မိက္ခာ 7:14 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁴ စားကျက်မြေ​ကောင်း​သည့်​တောမြိုင်​အလယ်​တွင် သီးသန့်​နေ​သော ကိုယ်တော်​၏​အမွေ​တော်​သိုးစု​ဖြစ်​သည့် ကိုယ်တော်​၏​လူမျိုး​တော်​ကို တောင်ဝှေး​တော်​ဖြင့် ထိန်းကျောင်း​တော်မူ​ပါ​။ ရှေးယခင် ဗာရှန်​ပြည်​၊ ဂိလဒ်​ပြည်​မှာ​ကဲ့သို့ သူ​တို့​ကို ကျွေးမွေး​တော်မူ​ပါ​။

Common Language Bible

¹⁴ အို ထာ​ဝ​ရ​ဘု​ရား၊ ကိုယ်​တော်​ရွေး​ကောက်​သော လူ​မျိုး​တော်​အား​သိုး​ထိန်း​သ​ဖွယ်​စောင့်​ရှောက် တော်​မူ​ပါ။ သူ​တို့​အား​ရှေး​အ​ခါ​က​မြက်​ပေါ များ​ရာ ဗာ​ရှန်​ပြည်​နှင့်​ဂိ​လဒ်​ပြည်​များ​တွင် ကျက်​စား​စေ​သ​ကဲ့​သို့​ယ​ခု​လည်း​ပြည် တော်​တွင်​နေ​ထိုင်​စေ​တော်​မူ​ပါ။

Garrad Bible

¹⁴ အ သီး အ ခြား နေ ထိုင် လျက်၊ ပိုင် တော် မူ ရာ သိုး အုပ် တည်း ဟူ သော လူ မျိုး တော် ကို၊ တောင် ဝေး တော် နှင့် ထိန်း ကျောင်း တော် မူ ပါ။ ယ မန် ကဲ့ သို့၊ က ရ မေ လ မြိုင်၊ ဗာ ရှန် နှင့် ဂိ လဒ် နယ် များ ၌၊ ကျက် စား ကြ ပါ စေ သော။

Judson Bible

¹⁴ ကိုယ်​တော်၏ လူ​တည်း​ဟူ​သော အ​ပေါင်း​အ​ဖော်​မ​ရှိ​ဘဲ၊ တော​တွင် က​ရ​မေ​လ​တောင်​ပေါ်​မှာ နေ​ရ​သော အ​မွေ​တော်​သိုး​စု​ကို သိုး​ထိန်း​နှင်​တံ​နှင့် ထိန်း​တော်​မူ​ပါ။ ရှေး​ကာ​လ၌ ရှိ​သ​ကဲ့​သို့၊ ဗာ​ရှန်​ပြည်​နှင့် ဂိ​လဒ်​ပြည်၌ ကျက်​စား​သော အ​ခွင့်​ကို ပေး​တော်​မူ​ပါ။

မိက္ခာ 7:14 ပူးပေါင်းရင်းမြစ်များ

ဆာ​လံ 100:3

ထာဝရဘုရား​သည် ဘုရားသခင်​ဖြစ်​တော်မူ​ကြောင်း​ကို သိမှတ်​ကြ​လော့​။ ကိုယ်တော်​သည် ငါ​တို့​ကို ဖန်ဆင်း​တော်မူ​၏​။ ငါ​တို့​သည်​လည်း ကိုယ်တော်​၏​ပိုင်ဆိုင်​ရာ​၊ ကိုယ်တော်​၏​လူမျိုး​တော်​၊ ကိုယ်တော်​၏​စားကျက်​မှ သိုးစု​ဖြစ်​ကြ​၏​။

ဆာ​လံ 143:5

အကျွန်ုပ်​သည် လွန်ခဲ့သော​နေ့ရက်​များ​ကို သတိရ​လျက် ကိုယ်တော်​၏​လုပ်ဆောင်​တော်မူ​ချက်​ရှိသမျှ​တို့​ကို ဆင်ခြင်အောက်မေ့​ပါ​၏​။ ကိုယ်တော်​၏​လက်​တော်​ဖြင့်​ပြုလုပ်​သော​အရာ​များ​ကို အကျွန်ုပ်​တွေးတောဆင်ခြင်​ပါ​၏​။

