ဗျာ​ဒိတ် 12:1 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹ ထို့နောက် ကောင်းကင်​၌ ကြီးမား​သော​နိမိတ်​လက္ခဏာ​ကို​တွေ့မြင်​ရ​၏။ အမျိုးသမီး​တစ်​ဦး​သည် နေ​ကို​ဝတ်ဆင်​လျက် လ​ကို ခြေ​အောက်၌​နင်း​ထား​ကာ ဦးခေါင်း​ပေါ်တွင် ကြယ်​တစ်ဆယ့်နှစ်​လုံး​ပါ​သော​သရဖူ​ကို​ဆောင်း​ထား​၏။

Common Language Bible

¹ ထို​နောက်​မိုး​ကောင်း​ကင်​တွင်​အ​တိတ်​နိ​မိတ် ကြီး​တစ်​ရပ်​ပေါ်​လာ​သည်​ကို​ငါ​မြင်​ရ​၏။ အ​မျိုး​သ​မီး​တစ်​ယောက်​သည်​နေ​ကို​ဝတ်​ရုံ ကာ၊ လ​၏​အ​ပေါ်​တွင်​ခြေ​တင်​၍​ကြယ်​တစ် ဆယ့်​နှစ်​လုံး​ပါ​သည့်​သ​ရ​ဖူ​ကို​ဆောင်း​၍ ထား​၏။-

Garrad Bible

^1-2 တစ် ဖန် ကောင်း ကင် ဘုံ၌ မ ဟာ နိ မိတ် ထင် ရှား သည် မှာ နေ ကို ရုံ လျက်၊ လ ကို စီး နင်း လျက်၊ ကြယ် ဆယ့် နှစ် လုံး စီ သ ရ ဖူ ကို ဆောင်း လျက်၊ ကိုယ် ဝန် ဆောင် သော မိန်း မ တစ် ဦး သည် ပြင်း စွာ သား ဖွား ဝေ ဒ နာ ခံ စား၍ အော် ဟစ် နေ သ တည်း။

Judson Bible

¹ ကောင်း​ကင်၌ ကြီး​စွာ​သော နိ​မိတ်​လ​က္ခ​ဏာ ဟူ​မူ​ကား၊ မိန်း​မ​တစ်​ဦး​သည် နေ​ကို​ဝတ်​လျက်၊ လ​ကို ခြေ​ဖြင့်​နင်း​လျက်၊ မိ​မိ​ခေါင်း​ပေါ်၌ ကြယ်​ဆယ်​နှစ်​လုံး​ဖြင့်​ပြီး​သော သ​ရ​ဖူ​ကို ဆောင်း​လျက်​ပေါ်​လာ၏။-

ခေတ်သစ်​မြန်မာ သမ္မာကျမ်း

¹ ထို့နောက် ကောင်းကင်​၌ နိမိတ်​လက္ခဏာ​ကြီး​တစ်ခု​ကို မြင်ရ၏။ အမျိုးသမီး​တစ်ဦး​သည် နေ​ကို ဝတ်ဆင်​၍ လ​ပေါ်တွင် ခြေ​ကို​တင်​ကာ ခေါင်း​ပေါ်၌ ကြယ်​ဆယ့်နှစ်လုံး​ပါသည့် သရဖူ​ကို ဆောင်းထား၏။

ဗျာ​ဒိတ် 12:1 ပူးပေါင်းရင်းမြစ်များ

၂ ရာ​ချုပ် 32:31

သို့သော် တိုင်းပြည်​တွင်​ဖြစ်ပျက်​ခဲ့​သော​အံ့ဖွယ်အမှု​တို့​ကို သိ​လို​၍ ဘေဘီလုံ​မှူးမတ်​တို့​သည် သူ့​ထံသို့ သံတမန်​ကို​စေလွှတ်​၍​မေးမြန်း​စေ​သောအခါ ဘုရားသခင်​သည် ဟေဇကိ​မင်းကြီး​၏​စိတ်​ထဲ​ရှိသမျှ​ကို​သိ​လို​၍ သူ့​ကို​စမ်းသပ်​သည့်​အနေဖြင့် လွှတ်​ထား​လိုက်​လေ​၏​။

