ဗျာ​ဒိတ် 3:19 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁹ ငါ​သည် ငါ​ချစ်​သမျှ​သော​သူ​တို့​၏​အပြစ်​ကို​ဖော်ပြ​၍ ဆုံးမ​ပဲ့ပြင်​တတ်​၏။ ထို့ကြောင့် စိတ်အားထက်သန်​ခြင်း​ရှိ​၍ နောင်တရ​လော့။

Common Language Bible

¹⁹ ငါ​သည်​မိ​မိ​ချစ်​သော​သူ​အ​ပေါင်း​တို့​အား ဆုံး​မ​၍​အ​ပြစ်​ဒဏ်​ပေး​တတ်​၏။ ထို​ကြောင့် သင်​သည်​စိတ်​အား​ထက်​သန်​လော့။ နောင်​တ ရ​လော့။-

Garrad Bible

¹⁹ ငါ သည် ချစ် သ မျှ သော သူ တို့ ကို ဆုံး မ ပဲ့ ပြင် တတ် သည် ဖြစ်၍ စိတ် ထက် သန် လျက် နောင် တ ရ လော့။

Judson Bible

¹⁹ ငါ​ချစ်​သ​မျှ​သော သူ​တို့၏​အ​ပြစ်​ကို ငါ​စစ်​ဆေး၍ သူ​တို့​ကို​ဆုံး​မ​တတ်၏။ ထို​ကြောင့် ကိုယ်​စိတ်​ကို ကိုယ်​နှိုး​ဆော်​လော့။ နောင်​တ​ရ​လော့။-

ခေတ်သစ်​မြန်မာ သမ္မာကျမ်း

¹⁹ ငါ​သည် ကိုယ်​ချစ်သော​သူတို့​ကို ဆုံးမ​ပဲ့ပြင်တတ်၏။ ထို့ကြောင့် သင်​သည် စိတ်အား​ထက်သန်လော့။ နောင်တရလော့။

ဗျာ​ဒိတ် 3:19 ပူးပေါင်းရင်းမြစ်များ

၂ ရာ 7:14

ငါ​သည် သူ​၏​အဖ​ဖြစ်​မည်​။ သူ​သည်​လည်း ငါ့​သား​ဖြစ်​မည်​။ သူ​အမှားပြု​မိ​လျှင် သူ့​ကို လူ​သုံး​ကြိမ်လုံး​နှင့် ဆုံးမ​မည်​။ လူ​တို့ ရိုက်​တတ်​သကဲ့သို့ သူ့​ကို ရိုက်​မည်​။

ယောဘဝတ္တု။ 5:17

ကြည့်ရှု​လော့​။ ဘုရားသခင်​၏​ဆုံးမ​ခြင်း​ကို ခံရ​သော​သူ​သည် မင်္ဂလာ​ရှိ​၏​။ ထို့ကြောင့် အနန္တတန်ခိုးရှင်​ဆုံးမ​တော်မူ​သည်​ကို မထီမဲ့မြင်​မ​ပြု​ပါ​နှင့်​။

ဆာ​လံ 39:11

ကိုယ်တော်​သည် ဒုစရိုက်​အတွက်​ဆိုဆုံးမ​ခြင်း​အားဖြင့် လူ​ကို​ပဲ့ပြင်​တော်မူ​၍ လူ​တပ်မက်​သော​အရာ​ကို ပိုးဖလံ​ကဲ့သို့​ဖျက်ဆီး​တော်မူ​၏​။ လူ​တိုင်း​သည် အခိုးအငွေ့​သာ​ဖြစ်​ကြ​ပါ​၏​။(​စေလာ)

ဆာ​လံ 6:1

အို ထာဝရဘုရား​၊ ကိုယ်တော်​၏​အမျက်​တော်​ဖြင့် အကျွန်ုပ်​ကို​ဆုံးမ​တော်​မ​မူ​ပါ​နှင့်​။ ကိုယ်တော်​၏​အမျက်ဒေါသ​ဖြင့် အကျွန်ုပ်​ကို​ပဲ့ပြင်​တော်​မ​မူ​ပါ​နှင့်​။