ဆာ​လံ 28:9

ကိုယ်တော်​၏​လူမျိုး​တော်​ကို​ကယ်တင်​၍ ကိုယ်တော်​၏​အမွေ​တော်​ကို ကောင်းချီးပေး​တော်မူ​ပါ​။ သူ​တို့​ကို​ထိန်းကျောင်း​၍ သူ​တို့​ကို​အစဉ်အမြဲ ပွေ့ချီ​ခေါ်ဆောင်​တော်မူ​ပါ​။

ဆာ​လံ 95:7

အကြောင်းမူကား ကိုယ်တော်​သည် ငါ​တို့​၏​ဘုရားသခင်​ဖြစ်​တော်မူ​၏​။ ငါ​တို့​သည်​လည်း ကိုယ်တော်​၏​စားကျက်​၌ ကျက်စား​သော​သူ​၊ ကိုယ်တော်​၏​လက်​တော်​ထဲမှ သိုးစု​ဖြစ်​ကြ​၏​။ ယနေ့ သင်​တို့​သည် ကိုယ်တော်​၏​အသံ​ကို​ကြား​လျှင်

ထွက်​မြောက် 33:16

အကျွန်ုပ်​နှင့်​ကိုယ်တော်​၏​လူမျိုး​တော်​သည် ကိုယ်တော်​၏​ရှေ့​တော်​၌ မျက်နှာရ​ကြောင်း​ကို မည်သို့​သိ​ရ​ပါ​မည်နည်း​။ အကျွန်ုပ်​တို့​နှင့်အတူ ကိုယ်တော်​ကြွ​တော်မူ​သော​အားဖြင့်​သာ မ​ဟုတ်​လော​။ ဤသို့ဖြင့် အကျွန်ုပ်​နှင့်​ကိုယ်တော်​၏​လူမျိုး​တော်​သည် ကမ္ဘာမြေ​ပေါ်​ရှိ​လူ​အပေါင်း​တို့​နှင့် ကွဲပြားခြားနား​ပါ​မည်​”​ဟု ကိုယ်တော်​အား​လျှောက်​လေ​၏​။

ရှောလမုန်သီချင်း။ 4:1

“ကြည့်​ပါ​။ ငါ့​ချစ်သူလေး​၊ သင်​သည် အဆင်းလှ​ပေ​၏​။ ကြည့်​ပါ​။ သင်​သည် အဆင်းလှ​ပေ​၏​။ မျက်နှာလွှား​အောက်​မှ သင့်​မျက်လုံး​များ​သည် ချိုးငှက်​မျက်လုံး​နှင့် တူ​ပါ​၏​။ သင့်​ဆံကေသာလေး​များ​သည်​လည်း ဂိလဒ်​တောင်​ပေါ်မှ ခုန်ပေါက်​၍​ဆင်းလာ​သော ဆိတ်အုပ်​နှင့် တူ​ပါ​၏​။

ဟေ​ရှာ​ယ 27:13

ထို​နေ့ရက်​၌ တံပိုး​ကြီး​ကို​မှုတ်​လိမ့်မည်​။ အဆီးရီးယား​ပြည်​၌​ပျောက်ဆုံး​သော​သူ​၊ အီဂျစ်​ပြည်​သို့​နှင်ထုတ်​ခြင်း​ခံရ​သော​သူ​တို့​သည် ဂျေရုဆလင်​မြို့​၊ သန့်ရှင်း​သော​တောင်​ပေါ်သို့​လာ​၍ ထာဝရဘုရား​ကို ရှိခိုးကိုးကွယ်​ကြ​လိမ့်မည်​။

ဟေ​ရှာ​ယ 35:2

ဝေဝေဆာဆာ​ဖူးပွင့်​၍ ဝမ်းမြောက်​ပျော်ရွှင်​စွာ သီချင်းဆို​လိမ့်မည်​။ လက်ဘနွန်​တောင်​၏​ဘုန်းအသရေ​၊ ကရမေလ​တောင်​နှင့် ရှာရုန်​လွင်ပြင်​တို့​၏​ခန့်ညားထည်ဝါမှု​ကို ရရှိ​လိမ့်မည်​။ ထာဝရဘုရား​၏​ဘုန်းအသရေ​၊ ငါ​တို့​ဘုရားသခင်​၏​ခန့်ညားထည်ဝါမှု​ကို မြင်​ရ​လိမ့်မည်​။

