မြည်​တမ်း​စ​ကား 3:59 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁵⁹ အို ထာဝရဘုရား​၊ အကျွန်ုပ် မတရား​သဖြင့်​ခံရ​သည်​ကို ကိုယ်တော်​မြင်​တော်မူ​ပါ​ပြီ​။ အကျွန်ုပ်​အမှု​ကို စီရင်​တော်မူ​ပါ​။

Common Language Bible

⁵⁹ ကျွန်​တော်​မျိုး​ခံ​ရ​သည့်​မ​တ​ရား​မှု​များ​ကို ကိုယ်​တော်​ရှင်​သိ​တော်​မူ​ပါ​၏။ စီ​ရင်​ပေး​တော်​မူ​ပါ။

Garrad Bible

⁵⁹ အို ထာ ဝ ရ ဘု ရား၊ အ လွဲ စီ ရင် ခံ ရ သည် ကို သိ မြင် သည့် အ လျောက်၊ ဆုံး ဖြတ် တော် မူ ပါ။

Judson Bible

⁵⁹ အို ထာ​ဝ​ရ​ဘု​ရား၊ ကိုယ်​တော်​သည် အ​ကျွန်ုပ်​ခံ​ရ​သော​ညှဉ်း​ဆဲ​ခြင်း​ကို မြင်​တော်​မူ​ပြီ။ အ​ကျွန်ုပ်​အ​ဖို့ တ​ရား​စီ​ရင်​တော်​မူ​ပါ။

မြည်​တမ်း​စ​ကား 3:59 ပူးပေါင်းရင်းမြစ်များ

ကမ္ဘာ​ဦး 30:6

ရာခေလ​က “​ဘုရားသခင်​သည် ငါ့​ကို​တရားသဖြင့်စီရင်​ပေး​တော်မူ​ပြီ​။ ငါ​၏​တောင်းလျှောက်သံ​ကို​နားညောင်း​၍ ငါ့​အား သား​ကို​ပေးသနား​တော်မူ​ပြီ​”​ဟု ဆို​၏​။ ထို့ကြောင့် ထို​သား​၏​အမည်​ကို ဒန် ဟု​မှည့်ခေါ်​လေ​၏​။

ကမ္ဘာ​ဦး 31:42

အကျွန်ုပ်​ဖခင်​၏​ဘုရား​၊ အာဗြဟံ​၏​ဘုရား​၊ ဣဇက်​ကြောက်ရွံ့​သော​ဘုရား​သည် အကျွန်ုပ်​နှင့်အတူ​ရှိ​တော်​မ​မူ​ခဲ့​လျှင် ဦးရီး​သည် ယခု အမှန်ပင် အကျွန်ုပ်​ကို လက်ချည်းသက်သက် ပြန်လွှတ်​ခဲ့​ပေ​လိမ့်မည်​။ ဘုရားသခင်​သည် အကျွန်ုပ်​ခံရ​သော​ဖိစီးနှိပ်စက်​ခြင်း​နှင့် ပင်ပန်းခက်ခဲ​စွာ​လုပ်ဆောင်​ရ​ခြင်း​ကို​မြင်​၍ မနေ့ည​က ဦးရီး​ကို​ဆုံးမ​တော်မူ​ပြီ​”​ဟု ဆို​လေ​၏​။

ဆာ​လံ 10:14

သို့သော် ကိုယ်တော်​သည် အခက်အခဲ​ပြဿနာ​နှင့် ပူဆွေး​ခြင်း​တို့​ကို​မြင်​၍ လက်​တော်​ဖြင့်​ဖြေရှင်း​ရန် ကြည့်ရှုဆင်ခြင်​တော်မူ​၏​။ ခိုကိုးရာမဲ့သောသူ​သည် ကိုယ်တော်​ထံ၌ မိမိကိုယ်ကို​အပ်နှံ​ပါ​၏​။ ကိုယ်တော်​သည် မိဘမဲ့သူ​ကို ကူညီမစ​သော​အရှင်​ဖြစ်​တော်မူ​၏​။

ဆာ​လံ 26:1

အို ထာဝရဘုရား​၊ အကျွန်ုပ်​၌​အပြစ်​မ​ရှိ​ကြောင်း စီရင်​တော်မူ​ပါ​။ အကြောင်းမူကား အကျွန်ုပ်​သည် တည်ကြည်​စွာ​လျှောက်လှမ်း​၍ ယိမ်းယိုင်​ခြင်း​မ​ရှိ​ဘဲ ထာဝရဘုရား​ကို ယုံကြည်ကိုးစား​ပါ​၏​။