ဆာ​လံ 69:9

အကြောင်းမူကား ကိုယ်တော်​၏​အိမ်​တော်​အတွက် ထက်သန်​သော​စိတ်​သည် အကျွန်ုပ်​ကို​လွှမ်းမိုး​လျက်​ရှိ​ပါ​၏​။ ကိုယ်တော်​ကို​ကဲ့ရဲ့ပြစ်တင်​သော​သူ​တို့​၏ ကဲ့ရဲ့ပြစ်တင်​သော​စကား​သည် အကျွန်ုပ်​အပေါ်​သို့​ကျရောက်​ပါ​၏​။

ဆာ​လံ 94:10

လူမျိုးတကာ​တို့​ကို ပဲ့ပြင်​သော​အရှင်​၊ လူ​ကို အသိပညာ​သင်ကြား​ပေး​သော​အရှင်​သည် မ​ဆုံးမ​ဘဲ​နေ​တော်မူ​မည်လော​။

သုတ္တံကျမ်း။ 15:10

လမ်း​မှန်​ကို​စွန့်ပယ်​သော​သူ​အတွက် ပြင်းထန်​သော​ဆုံးမပဲ့ပြင်​ခြင်း​ရှိ​၏​။ ဆိုဆုံးမစကား​ကို​မုန်း​သော​သူ​သည် သေ​ရ​လိမ့်မည်​။

သုတ္တံကျမ်း။ 15:32

ဆုံးမပဲ့ပြင်​ခြင်း​ကို​လျစ်လျူရှု​သော​သူ​သည် ကိုယ့်ကိုယ်ကိုယ်​အလေးမထား​တတ်​။ ဆိုဆုံးမစကား​ကို​နားထောင်​သော​သူ​မူကား အသိဉာဏ်​ကို​ရ​တတ်​၏​။

သုတ္တံကျမ်း။ 22:15

မိုက်မဲ​ခြင်း​သည် ကလေးသူငယ်​၏​စိတ်နှလုံး​တွင် နှောင်ဖွဲ့​လျက်​ရှိ​၏​။ သို့သော် ဆုံးမပဲ့ပြင်​သော​ကြိမ်လုံး​သည် ၎င်း​ကို သူ​နှင့်​ဝေးကွာ​စေ​လိမ့်မည်​။

ဟေ​ရှာ​ယ 26:16

အို ထာဝရဘုရား​၊ သူ​တို့​သည် ဆင်းရဲဒုက္ခ​ရောက်​သောအခါ ကိုယ်တော့်​ကို​ရှာ​ကြ​ပါ​၏​။ ကိုယ်တော်​သည် သူ​တို့​ကို​ဆုံးမပဲ့ပြင်​တော်မူ​သောအခါ သူ​တို့​သည် ဆုတောင်း​ပတ္ထနာပြု​ကြ​ပါ​၏​။

ယေ​ရ​မိ 10:24

အို ထာဝရဘုရား​၊ အကျွန်ုပ်​ကို​ပဲ့ပြင်​တော်မူ​သောအခါ အမျက်​တော်​ဖြင့်​မ​ဟုတ်​ဘဲ တရားမျှတမှု​ဖြင့် ပဲ့ပြင်​တော်မူ​ပါ​။ သို့မဟုတ်လျှင် အကျွန်ုပ်​အကျိုးနည်း​ရ​ပါ​လိမ့်မည်​။

ယေ​ရ​မိ 2:30

“ငါ​သည် သင်​တို့​၏​သားသမီး​များ​ကို ဆုံးမ​သော်လည်း အကျိုးမရှိ​။ သူ​တို့​သည် ဆုံးမပဲ့ပြင်​ခြင်း​ကို​လက်​မ​ခံ​ကြ​။ သင်​တို့​၏​ဓား​သည် သွေးဆာ​နေ​သော​ခြင်္သေ့​ကဲ့သို့ ပရောဖက်​များ​ကို ဝါးမျို​လေ​ပြီ​။

