ဗျာ​ဒိတ် 9:18 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁸ သူ​တို့​၏​ခံတွင်း​ထဲမှ​ထွက်​သည့် မီးလျှံ၊ မီးခိုး​နှင့် ကန့်​တည်းဟူသော ဤ​ဘေးဒဏ်​သုံး​ပါး​တို့​ကြောင့် လူသား​သုံးပုံတစ်ပုံ​သေ​ကြ​၏။

Common Language Bible

¹⁸ ယင်း​သို့​ခံ​တွင်း​မှ​ထွက်​သည့်​မီး​လျှံ၊ မီး​ခိုး၊ ကန့်​တည်း​ဟူ​သော​ဘေး​သုံး​ပါး​ကြောင့်​ကမ္ဘာ လူ​ဦး​ရေ​သုံး​ပုံ​တစ်​ပုံ​သေ​ကြ​ကုန်​၏။-

Garrad Bible

^18-19 အ န္တ ရာယ် ပြု ရန် ဦး ခေါင်း များ ပါ သော မြွေ့ သ ဏ္ဌာန် အ မြီး များ၌ လည်း ကောင်း၊ ဦး ခေါင်း များ၌ လည်း ကောင်း၊ ထို မြင်း တို့ တန် ခိုး တည် သော ကြောင့် ခံ တွင်း မှ ထွက် သည့် မီး လျှံ၊ မီး ခိုး၊ ကန့် မီး တည်း ဟူ သော ဘေး သုံး ပါး အား ဖြင့် လူ သုံး စု တစ် စု သေ ကြ၏။

Judson Bible

¹⁸ သူ​တို့၏​ခံ​တွင်း​ထဲ​က ထွက်​သော ကန့်၊ မီး​လျှံ၊ မီး​ခိုး​တည်း​ဟူ​သော ဘေး​သုံး​ပါး​ကြောင့်၊ လူ​သုံး​စု​တစ်​စု သေ​ကြ၏။-

ခေတ်သစ်​မြန်မာ သမ္မာကျမ်း

¹⁸ မြင်းတို့​၏​ပါးစပ်​မှ ထွက်လာသည့် ဤ​ဘေးဒဏ်​သုံးမျိုး​ကြောင့် လူ​သုံးပုံ​တစ်ပုံ သေဆုံးကြ၏။

ဗျာ​ဒိတ် 9:18 ပူးပေါင်းရင်းမြစ်များ

ဗျာ​ဒိတ် 8:10

တတိယ​ကောင်းကင်​တမန်​သည် တံပိုးခရာ​ကို​မှုတ်​လိုက်​သောအခါ မီးရှူး​သဖွယ်​တောက်လောင်​နေ​သော ကြယ်​ကြီး​တစ်​လုံး​သည် ကောင်းကင်​မှ​ကြွေကျ​၍ မြစ်​များ​၏​သုံးပုံတစ်ပုံ​အပေါ်​နှင့် စမ်းရေ​တွင်း​များ​အပေါ်သို့ ကျ​လေ​၏။

ဗျာ​ဒိတ် 8:11

ထို​ကြယ်​၏​အမည်​ကား ဒေါန​ဟူ၍​ဖြစ်​ပြီး ရေ​၏​သုံးပုံတစ်ပုံ​သည် ဒေါန​ကဲ့သို့​ခါး​သွား​၏။ ရေ​ခါး​သဖြင့် ထို​ရေ​ကြောင့် များစွာ​သော​လူ​တို့​သည် သေ​ကြ​၏။

ဗျာ​ဒိတ် 8:12

စတုတ္ထ​ကောင်းကင်​တမန်​သည် တံပိုးခရာ​ကို​မှုတ်​လိုက်​သောအခါ နေ​၏​သုံးပုံတစ်ပုံ၊ လ​၏​သုံးပုံတစ်ပုံ၊ ကြယ်​များ​၏​သုံးပုံတစ်ပုံ​တို့​သည် ထိပါး​တိုက်ခိုက်​ခြင်း​ခံရ​သဖြင့် ၎င်း​တို့​၏​သုံးပုံတစ်ပုံ​သည် မှောင်မည်း​သွား​လေ​၏။ နေ့​၏​သုံးပုံတစ်ပုံ​သည်​လည်း အလင်းရောင်​ကွယ်ပျောက်​လျက် ည​သည်​လည်း ထိုနည်းတူ​ဖြစ်​၏။

