ယောဘဝတ္တု။ 11:7 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁷ သင်​သည် ဘုရားသခင်​၏​လျှို့ဝှက်နက်နဲ​သော​အရာ​ကို ရှာတွေ့​နိုင်​မည်လော​။ အနန္တတန်ခိုးရှင်​၏​ပကတိ​အဖြစ်​တော်​ကို တွေ့ရှိ​နိုင်​မည်လော​။

Common Language Bible

⁷ သင်သည် ဘုရားသခင်၏ ဇာတိတော်ကို စစ်၍ တွေ့နိုင်သလော။ အနန္တတန်ခိုးရှင်၏ ဇာတိကို စစ်၍ အကုန်အစင် နားလည်နိုင်သလော။

Garrad Bible

⁷ ဘု ရား သ ခင့် နက် နဲ ရာ ကို မီ နိုင် သ လော။ အ န န္တ တန် ခိုး ရှင်၏ ပြည့် စုံ ရာ ကို မီ နိုင် သ လော။

Judson Bible

⁷ သင်​သည် ဘု​ရား​သ​ခင်၏​ဇာ​တိ​တော်​ကို စစ်၍​တွေ့​နိုင်​သ​လော။ အ​န​န္တ​တန်​ခိုး​ရှင်၏ ဇာ​တိ​ကို​စစ်၍ အ​ကုန်​အ​စင် နား​လည်​နိုင်​သ​လော။

ယောဘဝတ္တု။ 11:7 ပူးပေါင်းရင်းမြစ်များ

ယောဘဝတ္တု။ 22:12

ဘုရားသခင်​သည် အမြင့်ဆုံး​မိုးကောင်းကင်​တွင် စံမြန်း​တော်မူ​သည်​မ​ဟုတ်​လော​။ အမြင့်ဆုံး​သော​ကြယ်​များ​သည်​လည်း မည်မျှပင်​မြင့်​လှ​သည်​ကို ကြည့်​ပါ​လော့​။

ယောဘဝတ္တု။ 26:14

ဤ​အရာ​တို့​သည် ဘုရား​ပြု​တော်မူ​သော​အမှု​တို့​တွင် အရိပ်အမြွက်​မျှသာ ဖြစ်​၏​။ အသံ​တော်​ကို သဲ့သဲ့လေး​သာ ကြား​နေ​ရ​ခြင်း​ဖြစ်​၏​။ တန်ခိုး​တော်​ထစ်ချုန်းသံ​ကို မည်သူ​နားလည်​နိုင်​မည်နည်း​”​ဟု ဆို​လေ​၏​။

ယောဘဝတ္တု။ 27:11

ဘုရားသခင်​ပြု​သော​အမှု​ကို သင်​တို့​အား ငါ​ဖော်ပြ​မည်​။ အနန္တတန်ခိုးရှင်​၌​ရှိသမျှ​သော​အရာ​တို့​ကို မ​ထိမ်​မ​ဝှက်​ဖော်ပြ​မည်​။

ယောဘဝတ္တု။ 33:12

ဤသို့ သင်​ပြော​သော​စကား​တို့​သည် မ​မှန်ကန်​ဟု အကျွန်ုပ်​ဆို​မည်​။ အကြောင်းမူကား ဘုရားသခင်​သည် လူ​ထက် ပို၍​ကြီးမြတ်​တော်မူ​၏​။

ယောဘဝတ္တု။ 33:13

အဘယ်ကြောင့် ကိုယ်တော်​ကို ရန်တွေ့​ရ​သနည်း​။ သင်​ပြော​သမျှ​ကို ကိုယ်တော်​မ​တုံ့ပြန်​သောကြောင့်​လော​။

ယောဘဝတ္တု။ 35:5

မိုးကောင်းကင်​ကို မော့ကြည့်​၍ သိမြင်​ပါ​လော့​။ သင့်​ထက်​မြင့်​သော​မိုးတိမ်​ကို စူးစမ်းကြည့်​ပါ​လော့​။

ယောဘဝတ္တု။ 36:26

ကြည့်ရှု​လော့​။ ဘုရားသခင်​သည် ကြီးမြတ်​တော်မူ​၏​။ ကိုယ်တော်​၏​နှစ်ကာလ​တို့​ကို ငါ​တို့​မ​သိ​နိုင်​၊ စူးစမ်း​၍​လည်း မ​ရ​နိုင်​။

