ယောဘဝတ္တု။ 15:30 - မြန်​​​မာ့​​​စံ​​​မီ​​​သမ္မာ​​​ကျမ်း​​

³⁰ သူ​သည် အမှောင်​ထဲမှ လွတ်မြောက်​နိုင်​မည်​မ​ဟုတ်​။ မီးလျှံ​သည် သူ့​အညွန့်​တို့​ကို ခြောက်သွေ့​စေ​လိမ့်မည်​။ နှုတ်​တော်​မှ​ထွက်သက်လေ​တစ်ချက်တည်း​ဖြင့် သူ​သည် ကွယ်ပျောက်​သွား​ရ​လိမ့်မည်​။

Common Language Bible

³⁰ သူသည် မှောင်မိုက်ဘေးနှင့်မလွတ်ရ။ မီးလျှံသည်သူ၏အခက်အလက်တို့ကို လောင်လိမ့်မည်။ ဘုရားသခင်၏ နှုတ်တော်အသက်အားဖြင့် သုတ်သင် ပယ်ရှင်းခြင်းကို ခံရ၏။

Garrad Bible

³⁰ မှောင် မိုက် ဘေး မှ မ လွတ် ရ ဘဲ၊ အ မျက် တော် ရှိန် ဖြင့် အ ခက် အ လက် များ ညှိုး နွမ်း လျက်၊ ခံ တွင်း တော် ရှူ မှုတ် ခြင်း အား ဖြင့် နှင့် ထုတ် ခံ ရ လိမ့် မည်။

Judson Bible

³⁰ သူ​သည် မှောင်​မိုက်​ဘေး​နှင့် မ​လွတ်​ရ။ မီး​လျှံ​သည် သူ၏​အ​ခက်​အ​လက်​တို့​ကို လောင်​လိမ့်​မည်။ ဘု​ရား​သ​ခင်၏ နှုတ်​တော်​အ​သက်​အား​ဖြင့် သုတ်​သင်​ပယ်​ရှင်း​ခြင်း​ကို ခံ​ရ၏။

ယောဘဝတ္တု။ 15:30 ပူးပေါင်းရင်းမြစ်များ

ယောဘဝတ္တု။ 15:22

အမှောင်​ထဲမှ ပြန်လှည့်​လာ​နိုင်​မည်​ဟု သူ​မ​ယုံ​နိုင်​။ ဓား​သည်​လည်း သူ့​ကို​စောင့်ကြို​နေ​၏​။

ယောဘဝတ္တု။ 15:23

သူ​က ‘​အဘယ်မှာ​နည်း​’​ဟု ဆို​လျက် စားစရာ​ကို​လှည့်လည်​ရှာဖွေ​၏​။ မှောင်မိုက်​သော​နေ့ရက်​သည်​လည်း သူ​၏​လက်တစ်ကမ်း​တွင် ရှိ​နေ​ကြောင်း​ကို သူ​သိ​၏​။

ယောဘဝတ္တု။ 15:34

ဘုရားတရားမဲ့​သော​လူအပေါင်း​တို့​သည် ဖြစ်ထွန်း​မည်​မ​ဟုတ်​။ တံစိုးစား​သော​သူ​တို့​၏​တဲ​များ​သည်​လည်း မီး​လောင်ကျွမ်း​သွား​လိမ့်မည်​။

ယောဘဝတ္တု။ 18:16

သူ့​အမြစ်​တို့​သည် ခြောက်သွေ့​သွား​လိမ့်မည်​။ သူ့​အခက်အလက်​တို့​သည်​လည်း ညှိုးနွမ်း​သွား​လိမ့်မည်​။

ယောဘဝတ္တု။ 18:18

သူ​သည် အလင်း​မှ​အမှောင်​ထဲသို့ မောင်းထုတ်​ခြင်း​ခံရ​မည်​။ ကမ္ဘာလောက​မှ နှင်ထုတ်​ခြင်း​ခံရ​မည်​။