ဆာ​လံ 104:2

အလင်း​ကို ခြုံထည်​ကဲ့သို့​လွှမ်းခြုံ​ထား​၍ ကောင်းကင်​ကို ရွက်ထည်​ကဲ့သို့ ဖြန့်ကြက်​ထား​တော်မူ​၏​။

ဆာ​လံ 84:11

အကြောင်းမူကား ဘုရားသခင်​ထာဝရဘုရား​သည် နေ​လည်း​ဖြစ်​တော်မူ​၏​။ ဒိုင်းလွှား​လည်း​ဖြစ်​တော်မူ​၏​။ ထာဝရဘုရား​သည် ကျေးဇူး​တော်​နှင့်​ဘုန်းအသရေ​တော်​ကို ပေး​တော်မူ​၏​။ အပြစ်တင်စရာမရှိ​အောင် အသက်ရှင်​လျှောက်လှမ်း​သော​သူ​တို့​အား ကောင်းမြတ်​သော​အရာ​ကို မပေး​ဘဲ​နေ​တော်မူ​မည်​မ​ဟုတ်​။

ရှောလမုန်သီချင်း။ 6:10

အရုဏ်ဦး​အလင်း​ကဲ့သို့ ပေါ်ထွက်​သူ​၊ လ​ကဲ့သို့ တင့်တယ်​သူ​၊ နေ​ကဲ့သို့ တောက်ပ​သူ​၊ အောင်လံလွှင့်ထူ​သော​သူ​များ​ကဲ့သို့ ခန့်ညား​သူ​ကား မည်သူ​နည်း​။​”

ဟေ​ရှာ​ယ 61:10

ငါ​သည် ထာဝရဘုရား​၌ အလွန်​ဝမ်းမြောက်​မည်​။ ငါ​၏​စိတ်ဝိညာဉ်​သည် ဘုရားသခင်​၌ ရွှင်လန်း​မည်​။ အကြောင်းမူကား သတို့သား​သည် ခေါင်းပေါင်း​ပေါင်း​ထား​သကဲ့သို့​၊ သတို့သမီး​သည် ရတနာ​များ​ဖြင့် ကိုယ်​ကို​တန်ဆာဆင်​ထား​သကဲ့သို့ ကိုယ်တော်​သည် ငါ့​ကို ကယ်တင်​ခြင်း​အဝတ်တန်ဆာ​ဆင်ယင်​ပေး​၍ ဖြောင့်မတ်​ခြင်း​ဝတ်ရုံ​လွှမ်းခြုံ​စေ​တော်မူ​ပြီ​။

ဟေ​ရှာ​ယ 62:3

သင်​သည် ထာဝရဘုရား​လက်​တော်​မှ တင့်တယ်​သော​သရဖူ​၊ သင်​၏​ဘုရားသခင်​လက်​တော်​မှ တော်ဝင်​သရဖူ​ဖြစ်​လိမ့်မည်​။

ဇာ​ခ​ရိ 9:16

ထို​နေ့ရက်​၌ သူ​တို့​၏​ဘုရားသခင်​ထာဝရဘုရား​သည် မိမိ​လူမျိုး​တော်​ကို သိုးစု​သဖွယ်​ကယ်တင်​လိမ့်မည်​။ သူ​တို့​သည် ကျောက်မျက်​သရဖူ​ကဲ့သို့ ပြည်​တော်​၌ ထွန်းတောက်​ကြ​လိမ့်မည်​။