ယောဘဝတ္တု။ 37:23

အနန္တတန်ခိုးရှင်​ကို အကျွန်ုပ်​တို့ လိုက်​၍​မ​မီ​နိုင်​။ ကိုယ်တော်​သည် တန်ခိုးကြီး​သော​အရှင် ဖြစ်​တော်မူ​၏​။ တရားမျှတ​ခြင်း​၊ ဖြောင့်မတ်​ခြင်း​တို့​နှင့် ပြည့်စုံ​တော်မူ​၏​။ မတရား​သော​အမှု​ကို ပြု​တော်​မ​မူ​။

ယောဘဝတ္တု။ 37:5

ဘုရားသခင်​သည် အံ့ဖွယ်​သော​အသံ​တော်​ဖြင့် မိုးခြိမ်း​စေ​တော်မူ​၏​။ ကြီးမြတ်​သော​အမှု​၊ ငါ​တို့​နား​မ​လည်​နိုင်​သော​အမှု​ကို ပြု​တော်မူ​၏​။

ယောဘဝတ္တု။ 42:3

‘​အသိဉာဏ်​မ​ရှိ​ဘဲ အကြံအစည်​တော်​ကို မျက်ကွယ်​ပြု​သူ​ကား မည်သူ​နည်း’​ဟု ကိုယ်တော်​မေး​တော်မူ​ပါ​၏​။ မှန်​ပါ​၏​။ အကျွန်ုပ်​နား​မ​လည်​သော​အရာ​၊ အကျွန်ုပ်​အတွက် အံ့မခန်း​ဖြစ်​သော​အရာ​၊ အကျွန်ုပ်​မ​သိ​နိုင်​သော​အရာ​များ​ကို ပြောဆို​မိ​ပါ​ပြီ​။

ယောဘဝတ္တု။ 5:9

ကိုယ်တော်​သည် ကြီးမြတ်​သော​အမှု​၊ စစ်​၍​မ​ကုန်​နိုင်​သော​အမှု​၊ မ​ရေတွက်​နိုင်​သော​အံ့ဖွယ်​အမှု​တို့​ကို ပြု​တော်မူ​၏​။

ဆာ​လံ 139:6

ထိုသို့သော​အသိပညာ​သည် အကျွန်ုပ်​အတွက်​အံ့ဩဖွယ်​ကောင်း​လွန်း​ပါ​၏​။ မြင့်မား​လှ​သည်​ဖြစ်၍ အကျွန်ုပ်​မ​မီ​နိုင်​ပါ​။

ဆာ​လံ 145:3

ထာဝရဘုရား​သည် ကြီးမြတ်​တော်မူ​၍ အလွန်​ချီးမွမ်းဖွယ်​ဖြစ်​တော်မူ​၏​။ ကိုယ်တော်​၏​ကြီးမြတ်​တော်မူ​ခြင်း​ကို စူးစမ်း​၍​မ​ကုန်​နိုင်​။

ဆာ​လံ 77:19

ကိုယ်တော်​၏​လမ်း​သည် ပင်လယ်​ကို​ဖြတ်ကျော်​၍ ကိုယ်တော်​၏​လမ်းခရီး​သည် ကျယ်ဝန်း​သော​ရေပြင်​ကို ဖြတ်ကျော်​ပါ​၏​။ သို့သော် ကိုယ်တော်​၏​ခြေရာ​တော်​တို့​ကို မ​သိ​မ​မြင်​ရ​ပါ​။

သုတ္တံကျမ်း။ 30:4

မည်သူ​သည် ကောင်းကင်​သို့​တက်​ပြီး ပြန်ဆင်းလာ​သနည်း​။ မည်သူ​သည် လေ​ကို မိမိ​လက်ခုပ်​ထဲ ထည့်​ထား​သနည်း​။ မည်သူ​သည် ရေ​ကို မိမိ​၏​အဝတ်​ဖြင့် ထုပ်​ထား​သနည်း​။ မည်သူ​သည် ကမ္ဘာမြေ​အစွန်း​ရှိသမျှ​ကို တည်​ထား​သနည်း​။ ထို​သူ​၏​အမည်​ကား မည်သို့နည်း​။ သူ့​သား​၏​အမည်​ကား မည်သို့နည်း​။ သင်​သိ​သလော​။