ယောဘဝတ္တု။ 20:26

အမှောင်ထုကြီး​သည် သူ​၏​စည်းစိမ်ဘဏ္ဍာ​ကို ချောင်းမြောင်း​နေ​၏​။ မ​မွှေး​ရ​သော​မီး​သည် သူ့​ကို​ဝါးမျို​၍ သူ့​တဲ​၌​ကြွင်းကျန်​သော​သူ​တို့​ကို​လည်း လောင်ကျွမ်း​လိမ့်မည်​။

ယောဘဝတ္တု။ 22:20

သူ​တို့​က ‘​အကယ်စင်စစ် ငါ​တို့​၏​ရန်သူ ပျက်စီး​လေ​ပြီ​။ သူ​တို့​၏​စည်းစိမ်ဥစ္စာ​ကို​လည်း မီး​လောင်ကျွမ်း​လေ​ပြီ​’​ဟု ဆို​ကြ​၏​။

ယောဘဝတ္တု။ 31:12

ပျက်စီး​ခြင်း​နိုင်ငံ​တိုင်အောင် လောင်ကျွမ်း​သော​မီး​၊ ငါ​၏​ကောက်ပဲသီးနှံပင်​အားလုံး​ကို အမြစ်ပါမကျန် လောင်ကျွမ်း​သော​မီး​ဖြစ်​၏​။

ယောဘဝတ္တု။ 4:9

ဘုရားသခင်​ထံ​တော်​မှ ထွက်သက်လေ​တစ်ချက်တည်း​နှင့် ထို​သူ​တို့ ပျက်စီး​ရ​၏​။ အမျက်​တော်​အရှိန်​နှင့် ထို​သူ​တို့ ဘဝ​နိဂုံးချုပ်​ရ​၏​။

ယောဘဝတ္တု။ 5:14

နေ့​အချိန်​၌ပင် သူ​တို့​ကို အမှောင်ထု​ဖုံးလွှမ်း​၍ မွန်းတည့်အချိန်​၌ပင် ညအချိန်​ကဲ့သို့ စမ်းတဝါးဝါး​သွားလာ​ကြ​ရ​၏​။

ဟေ​ရှာ​ယ 11:4

ဆင်းရဲ​သော​သူ​တို့​ကို ဖြောင့်မတ်​စွာ​တရားစီရင်​မည်​။ နိမ့်ကျ​သော​မြေကြီးသား​တို့​အတွက် တရားမျှတ​စွာ​ဆုံးဖြတ်​မည်​။ မြေကြီး​ကို သူ​၏​နှုတ်​ကြိမ်လုံး​ဖြင့် ရိုက်နှက်​၍ ဆိုးယုတ်​သော​သူ​တို့​ကို နှုတ်ထွက်​လေ​ဖြင့် ကွပ်မျက်​မည်​။

ဟေ​ရှာ​ယ 30:33

အကယ်စင်စစ် တောဖက်​အရပ်​ကို ရှေးယခင်​ကပင် ပြင်ဆင်​ထား​လေ​ပြီ​။ ထို​အရပ်​ကို ရှင်ဘုရင်​အတွက် အဆင်သင့်​ဖြစ်စေ​ပြီ​။ ထို​အရပ်​သည် နက်​၍​ကျယ်ဝန်း​ပြီး မီးရှို့​ရန်​ထင်း​အမြောက်အမြား​ပုံထား​၏​။ ထာဝရဘုရား​၏​ထွက်သက်လေ​သည် ကန့်ရည်စီးကြောင်း​ကဲ့သို့​ထွက်လာ​၍ ထို​အရပ်​ကို မီးစွဲလောင်​စေ​မည်​။