မာ​လ​ခိ 4:2

“ငါ​၏​နာမ​တော်​ကို ကြောက်ရွံ့ရိုသေ​သော သင်​တို့​အဖို့ ဖြောင့်မတ်​ခြင်း​နေမင်း​သည် ကုသ​ခြင်း​တောင်ပံ​နှင့်တကွ ပေါ်ထွန်း​လာ​လိမ့်မည်​။ သင်​တို့​သည်​လည်း တင်းကုပ်​မှ နွားသငယ်​ကဲ့သို့ ခုန်ပေါက်​လျက် ထွက်လာ​မည်​။

မဿဲ 12:38

ထို့နောက် အချို့​သော​ကျမ်းပြု​ဆရာ​နှင့်​ဖာရိရှဲ​တို့​က “ဆရာ၊ အကျွန်ုပ်​တို့​သည် ဆရာ့​ထံမှ​နိမိတ်​လက္ခဏာ​ကို တွေ့မြင်​လို​ပါ​သည်”​ဟု ကိုယ်တော်​အား​လျှောက်​ကြ​၏။

မဿဲ 24:30

ထို့နောက် လူ့သား​၏​နိမိတ်​လက္ခဏာ​သည် ကောင်းကင်​၌ ထင်ရှား​လိမ့်မည်။ ထိုအခါ ကမ္ဘာ​မြေကြီး​ပေါ်​ရှိ လူမျိုး​နွယ်စု​အားလုံး​တို့​သည် ရင်ဘတ်​စည်တီး​လျက် မြည်တမ်း​ကာ လူ့သား​သည် တန်ခိုး​နှင့်​ကြီးမား​သော​ဘုန်း​အသရေ​တို့​ဖြင့် ကောင်းကင်​မှ မိုးတိမ်​များ​စီး​လျက် ကြွလာ​သည်​ကို မြင်​ရ​ကြ​လိမ့်မည်။

ရှင်မာကု 13:25

ကြယ်​တို့​သည်​လည်း ကောင်းကင်​မှ​ကြွေကျ​ကာ အာကာသ​ကောင်းကင်​၏​စွမ်းအား​တို့​သည် တုန်လှုပ်​ကြ​လိမ့်မည်။

လုကာ 21:11

အရပ်ရပ်​တို့​၌ ပြင်းထန်​သော​ငလျင်​လှုပ်​ခြင်း၊ ငတ်မွတ်​ခေါင်းပါး​ခြင်း​နှင့် ကပ်ရောဂါ​ဆိုက်​ခြင်း​တို့​ဖြစ်​ကြ​လိမ့်မည်။ မိုး​ကောင်းကင်​၌​လည်း ကြောက်မက်​ဖွယ်​ရာ​များ​နှင့် ကြီးမား​သော​အတိတ်​နိမိတ်​များ​ပေါ်ထွန်း​ကြ​လိမ့်မည်။

လုကာ 21:25

ထို့နောက် နေ၊ လ၊ ကြယ်​တာရာ​များ​၌ အတိတ်​နိမိတ်​များ​ဖြစ်ပေါ်​လာ​လိမ့်မည်။ ကမ္ဘာ​မြေကြီး​ပေါ်​ရှိ လူမျိုး​တကာ​တို့​သည် ပင်လယ်​လှိုင်းတံပိုး​သံ​ကြောင့် စိတ်​မငြိမ်မသက်​ဖြစ်​လျက် တုန်လှုပ်​ချောက်ချား​ကြ​လိမ့်မည်။

ရှင်ယောဟန် 3:29

သတို့သမီး​ကို​ရ​သော​သူ​သည် သတို့သား​ဖြစ်​၏။ သတို့သား​၏​အသံ​ကို ရပ်​လျက်​နားထောင်​နေ​သော သတို့သား​၏​မိတ်ဆွေ​မူကား သတို့သား​၏​အသံ​ကြောင့် ဝမ်းမြောက်​ဝမ်းသာ​ဖြစ်​၏။ သို့ဖြစ်၍ ငါ​သည်​လည်း ထို​ဝမ်းမြောက်​ခြင်း​နှင့် ပြည့်ဝ​လျက်​ရှိ​၏။

