ဗျာ​ဒိတ် 10:4 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴ မိုးချုန်း​သံ​ခုနစ်​ချက်​တို့​မြွက်ဆို​ကြ​သောအခါ ငါ​သည်​ရေးမှတ်​မည်​ပြု​စဉ် ကောင်းကင်​မှ​အသံ​က “မိုးချုန်း​သံ​ခုနစ်​ချက်​တို့​မြွက်ဆို​သော​အရာ​များ​ကို တံဆိပ်​ခတ်​ထား​လော့။ ၎င်း​တို့​ကို​ရေးမှတ်​မ​ထား​နှင့်”​ဟု ဆို​သည်​ကို ငါ​ကြား​ရ​၏။

Common Language Bible

⁴ ထို​အ​ချိန်​၌​မိုး​ကြိုး​သံ​တို့​က​မိန့်​မြွက်​သည့် စ​ကား​ကို ငါ​သည်​ရေး​မှတ်​မည်​ပြု​သော်``မ​ရေး မ​မှတ်​နှင့်။ မိုး​ကြိုး​သံ​ခု​နစ်​ချက်​မိန့်​မြွက်​သည့် စ​ကား​ကို​လျှို့​ဝှက်​ထား​လော့'' ဟု​ကောင်း​ကင် မှ​ထွက်​သော​အ​သံ​ကို​ငါ​ကြား​ရ​၏။

Garrad Bible

⁴ ထို သို့ မိုး ကြိုး ခု နစ် ချက် ဗျာ ဒိတ် အ တိုင်း ငါ ရေး သား မည် ပြု သော် မိုး ကြိုး ခု နစ် ချက် ဗျာ ဒိတ် ကို မ ရေး နှင့်။ တံ ဆိပ် ခတ် ပိတ် လော့ ဟု ကောင်း ကင် ဘုံ မှ အ မိန့် သံ ကို ငါ ကြား ရ ၏။

Judson Bible

⁴ မိုး​ကြိုး​သံ ခု​နစ်​ချက်​မြည်​ပြီး​မှ ငါ​သည်​ရေး​မှတ်​မည်​ဟု အား​ထုတ်​သော်၊ ကောင်း​ကင်​မှ ထွက်​သော​အ​သံ​ကား၊ မိုး​ကြိုး​သံ​ခု​နစ်​ချက် မြည်​သော​အ​ရာ​ကို တံ​ဆိပ်​ခတ်​လော့။ မ​ရေး​မ​မှတ်​နှင့်​ဟု ဆို​သည်​ကို ငါ​ကြား၏။-

ခေတ်သစ်​မြန်မာ သမ္မာကျမ်း

⁴ ထို​မိုးခြိမ်းသံ ခုနစ်ချက်တို့​ပြောဆို​သောအခါ ကျွန်ုပ်​သည် ရေးမှတ်​ရန်​ပြင်​စဉ် “မိုးခြိမ်းသံ ခုနစ်ချက်တို့​ပြောဆိုသော​စကား​ကို လျှို့ဝှက်ထားလော့။ မရေးမှတ်နှင့်” ဟူ၍ ကောင်းကင်ဘုံ​မှ ထွက်လာသော​အသံ​ကို ကျွန်ုပ်​ကြားရ၏။

ဗျာ​ဒိတ် 10:4 ပူးပေါင်းရင်းမြစ်များ

ဟေ​ရှာ​ယ 29:11

နိမိတ်​ရှိသမျှ​သည် သင်​တို့​အတွက် ချိပ်ပိတ်​ထား​သော​စာလိပ်​ကဲ့သို့ ဖြစ်​ပြီ​။ ထို​စာလိပ်​ကို စာ​ဖတ်တတ်​သော​သူ​အား​ပေး​၍ “​ဤ​စာ​ကို ဖတ်​ပါ​လော့​”​ဟု​ဆို​လျှင် ထို​သူ​က “​ဤ​စာလိပ်​ကို ချိပ်ပိတ်​ထား​သည်​ဖြစ်၍ ငါ​မ​ဖတ်​နိုင်​ပါ​”​ဟု ပြန်ပြော​လိမ့်မည်​။

ဟေ​ရှာ​ယ 8:1

တစ်ဖန် ထာဝရဘုရား​က ငါ့​အား “​သင်​သည် ကျောက်ပြား​ကြီး​တစ်​ချပ်​ကို​ယူ​၍ ကညစ်တံ​ဖြင့် ‘​မဟေရရှာလလဟာရှဗတ်​’​ဟူ၍ ရေးသား​လော့​။

