက်လာ​စဉ်ကပင် အဘယ်ကြောင့် အသက်​မ​ချုပ်ငြိမ်း​ရ​သနည်း​။

Common Language Bible

¹¹ ငါသည်မွေးစက အဘယ်ကြောင့်မသေသနည်း။ အမိဝမ်းထဲမှ ထွက်စက အဘယ်ကြောင့် အသက်မချုပ် သနည်း။

Garrad Bible

¹¹ ငါ သည် ဖွား စ က အ ဘယ့် ကြောင့် မ သေ၊ အ မိ ဝမ်း မှ အ ဘယ် ကြောင့် မ ကွယ် လွန် ရ သ နည်း။

Judson Bible

¹¹ ငါ​သည်​မွေး​စ​က အ​ဘယ်​ကြောင့် မ​သေ​သ​နည်း။ အ​မိ​ဝမ်း​ထဲ​မှ​ထွက်​စ​က အ​ဘယ်​ကြောင့် အ​သက်​မ​ချုပ်​သ​နည်း။

ယောဘဝတ္တု။ 3:11 ပူးပေါင်းရင်းမြစ်များ

ယောဘဝတ္တု။ 3:10

အကြောင်းမူကား ငါ့​အမိ​ဝမ်း​ကို​မ​ပိတ်​ပေး​ပါ​။ အခက်အခဲ​ပြဿနာ​ကို​လည်း ငါ့​ထံမှ မ​လွှဲပေး​ပါ​။

ယောဘဝတ္တု။ 3:12

ဒူး​တို့​သည်​လည်း အဘယ်ကြောင့် ငါ့​ကို​ကြိုဆို​ကြ​သနည်း​။ အဘယ်ကြောင့် နို့​ကို ငါ​စို့​ရ​သနည်း​။

ဆာ​လံ 58:8

သူ​တို့​သည် သွားရင်း​လာရင်း အကျိအချွဲ​ဖြစ်သွား​သော ပက်ကျိ​ကဲ့သို့​လည်းကောင်း​၊ နေရောင်​ကို​မ​တွေ့မြင်​ရ​သည့် အသေမွေး​သော​ကလေး​ကဲ့သို့​လည်းကောင်း ဖြစ်​ကြ​ပါစေ​။

ဆာ​လံ 71:6

အကျွန်ုပ်​သည် မွေးဖွား​ချိန်​မှစ၍ ကိုယ်တော်​ကို​မှီခိုအားထား​ပါ​၏​။ အကျွန်ုပ်​၏​မိခင်​ဝမ်း​ထဲမှ အကျွန်ုပ်​ကို​ထုတ်ဆောင်​ခဲ့​သော​အရှင်​မှာ ကိုယ်တော်​သာ​ဖြစ်​ပါ​၏​။ အကျွန်ုပ်​သည် ကိုယ်တော်​ကို အစဉ်​ချီးမွမ်း​ပါ​မည်​။

ဒေသနာကျမ်း။ 4:2

ထို့ကြောင့် အသက်ရှင်​နေ​သေး​သော​လူရှင်​တို့​ထက် သေ​လွန်​ပြီး​သော​လူသေ​တို့​ကို ငါ​ထောမနာပြု​၏​။

ဒေသနာကျမ်း။ 4:3

သို့ရာတွင် လူ​ဖြစ်​မ​လာ​သေး​သော​သူ​၊ နေ​အောက်​တွင်​ပြု​သော​မကောင်းမှု​ကို မ​မြင်​သေး​သော​သူ​သည် ထို​နှစ်​ဦး​တို့​ထက်​ပို၍​ကောင်း​၏​။

ဒေသနာကျမ်း။ 6:3

လူ​သည် သား​တစ်ရာ​မွေးဖွား​၍ နှစ်ပေါင်း​များစွာ​အသက်ရှင်​ရ​လျက် သူ့​အသက်တာ​၏​နေ့ရက်​သည် များပြား​လျှင်လည်း သူ​၏​စိတ်ဝိညာဉ်​သည် ကောင်းကျိုးချမ်းသာ​ကြောင့် အလိုပြည့်စုံ​သည်​ဟူ၍​မ​ရှိ​သကဲ့သို့ သူ့​ကို သင်္ချိုင်း​တွင်​သင်္ဂြိုဟ်​ခြင်း​လည်း​မ​ရှိ​လျှင် အသေမွေး​သော​ကလေး​သည် ထို​သူ​ထက်​ပို၍​ကောင်း​သည်​ဟု ငါ​ဆို​၏​။

ဒေသနာကျမ်း။ 6:5

သူ​သည် နေ​ကို​လည်း​မ​မြင်​ရ​၊ မည်သည့်​အရာ​ကို​မျှ​လည်း​မ​သိ​ရ​။ သို့သော် ထို​ကလေး​သည် အထက်​ဖော်ပြ​ပါ​လူ​ထက် ပို၍​အေးချမ်းမှု​ရှိ​၏​။

ဟေ​ရှာ​ယ 46:3

အို ယာကုပ်​အမျိုးအနွယ်​တို့​၊ ကြွင်းကျန်​သော​အစ္စရေး​အမျိုးသား​အပေါင်း​တို့​၊ ငါ့​စကား​ကို နားထောင်​ကြ​လော့​။ ဝမ်းဗိုက်​ထဲကပင် သင့်​ကို ငါ​လွယ်​ထား​၏​။ မွေးစ​ကပင် သင့်​ကို ငါ​ချီမ​ထား​၏​။

ယေ​ရ​မိ 15:10

အို ငါ့​မွေးသမိခင်​၊ ငါ​၌​အမင်္ဂလာ​ရှိ​၏​။ ငါ​သည် မြေ​တစ်ပြင်လုံး​နှင့်​ခိုက်ရန်ဖြစ်ပွား​သော​သူ​၊ အငြင်းပွား​သော​သူ ဖြစ်​ရ​ပါ​ပြီ​တကား​။ ငါ​သည် သူ​တို့​ကို မ​ချေးငှား​ပေး​ဖူး​ပါ​။ သူ​တို့​ထံမှ မ​ချေးယူ​ဖူး​ပါ​။ သို့ရာတွင် သူ​တို့​အားလုံး​က ငါ့​ကို​ကျိန်ဆဲ​ကြ​ပါ​၏​။

ယေ​ရ​မိ 20:17

ငါ့​ကို အမိ​ဝမ်း​ထဲကပင် သတ်​ခဲ့​သင့်​၏​။ သို့ပြုလျှင် မိခင်​၏​ဝမ်း​သည် ငါ​၏​သင်္ချိုင်း​၊ ငါ့​ကို အစဉ်​ကိုယ်ဝန်ဆောင်ရာ​နေရာ ဖြစ်​လိမ့်မည်​။

ဟော​ရှေ 9:14

အို ထာဝရဘုရား​၊ သူ​တို့​အား ပေး​တော်မူ​ပါ​။ သူ​တို့​အား မည်သည့်​အရာ​ပေး​တော်မူ​မည်နည်း​။ သူ​တို့​အား ကိုယ်ဝန်ပျက်​သော​ဝမ်း​၊ နို့​မ​ထွက်​သော​သားမြတ်​ကို ပေး​တော်မူ​ပါ​။