ဒေသနာကျမ်း။ 3:11

ကိုယ်တော်​သည် ခပ်သိမ်း​သော​အရာ​တို့​ကို သူ့​အချိန်​နှင့်​သူ​လှပ​အောင်​ပြင်ဆင်​တော်မူ​ပြီး လူ​၏​စိတ်နှလုံး​ထဲ၌ ထာဝရ​ကာလ​ကို​လည်း ထည့်သွင်း​ထား​တော်မူ​၏​။ သို့သော် အစ​မှ​အဆုံး​အထိ​ဘုရားသခင်​ပြု​တော်မူ​သော​အမှု​ကို လူ​သည် ရှာဖွေ​၍​မ​တွေ့​နိုင်​။

ဒေသနာကျမ်း။ 7:24

ရှိ​ခဲ့​ပြီး​သော​အရာ​သည် အလှမ်းဝေး​လျက် အလွန်​နက်ရှိုင်း​၏​။ ထို​အရာ​ကို မည်သူ​တွေ့ရှိ​နိုင်​မည်နည်း​။

ဟေ​ရှာ​ယ 40:28

သင်​မ​သိ​သလော​။ သင်​မ​ကြား​ဖူး​သလော​။ ထာဝရဘုရား​သည် အစဉ်အမြဲ​တည်​တော်မူ​သော​ဘုရားသခင်​၊ မြေကြီး​စွန်း​တိုင်အောင် ဖန်ဆင်း​တော်မူ​သော​အရှင် ဖြစ်​တော်မူ​၏​။ ကိုယ်တော်​သည် အားအင်​ကုန်ခန်း​တော်​မ​မူ​။ မောပန်း​တော်​မ​မူ​။ ကိုယ်တော်​၏​ဉာဏ်​ကို စစ်​၍​မ​ကုန်​နိုင်​။

မဿဲ 11:27

ငါ​၏​ခမည်းတော်​သည် အရာ​ခပ်သိမ်း​တို့​ကို ငါ့​အား​အပ်နှင်း​တော်မူ​ပြီ။ ခမည်းတော်​မှတစ်ပါး မည်သူမျှ သား​တော်​ကို​မ​သိ။ ခမည်းတော်​ကို​လည်း သား​တော်​နှင့် သား​တော်​က​ဖွင့်ပြ​လို​သော​သူ​တို့​မှတစ်ပါး အခြား​မည်သူမျှ​မ​သိ။

ရော​မ 11:33

ဘုရားသခင်​၏​အသိပညာ​နှင့်​ဉာဏ်ပညာ​တော်​တို့​၏​ကြွယ်ဝ​မှု​သည် နက်နဲ​လှ​ပါတကား။ စီရင်​တော်မူ​ချက်​တို့​ကို စူးစမ်း​လေ့လာ​၍​မ​ကုန်​နိုင်။ လမ်း​တော်​တို့​ကို​လည်း ချင့်မျှော်​တွေးဆ​၍​မ​ရ​နိုင်။

၁ ကော 2:10

သို့သော် ဘုရားသခင်​သည် ထို​အရာ​တို့​ကို ဝိညာဉ်​တော်​အားဖြင့် ငါ​တို့​အား​ဖော်ပြ​တော်မူ​၏။ အကြောင်းမူကား ဝိညာဉ်​တော်​သည် ဘုရားသခင်​၏​နက်နဲ​သော​အရာ​များ​မှစ၍ ခပ်သိမ်း​သော​အရာ​တို့​ကို စူးစမ်း​တော်မူ​၏။

၁ ကော 2:16

အကြောင်းမူကား မည်သူ​သည် ထာဝရ​ဘုရား​၏​စိတ်​တော်​ကို​သိ​၍ သူ့​ကို​သွန်သင်​လိမ့်​မည်နည်း။ ငါ​တို့​၌​မူကား ခရစ်တော်​၏​စိတ်​ရှိ​၏။

ဧ​ဖက် 3:8

သန့်ရှင်း​သူ​အားလုံး​တို့​တွင် အငယ်ဆုံး​သော​သူ​ထက် သာ၍​ငယ်​သော​ငါ့​အား ဤ​ကျေးဇူး​တော်​ကို​ပေးအပ်​တော်မူ​ခြင်း​မှာ ချင့်မျှော်​တွေးဆ​၍​မ​ရ​နိုင်​သော ခရစ်တော်​၏​ကြွယ်ဝ​မှု​ကို လူမျိုးခြား​တို့​အား​ဟောပြော​စေရန်​နှင့်