ယောဘဝတ္တု။ 10:3 - မြန်​​​မာ့​​​စံ​​​မီ​​​သမ္မာ​​​ကျမ်း​​

³ ဆိုးယုတ်​သော​သူ​၏​အကြံဉာဏ်​ကို လက်ခံ​၍ ကိုယ်တော်​၏​လက်​တော်​ဖြင့်​ဖန်ဆင်း​တော်မူ​သော​သူ​ကို နှိပ်စက်​ပြီး စွန့်ပစ်​ထား​သော​အမှု​ကို ကိုယ်တော်​အလိုရှိ​တော်မူ​ပါ​သလော​။

Common Language Bible

³ ကိုယ်တော်သည်ညှဉ်းဆဲတော်မူသင့်သလော။ ကိုယ်တိုင်ဖန်ဆင်းသောအရာကို ရွံရှာ၍၊ လူဆိုးတို့၏ အကြံအစည်ကို ကောင်းကြီးပေးတော်မူသင့်သလော။

Garrad Bible

³ ညှဉ်း ပန်း တော် မူ ခြင်း၊ လက် တော် ဖြင့် ဖန် ဆင်း ရာ ကို ရွံ့ ရှာ ခြင်း၊ လူ ဆိုး တို့ အ ကြံ အ စည် ပါ တွင် ရောင် ခြည် တော် လွှတ် ခြင်း များ သည်၊ ကိုယ် တော်၌ အ ကျိုး ရှိ ပါ သ လော။

Judson Bible

³ ကိုယ်​တော်​သည် ညှဉ်း​ဆဲ​တော်​မူ​သင့်​သ​လော။ ကိုယ်​တိုင်​ဖန်​ဆင်း​သော​အ​ရာ​ကို ရွံ​ရှာ၍၊ လူ​ဆိုး​တို့၏ အ​ကြံ​အ​စည်​ကို ကောင်း​ချီး​ပေး​တော်​မူ သင့်​သ​လော။

ယောဘဝတ္တု။ 10:3 ပူးပေါင်းရင်းမြစ်များ

ယောဘဝတ္တု။ 10:8

ကိုယ်တော့်​လက်​ဖြင့် အကျွန်ုပ်​ကို စေ့စပ်သေချာ​စွာ​ပုံဖော်​ဖန်ဆင်း​တော်မူ​ခဲ့​ပါ​၏​။ ယခု​မူကား အကျွန်ုပ်​ကို ဖျက်ဆီး​တော်မူ​မည်လော​။

ယောဘဝတ္တု။ 14:15

ကိုယ်တော်​ခေါ်​တော်မူ​လျှင် အကျွန်ုပ်​ထူး​ပါ​မည်​။ ကိုယ်တော်​သည် ဖန်ဆင်း​တော်မူ​သော​သူ​ကို အောက်မေ့​တော်မူ​မည်​ဖြစ်​ပါ​၏​။

ယောဘဝတ္တု။ 15:13

သင်​သည် ဘုရားသခင်​ကို စိတ်ဆိုး​၍ ဤကဲ့သို့သော​စကား​မျိုး နှုတ်​မှ​ထွက်လာ​ရ​သလော​။

ယောဘဝတ္တု။ 16:11

ဘုရားသခင်​သည် ငါ့​ကို လူမိုက်​တို့​လက်​သို့ အပ်​တော်မူ​ပြီ​။ လူဆိုး​တို့​လက်​သို့ ထိုးအပ်​လိုက်​လေ​ပြီ​။

ယောဘဝတ္တု။ 19:6

သင်​တို့​သိထား​ရ​မည်​မှာ ဘုရားသခင်​သည် ငါ့​အမှု​ကို ကောက်​စေ​တော်မူ​၍ ငါ့​ပတ်ပတ်လည်​တွင် ထောင်ချောက်​များ​ဖြင့် ဝိုင်းရံ​စေ​တော်မူ​၏​။

