မဿဲ 5:33 - မြန်​​​မာ့​​​စံ​​​မီ​​​သမ္မာ​​​ကျမ်း​​

³³ တစ်ဖန် ‘မမှန်​မကန်​တိုင်တည်​ပြောဆို​ခြင်း​မ​ပြု​ဘဲ သင်​ပြု​ထား​သော​ကတိ​သစ္စာ​များ​ကို ထာဝရ​ဘုရား​ရှေ့​တော်​၌ စောင့်ထိန်း​ရ​မည်’ ဟု ရှေး​လူ​တို့​အား​ပြော​ထား​သည်​ကို သင်​တို့​ကြား​ရ​၏။

Common Language Bible

³³ ``ထို့​အ​ပြင်`သင်​သည်​သစ္စာ​က​တိ​ကို​မ​ဖျက်​ရ။ ဘု​ရား​သ​ခင်​၏​ရှေ့​တော်​တွင်​သင်​ထား​ရှိ​သည့် သစ္စာ​က​တိ​အ​တိုင်း​ဆောင်​ရွက်​ရ​မည်' ဟူ​သော ပညတ်​ကို​သင်​တို့​ကြား​သိ​ရ​လေ​ပြီ။-

Garrad Bible

³³ ၎င်း ပြင် မု သာ မ ကျိန် ဆို ရ။ ကျိန် ဆို သည့် အ တိုင်း ထာ ဝ ရ ဘု ရား ရှေ့ အ တည် ပြု ရ မည် ဟု ရှေး သူ ဟောင်း တို့ အား ဆင့် ဆို ချက် ကို သင် တို့ ကြား ကြ ပြီ။ ငါ ဆို သည် ကား အ လျှင်း မ ကျိန်ဆို ရ။

Judson Bible

³³ တစ်​ဖန်​တုံ၊ မ​ဟုတ်​မ​မှန်​ဘဲ​လျက် ကျိန်​ဆို​ခြင်း​ကို မ​ပြု​ရ။ ကျိန်​ဆို​ခြင်း​ကို ပြု​သည်​အ​တိုင်း ထာ​ဝ​ရ​ဘု​ရား ရှေ့​တော်၌ တည်​စေ​လော့​ဟူ​သော ရှေး​ပ​ညတ်​စ​ကား​ကို သင်​တို့​ကြား​ရ​ပြီ။-

ခေတ်သစ်​မြန်မာ သမ္မာကျမ်း

³³ ထို့ပြင် ‘မဟုတ်​မမှန်ဘဲ​မကျိန်ဆိုရ။ ကတိသစ္စာပြုသည့်​အတိုင်း ထာဝရဘုရား​ရှေ့တော်​၌ ဆောင်ရွက်ရမည်’ ဟု ဘိုးဘေးတို့​အား ပြောခဲ့သည်​ကိုလည်း သင်တို့​ကြားရပြီ။

မြန်မာ

³³ တစ်​ဖန်​တုံ၊ မ​ဟုတ်​မ​မှန်​ဘဲ​လျက် ကျိန်​ဆို​ခြင်း​ကို မ​ပြု​ရ။ ကျိန်​ဆို​ခြင်း​ကို ပြု​သည်​အ​တိုင်း ထာ​ဝ​ရ​ဘု​ရား ရှေ့​တော်၌ တည်​စေ​လော့​ဟူ​သော ရှေး​ပ​ညတ်​စ​ကား​ကို သင်​တို့​ကြား​ရ​ပြီ။-

မဿဲ 5:33 ပူးပေါင်းရင်းမြစ်များ

ဆာ​လံ 50:14

ကျေးဇူးတော်​ချီးမွမ်း​ခြင်း​ယဇ်​ကို ဘုရားသခင်​အား​ပူဇော်​လော့​။ အမြင့်ဆုံး​သော​အရှင်​ထံ သင်​ပြု​ထား​သော​ကတိသစ္စာ​များ​ကို ပြည့်စုံ​စေ​လော့​။

ဆာ​လံ 76:11

သင်​တို့​၏​ဘုရားသခင် ထာဝရဘုရား​ထံ ကတိသစ္စာ​ပြု​၍ ပြည့်စုံ​စေ​ကြ​လော့​။ ကိုယ်တော်​၏​ပတ်လည်​၌​ရှိ​သော​သူ​အပေါင်း​တို့​သည် ကြောက်ရွံ့ရိုသေ​ရ​သော​အရှင်​ထံသို့ လက်ဆောင်ပဏ္ဏာ​ကို​ယူဆောင်​လာ​ကြ​ပါစေသော​။

ထွက်​မြောက် 20:7

သင်​၏​ဘုရားသခင်​ထာဝရဘုရား​၏​နာမ​တော်​ကို အချည်းနှီး​မ​မြွက်ဆို​ရ​။ အကြောင်းမူကား ထာဝရဘုရား​သည် မိမိ​၏​နာမ​တော်​ကို အချည်းနှီး​မြွက်ဆို​သော​သူ​အား အပြစ်​မ​ပေး​ဘဲ​နေ​တော်မူ​မည်​မ​ဟုတ်​။

