ယောဘဝတ္တု။ 27:13 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹³ ဆိုးယုတ်​သော​သူ​တို့ ဘုရားသခင်​ထံမှ ခံရ​မည့်​ဝေစု​၊ ကြမ်းကြုတ်​သော​သူ​တို့ အနန္တတန်ခိုးရှင်​ထံမှ ခံရ​မည့်​အမွေ​ကား ဤသို့​ဖြစ်​၏​။

Common Language Bible

¹³ လူဆိုးအား ဘုရားသခင်ပေးတော်မူသောဆုလပ်၊ ညှဉ်းဆဲတတ်သောသူသည်အနန္တတန်ခိုးရှင်၏ လက်တော်မှ ခံရသော အမွေဥစ္စာဟူမူကား၊

Garrad Bible

¹³ ဘု ရား သ ခင့် ထံ တော်၌ လူ ဆိုး၏ ဝေ ပုံ၊ အ န န္တ တန် ခိုး ရှင် ထံ တော် မှ ကြမ်း ကြုတ် သူ ခံ ရ သော ပိုင် စု ဟူ မူ ကား၊

Judson Bible

¹³ လူ​ဆိုး​အား ဘု​ရား​သ​ခင်​ပေး​တော်​မူ​သော​ဆု​လာဘ်၊ ညှဉ်း​ဆဲ​တတ်​သော​သူ​သည် အ​န​န္တ​တန်​ခိုး​ရှင်၏ လက်​တော်​မှ​ခံ​ရ​သော အ​မွေ​ဥ​စ္စာ​ဟူ​မူ​ကား၊

ယောဘဝတ္တု။ 27:13 ပူးပေါင်းရင်းမြစ်များ

ယောဘဝတ္တု။ 27:12

ကြည့်​ပါ​။ သင်​တို့​အားလုံး ကိုယ်တိုင်​မြင်​လျက်​နှင့် အဘယ်ကြောင့် အဓိပ္ပာယ်မရှိ အချည်းနှီး​သော​စကား​တို့​ကို ပြောဆို​ကြ​သနည်း​။

ယောဘဝတ္တု။ 31:2

အထက်​အရပ်​ရှိ​ဘုရားသခင်​ထံမှ မည်သည့်​ဝေစု​ကို ရ​မည်နည်း​။ မြင့်ရာအရပ်​ရှိ​အနန္တတန်ခိုးရှင်​ထံမှ မည်သည့်​အမွေ​ကို ရ​မည်နည်း​။

ယောဘဝတ္တု။ 31:3

ဘေးဒုက္ခ​သည် ဒုစရိုက်ပြု​သော​သူ​တို့​အဖို့​၊ ကပ်ဘေး​သည် အပြစ်​ကျူးလွန်​သော​သူ​တို့​အဖို့ မ​ဟုတ်​လော​။

ဆာ​လံ 11:6

ကိုယ်တော်​သည် မီးခဲ​တို့​ကို ဆိုးယုတ်​သော​သူ​တို့​အပေါ် ရွာကျ​စေ​တော်မူ​လိမ့်မည်​။ မီး​၊ ကန့်​နှင့် ပူလောင်​သော​လေ​သည် သူ​တို့​ခွက်ဖလား​အတွက် ဝေစု​ဖြစ်​လိမ့်မည်​။

ဆာ​လံ 12:5

ထာဝရဘုရား​က “​အဖိနှိပ်​ခံရ​သော​သူ​တို့​ကြုံ​ရ​သည့်​ညှဉ်းဆဲ​ခြင်း​နှင့် နွမ်းပါး​သော​သူ​တို့​၏​ညည်းတွား​ခြင်း​ကြောင့် ယခုပင် ငါ​ထ​မည်​။ သူ​တို့​တမ်းတ​သော​လုံခြုံ​ရာ​အရပ်​၌ သူ​တို့​ကို​ငါ​ထား​မည်​”​ဟု မိန့်​တော်မူ​၏​။

ဒေသနာကျမ်း။ 8:13

ဆိုးယုတ်​သော​သူ​မူကား ဘုရားသခင်​၏​ရှေ့​တော်​၌ ကြောက်ရွံ့​ခြင်း​မ​ရှိ​သောကြောင့် ကောင်းကျိုးချမ်းသာ​ကို​ခံစား​ရ​လိမ့်မည်​မ​ဟုတ်​။ သူ​၏​နေ့ရက်​ကာလ​များ​သည်​လည်း အရိပ်​ကဲ့သို့​ဖြစ်၍ ရှည်​လိမ့်မည်​မ​ဟုတ်​။

ဟေ​ရှာ​ယ 3:11

ဆိုးယုတ်​သော​သူ​သည် အမင်္ဂလာ​ရှိ​၏​။ သူ​၌ ဆိုးညစ်​သော​အမှု သက်ရောက်​မည်​။ သူ​၏​လုပ်ဆောင်မှု​အတိုင်း သူ​၌​ဖြစ်​လိမ့်မည်​။

မာ​လ​ခိ 3:5

“​သင်​တို့​ကို တရားစီရင်​ရန် သင်​တို့​ထံသို့ ငါ​ကြွလာ​မည်​။ ငါ​သည် မှော်ဆရာ​များ​၊ အိမ်ထောင်ရေးဖောက်ပြန်​သော​သူ​များ​၊ မဟုတ်မမှန်​ကျိန်ဆို​သော​သူ​များ​၊ သူရင်းငှား​၏​လုပ်အားခ​ကို မပေး​သော​သူ​များ​၊ မုဆိုးမ​နှင့် ဖတဆိုး​တို့​ကို နှိပ်စက်​သော​သူ​များ​၊ တိုင်းတစ်ပါးသား​တို့​ကို လျစ်လျူရှု​၍ ငါ့​ကို​မ​ကြောက်ရွံ့​သော​သူ​များ​ကို​ဆန့်ကျင်​လျက် အလျင်အမြန်​သက်သေ​ထွက်ဆို​မည်​”​ဟု ကောင်းကင်​ဗိုလ်ခြေ​အရှင်​ထာဝရဘုရား မိန့်​တော်မူ​၏​။

၂ ပေ 2:9

သို့ဖြစ်၍ ထာဝရ​ဘုရား​သည် ဘုရား​ဝတ်​၌​မွေ့လျော်​သော​သူ​တို့​ကို စုံစမ်း​နှောင့်ယှက်​ခြင်း​ထဲမှ ကယ်နုတ်​ရ​မည်​ကို​လည်းကောင်း၊ မ​ဖြောင့်မတ်​သော​သူ​တို့​ကို တရား​စီရင်​ရာ​နေ့ရက်​၌ အပြစ်ဒဏ်​ခံ​စေရန်​ထိန်းသိမ်း​ထား​ရ​မည်​ကို​လည်းကောင်း သိ​တော်မူ​၏။