ဟေ​ရှာ​ယ 37:24

သင်​သည် သင့်​မင်းမှုထမ်း​တို့​အားဖြင့် ဘုရားရှင်​ကို​ကဲ့ရဲ့ပြစ်တင်​လျက် ငါ​၏​စစ်ရထား​များစွာ​ဖြင့် လက်ဘနွန်​တောင်​ထိပ်​အစွန်အဖျား​သို့ ငါ​တက်​ခဲ့​ပြီ​။ ထို​တောင်​ပေါ်ရှိ မြင့်မား​သော​သစ်ကတိုးပင်​၊ အကောင်းဆုံး​ထင်းရှူးပင်​တို့​ကို ငါ​ခုတ်လှဲ​ခဲ့​ပြီ​။ တောနက်ကြီး​၏​အစွန်အဖျား​သို့​လည်း ငါ​ရောက်​ခဲ့​ပြီ​။

ဟေ​ရှာ​ယ 40:11

ကိုယ်တော်​သည် သိုးထိန်း​ကဲ့သို့ သိုးစု​ကို ထိန်းကျောင်း​တော်မူ​မည်​။ သိုးသငယ်​တို့​ကို လက်ရုံး​တော်​ဖြင့်​စုစည်း​၍ ရင်ခွင်​၌​ပွေ့ပိုက်​တော်မူ​မည်​။ သားငယ်​ရှိ​သော​သိုးမ​တို့​ကို​လည်း ညင်ညင်သာသာ​ပို့ဆောင်​တော်မူ​မည်​။

ဟေ​ရှာ​ယ 49:10

သူ​တို့​သည် ဆာလောင်​မည်​မ​ဟုတ်​၊ ရေငတ်​မည်​မ​ဟုတ်​။ အပူဒဏ်​၊ နေ​ဒဏ်​ကို​လည်း မ​ခံရ​။ အကြောင်းမူကား သူ​တို့​ကို​သနား​သော​သူ​သည် သူ​တို့​ကို​ဦးဆောင်​ပေး​လိမ့်မည်​။ စမ်းရေတွင်း​သို့ လမ်းပြ​ပေး​လိမ့်မည်​။

ဟေ​ရှာ​ယ 65:10

ငါ့​ကို​ရှာဖွေ​သော ငါ​၏​လူ​တို့​အတွက် ရှာရုန်​လွင်ပြင်​သည် သိုး​စားကျက်​ဖြစ်​မည်​။ အာခေါ်​ချိုင့်ဝှမ်း​သည် နွားအုပ် လဲလျောင်း​ရာ​အရပ်​ဖြစ်​မည်​။

ယေ​ရ​မိ 49:31

ထာဝရဘုရား​က “​ထ​ကြ​။ ကိုယ့်ကိုယ်ကိုယ် ယုံကြည်စိတ်ချ​ပြီး စိုးရိမ်ကြောင့်ကြမှု​မ​ရှိ​သော​လူမျိုး​၊ မြို့​တံခါး​မ​ရှိ​၊ ကန့်လန့်ကျင်​မ​ရှိ​၊ တသီးတခြား​နေထိုင်​သော​လူမျိုး​ထံ စစ်ချီ​ကြ​”​ဟု မိန့်​တော်မူ​၏​။

မြည်​တမ်း​စ​ကား 1:7

ဂျေရုဆလင်​မြို့​သည် အနှိပ်စက်​ခံရ​ချိန်​၊ ဆင်းရဲဒုက္ခ​ရောက်​ချိန်​တွင် ယခင်က​စည်းစိမ်​ခံစား​ခဲ့​ရ​သည်​ကို ပြန်လည်​အောက်မေ့​လေ​၏​။ သူ​၏​လူ​များ ရန်သူ့​လက်​သို့​ကျရောက်​ချိန်​တွင် ကယ်​မည့်​သူ​မ​ရှိ​။ သူ​ပြိုလဲ​သွား​သည်​ကို​ကြည့်​၍ ရန်သူ​တို့ ရယ်မော​ကြ​၏​။

မြည်​တမ်း​စ​ကား 5:21

အို ထာဝရဘုရား​၊ အကျွန်ုပ်​တို့​ကို ကိုယ်တော့်​ထံသို့ ပြန်လာ​စေ​တော်မူ​ပါ​။ သို့ပြုလျှင် အကျွန်ုပ်​တို့​ပြန်လာ​ကြ​ပါ​မည်​။ ရှေးကာလ​က​ကဲ့သို့ အကျွန်ုပ်​တို့​၏​နေ့ရက်​များ​ကို အသစ်​ဖြစ်​စေ​တော်မူ​ပါ​။