တမန်တော်ဝတ္ထု 2:19

အထက်​ကောင်းကင်​၌ အံ့သြဖွယ်ရာ​များ​ကို​လည်းကောင်း၊ အောက်​မြေကြီး​ပေါ်၌ သွေး၊ မီးလျှံ​နှင့် မီးခိုး​ငွေ့​တည်းဟူသော နိမိတ်​လက္ခဏာ​များ​ကို​လည်းကောင်း ငါ​ပြ​မည်။

ရော​မ 13:14

သခင်​ယေရှု​ခရစ်တော်​ကို ဝတ်ဆင်​ကြ​လော့။ သွေးသား​ဇာတိ​၏​တပ်မက်​ခြင်း​ကို​ဖြည့်ဆည်း​ရန် မ​ကြံစည်​ကြ​နှင့်။

ရော​မ 3:22

၎င်း​မှာ ယေရှု​ခရစ်တော်​ကို​ယုံကြည်​ခြင်း​အားဖြင့် ယုံကြည်​သူ​အပေါင်း​တို့​အပေါ်​သက်ရောက်​သော ဘုရားသခင်​၏​ဖြောင့်မတ်​ခြင်း​ဖြစ်​၏။ ဤ​တွင် မည်သည့်​ခြားနား​မှု​မျှ​မ​ရှိ။

၂ ကော 11:2

ဤသို့​ဆို​ရ​ခြင်း​မှာ ငါ​သည် ဘုရားသခင်​၏​သဝန်တို​စိတ်​မျိုး​ဖြင့် သင်​တို့​ကို သဝန်တို​၏။ အကြောင်းမူကား ငါ​သည် သင်​တို့​ကို ဖြူစင်​သန့်ရှင်း​သော​အပျို​ကညာ​အဖြစ် ခရစ်တော်​အား​ဆက်သ​လျက် ထို​တစ်ဦးတည်း​သော​ခင်ပွန်း​နှင့်​စေ့စပ်​ကြောင်းလမ်း​ထား​ပြီ​ဖြစ်​၏။

ဂ​လာ​တိ 3:27

အဘယ်ကြောင့်​ဆိုသော် ခရစ်တော်​၌​ဗတ္တိဇံ​ခံ​သော​သူ​ရှိသမျှ​တို့​သည် ခရစ်တော်​ကို​ဝတ်ဆင်​ကြ​၏။

ဂ​လာ​တိ 4:26

သို့သော် အထက်​အရပ်​တွင်​ရှိ​သော ဂျေရုဆလင်​မြို့​သည် လွတ်လပ်​သော​မိန်းမ​ဖြစ်၍ ၎င်း​သည် ငါ​တို့​၏​အမိ​ဖြစ်​၏။

ဂ​လာ​တိ 6:14

ငါ့​အတွက်​မူကား ငါ​တို့​သခင်​ယေရှု​ခရစ်တော်​၏​လက်ဝါးကပ်တိုင်​၌ ဝါကြွား​ခြင်း​မှတစ်ပါး အခြား​ဝါကြွား​စရာ​မ​ရှိ။ ငါ့​အနေဖြင့် လောက​သည် ထို​လက်ဝါးကပ်တိုင်​ပေါ်၌​တင်​ခြင်း​ခံရ​၍ လောက​အနေဖြင့်​လည်း ငါ​သည် ထို​လက်ဝါးကပ်တိုင်​ပေါ်၌​တင်​ခြင်း​ခံရ​လေ​ပြီ။

ဧ​ဖက် 5:32

ဤ​အရာ​သည် အလွန်​လျှို့ဝှက်​နက်နဲ​သော​အရာ​ဖြစ်​၏။ ထိုသို့ဆိုသော် ခရစ်တော်​နှင့်​အသင်းတော်​ကို​ရည်ညွှန်း​၍ ငါ​ဆို​၏။