ဟော​ရှေ 6:5

ထို့ကြောင့် သူ​တို့​ကို ပရောဖက်​များ​အားဖြင့် ချိုင်​ပစ်​ပြီ​။ ငါ့​နှုတ်ထွက်​စကား​များ​အားဖြင့် ကွပ်မျက်​ပစ်​ပြီ​။ ငါ​၏​စီရင်ချက်​တို့​သည် နေ့​အလင်း​ကဲ့သို့ ထွန်းလင်း​တောက်ပ​၏​။

မဿဲ 22:13

ထိုအခါ ဘုရင်​က ‘ထို​သူ​၏​ခြေ​နှင့်​လက်​တို့​ကို​ချည်နှောင်​၍ သူ့​ကို အပြင်​ဘက်​အမှောင်​ထဲသို့ နှင်ထုတ်​ကြ​လော့။ ထို​နေရာ​၌ ငိုကြွေး​ခြင်း​နှင့်​အံကြိတ်​ခြင်း​ရှိ​လိမ့်မည်’​ဟု အစေခံ​တို့​အား မိန့်​တော်မူ​၏။

မဿဲ 25:41

ထို့နောက် မင်းကြီး​သည် လက်ဝဲ​တော်​ဘက်​၌​ရှိ​သော​သူ​တို့​အား​လည်း ‘ကျိန်ဆဲ​ခြင်း​ခံရ​သော​သူ​တို့၊ ငါ့​ထံမှ​ထွက်ခွာ​၍ မာရ်နတ်​နှင့်​သူ​၏​စေတမန်​များ​အတွက်​ပြင်ဆင်​ထား​သော ထာဝရ​မီး​ထဲသို့ သွား​ကြ​လော့။

မဿဲ 8:12

နိုင်ငံ​တော်​၏​သား​တို့​မူကား အပြင်​ဘက်​အမှောင်​ထဲသို့ နှင်ထုတ်​ခြင်း​ခံရ​ကြ​လိမ့်မည်။ ထို​နေရာ​၌ ငိုကြွေး​ခြင်း​နှင့်​အံကြိတ်​ခြင်း​ရှိ​လိမ့်မည်”​ဟု မိန့်​တော်မူ​၏။

၂ ပေ 2:17

ထို​သူ​တို့​သည် ခန်းခြောက်​သော​စမ်းရေ​တွင်း​များ၊ မုန်တိုင်း​ဖြင့်​လွင့်ပါ​သွား​သည့်​မိုးတိမ်​များ​ဖြစ်​ကြ​၏။ သူ​တို့​အတွက် မှောင်မည်း​သော​အမှောင်​ကို ထိန်းသိမ်း​ထား​လျက်​ရှိ​၏။

ယု​ဒ 1:13

မိမိ​တို့​အရှက်​ကို အမြှုပ်​ကဲ့သို့​ပေါ်​စေ​သည့် ပြင်းထန်​သော​ပင်လယ်​လှိုင်းတံပိုး​များ၊ လှည့်လည်​သွားလာ​သော ကြယ်​များ​ဖြစ်​ကြ​၏။ သူ​တို့​အတွက် မှောင်မည်း​သော​အမှောင်​ကို ထာဝရ​ထိန်းသိမ်း​ထား​လျက်​ရှိ​၏။

ဗျာ​ဒိတ် 19:15

လူမျိုး​တကာ​တို့​ကို​ဒဏ်ခတ်​ရန် ထက်​သော​သန်လျက်​သည် သူ​၏​ခံတွင်း​ထဲမှ​ထွက်​နေ​၏။ သူ​သည် ထို​သူ​တို့​ကို သံ​လှံတံ​ဖြင့်​အုပ်ထိန်း​လိမ့်မည်။ သူ​သည် အနန္တ​တန်ခိုး​နှင့်​ပြည့်စုံ​တော်မူ​သော ဘုရားသခင်​၏​အမျက်​တော်​ဆိုင်ရာ ပြင်းစွာ​သော​ဒေါသ​စပျစ်​ဝိုင်​၏​စပျစ်သီး​နယ်ရာ​ကျင်း​ကို နင်းနယ်​လိမ့်မည်။