ယေ​ဇ​ကျေ​လ 36:11

သင်​တို့​ပေါ်တွင် လူ​နှင့်​တိရစ္ဆာန်​တို့​ကို​လည်း တိုးပွား​စေ​သဖြင့် အမြောက်အမြား​တိုးပွား​ကြ​လိမ့်မည်​။ သင်​တို့​ကို ယခင်က​ကဲ့သို့ လူ​နေထိုင်​ရာ​ပြန်ဖြစ်​စေ​မည်​။ ယခင်က​ထက် ပို၍​ကောင်းစား​စေ​မည်​။ သို့မှ ငါ​သည် ထာဝရဘုရား​ဖြစ်ကြောင်း သင်​တို့​သိ​ကြ​လိမ့်မည်​။

ဝတ်​ပြု 27:32

နွားအုပ်​၊ သို့မဟုတ် သိုးအုပ်​၏​ဆယ်ဖို့တစ်ဖို့​တည်းဟူသော ကြိမ်လုံး​အောက်​ကို​ဖြတ်သွား​သည့် ဆယ်ကောင်မြောက်​အကောင်​အားလုံး​သည် ထာဝရဘုရား​အဖို့ သန့်ရှင်း​၏​။

အာ​မုတ် 9:11

ထို​နေ့ရက်​၌ ပြိုလဲ​ခဲ့​သည့်​ဒါဝိဒ်​၏​တဲ​ကို ပြန်လည်​ထူထောင်​မည်​။ ပေါက်ပြဲ​ရာ​များ​ကို ပြန်လည်​ဖာထေး​မည်​။ ပျက်စီး​ရာ​များ​ကို ပြန်လည်​ပြုပြင်​မည်​။ ရှေး​ကာလ​ကဲ့သို့ ပြန်လည်​တည်ဆောက်​မည်​။

သြ​ဗ​ဒိ 1:19

တောင်ပိုင်းသား​တို့​သည် ဧသော​တောင်​ကို ပိုင်ဆိုင်​ရ​လိမ့်မည်​။ မြေနိမ့်​သား​တို့​သည် ဖိလိတ္တိ​ပြည်​ကို ပိုင်ဆိုင်​ရ​လိမ့်မည်​။ ဧဖရိမ်​ပြည်​၊ ရှမာရိ​ပြည်​တို့​ကို​လည်း ပိုင်ဆိုင်​လိမ့်မည်​။ ဗင်္ယာမိန်​အမျိုး​သည် ဂိလဒ်​ပြည်​ကို ပိုင်ဆိုင်​ရ​လိမ့်မည်​။

မိက္ခာ 5:4

သူ​သည် ထာဝရဘုရား​၏​အစွမ်း​၊ သူ​၏​ဘုရားသခင် ထာဝရဘုရား​၏​နာမ​တန်ခိုး​၌ ရပ်တည်​၍ မိမိ​သိုး​တို့​ကို​ထိန်းကျောင်း​လိမ့်မည်​။ သူ​သည် ယခု​မှစ၍ မြေကြီး​ဆုံး​တိုင်အောင်​ကြီးမြတ်​မည်​ဖြစ်၍ သိုး​တို့​သည်​လည်း လုံခြုံ​စွာ​နေ​ရ​ကြ​လိမ့်မည်​။

ဇေဖနိ 3:13

ကြွင်းကျန်​သော​အစ္စရေး​လူမျိုး​တို့​သည် မတရားမှု​ကို​မ​ပြု​၊ လိမ်လည်​၍​မ​ပြော​၊ သူ​တို့​နှုတ်​၌ လှည့်စား​တတ်​သော​လျှာ​လည်း ရှိ​မည်​မ​ဟုတ်​။ သူ​တို့​သည် ခြိမ်းခြောက်​မည့်​သူ​မ​ရှိ​ဘဲ စားသောက်​လျက်​၊ လဲလျောင်း​လျက် နေ​ရ​လိမ့်မည်”​ဟု ထာဝရဘုရား​မိန့်​တော်မူ​၏​။

ဇာ​ခ​ရိ 10:10

ငါ​သည် သူ​တို့​ကို အီဂျစ်​ပြည်​မှ ပြန်ခေါ်​လာ​မည်​။ အဆီးရီးယား​ပြည်​မှ ပြန်လည်​စုသိမ်း​မည်​။ ဂိလဒ်​ပြည်​၊ လက်ဘနွန်​တောင်​သို့ ခေါ်ဆောင်​လာ​မည်​။ သူ​တို့​နေစရာ​အဖို့ နေရာလပ်​မ​ကျန်​အောင် ဖြစ်​လိမ့်မည်​။