ယောဘဝတ္တု။ 21:16

အကယ်စင်စစ် သူ​တို့​၏​စည်းစိမ်​သည် သူ​တို့​လက်​၌ပင်​မ​ရှိ​။ ဆိုးယုတ်​သော​သူ​တို့​၏​အကြံအစည်​မျိုး ငါ​၌​မ​ရှိ​။

ယောဘဝတ္တု။ 22:18

သို့သော် ကိုယ်တော်​သည် သူ​တို့​အိမ်​ကို ကောင်း​သော​အရာ​များ​နှင့် ပြည့်​စေ​၏​။ လူဆိုး​တို့​၏​အကြံဉာဏ်​မူကား ငါ​နှင့်​ဝေး​၏​။

ယောဘဝတ္တု။ 27:2

“ငါ့​ကို မတရားစီရင်​သော​ဘုရား​၊ ငါ့​စိတ်ဝိညာဉ်​ကို ခါးသီး​စွာ​ခံစား​ရ​စေ​သော​အနန္တတန်ခိုးရှင် အသက်ရှင်​တော်မူ​သည်​နှင့်အညီ

ယောဘဝတ္တု။ 30:21

ကိုယ်တော်​သည် အကျွန်ုပ်​ကို ရက်စက်​စွာ​ပြု​တော်မူ​ပြီ​။ အားကြီး​သော​လက်​တော်​ဖြင့် ညှဉ်းဆဲ​တော်မူ​ပြီ​။

ယောဘဝတ္တု။ 31:15

ငါ့​ကို အမိ​ဝမ်း​ထဲ၌ ဖန်ဆင်း​တော်မူ​သော​အရှင်​သည် သူ​တို့​ကို​လည်း ဖန်ဆင်း​တော်မူ​သည်​မ​ဟုတ်​လော​။ ငါ​တို့​ကို အမိ​ဝမ်း​ထဲ၌ ဖန်ဆင်း​တော်မူ​သော​အရှင်​သည် တစ်ပါးတည်း​ဖြစ်​တော်မူ​သည်​မ​ဟုတ်​လော​။

ယောဘဝတ္တု။ 33:4

ဘုရားသခင်​၏​ဝိညာဉ်​တော်​သည် အကျွန်ုပ်​ကို ဖန်ဆင်း​တော်မူ​၏​။ အနန္တတန်ခိုးရှင်​၏​ဇီဝအသက်​သည် အကျွန်ုပ်​ကို အသက်ရှင်​စေ​တော်မူ​၏​။

ယောဘဝတ္တု။ 40:2

“​အပြစ်တင်​ပြောဆို​တတ်​သော​သူ​၊ သင်​သည် အနန္တတန်ခိုးရှင်​ကို ဖက်ပြိုင်​မည်လော​။ ဘုရားသခင်​နှင့် ငြင်းခုံ​လို​သော​သူ​၊ သင်​ပြန်ပြော​ပါ​လော့​”​ဟု မိန့်​တော်မူ​လျှင်

ယောဘဝတ္တု။ 40:8

သင်​သည် ငါ​၏​စီရင်ထုံးဖွဲ့ချက်​ကို ပယ်ဖျက်​မည်လော​။ သင့်ကိုယ်သင် ဖြောင့်မတ်​ကြောင်း​ပြသ​ရန် ငါ့​ကို အပြစ်တင်​မည်လော​။

ယောဘဝတ္တု။ 8:20

အကယ်စင်စစ် ဘုရားသခင်​သည် အပြစ်တင်စရာမရှိ​သော​သူ​ကို စွန့်ပယ်​မ​ထား​။ ဆိုးညစ်​သော​သူ​တို့​ကို အားပေးထောက်မ​မည်​မ​ဟုတ်​။

