ဗျာ​ဒိတ် 8:1 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹ သိုးသငယ်​တော်​သည် သတ္တမ​တံဆိပ်​ကို​ဖွင့်​သောအခါ ကောင်းကင်​၌ နာရီဝက်​ခန့်မျှ ဆိတ်ငြိမ်​ခြင်း​ရှိ​၏။

Common Language Bible

¹ သတ္တမ​ချိပ်​တံ​ဆိပ်​ကို​သိုး​သူ​ငယ်​တော်​ဖွင့် လိုက်​သော​အ​ခါ ကောင်း​ကင်​ဘုံ​တွင်​နာ​ရီ ဝက်​ခန့်​ဆိတ်​ငြိမ်​၍​သွား​၏။-

Garrad Bible

¹ သ တ္တ မ တံ ဆိပ် ကို ဖွင့် တော် မူ သည့် ကာ လ ကောင်း ကင် ဘုံ တွင် နာ ရီ ဝက် မျှ ဆိတ် ဆိတ် နေ ပြီး နောက်၊

Judson Bible

¹ သ​တ္တ​မ​တံ​ဆိပ်​ကို ဖွင့်​သော​အ​ခါ၊ ကောင်း​ကင်​ဘုံ၌ နာ​ရီ​ဝက်​မျှ တိတ်​ဆိတ်​စွာ နေ​ကြ၏။-

ခေတ်သစ်​မြန်မာ သမ္မာကျမ်း

¹ သိုးသငယ်တော်​သည် သတ္တမ​တံဆိပ်​ကို​ဖွင့်​သောအခါ ကောင်းကင်ဘုံ​၌ နာရီဝက်​ခန့် တိတ်ဆိတ်နေ၏။

ဗျာ​ဒိတ် 8:1 ပူးပေါင်းရင်းမြစ်များ

ယောဘဝတ္တု။ 4:16

ထို​ဝိညာဉ်​သည် မလှုပ်မယှက်​ရပ်​နေ​၏​။ သို့သော် သူ့​ရုပ်သွင်​ကို ငါ​မ​ဖော်ပြ​တတ်​။ သူ့​သဏ္ဌာန်​ကို​သာ ငါ​မြင်​ရ​၏​။ တိတ်ဆိတ်​နေ​၏​။ ထို့နောက် အသံ​တစ်​ခု​ကို ငါ​ကြား​ရ​၏​။

ဆာ​လံ 37:7

ထာဝရဘုရား​ရှေ့​တော်​၌ တိတ်ဆိတ်​စွာ​နေ​၍ ကိုယ်တော်​ကို​ငံ့လင့်​လော့​။ မိမိ​ပြု​သော​အမှု​၌ အောင်မြင်​သော​သူ​ကြောင့်​လည်းကောင်း​၊ ကောက်ကျစ်​သော​အကြံအစည်​များ​ကို ကြံစည်​သော​သူ​ကြောင့်​လည်းကောင်း စိတ်အနှောင့်အယှက်​မ​ဖြစ်​နှင့်​။

ဆာ​လံ 62:1

ငါ​၏​စိတ်ဝိညာဉ်​သည် ဘုရားသခင်​၌​သာ ငြိမ်သက်ချမ်းသာမှု​ကို​ခံစား​ရ​၏​။ ငါ့​ကို​ကယ်တင်​ခြင်း​အကြောင်း​သည် ကိုယ်တော့်​ထံမှ​လာ​၏​။

ဟ​ဗက္ကုတ် 2:20

ထာဝရဘုရား​သည် သန့်ရှင်း​ရာ​ဗိမာန်တော်​၌ စံမြန်း​တော်မူ​၏​။ မြေကြီးသား​အပေါင်း​တို့​၊ ရှေ့​တော်​၌ ငြိမ်ဝပ်​စွာ​နေ​ကြ​လော့”​ဟု တုံ့ပြန်​မိန့်ဆို​တော်မူ​၏​။

ဇာ​ခ​ရိ 2:13

အို လူသား​အပေါင်း​တို့​၊ ထာဝရဘုရား​ရှေ့​တော်​၌ ငြိမ်ဝပ်​စွာ​နေ​ကြ​လော့​။ ထာဝရဘုရား​သည် သန့်ရှင်း​သော​ကိန်းဝပ်​တော်မူ​ရာ​အရပ်​မှ ကြွလာ​တော်မူ​ပြီ​။

မဿဲ 27:66

ထိုအခါ သူ​တို့​သည် သွား​၍ ကျောက်တုံး​ကို​တံဆိပ်​ခတ်​ကာ အစောင့်​တပ်သား​ကို​ချ​ထား​လျက် သင်္ချိုင်း​ဂူ​ကို​စောင့်ကြပ်​စေ​ကြ​၏။