ဆာ​လံ 35:1

အို ထာဝရဘုရား​၊ အကျွန်ုပ်​ကို​ဆန့်ကျင်ဘက်​ပြု​သော​သူ​တို့​ကို ဆန့်ကျင်ဘက်​ပြု​တော်မူ​ပါ​။ အကျွန်ုပ်​ကို​တိုက်ခိုက်​သော​သူ​တို့​ကို တိုက်ခိုက်​တော်မူ​ပါ​။

ဆာ​လံ 35:23

အကျွန်ုပ်​၏​ဘုရားသခင်​၊ အကျွန်ုပ်​၏​အရှင်​၊ တရားမျှတမှု​ကို​အကျွန်ုပ်​ရရှိ​ရန်​နှင့် အကျွန်ုပ်​၏​အမှုကိစ္စ​အတွက် နိုးကြွ​၍​ထ​တော်မူ​ပါ​။

ဆာ​လံ 43:1

အို ဘုရားသခင်​၊ အကျွန်ုပ်​၌ အပြစ်​မ​ရှိ​ကြောင်း​စီရင်​တော်မူ​ပါ​။ ဘုရားတရားမဲ့​သော​လူမျိုး​ကို​ဆန့်ကျင်​လျက် အကျွန်ုပ်​၏​အမှုကိစ္စ​ကို ရင်ဆိုင်ဖြေရှင်း​ပေး​တော်မူ​ပါ​။ လိမ်လည်လှည့်ဖြား​၍ မတရားမှု​ပြု​သော​သူ​၏​လက်​မှ အကျွန်ုပ်​ကို​လွတ်မြောက်​စေ​တော်မူ​ပါ​။

ဆာ​လံ 9:4

အကြောင်းမူကား ကိုယ်တော်​သည် အကျွန်ုပ်​အတွက် တရားမျှတမှု​ကို​ဆောင်ကြဉ်း​ပေး​၍ အကျွန်ုပ်​၏​အမှုကိစ္စ​ကို ဆောင်ရွက်​ပေး​တော်မူ​ပြီ​။ ပလ္လင်​တော်​ပေါ်တွင်​ထိုင်​လျက် ဖြောင့်မတ်​စွာ​တရားစီရင်​တော်မူ​ပြီ​။

ယေ​ရ​မိ 15:10

အို ငါ့​မွေးသမိခင်​၊ ငါ​၌​အမင်္ဂလာ​ရှိ​၏​။ ငါ​သည် မြေ​တစ်ပြင်လုံး​နှင့်​ခိုက်ရန်ဖြစ်ပွား​သော​သူ​၊ အငြင်းပွား​သော​သူ ဖြစ်​ရ​ပါ​ပြီ​တကား​။ ငါ​သည် သူ​တို့​ကို မ​ချေးငှား​ပေး​ဖူး​ပါ​။ သူ​တို့​ထံမှ မ​ချေးယူ​ဖူး​ပါ​။ သို့ရာတွင် သူ​တို့​အားလုံး​က ငါ့​ကို​ကျိန်ဆဲ​ကြ​ပါ​၏​။

မြည်​တမ်း​စ​ကား 3:36

အမှုကိစ္စ​များ​ကို တရားမျှတ​စွာ​မ​စီရင်​ခြင်း စသည်​တို့​ကို ဘုရားရှင် နှစ်သက်​တော်​မ​မူ​။

မြည်​တမ်း​စ​ကား 3:60

အကျွန်ုပ်​ကို အဘယ်မျှလောက် အငြိုး​ထား​၍ အဘယ်မျှလောက် မကောင်း​ကြံစည်​နေ​သည်​ကို ကိုယ်တော်​သိ​တော်မူ​ပါ​ပြီ​။

၁ ပေ 2:23

ပုတ်ခတ်​ပြောဆို​ခြင်း​ခံရ​သောအခါ ပြန်​၍​မ​တုံ့ပြန်၊ ဒုက္ခ​ဝေဒနာ​ခံစား​ရ​သောအခါ​၌​လည်း ခြိမ်းခြောက်​ခြင်း​ကို​မ​ပြု​ဘဲ ဖြောင့်မတ်​စွာ​တရား​စီရင်​တော်မူ​သော​အရှင်​ထံသို့ မိမိ​ကိုယ်​ကို​အပ်နှံ​တော်မူ​၏။