မြည်​တမ်း​စ​ကား 3:19 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁹ အကျွန်ုပ်​ခံရ​သော​ဖိစီးနှိပ်စက်မှု​၊ ဆင်းရဲဒုက္ခ​တို့​ကို သတိရ​တော်မူ​ပါ​။ အကျွန်ုပ်​သောက်​ရ​သော ဒေါနရည်​၊ အဆိပ်ရည်​တို့​ကို​လည်း သတိရ​တော်မူ​ပါ​။

Common Language Bible

¹⁹ ငါ​ခံ​ရ​သည့်​ဝေ​ဒ​နာ​နှင့်​ငါ​အိုး​မဲ့​အိမ်​မဲ့ ဖြစ်​ရ​မှု​ကို စဉ်း​စား​ဆင်​ခြင်​ရ​သည်​မှာ ဆိုး​ရွား​သည့်​အ​ဆိပ်​ကို​မျို​ရ​သည်​နှင့် တူ​တော့​၏။

Garrad Bible

¹⁹ အ ကျွန်ုပ် ရပ် တည် မ ရ၊ ခံ ရ သော ဒု က္ခ ကို လည်း ကောင်း၊ သောက် ခဲ့ ရ သော အ ခါး ရည်၊ အ ဆိပ် ရည် ကို လည်း ကောင်း သ တိ ရ တော် မူ ပါ။

Judson Bible

¹⁹ အ​ကျွန်ုပ်​ခံ​ရ​သော ဆင်း​ရဲ​ငြို​ငြင်​ခြင်း​ကို​လည်း​ကောင်း၊ ဒေါ​န​နှင့် သည်း​ခြေ​အ​ရည်​ကို​လည်း​ကောင်း အောက်​မေ့​တော်​မူ​ပါ။

မြည်​တမ်း​စ​ကား 3:19 ပူးပေါင်းရင်းမြစ်များ

နေ​ဟ​မိ 9:32

အကျွန်ုပ်​တို့​၏​ဘုရားသခင်​၊ ကိုယ်တော်​သည် ကြီးမြတ်​သော​၊ တန်ခိုး​နှင့်​ပြည့်စုံ​သော​၊ ကြောက်ရွံ့ရိုသေ​ဖွယ်​သော​၊ ပဋိညာဉ်​နှင့် မေတ္တာကရုဏာ​တော်​ကို​စောင့်ထိန်း​တော်မူ​သော​ဘုရား ဖြစ်​တော်မူ​ပါ​၏​။ အဆီးရီးယား​ဘုရင်​တို့​လက်ထက်​မှစ၍ ယနေ့​ထိ​တိုင် အကျွန်ုပ်​တို့​၏​ရှင်ဘုရင်​များ​၊ အကြီးအကဲ​များ​၊ ယဇ်ပုရောဟိတ်​များ​၊ ပရောဖက်​များ​၊ ဘိုးဘေး​များ​နှင့် ကိုယ်တော်​၏​လူမျိုး​တော်​အပေါင်း​တို့​ကြုံတွေ့​ခဲ့​ရ​သော​အခက်အခဲ​အလုံးစုံ​တို့​ကို ဘာမျှ​မ​ဟုတ်​ဟု မှတ်​တော်​မ​မူ​ပါ​နှင့်​။

ယောဘဝတ္တု။ 7:7

ငါ့​အသက်​သည် လေ​သက်သက်သာ​ဖြစ်ကြောင်း အောက်မေ့​တော်မူ​ပါ​။ ကောင်းစား​ခြင်း​ကို ပြန်​ကြုံတွေ့​ရ​တော့​မည်​မ​ဟုတ်​ပါ​။

ဆာ​လံ 132:1

အို ထာဝရဘုရား​၊ ဒါဝိဒ်​ကို​လည်းကောင်း​၊ သူ​ခံ​ခဲ့​ရ​သော​နှိပ်စက်​ခြင်း​အပေါင်း​တို့​ကို​လည်းကောင်း​၊

ဆာ​လံ 89:47

အကျွန်ုပ်​၏​အသက်တာ​သည် မည်မျှ​တိုတောင်း​သည်​ကို​လည်းကောင်း​၊ လူသား​အပေါင်း​တို့​ကို အချည်းနှီး​သော​အရာ​အဖြစ် ဖန်ဆင်း​တော်မူ​ခဲ့​သည်​ကို​လည်းကောင်း သတိရ​တော်မူ​ပါ​။

ဆာ​လံ 89:50

အို ဘုရားရှင်​၊ ကိုယ်တော်​၏​အစေအပါး​တို့​ခံရ​သော ကဲ့ရဲ့ပြစ်တင်​ခြင်း​ကို​လည်းကောင်း​၊ အကျွန်ုပ်​သည် လူ​အပေါင်း​တို့​၏​ထိပါးစော်ကား​ခြင်း​ကို အကျွန်ုပ်​၏​ရင်ခွင်​ထဲ၌ ဆောင်​ထား​ရ​သည်​ကို​လည်းကောင်း အောက်မေ့​တော်မူ​ပါ​။

ယေ​ရ​မိ 8:14

ငါ​တို့ အဘယ်ကြောင့်​ထိုင်​နေ​ကြ​သနည်း​။ အတူတကွ​စုဝေး​လျက် ခံတပ်​မြို့​များ​ထဲသို့​ဝင်​၍ သေကျေပျက်စီး​ကြ​ကုန်​စို့​။ ထာဝရဘုရား​ကို ငါ​တို့​ပြစ်မှား​ကြ​သောကြောင့် ငါ​တို့​၏​ဘုရားသခင်​ထာဝရဘုရား​သည် ငါ​တို့​ကို သေကျေပျက်စီး​စေ​တော်မူ​ပြီ​။ အဆိပ်​ရေ​ကို​သောက်​စေ​တော်မူ​ပြီ​။

ယေ​ရ​မိ 9:15

ထို့ကြောင့် အစ္စရေး​၏​ဘုရားသခင်​၊ ကောင်းကင်​ဗိုလ်ခြေ​အရှင်​ထာဝရဘုရား​က “​ကြည့်ရှု​လော့​။ ငါ​သည် ဤ​လူမျိုး​အား ဒေါန​ကို​စား​စေ​မည်​။ အဆိပ်​ရေ​ကို​သောက်​စေ​မည်​။

မြည်​တမ်း​စ​ကား 3:15

ကိုယ်တော်​သည် ငါ့​ကို ခါး​သော​ဟင်းရွက်​ဖြင့် ဝအီ​စေ​တော်မူ​ပြီ​။ ဒေါနရည်​ဖြင့် မူး​စေ​တော်မူ​ပြီ​။

မြည်​တမ်း​စ​ကား 3:5

ငါ့​ကို ဝန်းရံ​တိုက်ခိုက်​တော်မူ​ပြီ​။ ခါးသီးမှု​၊ ခက်ခဲမှု​ဖြင့် ဝိုင်းထား​တော်မူ​ပြီ​။