ဗျာ​ဒိတ် 5:1

ထို့နောက် ပလ္လင်​တော်​ပေါ်တွင်​ထိုင်​တော်မူ​သော​အရှင်​၏​လက်ယာ​လက်​၌ အတွင်း​အပြင်​နှစ်ဖက်​စလုံး​တွင် စာ​များ​ရေး​ထား​ပြီး တံဆိပ်​ခုနစ်​ခု​ဖြင့်​ခတ်နှိပ်​ထား​သော စာလိပ်​တစ်လိပ်​ရှိ​သည်​ကို ငါ​မြင်​ရ​၏။

ဗျာ​ဒိတ် 5:9

ထို့နောက် သူ​တို့​သည် သီချင်း​အသစ်​ကို​သီဆို​လျက် “ကိုယ်တော်​သည် စာလိပ်​ကို​ယူ​၍ ၎င်း​၏​တံဆိပ်​များ​ကို​ဖွင့်​ရန် ထိုက်တန်​သော​သူ​ဖြစ်​ပါ​၏။ အကြောင်းမူကား ကိုယ်တော်​သည် အသေ​သတ်​ခြင်း​ခံရ​၍ ကိုယ်တော်​၏​သွေး​တော်​အားဖြင့် မျိုးနွယ်စု၊ ဘာသာ​စကား၊ လူမျိုး​နှင့် တိုင်းနိုင်ငံ​အသီးသီး​တို့​ထဲမှ လူ​တို့​ကို ဘုရားသခင်​အတွက် ရွေးနုတ်​ဝယ်ယူ​ပြီး

ဗျာ​ဒိတ် 6:1

ထို့နောက် သိုးသငယ်​တော်​သည် တံဆိပ်​ခုနစ်​ခု​ထဲမှ တစ်​ခု​ကို​ဖွင့်​သောအခါ ငါ​ကြည့်​လျှင် သတ္တဝါ​လေး​ပါး​တို့​ထဲမှ​တစ်​ပါး​က မိုးချုန်းသံ​ကဲ့သို့သော​အသံ​ဖြင့် “လာ​လော့”​ဟု ဆို​သည်​ကို ငါ​ကြား​ရ​၏။

ဗျာ​ဒိတ် 6:12

သိုးသငယ်​တော်​သည် ဆဋ္ဌမ​တံဆိပ်​ကို​ဖွင့်​သောအခါ ငါ​ကြည့်​လိုက်​ရာ ငလျင်​ပြင်းထန်​စွာ​လှုပ်​သဖြင့် နေ​သည် ဆိတ်​မွေး​နှင့်​လုပ်​သော​အထည်ကြမ်း​ကဲ့သို့ မည်း​သွား​၍ လ​တစ်ခုလုံး​သည် သွေး​ကဲ့သို့​ဖြစ်​သွား​လေ​၏။

ဗျာ​ဒိတ် 6:3

သိုးသငယ်​တော်​သည် ဒုတိယ​တံဆိပ်​ကို​ဖွင့်​သောအခါ ဒုတိယ​သတ္တဝါ​က “လာ​လော့”​ဟု ဆို​သည်​ကို ငါ​ကြား​ရ​၏။

ဗျာ​ဒိတ် 6:5

သိုးသငယ်​တော်​သည် တတိယ​တံဆိပ်​ကို​ဖွင့်​သောအခါ တတိယ​သတ္တဝါ​က “လာ​လော့”​ဟု ဆို​သည်​ကို ငါ​ကြား​ရ​၏။ ထိုအခါ ငါ​ကြည့်​လိုက်​ရာ မြင်း​နက်​တစ်​ကောင်​ရှိ​၍ ထို​မြင်း​ပေါ်တွင်​စီး​သော​သူ​သည် မိမိ​လက်​၌ ချိန်ခွင်​ကို ကိုင်​ထား​၏။

ဗျာ​ဒိတ် 6:7

သိုးသငယ်​တော်​သည် စတုတ္ထ​တံဆိပ်​ကို​ဖွင့်​သောအခါ စတုတ္ထ​သတ္တဝါ​က “လာ​လော့”​ဟု ဆို​သည့်​အသံ​ကို ငါ​ကြား​ရ​၏။

ဗျာ​ဒိတ် 6:9

သိုးသငယ်​တော်​သည် ပဉ္စမ​တံဆိပ်​ကို​ဖွင့်​သောအခါ ဘုရားသခင်​၏​နှုတ်ကပတ်တော်​ကြောင့်​လည်းကောင်း၊ မိမိ​တို့​ရရှိ​ထား​သော​သက်သေခံ​ချက်​ကြောင့်​လည်းကောင်း အသေ​သတ်​ခြင်း​ခံရ​သော​သူ​တို့​၏​ဝိညာဉ်​များ​ကို ယဇ်ပလ္လင်​အောက်​တွင် ငါ​မြင်​ရ​၏။