ယောဘဝတ္တု။ 9:22

အားလုံး​တို့​သည် အတူတူပင်​ဖြစ်​၏​။ ထို့ကြောင့် ‘ကိုယ်တော်​သည် အပြစ်တင်စရာ​မ​ရှိ​သော​သူ​ကို​လည်းကောင်း​၊ ဆိုးယုတ်​သော​သူ​ကို​လည်းကောင်း ဖျက်ဆီး​တော်မူ​မည်’​ဟု ငါ​ဆို​ခြင်း​ဖြစ်​၏​။

ယောဘဝတ္တု။ 9:24

ကမ္ဘာမြေကြီး​ကို ဆိုးယုတ်​သော​သူ​တို့​လက်​သို့​အပ်​၍ တရားသူကြီး​တို့​၏​မျက်နှာ​ကို ဖုံးအုပ်​ထား​တော်မူ​သော​အရှင်​မှာ ကိုယ်တော်​မ​ဟုတ်​လျှင် မည်သူ​ဖြစ်​မည်နည်း​။

ဆာ​လံ 100:3

ထာဝရဘုရား​သည် ဘုရားသခင်​ဖြစ်​တော်မူ​ကြောင်း​ကို သိမှတ်​ကြ​လော့​။ ကိုယ်တော်​သည် ငါ​တို့​ကို ဖန်ဆင်း​တော်မူ​၏​။ ငါ​တို့​သည်​လည်း ကိုယ်တော်​၏​ပိုင်ဆိုင်​ရာ​၊ ကိုယ်တော်​၏​လူမျိုး​တော်​၊ ကိုယ်တော်​၏​စားကျက်​မှ သိုးစု​ဖြစ်​ကြ​၏​။

ဆာ​လံ 138:8

ထာဝရဘုရား​သည် ငါ့​အမှု​ကို ပြီးပြည့်စုံ​စေ​တော်မူ​လိမ့်မည်​။ အို ထာဝရဘုရား​၊ ကိုယ်တော်​၏​မေတ္တာကရုဏာ​တော်​သည် အစဉ်အမြဲ​တည်​ပါ​၏​။ ကိုယ်တော်​၏​လက်​တော်​ဖြင့် ပြုလုပ်​သော​အရာ​များ​ကို ပစ်ထား​တော်​မ​မူ​ပါ​နှင့်​။

ဆာ​လံ 69:33

အကြောင်းမူကား ထာဝရဘုရား​သည် နွမ်းပါး​သော​သူ​တို့​ကို နားညောင်း​တော်မူ​၏​။ အချုပ်အနှောင်​ခံရ​သော​မိမိ​၏​လူ​တို့​ကို​လည်း မထီမဲ့မြင်ပြု​တော်​မ​မူ​ပေ​။

ဟေ​ရှာ​ယ 64:8

သို့ရာတွင် အို ထာဝရဘုရား​၊ ကိုယ်တော်​သည် အကျွန်ုပ်​တို့​၏​အဖ​ဖြစ်​တော်မူ​၏​။ အကျွန်ုပ်​တို့​သည် မြေစေး​ဖြစ်​၏​။ ကိုယ်တော်​သည် အိုးထိန်း​ဖြစ်​တော်မူ​၏​။ အကျွန်ုပ်​တို့​အားလုံး​သည် ကိုယ်တော်​၏​လက်​တော်​ဖြင့် ဖန်ဆင်း​ထား​သော​သူ​များ ဖြစ်​ကြ​ပါ​၏​။

၁ ပေ 4:19

ထို့ကြောင့် ဘုရားသခင်​၏​အလို​တော်​အရ ဒုက္ခ​ဝေဒနာ​ခံစား​ရ​သော​သူ​တို့​သည် ကောင်း​သော​အမှု​ကို​ပြု​ရာ​၌ မိမိ​တို့​၏​စိတ်ဝိညာဉ်​ကို သစ္စာ​နှင့်​ပြည့်စုံ​သော​ဖန်ဆင်းရှင်​ထံသို့ အပ်နှံ​ထား​ကြ​စေ။