မိက္ခာ 2:10 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁰ ထ​ကြ​။ ထွက်သွား​ကြ​။ ဤ​ပြည်​သည် ငြိမ်းချမ်း​သော​ပြည် မ​ဟုတ်​တော့​ပြီ​။ ဤ​ပြည်​သည် ညစ်ညူး​သောကြောင့် ကြီးစွာ​သော​ပျက်စီး​ခြင်း​ဖြင့် ပျက်စီး​ရ​လိမ့်မည်​။

Common Language Bible

¹⁰ ထ​၍​ထွက်​ခွာ​ကြ​လော့။ ဤ​ပြည်​သည်​သင်​တို့ လုံ​ခြုံ​စွာ​နေ​ထိုင်​ရာ​အ​ရပ်​မ​ဟုတ်​တော့​ပြီ။ သင်​တို့​၏​ဒု​စ​ရိုက်​အ​ပြစ်​ကြောင့်​ဤ​ပြည် သည်​ပျက်​စီး​ရ​လိမ့်​မည်။

Garrad Bible

¹⁰ ထ သွား ကြ လော့။ ကု သ၍ မ ရ သော ပျက် ယွင်း နာ ကို ဖြစ် စေ သည့် ညစ် ညူး ခြင်း ကြောင့်၊ ဤ ပြည် သည် သင် တို့ နား နေ ရာ ဖြစ် တော့ မည် မ ဟုတ်။

Judson Bible

¹⁰ ထ၍ သွား​ကြ​လော့။ ဤ​ပြည်​သည် သင်​တို့​ငြိမ်​ဝပ်​ရာ​အ​ရပ် မ​ဟုတ်။ ဤ​အ​ရပ်​သည် ညစ်​ညူး​သော​ကြောင့် ကြီး​စွာ​သော ပျက်​စီး​ခြင်း​နှင့် ပျက်​စီး​ရ​လိမ့်​မည်။

မိက္ခာ 2:10 ပူးပေါင်းရင်းမြစ်များ

၃ ရာ 9:7

အစ္စရေး​လူမျိုး​တို့​ကို ငါ​ပေး​ထား​သော​ပြည်​ပေါ်​မှ ငါ​ဖယ်ရှား​ပစ်​မည်​။ ငါ့​နာမ​အဖို့ ငါ​သန့်ရှင်း​စေ​သော​အိမ်​တော်​ကို​လည်း ငါ့​ရှေ့မှောက်​မှ ဖယ်ရှား​ပစ်​မည်​။ အစ္စရေး​လူမျိုး​တို့​သည် လူမျိုး​တကာ​တို့​အလယ်​တွင် ပုံခိုင်းစရာ​၊ ပြောင်လှောင်စရာ ဖြစ်​ရ​လိမ့်မည်​။

၄ ရာ 15:29

အစ္စရေး​ဘုရင်​ပေကာ​မင်းကြီး​လက်ထက်​တွင် အဆီးရီးယား​ဘုရင်​တိဂလတ်ပိလေသာ​မင်းကြီး​သည် စစ်ချီလာ​၍ ဣယုန်​မြို့​၊ အာဗေလဗက်မာခါ​မြို့​၊ ယာနော​မြို့​၊ ကေဒေရှ​မြို့​၊ ဟာဇော်​မြို့​၊ ဂိလဒ်​ပြည်​၊ ဂါလိလဲ​ပြည်​နှင့် နဿလိ​ပြည်​တစ်ပြည်လုံး​ကို သိမ်းယူ​ပြီး ပြည်သူပြည်သား​တို့​ကို အဆီးရီးယား​ပြည်​သို့ ဖမ်းခေါ်​သွား​၏​။

၄ ရာ 17:6

ဟောရှေ​မင်းကြီး​နန်းစံ​ကိုး​နှစ်​အကြာ​တွင် အဆီးရီးယား​ဘုရင်​သည် ရှမာရိ​မြို့​ကို​သိမ်းပိုက်​ပြီး အစ္စရေး​လူမျိုး​တို့​ကို အဆီးရီးယား​ပြည်​သို့​ဖမ်းခေါ်​သွား​ကာ ဟာလာ​အရပ်​၊ ဂေါဇန်​နယ်​ရှိ​ဟာဗော်​မြစ်​နား​နှင့်​မေဒိ​မြို့ တို့​၌​နေထိုင်​စေ​၏​။

၂ ရာ​ချုပ် 7:20

သူ​တို့​ကို ငါ​ပေး​ထား​သော​ပြည်​မှ ဖယ်ထုတ်​ပစ်​မည်​။ ငါ့​နာမ​အဖို့ ငါ​သန့်ရှင်း​စေ​သော​ဤ​အိမ်​တော်​ကို​လည်း ငါ့​ရှေ့မှောက်​မှ ဖယ်ရှား​ပြီး လူမျိုး​တကာ​တို့​အလယ်​တွင် ပုံခိုင်းစရာ​၊ ပြောင်လှောင်စရာ ဖြစ်​စေ​မည်​။

ဆာ​လံ 106:38

ထိုသို့ ခါနာန်​ရုပ်တု​များ​အား မိမိ​တို့​သား​သမီး​တို့​ကို​ပူဇော်​ခြင်း​အားဖြင့် အပြစ်ကင်း​သော​သွေး​တည်းဟူသော ထို​သား​သမီး​တို့​၏​သွေး​ကို​သွန်း​၍ ထို​ပြည်​ကို သွေး​ဖြင့်​ညစ်ညူး​စေ​ကြ​၏​။