ဗျာ​ဒိတ် 8:7

ပထမ​ကောင်းကင်​တမန်​သည် တံပိုးခရာ​ကို​မှုတ်​လိုက်​သောအခါ သွေး​နှင့်​ရောနှော​သော မိုးသီး​နှင့်​မီး​တို့​ဖြစ်ပေါ်​လာ​၍ မြေကြီး​ပေါ်သို့​ပစ်ချ​ခြင်း​ခံရ​၏။ ထိုအခါ မြေကြီး​၏​သုံးပုံတစ်ပုံ​သည် လောင်ကျွမ်း​၍ သစ်ပင်​များ​၏​သုံးပုံတစ်ပုံ​နှင့် စိမ်းလန်း​သော​မြက်​ပင်​ရှိသမျှ​တို့​သည်​လည်း လောင်ကျွမ်း​သွား​၏။

ဗျာ​ဒိတ် 8:8

ဒုတိယ​ကောင်းကင်​တမန်​သည် တံပိုးခရာ​ကို​မှုတ်​လိုက်​သောအခါ မီး​တောက်လောင်​နေ​သည့် ကြီးမား​သော​တောင်​ကဲ့သို့သော​အရာ​သည် ပင်လယ်​ထဲသို့​ပစ်ချ​ခြင်း​ခံရ​၏။ ထိုအခါ ပင်လယ်​သုံးပုံတစ်ပုံ​သည် သွေး​ဖြစ်​သွား​သဖြင့်

ဗျာ​ဒိတ် 8:9

ပင်လယ်​၌​ရှိ​သော သက်ရှိ​သတ္တဝါ​သုံးပုံတစ်ပုံ​သည် သေ​ကြ​၏။ သင်္ဘော​များ​သုံးပုံတစ်ပုံ​သည်​လည်း ဖျက်ဆီး​ခြင်း​ခံရ​ကြ​၏။

ဗျာ​ဒိတ် 9:15

ထိုအခါ ထို​နှစ်၊ ထို​လ၊ ထို​နေ့ရက်​နှင့် ထို​အချိန်​နာရီ​အတွက် ပြင်ဆင်​ထား​သော​ကောင်းကင်​တမန်​လေး​ပါး​တို့​သည် လူသား​သုံးပုံတစ်ပုံ​ကို​သတ်ဖြတ်​ရန် ဖြေလွှတ်​ခြင်း​ခံရ​ကြ​၏။

ဗျာ​ဒိတ် 9:17

ဗျာဒိတ်​ရူပါရုံ​၌ ငါ​မြင်​ရ​သော မြင်း​တို့​နှင့်​မြင်း​စီး​သူရဲ​တို့​မှာ ဤသို့​ဖြစ်​၏။ မြင်းစီး​သူရဲ​တို့​၌ မီးလျှံ​ရောင်၊ နက်ပြာ​ရောင်​နှင့် ကန့်​ကဲ့သို့​ဝါ​သော ရင်အုပ်​တန်ဆာ​များ​ရှိ​ကြ​၏။ မြင်း​တို့​၏​ဦးခေါင်း​သည် ခြင်္သေ့​၏​ဦးခေါင်း​နှင့်​တူ​၍ သူ​တို့​၏​ခံတွင်း​ထဲမှ မီးလျှံ၊ မီးခိုး​နှင့် ကန့်​များ​ထွက်​နေ​ကြ​၏။

ဗျာ​ဒိတ် 9:19

မြင်း​တို့​၏​အစွမ်း​သည် သူ​တို့​၏​ခံတွင်း​နှင့်​အမြီး​တို့​၌​ရှိ​၏။ သူ​တို့​၏​အမြီး​သည် မြွေ​နှင့်​တူ​ပြီး ဦးခေါင်း​ရှိ​၍ ထို​ဦးခေါင်း​အားဖြင့် လူ​တို့​အား​ဘေးသင့်​စေ​၏။