ဟေ​ရှာ​ယ 8:16

အကျွန်ုပ်​၏​တပည့်​တို့​တွင် သက်သေခံ​တော်မူ​ချက်​ကို​ချည်​ထား​၍ ပညတ်တရား​ကို တံဆိပ်ခတ်​တော်မူ​ပါ​။

ဒံ​ယေ​လ 12:4

အို ဒံယေလ​၊ သင်​မူကား နောက်ဆုံး​ကာလ​တိုင်အောင် ဤ​စကား​တို့​ကို လျှို့ဝှက်​ထား​လော့​၊ ဤ​စာစောင်​ကို တံဆိပ်ခတ်​ထား​လော့​။ လူ​အများ​တို့​မူကား လှည့်လည်​ရှာဖွေ​၍ အသိပညာ​တိုးပွား​ကြ​လိမ့်မည်​”​ဟု ငါ့​အား ပြောပြ​၏​။

ဒံ​ယေ​လ 12:9

ထိုအခါ သူ​က “​ဒံယေလ​၊ သင်​သွား​လော့​။ ဤ​စကား​တို့​ကို နောက်ဆုံး​သော​ကာလ​အထိ လျှို့ဝှက်​ထား​၍ တံဆိပ်ခတ်​ထား​၏​။

ဒံ​ယေ​လ 8:26

ညဥ့်ဦးယံ​၊ နံနက်ယံ​၌ ဖော်ပြ​သော ဗျာဒိတ်အာရုံ​သည်​လည်း အမှန်ပင်​ဖြစ်​၏​။ ဤ​ဗျာဒိတ်နိမိတ်​သည် နောင်လာမည့်​နေ့ရက်​ကာလ​နှင့်​ဆိုင်​သည်​ဖြစ်၍ ၎င်း​ကို ဝှက်​ထား​လော့​”​ဟု ငါ့​အား ရှင်းပြ​၏​။

တ​ရား​ဟော 29:29

ဝှက်​ထား​သော​အရာ​များ​သည် ငါ​တို့​၏​ဘုရားသခင်​ထာဝရဘုရား​နှင့်​ဆိုင်​၏​။ ဖော်ပြ​ထား​သော ဤ​တရား​စကား​ရှိသမျှ​ကို​လိုက်နာ​ခြင်း​သည် ငါ​တို့​မှစ၍ ငါ​တို့​၏​သားစဉ်မြေးဆက်​များ​နှင့်​ဆိုင်​၏​။

ဗျာ​ဒိတ် 1:11

ထို​အသံ​က“သင်​မြင်​ရ​သော​အရာ​ကို စာစောင်​တွင်​ရေးသား​၍ ဧဖက်​မြို့၊ စမုရန​မြို့၊ ပေရဂံ​မြို့၊ သွာတိရ​မြို့၊ သာဒိ​မြို့၊ ဖိလဒေလဖိ​မြို့​နှင့် လောဒိကိ​မြို့​တို့​၌​ရှိ​သော အသင်းတော်​ခုနစ်​ပါး​ထံသို့ ပေးပို့​လော့”​ဟု ဆို​၏။

ဗျာ​ဒိတ် 1:19

ထို့ကြောင့် သင်​မြင်​ခဲ့​ရ​သော​အရာ​များ၊ ယခု​ဖြစ်​နေ​သော​အရာ​များ​နှင့် နောင်တွင်​ဖြစ်ပျက်​တော့​မည့်​အရာ​များ​ကို ရေး​ထား​လော့။

ဗျာ​ဒိတ် 10:8

ထို့နောက် ငါ​ကြား​ခဲ့​ရ​သော​ကောင်းကင်​မှ​အသံ​က “ပင်လယ်​နှင့်​ကုန်းမြေ​ပေါ်တွင်​ရပ်​နေ​သော ကောင်းကင်​တမန်​၏​လက်​၌​ရှိ​သည့် ဖွင့်​ထား​သော​စာလိပ်​ကို သွား​၍​ယူ​လော့”​ဟု ငါ့​အား တစ်ဖန် မြွက်ဆို​လေ​၏။

ဗျာ​ဒိတ် 22:10

တစ်ဖန် သူ​က “ဤ​စာစောင်​ထဲမှ ပရောဖက်ပြု​ဟောပြော​သော​စကား​တို့​ကို ချိပ်ပိတ်​မ​ထား​နှင့်။ အကြောင်းမူကား အချိန်​နီးကပ်​လာ​လေ​ပြီ။