ယေ​ရ​မိ 30:11

ထာဝရဘုရား​က “​ငါ​သည် သင်​နှင့်အတူ​ရှိ​မည်​။ သင့်​ကို​ကယ်တင်​မည်​။ သင့်​ကို ငါ​ကွဲလွင့်​စေ​ရာ​အရပ်ရပ်​ရှိ လူမျိုး​အားလုံး​ကို သုတ်သင်ဖျက်ဆီး​မည်​။ သင့်​ကို ငါ​သုတ်သင်ဖျက်ဆီး​မည်​မ​ဟုတ်​သော်လည်း အပြစ်​မ​ပေး​ဘဲ​မ​နေ​။ သင့်​ကို တရားမျှတ​စွာ​ဆုံးမ​မည်​”​ဟု မိန့်​တော်မူ​၏​။

ယေ​ရ​မိ 31:18

ဧဖရိမ်​က “​ကိုယ်တော်​သည် အကျွန်ုပ်​ကို​ပဲ့ပြင်​တော်မူ​ပြီ​။ အကျွန်ုပ်​သည် ရိုင်း​သော​နွားသငယ်​ကဲ့သို့ ပဲ့ပြင်​ခြင်း​ကို​ခံရ​ပါ​ပြီ​။ အကျွန်ုပ်​ကို ပြန်ခေါ်​ပါ​။ အကျွန်ုပ် ပြန်လာ​ပါရစေ​။ ကိုယ်တော်​သည် အကျွန်ုပ်​၏​ထာဝရအရှင်​ဘုရားသခင် ဖြစ်​တော်မူ​ပါ​၏​။

ယေ​ရ​မိ 7:28

သင်​က သူ​တို့​အား ‘​ဤ​လူမျိုး​သည် သူ​တို့​၏​ဘုရားသခင် ထာဝရဘုရား​၏​စကား​ကို နား​မ​ထောင်​ကြ​။ ဆုံးမပဲ့ပြင်​ခြင်း​ကို​မ​ခံယူ​ကြ​။ သစ္စာ​ပျက်​သော​လူမျိုး​၊ ဟုတ်မှန်​ရာ​ကို​မပြော​သော​လူမျိုး​ဖြစ်​လေ​ပြီ​။

ဇေဖနိ 3:2

ထို​မြို့​သည် အသံ​တော်​ကို နား​မ​ထောင်​၊ ဆုံးမပဲ့ပြင်​ခြင်း​ကို မ​ခံယူ​၊ ထာဝရဘုရား​ကို မ​ကိုးစား​၊ ဘုရားသခင်​ထံ မ​ဆည်းကပ်​သော​မြို့​ဖြစ်​၏​။

မဿဲ 25:7

အပျို​ကညာ​အားလုံး​တို့​သည် ထ​၍ မိမိ​တို့​၏​မီးခွက်​များ​ကို ပြင်ဆင်​ကြ​၏။

ရှင်ယောဟန် 2:17

“ကိုယ်တော်​၏​အိမ်​တော်​အတွက် ထက်သန်​သော​စိတ်​သည် အကျွန်ုပ်​ကို​လွှမ်းမိုး​လျက်​ရှိ​ပါ​၏”​ဟု ကျမ်းစာ​၌​ရေး​ထား​သည်​ကို တပည့်​တော်​တို့​သည် သတိရ​ကြ​၏။

ရော​မ 12:11

လုံ့လ​ဝီရိယ​စိုက်ထုတ်​ရာ​တွင် ပျင်းရိ​ခြင်း​မ​ရှိ​ဘဲ ဝိညာဉ်ရေး​၌​ထက်သန်​လျက် သခင်​ဘုရား​ကို​အစေခံ​ကြ​လော့။

၁ ကော 11:32

စီရင်​ခြင်း​ခံရ​လျှင်​လည်း လောကီသား​တို့​နှင့်အတူ ပြစ်ဒဏ်​စီရင်​ခြင်း​မ​ခံရ​မည့်​အကြောင်း သခင်​ဘုရား​၏​ဆုံးမ​တော်မူ​ခြင်း​ကို​ခံရ​ကြ​၏။