ဇာ​ခ​ရိ 11:7

ထို့ကြောင့် အသတ်​ခံရ​တော့မည့်​သိုးအုပ်​၊ အဖိနှိပ်​ခံရ​သော​သိုးအုပ်​တို့​ကို ငါ​ထိန်းကျောင်း​၏​။ ငါ​သည် ကျေးဇူး​တော်​တောင်ဝှေး​နှင့် စည်းလုံး​ခြင်း​တောင်ဝှေး​ဟု​ခေါ်​သော တောင်ဝှေး​နှစ်​ချောင်း​ကို​ယူ​၍ သိုးအုပ်​ကို ထိန်းကျောင်း​၏​။

မာ​လ​ခိ 3:4

ယုဒ​ပြည်သူ​၊ ဂျေရုဆလင်​မြို့သား​တို့​ဆက်သ​သော​ပူဇော်သက္ကာ​ကို ထာဝရဘုရား​သည် ရှေး​ကာလ​က​ကဲ့သို့​၊ လွန်ခဲ့ပြီး​သော​နှစ်ကာလ​များ​က​ကဲ့သို့ လက်ခံ​တော်မူ​မည်​။

တော​လည် 23:9

သူ့​ကို ကျောက်ဆောင်​ထိပ်​မှ ငါ​တွေ့​ရ​၏​။ သူ့​ကို တောင်ကုန်း​ပေါ်မှ ငါ​မြင်​ရ​၏​။ ထို​လူမျိုး​သည် တသီးတခြား​နေ​၏​။ လူမျိုးခြား​တို့​နှင့်​ရောနှော​ခြင်း​မ​ရှိ​။

တော​လည် 32:1

ရုဗင်​သားမြေး​၊ ဂဒ်​သားမြေး​တို့​၌ တိရစ္ဆာန်​မြောက်မြား​စွာ​ရှိ​၏​။ ယာဇာ​ပြည်​နှင့်​ဂိလဒ်​ပြည်​ကို တိရစ္ဆာန်​တို့​အတွက် စားကျက်​ကောင်း​သော​အရပ်​ဖြစ်​သည်​ကို တွေ့မြင်​လျှင်

တော​လည် 32:4

အစ္စရေး​လူထု​တို့​၏​ရှေ့မှောက်​၌ ထာဝရဘုရား​တိုက်ခိုက်​သိမ်းပိုက်​တော်မူ​ခဲ့​သော​နယ်မြေ​တို့​သည် တိရစ္ဆာန်​အတွက် သင့်တော်​သော​မြေ​ဖြစ်​၏​။ သခင်​၏​အစေအပါး​တို့​၌​လည်း တိရစ္ဆာန်​ရှိ​ပါ​၏​။

မဿဲ 2:6

‘အို ယုဒ​ပြည်၊ ဗက်လင်​မြို့၊ သင်​သည် ယုဒ​ပြည်​ကို​အုပ်ချုပ်​သော​မြို့​တို့​တွင် အသေးသိမ်ဆုံး​မ​ဟုတ်။ အကြောင်းမူကား ငါ​၏​လူမျိုး​တော်​အစ္စရေး​ကို အုပ်ထိန်း​မည့်​ခေါင်းဆောင်​တစ်ဦး​သည် သင့်​အထဲမှ​ပေါ်ထွန်း​လိမ့်မည်’​ဟူ၍ ပရောဖက်​က ရေး​ထား​သောကြောင့်​ဖြစ်​သည်”​ဟု လျှောက်​ထား​ကြ​၏။

ရှင်ယောဟန် 17:16

အကျွန်ုပ်​သည် ဤ​လောက​နှင့်​မ​ဆိုင်​သကဲ့သို့ သူ​တို့​သည်​လည်း ဤ​လောက​နှင့်​မ​ဆိုင်​ကြ​ပါ။

တ​ရား​ဟော 33:28

အစ္စရေး​လူမျိုး​သည် ဘေးကင်းလုံခြုံ​စွာ​ဖြင့် တသီးတခြား​နေထိုင်​ရ​မည်​။ ယာကုပ်​အမျိုးအနွယ်​သည် ကောက်ပဲသီးနှံ​နှင့် စပျစ်ဝိုင်​အသစ်​ပေါများ​ရာ​အရပ်​၊ ကောင်းကင်​မှ နှင်း​တဖွဲဖွဲကျ​ရာ​အရပ်​၌ နေထိုင်​ရ​မည်​။