ဝတ်​ပြု 19:12

ငါ့​နာမ​တော်​ကို​တိုင်တည်​၍ မဟုတ်မမှန်​ကျိန်ဆို​ခြင်း​မ​ပြု​ရ​။ သင့်​ဘုရားသခင်​၏​နာမ​တော်​ကို မ​ရှုတ်ချ​ရ​။ ငါ​သည် ထာဝရဘုရား​ဖြစ်​၏​။

နာ​ဟုံ 1:15

ကြည့်ရှု​လော့​။ ကောင်းမြတ်​သော​သတင်း​ကို ယူဆောင်​လာ​သူ​၊ ငြိမ်သက်​ခြင်း​သတင်း​ကြားပြော​သူ​၏​ခြေ​တို့​ကို တောင်​များ​ပေါ်တွင် တွေ့​ရ​၏​။ အို ယုဒ​၊ ပွဲတော်​များ​ကို ကျင်းပ​လော့​။ ကတိသစ္စာဝတ်​ကို ဖြေ​လော့​။ ဆိုးညစ်​သော​သူ​ကို သုတ်သင်​ပစ်​ပြီ​ဖြစ်၍ သင့်​ထံ ဝင်ရောက်ကျူးကျော်​နိုင်​တော့​မည်​မ​ဟုတ်​။

မဿဲ 5:21

‘လူ​မ​သတ်​ရ။ မည်သူမဆို လူ​သတ်​လျှင် အပြစ်​စီရင်​ခြင်း​ကို​ခံထိုက်​ပေ​၏’​ဟု ရှေး​လူ​တို့​အား​ပြော​ထား​သည်​ကို သင်​တို့​ကြား​ခဲ့​ရ​၏။

မဿဲ 5:27

‘အိမ်ထောင်ရေး​ဖောက်ပြန်​မှု​ကို မ​ကျူးလွန်​ရ’ ဟု ပြော​ထား​သည်​ကို သင်​တို့​ကြား​ရ​၏။

တ​ရား​ဟော 23:21

သင်​၏​ဘုရားသခင်​ထာဝရဘုရား​အား ကတိသစ္စာ​ပြု​လျှင် သင်​၏​ဘုရားသခင်​ထာဝရဘုရား​သည် ထို​ကတိသစ္စာ​ကို သင့်​ထံ​မှ မုချ​တောင်း​တော်မူ​မည်​ဖြစ်၍ ထို​ကတိသစ္စာ​ကို​ပြည့်စုံ​စေရန် မ​နှောင့်နှေး​နှင့်​။ နှောင့်နှေး​လျှင် သင့်​အပေါ် အပြစ်​သက်ရောက်​မည်​။

တ​ရား​ဟော 23:23

သင်​၏​ဘုရားသခင်​ထာဝရဘုရား​အား သင့်​ဆန္ဒ​ရှိ​၍ သင့်​နှုတ်​ဖြင့်​ကတိသစ္စာ​ပြု​ခဲ့​သည့်​အတိုင်း ထို​နှုတ်ထွက်​ကတိသစ္စာ​ကို ကြိုးစား​လုပ်ဆောင်​ရ​မည်​။

တ​ရား​ဟော 5:11

သင်​၏​ဘုရားသခင်​ထာဝရဘုရား​၏​နာမ​တော်​ကို အလွဲသုံးစား​မ​ပြု​ရ​။ အကြောင်းမူကား ထာဝရဘုရား​သည် မိမိ​၏​နာမ​တော်​ကို အလွဲသုံးစား​ပြု​သော​သူ​အား အပြစ်ဒဏ်​နှင့်​ကင်းလွတ်​စေ​တော်မူ​မည်​မ​ဟုတ်​။

တ​ရား​ဟော 6:13

သင်​တို့​၏​ဘုရားသခင်​ထာဝရဘုရား​ကို ကြောက်ရွံ့​ရ​မည်​။ ထို​အရှင်​ကို​သာ ဝတ်ပြု​ရ​မည်​။ ထို​အရှင်​၏​နာမ​တော်​ကို တိုင်တည်​၍​ကျိန်ဆို​ရ​မည်​။

၁ တိ 1:10

တရားနှင့်မညီ​မေထုန်ပြု​သူ​များ၊ လိင်တူ​ဆက်ဆံ​သူ​များ၊ လူ​ကုန်ကူး​သူ​များ၊ လိမ်လည်​သော​သူ​များ၊ မမှန်မကန်​သက်သေ​ထွက်ဆို​သော​သူ​များ​နှင့် မှန်ကန်​ပြည့်စုံ​သော​ဩဝါဒ​ကို​ဆန့်ကျင်​သည့် အခြား​အရာ​အားလုံး​တို့​အတွက်​ရှိ​ကြောင်း​ကို ငါ​တို့​သိ​ကြ​၏။