ယောဘဝတ္တု။ 1:20 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁰ ထိုအခါ ယောဘ​သည် ထ​၍ ဝတ်လုံ​ကို​ဆုတ်​လေ​၏​။ ဆံပင်​ကို​လည်း​ရိတ်​ပြီး မြေ​ပေါ်တွင် ပျပ်ဝပ်​ကိုးကွယ်​လျက်

Common Language Bible

²⁰ ထိုအခါ ယောဘသည် ထ၍ မိမိဝတ်လုံကို ဆုတ်လေ၏။ ဆံပင်ကိုလည်း ရိတ်၍ မြေပေါ်မှာဝပ်လျက် ကိုးကွယ်ပြီးလျှင်၊ ငါသည် အဝတ်မပါဘဲ အမိဝမ်းထဲကထွက်လာ၏။

Garrad Bible

²⁰ ထို အ ခါ ယော ဘ သည် ထ ပြီး လျှင်၊ ဝတ် လုံ ဆုတ် ခြင်း၊ ဦး ဆံ ပယ် ခြင်း ကို ပြု၍၊ ပျပ် ဝတ် ရှိ ခိုး လျက်၊

Judson Bible

²⁰ ထို​အ​ခါ ယော​ဘ​သည်​ထ၍ မိ​မိ​ဝတ်​လုံ​ကို ဆုတ်​လေ၏။ ဆံ​ပင်​ကို​လည်း​ရိတ်၍ မြေ​ပေါ်​မှာ​ဝပ်​လျက် ကိုး​ကွယ်​ပြီး​လျှင်၊ ငါ​သည် အ​ဝတ်​မ​ပါ​ဘဲ အ​မိ​ဝမ်း​ထဲ​က ထွက်​လာ၏။

ယောဘဝတ္တု။ 1:20 ပူးပေါင်းရင်းမြစ်များ

ကမ္ဘာ​ဦး 37:29

ရုဗင်​သည် တွင်း​သို့​ပြန်လာ​သောအခါ တွင်း​ထဲ၌​ယောသပ်​မ​ရှိ​သဖြင့် မိမိ​၏​အဝတ်​ကို ဆုတ်ဖြဲ​ပြီးလျှင်

ကမ္ဘာ​ဦး 37:34

ယာကုပ်​သည် မိမိ​အဝတ်​ကို​ဆုတ်ဖြဲ​၍ ခါး​၌​လျှော်တေအဝတ်​ကို​စည်း​ကာ မိမိ​သား​အတွက် ရက်​ပေါင်း​များစွာ​ငိုကြွေးမြည်တမ်း​လေ​၏​။

၄ ရာ 2:12

ထို​အခြင်းအရာ​ကို ဧလိရှဲ​မြင်​လျှင် “​အကျွန်ုပ်​အဖ​၊ အကျွန်ုပ်​အဖ​၊ အစ္စရေး​စစ်ရထား​နှင့် မြင်းစီးသူရဲ​များ​ပါ​တကား​”​ဟု အော်ဟစ်​လေ​၏​။ ထို​အချိန်​မှစ၍ ဧလိယ​ကို သူ မ​မြင်​ရ​တော့​ပေ​။ သူ​သည် မိမိ​အဝတ်​ကို​ကိုင်​၍ နှစ်​ပိုင်း​ဆုတ်ဖြဲ​၏​။

၂ ရာ​ချုပ် 7:3

ဤသို့ မီး​ကျလာ​ခြင်း​၊ အိမ်​တော်​ပေါ်သို့ ထာဝရဘုရား​၏​ဘုန်းအသရေ​တော် ဆင်းသက်​လာ​ခြင်း​တို့​ကို အစ္စရေး​အမျိုးသား​အပေါင်း​တို့​မြင်​သောအခါ ဒူးထောက်​၍ ကျောက်ခင်းကြမ်းပြင်​ပေါ်တွင် ပျပ်ဝပ်​လျက် “​ကိုယ်တော်​ကောင်းမြတ်​တော်မူ​ပါ​၏​၊ မေတ္တာကရုဏာ​တော် အစဉ်​တည်​ပါ​၏​”​ဟု ထာဝရဘုရား​အား ရှိခိုးကိုးကွယ်​လျက် ကျေးဇူး​တော်​ကို​ချီးမွမ်း​ကြ​၏​။

ဧ​ဇ​ရ 9:3

ထို​အကြောင်း​ကို​ကြား​လျှင် ငါ​သည် အတွင်းအင်္ကျီ​၊ အပြင်​ဝတ်လုံ​ကို​ဆွဲဆုတ်​ပြီး ဆံပင်​၊ မုတ်ဆိတ်​တို့​ကို ဆွဲနုတ်​ကာ လက်မှိုင်ချ​လျက်​ထိုင်​နေ​မိ​၏​။

ယောဘဝတ္တု။ 1:19

တောကန္တာရ​ဘက်​မှ လေပြင်းမုန်တိုင်း​သည် လေးဘက်လေးတန်​မှ​တိုက်​လာ​သဖြင့် ထို​လုလင်​တို့​အပေါ်​သို့ အိမ်​ပြိုကျ​ပြီး သူ​တို့​သေ​ကုန်​ကြ​ပါ​ပြီ​။ အကျွန်ုပ်​တစ်ဦးတည်း​သာ လွတ်မြောက်​လာ​သဖြင့် အရှင့်​ထံ လာရောက်​ကြားလျှောက်​ပါ​သည်​”​ဟု ဆို​၏​။