ဆာ​လံ 95:11

ထို့ကြောင့် “​သူ​တို့​သည် ငါ​၏​ငြိမ်ဝပ်​ရာ​ချမ်းသာ​ထဲသို့ ဝင်​ရ​ကြ​မည်​မ​ဟုတ်​”​ဟု အမျက်​တော်​ဖြင့် ငါ​ကျိန်ဆို​၏​။

ယေ​ရ​မိ 10:18

ထာဝရဘုရား​က “​ကြည့်ရှု​လော့​။ ထို​ကာလ​တွင် ငါ​သည် ပြည်သား​တို့​ကို လွှင့်ပစ်​မည်​။ သူ​တို့​ကို ငါ​ဒုက္ခရောက်​စေ​မည်​။ သူ​တို့​အဖမ်း​ခံရ​မည်​”​ဟု မိန့်​တော်မူ​၏​။

ယေ​ရ​မိ 3:2

တောင်ကတုံး​များ​ပေါ်သို့ မျှော်ကြည့်​လော့​။ ယောက်ျား​တို့​နှင့် သင်​မ​အိပ်​ဖူး​သော​နေရာ ရှိ​သလော​။ တောကန္တာရ​မှ အာရပ်​လူမျိုး​ကဲ့သို့ သင်​သည် လမ်း​များ​၌​ထိုင်​၍ သူ​တို့​ကို စောင့်​နေ​၏​။ သင်​သည် ဖောက်ပြန်​သော​အပြစ်​အားဖြင့်​လည်းကောင်း​၊ မကောင်းမှု​အားဖြင့်​လည်းကောင်း ပြည်​ကို​ညစ်ညူး​စေ​ပြီ​။

ယေ​ရ​မိ 9:19

‘​ငါ​တို့ ဖျက်ဆီး​ခြင်း​ခံရ​ပြီ​တကား​။ ငါ​တို့ အရှက်တကွဲ​အကျိုးနည်း​ဖြစ်​ရ​ပြီ​တကား​။ သူ​တို့​သည် ငါ​တို့​နေထိုင်ရာအရပ်​ကို ဖြိုဖျက်​ပြီ​ဖြစ်၍ ငါ​တို့​သည် ပြည်​ကို​စွန့်ခွာ​ကြ​ရ​ပြီ​’​ဟူသော ဇိအုန်​မြို့​၌ မြည်တမ်း​သော​အသံ​ကို ကြား​ရ​ပြီ​”​ဟု မိန့်​တော်မူ​၏​။

ယေ​ဇ​ကျေ​လ 36:17

“​အချင်း​လူသား​၊ အစ္စရေး​အမျိုး​တို့​သည် မိမိ​တို့​ပြည်​၌​နေထိုင်​စဉ်က သူ​တို့​၏​အပြုအမူ​အကျင့်အကြံ​များ​ဖြင့် ပြည်​ကို​ညစ်ညူး​စေ​ကြ​၏​။ သူ​တို့​၏​အပြုအမူ​အကျင့်အကြံ​တို့​သည် ဓမ္မတာလာ​သော​မိန်းမ မစင်ကြယ်​သကဲ့သို့​ဖြစ်​၏​။

ယေ​ဇ​ကျေ​လ 36:19

ငါ​သည် သူ​တို့​ကို လူမျိုးတကာ​တို့​အလယ်​၊ အရပ်ရပ်​သို့ ကွဲလွင့်​ပျံ့နှံ့​စေ​ပြီ​။ သူ​တို့​၏​အပြုအမူ​အကျင့်အကြံ​အတိုင်း သူ​တို့​ကို ငါ​စီရင်​ပြီ​။

တ​ရား​ဟော 12:9

ငြိမ်ဝပ်​ရာ​အရပ်​ဖြစ်​သော သင်​တို့​အား​ဘုရားသခင်​ထာဝရဘုရား​ပေး​တော်မူ​သော​အမွေ​တော်​ထဲသို့ ယခု​ထိ သင်​တို့​မ​ရောက်​ရ​သေး​။

တ​ရား​ဟော 30:18

ဂျော်ဒန်​မြစ်​ကို​ကူး​၍ သင်​ဝင်ရောက်​သိမ်းပိုက်​မည့်​ပြည်​၌ သင်​သည် အသက်​မ​ရှည်​၊ မုချ​ဖျက်ဆီး​ခြင်း​ခံရ​မည်​ဖြစ်ကြောင်း ယနေ့ သင့်​အား​ငါ​ပြောကြား​ပြီ​။

တ​ရား​ဟော 4:26

ယနေ့ ငါ​သည် သင်​တို့​တစ်ဖက်​၌ ကောင်းကင်​နှင့်​မြေကြီး​ကို​သက်သေ​ထား​၍ တိုင်တည်​၏​။ သင်​တို့​သည် ဂျော်ဒန်​မြစ်​ကို​ကူးသွား​၍​သိမ်းပိုက်​မည့်​ပြည်​မှ မကြာမီ​လုံးလုံး​ဖျက်ဆီး​ခြင်း​ခံရ​မည်​။ ထို​ပြည်​၌ အသက်​ရှည်ရှည်​မ​နေ​ရ​၊ လုံးလုံး​ဖျက်ဆီး​ခြင်း​ခံရ​မည်​။