၂ ကော 6:9

အသိအမှတ်​ပြု​ခြင်း​မ​ခံရ​သကဲ့သို့​ဖြစ်​သော်လည်း အသိအမှတ်ပြု​ခြင်း​ခံရ​ကြ​၏။ သေအံ့ဆဲဆဲ​ဖြစ်​နေ​သူ​ကဲ့သို့​ဖြစ်​သော်လည်း အသက်ရှင်​လျက်​ရှိ​ကြ​၏။ ဆုံးမ​ခြင်း​ကို​ခံရ​သော​သူ​ကဲ့သို့​ဖြစ်​သော်လည်း အသတ်​မ​ခံရ​ကြ။

၂ ကော 7:11

ကြည့်​ကြ​လော့။ ဘုရားသခင်​၏​အလို​တော်​နှင့်​ညီ​သော ဤ​ဝမ်းနည်း​ခြင်း​သည် သင်​တို့​အထဲတွင် မည်သို့​သော ကြိုးစား​အားထုတ်​ခြင်း၊ ဖြေရှင်း​ချက်​ပေး​ခြင်း၊ မခံမရပ်​နိုင်​ဖြစ်​ခြင်း၊ ကြောက်ရွံ့​ခြင်း၊ အလွန်​တောင့်တ​ခြင်း၊ စိတ်အား​ထက်သန်​ခြင်း​နှင့် တရား​သဖြင့်​စီရင်​ခြင်း​တို့​ကို ဖြစ်ပေါ်​စေ​ခဲ့​သနည်း။ သင်​တို့​သည် ဤ​အမှု​၌​အပြစ်​ကင်းစင်​ကြောင်း သင်​တို့​ကိုယ်တိုင် အရာရာ​၌​ထင်ရှား​စေ​ကြ​ပြီ။

ဂ​လာ​တိ 4:18

သင်​တို့​နှင့်အတူ ငါ​ရှိ​နေ​စဉ်​တွင်​သာ​မ​ဟုတ်​ဘဲ အစဉ်အမြဲ ကောင်း​သော​ရည်ရွယ်ချက်​ဖြင့် အရေးတယူ​ပြု​ခံရ​ခြင်း​သည် ကောင်း​ပေ​၏။

တ​ရား​ဟော 8:5

ဖခင်​သည် သား​ကို​ဆုံးမ​သကဲ့သို့ သင်​၏​ဘုရားသခင်​ထာဝရဘုရား​သည် သင့်​ကို​ဆုံးမ​တော်မူ​ကြောင်း သင်​၏​စိတ်နှလုံး​ထဲ၌ သိမှတ်​ရ​မည်​။

တိ​တု 2:14

ခရစ်တော်​သည် ငါ​တို့​ကို ခပ်သိမ်း​သော​တရားမဲ့​ခြင်း​ထဲမှ ရွေးနုတ်​ကယ်တင်​ရန်​နှင့် ကောင်း​သော​အမှု​၌ စိတ်အား​ထက်သန်​သည့် မိမိ​ပိုင်​တော်မူ​သော​လူမျိုး​ကို မိမိ​အတွက်​စင်ကြယ်​စေ​ရန် ငါ​တို့​အတွက် မိမိကိုယ်ကို​စွန့်​တော်မူ​၏။

ယာ​ကုပ် 1:12

စုံစမ်း​နှောင့်ယှက်​ခြင်း​ကို​သည်းခံ​သော​သူ​သည် မင်္ဂလာရှိ​၏။ အကြောင်းမူကား စုံစမ်း​စစ်ဆေး​ခြင်း​ကို​အောင်မြင်​သောအခါ ကိုယ်တော်​ကို​ချစ်​သော​သူ​တို့​အား ကတိ​ထား​တော်မူ​သော အသက်​သရဖူ​ကို ရ​လိမ့်မည်။

ဗျာ​ဒိတ် 2:5

ထို့ကြောင့် သင်​သည် မည်သည့်​နေရာ​မှ​ကျဆင်း​ခဲ့​သည်​ကို သတိရ​လျက် နောင်တရ​ကာ ပထမ​ပြု​သော​အမှု​များ​ကို​ပြု​လော့။ ထိုသို့​မ​ပြု​ဘဲ နောင်တ​လည်း​မ​ရ​ပါက သင့်​ထံသို့​ငါ​လာ​၍ သင်​၏​ဆီမီးခုံ​ကို သူ့​နေရာ​မှ​ရွှေ့​လိုက်​မည်။