ယောဘဝတ္တု။ 2:12

သူ​တို့​သည် အဝေး​မှ​လှမ်းကြည့်​၍ ယောဘ​ကို​မ​မှတ်မိ​သောအခါ အော်ဟစ်​ငိုကြွေး​ကြ​လေ​၏​။ မိမိ​တို့​ဝတ်လုံ​ကို​ဆုတ်​၍ မြေမှုန့်​ကို​လည်း မိုး​ပေါ်​ပစ်တင်​ကာ ခေါင်း​ပေါ်သို့​ကျ​စေ​ကြ​၏​။

ထွက်​မြောက် 4:31

ထာဝရဘုရား​သည် အစ္စရေး​အမျိုးသား​တို့​ကို ကြည့်ရှု​တော်မူ​ကြောင်း​၊ သူ​တို့​ခံရ​သည့်​ဖိစီးနှိပ်စက်မှု​ကို သိမြင်​တော်မူ​ကြောင်း အစ္စရေး​လူမျိုး​တို့ ကြားသိ​ရ​သောအခါ ယုံကြည်​၍ ဦးညွှတ်​လျက် ရှိခိုးကိုးကွယ်​ကြ​၏​။

ယေ​ရ​မိ 7:29

သင်​တို့​၏​ဆံပင်​ကို​ရိတ်​၍ လွှင့်ပစ်​လော့​။ တောင်ကတုံး​များ​ပေါ်၌ မြည်တမ်း​ခြင်း​ပြု​ကြ​လော့​။ အကြောင်းမူကား ထာဝရဘုရား​သည် အမျက်​တော်​ခံထိုက်​သော​မျိုးဆက်​ကို ပယ်​တော်မူ​ပြီ​၊ စွန့်ပစ်​တော်မူ​ပြီ’​ဟူ၍ ပြောကြား​ရ​မည်”​ဟု မိန့်​တော်မူ​၏​။

ယော​လ 2:13

သင်​တို့​သည် အဝတ်​ကို​မ​ဆုတ်​၊ နှလုံးသား​ကို​ဆုတ်​ပြီး သင်​တို့​၏​ဘုရားသခင်​ထာဝရဘုရား​ထံ​တော်​သို့ ပြန်လာ​ကြ​လော့​။ အကြောင်းမူကား ကိုယ်တော်​သည် ကျေးဇူးပြု​တတ်​သော​၊ သနားစုံမက်​တတ်​သော​၊ စိတ်ရှည်​သော​၊ မေတ္တာကရုဏာ​ကြွယ်ဝ​သော​၊ ဘေးအန္တရာယ်​ကို လွှဲဖယ်ပေး​တော်မူ​တတ်​သော​ဘုရား ဖြစ်​၏​။

မဿဲ 26:39

ထို့နောက် ရှေ့သို့​အနည်းငယ်​ကြွ​တော်မူ​ပြီး ပျပ်ဝပ်​လျက်“အကျွန်ုပ်​၏​အဖ၊ ဖြစ်နိုင်​လျှင် ဤ​ခွက်​ကို အကျွန်ုပ်​ထံမှ လွန်​သွား​စေ​တော်မူ​ပါ။ သို့သော် အကျွန်ုပ်​၏​အလို​အတိုင်း​မ​ဟုတ်​ဘဲ ကိုယ်တော်​၏​အလို​တော်​အတိုင်း ဖြစ်​စေ​တော်မူ​ပါ”​ဟု ဆုတောင်း​တော်မူ​၏။

တ​ရား​ဟော 9:18

ထာဝရဘုရား​အမျက်ထွက်​စေရန် မျက်မှောက်​တော်​၌ မကောင်းမှု​ကို​ပြု​ခြင်း​ဖြင့် သင်​တို့​ကျူးလွန်​သည့်​အပြစ်​ရှိသမျှ​တို့​ကြောင့် ငါ​သည် အစာ​မ​စား​၊ ရေ​လည်း​မ​သောက်​ဘဲ ယခင်​ကဲ့သို့ အရက်​လေးဆယ်​ပတ်လုံး ထာဝရဘုရား​ရှေ့မှောက်​၌​ပျပ်ဝပ်​လျက်​နေ​၏​။

ယော​ရှု 7:6

ထိုအခါ ယောရှု​သည် မိမိ​အဝတ်​ကို​ဆုတ်​၍ အစ္စရေး​သက်ကြီးဝါကြီး​တို့​နှင့်တကွ နေဝင်ချိန်​တိုင်အောင် ထာဝရဘုရား​၏​သေတ္တာ​တော်​ရှေ့​၊ မြေ​ပေါ်မှာ​ပျပ်ဝပ်​လျက်​၊ ခေါင်း​ပေါ်၌ မြေမှုန့်​ကို​တင်​လျက်​နေ​ကြ​၏​။

၁ ပေ 5:6

ထို့ကြောင့် အချိန်တန်​သောအခါ သင်​တို့​ကို ချီးမြှောက်​တော်မူ​မည့်​အကြောင်း ဘုရားသခင်​၏​တန်ခိုး​ကြီး​သော​လက်​တော်​အောက်၌ မိမိ​ကိုယ်​ကို​နှိမ့်ချ​ကြ​လော့။