ဗျာ​ဒိတ် 1:20

ငါ​၏​လက်ယာ​လက်​တွင် သင်​မြင်​ရ​သော ကြယ်​ခုနစ်​လုံး​နှင့်​ရွှေ​ဆီမီးခုံ​ခုနစ်​ခု​တို့​၏​လျှို့ဝှက်​နက်နဲ​သော​အဓိပ္ပာယ်​မှာ ကြယ်​ခုနစ်​လုံး​သည် အသင်းတော်​ခုနစ်​ပါး​၏​စေတမန်​များ​ဖြစ်​ကြ​ပြီး ဆီမီးခုံ​ခုနစ်​ခု​သည် အသင်းတော်​ခုနစ်​ပါး​ဖြစ်​ကြ​၏။

ဗျာ​ဒိတ် 11:19

ထို့နောက် ကောင်းကင်​၌​ရှိ​သော ဘုရားသခင်​၏​ဗိမာန်​တော်​သည်​ပွင့်​၍ ထို​ဗိမာန်​တော်​ထဲတွင် ကိုယ်တော်​၏​ပဋိညာဉ်​သေတ္တာ​တော်​ကို တွေ့မြင်​ရ​၏။ လျှပ်စီးလက်​ခြင်း၊ အသံ​မြည်ဟည်း​ခြင်း၊ မိုးချုန်း​ခြင်း၊ ငလျင်​လှုပ်​ခြင်း​နှင့် ကြီးမား​သော​မိုးသီး​ကျ​ခြင်း​တို့​လည်း ဖြစ်ပေါ်​လေ​၏။

ဗျာ​ဒိတ် 12:3

တစ်ဖန် ကောင်းကင်​၌ အခြား​သော​နိမိတ်​လက္ခဏာ​ကို​တွေ့မြင်​ရ​၏။ ခေါင်း​ခုနစ်​လုံး​နှင့် ဦးချို​ဆယ်​ချောင်း​ရှိ​၍ သူ​၏​ခေါင်း​များ​ပေါ်တွင် သရဖူ​ခုနစ်​ခု​ကို​ဆောင်း​ထား​သည့် နီရဲ​သော​နဂါး​ကြီး​တစ်​ကောင်​ရှိ​၏။

ဗျာ​ဒိတ် 15:1

ထို့နောက် ကောင်းကင်​၌ ကြီးမား​၍​အံ့သြဖွယ်​ကောင်း​သည့် အခြား​နိမိတ်​လက္ခဏာ​တည်းဟူသော နောက်ဆုံး​ဘေးဒဏ်​ခုနစ်​မျိုး​ကို​ဆောင်​ထား​သည့် ကောင်းကင်​တမန်​ခုနစ်​ပါး​ကို ငါ​မြင်​ရ​၏။ ထို​ဘေးဒဏ်​များ​အားဖြင့် ဘုရားသခင်​၏​ပြင်းစွာ​သော​ဒေါသ​သည် ပြည့်စုံ​ခြင်း​သို့​ရောက်​မည်​ဖြစ်​၏။

ဗျာ​ဒိတ် 21:14

မြို့ရိုး​တွင် အုတ်မြစ်​တစ်ဆယ့်နှစ်​ခု​ရှိ​၍ ၎င်း​တို့​ပေါ်၌ သိုးသငယ်​တော်​၏​တမန်တော်​တစ်ဆယ့်နှစ်​ပါး​တို့​၏​အမည်​တစ်ဆယ့်နှစ်​ခု​ကို​ရေး​ထား​၏။

ဗျာ​ဒိတ် 21:23

ဘုရားသခင်​၏​ဘုန်း​အသရေ​တော်​သည် ထို​မြို့​ကို​ထွန်းလင်း​စေ​၍ သိုးသငယ်​တော်​သည် ထို​မြို့​၏​ဆီမီး​ဖြစ်​သောကြောင့် ထို​မြို့​ကို​ထွန်းလင်း​စေရန် နေ​နှင့်​လ​တို့​ကို မ​လိုအပ်​ပေ။