ဖိ​လိပ္ပိ 2:5 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁵ ခရစ်တော်​ယေရှု​၌​ရှိ​သော ထို​စိတ်သဘော​မျိုး​ကို သင်​တို့​၌​လည်း​ရှိ​စေ​ကြ​လော့။

Common Language Bible

⁵ ခ​ရစ်​တော်​ယေ​ရှု​၌​ရှိ​သော​စိတ်​သ​ဘော​မျိုး ကို​သင်​တို့​၌​လည်း​ရှိ​စေ​ကြ​လော့။

Garrad Bible

⁵ ခ ရစ် တော် ယေ ရှု၌ ရှိ သော သ ဘော မျိုး ကို သင် တို့၌ လည်း ရှိ ကြ စေ လော့။

Judson Bible

⁵ ယေ​ရှု​ခ​ရစ်၌​ရှိ​သော ထို​စိတ်​သ​ဘော​ကို သင်​တို့၌​လည်း ရှိ​စေ​ကြ​လော့။-

ခေတ်သစ်​မြန်မာ သမ္မာကျမ်း

⁵ သင်တို့​၏ အချင်းချင်း​ဆက်ဆံရေး​တွင် ယေရှု​ခရစ်တော်​၌​ရှိ​သော ထို​စိတ်သဘောထား​ကို ရှိ​စေ​ကြ​လော့။

ဖိ​လိပ္ပိ 2:5 ပူးပေါင်းရင်းမြစ်များ

မဿဲ 11:29

ငါ​သည် နူးညံ့​သိမ်မွေ့​လျက် နှိမ့်ချ​သော​စိတ်နှလုံး​ရှိ​သောကြောင့် ငါ့​ထမ်းပိုး​ကို​ယူ​၍​ထမ်း​ကာ ငါ့​ထံ၌​နည်းခံ​ကြ​လော့။ ထိုအခါ သင်​တို့​၏​စိတ်​ဝိညာဉ်​သည် သက်သာ​ရာ​ရ​လိမ့်မည်။

လုကာ 22:27

စားပွဲ​၌​ထိုင်​နေ​သော​သူ​နှင့် လုပ်ကျွေး​ပြုစု​သော​သူ​တို့​တွင် မည်သူ​သည် ပို၍​ကြီးမြတ်​သနည်း။ စားပွဲ​၌​ထိုင်​နေ​သော​သူ​မ​ဟုတ်​လော။ သို့သော် ငါ​သည် သင်​တို့​အလယ်​တွင် လုပ်ကျွေး​ပြုစု​သော​သူ​ကဲ့သို့​ဖြစ်​၏။

တမန်တော်ဝတ္ထု 10:38

ဘုရားသခင်​သည် နာဇရက်​မြို့သား​ယေရှု​ကို သန့်ရှင်း​သော​ဝိညာဉ်​တော်​နှင့်​တန်ခိုး​တော်​တို့​ဖြင့် မည်ကဲ့သို့​ဘိသိက်​ပေး​ခဲ့​သည်​ကို​လည်းကောင်း သင်​တို့​သိ​ကြ​၏။ ဘုရားသခင်​သည် ကိုယ်တော်​နှင့်အတူ​ရှိ​တော်မူ​သောကြောင့် ကိုယ်တော်​သည် လှည့်လည်​၍ ကောင်း​သော​အမှု​ကို​ပြု​ကာ မာရ်နတ်​၏​ဖိနှိပ်​ခြယ်လှယ်​မှု​ခံရ​သူ​အပေါင်း​တို့​ကို ကျန်းမာ​စေ​တော်မူ​၏။

တမန်တော်ဝတ္ထု 20:35

ထိုသို့​ကြိုးစား​လုပ်ဆောင်​၍ အားနည်း​သော​သူ​တို့​ကို ကူညီမစ​သင့်​ကြောင်း​နှင့်‘ပေးကမ်း​ခြင်း​သည် ရယူ​ခြင်း​ထက် သာ၍​မင်္ဂလာရှိ​သည်’​ဟု သခင်​ယေရှု​ကိုယ်တော်​တိုင် မိန့်​တော်မူ​သည့်​စကား​ကို သတိရ​သင့်​ကြောင်း အရာရာ​၌ သင်​တို့​အား ငါ​ပြသ​၏”​ဟု ဆို​လေ​၏။

ရော​မ 14:15

အစားအစာ​ကြောင့် သင်​၏​ညီအစ်ကို​ကို ဝမ်းနည်း​စေ​လျှင် သင်​သည် မေတ္တာ​ဖြင့် အသက်ရှင်​လျှောက်လှမ်း​သည်​မ​ဟုတ်​တော့​ပေ။ ခရစ်တော်​က ကိုယ်စား​အသေခံ​ပေး​တော်မူ​သော သင့်​ညီအစ်ကို​ကို သင်​၏​အစားအစာ​ကြောင့် မ​ပျက်စီး​စေ​နှင့်။

ရော​မ 15:3

အဘယ်ကြောင့်​ဆိုသော် “ကိုယ်တော်​ကို​ကဲ့ရဲ့​ပြစ်တင်​သော​သူ​တို့​၏​ကဲ့ရဲ့ပြစ်တင်​သော​စကား​သည် အကျွန်ုပ်​အပေါ်​သို့ ကျရောက်​ပါ​၏”​ဟု ကျမ်းစာ​၌​ရေး​ထား​သည်​နှင့်အညီ ခရစ်တော်​ပင်လျှင် မိမိ​နှစ်သက်​သည့်​အတိုင်း​ပြု​တော်​မ​မူ​ခဲ့​ပေ။

ရော​မ 15:5

သင်​တို့​သည် ငါ​တို့​သခင်​ယေရှု​ခရစ်တော်​၏​ခမည်းတော်​တည်းဟူသော ဘုရားသခင်​၏​ဘုန်း​တော်​ကို တစ်သံတည်း​ဖြင့် တညီတညွတ်တည်း​ချီးမွမ်း​နိုင်​ရန် သည်းခံ​ခြင်း​နှင့်​နှစ်သိမ့်​ခြင်း​တို့​၏​အရှင်​ဘုရားသခင်​သည် သင်​တို့​အား ခရစ်တော်​ယေရှု​၏​အလို​တော်​အတိုင်း အချင်းချင်း​တစ်စိတ်​တစ်သဘောတည်း​ရှိ​နိုင်​သော​အခွင့်​ကို ပေး​တော်မူ​ပါစေသော။

၁ ကော 10:33

ထိုနည်းတူ ငါ​သည်​လည်း လူ​တို့​ကယ်တင်​ခြင်း​ခံရ​မည့်​အကြောင်း ကိုယ်​ကျိုး​ကို​မ​ရှာ​ဘဲ အများ​အကျိုး​ကို​ရှေးရှု​လျက် ခပ်သိမ်း​သော​အမှု​တို့​၌ လူ​အပေါင်း​တို့​ကို​နှစ်သက်​စေရန် ကြိုးစား​နေ​၏။

ဧ​ဖက် 5:2

ခရစ်တော်​သည် ငါ​တို့​ကို​ချစ်​တော်မူ​၍ ငါ​တို့​အတွက် မိမိကိုယ်ကို ပူဇော်သက္ကာ​နှင့်​ယဇ်​တည်းဟူသော မွှေးကြိုင်​သည့်​ရနံ့​အဖြစ် ဘုရားသခင်​ထံ ဆက်ကပ်​အပ်နှံ​တော်မူ​သည့်​နည်းတူ ချစ်​ခြင်း​မေတ္တာ​၌ အသက်ရှင်​လျှောက်လှမ်း​ကြ​လော့။

ဖိ​လိပ္ပိ 1:1

ယေရှု​ခရစ်တော်​၏​အစေအပါး​များ​ဖြစ်​ကြ​သော ငါ​ပေါလု​နှင့်​တိမောသေ​တို့​သည် ဖိလိပ္ပိ​မြို့​၌​နေ​ကြ​သော ကြီးကြပ်​သူ​များ၊ သင်းထောက်​များ​နှင့်တကွ ခရစ်တော်​ယေရှု​၌​ရှိ​သော သန့်ရှင်း​သူ​အပေါင်း​တို့​ထံသို့ စာ​ရေး​လိုက်​ပါ​၏။

၁ ပေ 2:21

အမှန်စင်စစ် သင်​တို့​သည် ဤ​အတွက် ခေါ်ယူ​တော်မူ​ခြင်း​ခံရ​၏။ အကြောင်းမူကား ခရစ်တော်​သည်​လည်း သင်​တို့​ကို မိမိ​ခြေရာ​တော်​အတိုင်း​လိုက်လျှောက်​စေရန် သင်​တို့​ကိုယ်စား ဒုက္ခ​ဝေဒနာ​ခံစားရ​လျက် သင်​တို့​အတွက် စံနမူနာ​ကို​ထား​ပေး​တော်မူ​၏။

၁ ပေ 4:1

ခရစ်တော်​သည် ကိုယ်ကာယ​၌ ထိုသို့ ဒုက္ခ​ဝေဒနာ​ခံစား​ရ​သည်​ဖြစ်၍ သင်​တို့​သည်​လည်း ထိုသို့​သော​သဘောထား​မျိုး​ကို လက်နက်​အဖြစ် စွဲကိုင်​ထား​ကြ​လော့။ အဘယ်ကြောင့်​ဆိုသော် ကိုယ်ကာယ​တွင် ဒုက္ခ​ဝေဒနာ​ခံစား​ရ​သော​သူ​သည် အပြစ်​နှင့်​ပြတ်စဲ​ပြီ​ဖြစ်​၏။

၁ ယော 2:6

ဘုရားသခင်​၌ ငါ​တည်​၏​ဟု​ဆို​သော​သူ​သည် ခရစ်တော်​အသက်ရှင်​လျှောက်လှမ်း​တော်မူ​ခဲ့​သည့်​အတိုင်း အသက်ရှင်​လျှောက်လှမ်း​ရ​မည်။