ဖိ​လိပ္ပိ 2:26 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁶ အဘယ်ကြောင့်​ဆိုသော် သူ​သည် သင်​တို့​အားလုံး​ကို​လွမ်းဆွတ်​နေ​ပြီး သူ​နာမကျန်း​ဖြစ်​ကြောင်း သင်​တို့​ကြားသိ​ကြ​သည့်​အတွက် စိတ်ပူပန်​နေ​၏။

Common Language Bible

²⁶ သူ​သည်​သင်​တို့​အ​ပေါင်း​ကို​လွမ်း​ဆွတ်​လျက် နေ​၏။ သူ​ဖျား​နာ​သည့်​သ​တင်း​ကို​သင်​တို့​ကြား သိ​သွား​သ​ဖြင့်​သူ​သည်​စိတ်​မ​ချမ်း​မ​သာ ဖြစ်​လျက်​နေ​၏။-

Judson Bible

²⁶ အ​ကြောင်း​မူ​ကား၊ သူ​သည် နာ​ကြောင်း​ကို သင်​တို့​ကြား​သိ​သော​ကြောင့်၊ သူ​သည် သင်​တို့​အ​ပေါင်း​ကို လွမ်း​ဆွတ်၍ စိတ်​မ​သာ​လျက်​နေ၏။-

ခေတ်သစ်​မြန်မာ သမ္မာကျမ်း

²⁶ သူ့​ကို ပြန်လည်​စေလွှတ်​သင့်သည့်​အကြောင်း​က သူ​နာမကျန်း​ဖြစ်သည်​ကို သင်တို့​ကြားသိကြောင်း သူ​သိ​သောအခါ စိတ်မကောင်း​ဖြစ်နေပြီး သူ​သည် သင်တို့​အားလုံး​ကို လွမ်းဆွတ်နေ​သောကြောင့် ဖြစ်၏

ဖိ​လိပ္ပိ 2:26 ပူးပေါင်းရင်းမြစ်များ

၂ ရာ 13:39

ဒါဝိဒ်​မင်းကြီး​သည် သေဆုံး​သွား​သော​အာမနုန်​အတွက် စိတ်ဖြေသာမှု​ရ​ပြန်​သော် အဗရှလုံ​ထံ စိတ်​ရောက်သွား​ပြန်​၏​။

၂ ရာ 24:17

လူ​တို့​ကို​ဒဏ်ခတ်​သော​ကောင်းကင်တမန်​ကို မြင်​သောအခါ ဒါဝိဒ်​မင်းကြီး​က ထာဝရဘုရား​အား “​အပြစ်ပြု​မိ​သူ​မှာ အကျွန်ုပ်​ဖြစ်​ပါ​၏​။ အမှား​ကျူးလွန်​မိ​သူ​မှာ အကျွန်ုပ်​ဖြစ်​ပါ​၏​။ ဤ​သိုး​တို့​မူကား မည်သည့်​အပြစ်​ကို ပြု​မိ​ပါ​သနည်း​။ အကျွန်ုပ်​နှင့်​အကျွန်ုပ်​ဘိုးဘေး​၏​အိမ်သူအိမ်သား​တို့​၌​သာ ကိုယ်တော်​၏​လက်​တော် ကျရောက်​စေ​ပါ​”​ဟု လျှောက်တင်​လေ​၏​။

ယောဘဝတ္တု။ 9:27

‘ငါ​သည် ကိုယ့်​စိတ်ဒုက္ခ​ကို မေ့ထား​ပြီး မျက်နှာ​ကို ကြည်ကြည်ရွှင်ရွှင်​ထား​မည်’​ဟု ငါ​ဆို​လျှင်​လည်း

ဆာ​လံ 69:20

ကဲ့ရဲ့ပြစ်တင်​ခြင်း​သည် အကျွန်ုပ်​၏​စိတ်နှလုံး​ကို​ကျိုးပဲ့​စေ​၍ အကျွန်ုပ်​သည် အလွန်​စိတ်ပျက်​အားငယ်​လျက်​ရှိ​ပါ​၏​။ အကျွန်ုပ်​သည် စာနာထောက်ထား​မည့်​သူ​ကို စောင့်မျှော်​သော်လည်း မ​ရှိ​ခဲ့​ပါ​။ နှစ်သိမ့်ပေး​မည့်​သူ​များ​ကို​ရှာ​သော်လည်း မ​တွေ့​ခဲ့​ပါ​။

သုတ္တံကျမ်း။ 12:25

လူ​၏​စိတ်နှလုံး​တွင်​ရှိ​သော​စိုးရိမ်ပူပန်​ခြင်း​သည် သူ့​ကို​ညှိုးငယ်​စေ​တတ်​၏​။ ကောင်း​သော​စကား​မူကား သူ့​ကို​ဝမ်းမြောက်​စေ​တတ်​၏​။

ဟေ​ရှာ​ယ 61:3

ငိုကြွေးမြည်တမ်း​နေ​သော ဇိအုန်​မြို့သား​တို့​အဖို့ ပြာ​အစား​ခေါင်းပေါင်း​၊ ငိုကြွေးမြည်တမ်း​ခြင်း​အစား ရွှင်မြူး​ခြင်း​ဆီ​၊ ညှိုးငယ်​သော​စိတ်​အစား ချီးမွမ်း​ခြင်း​အဝတ်​ကို စီရင်​ပေး​ရန် ငါ့​ကို​စေလွှတ်​တော်မူ​ပြီ​။ ဘုန်း​တော်​ထင်ရှား​စေရန် ထာဝရဘုရား​စိုက်ပျိုး​တော်မူ​သော ဖြောင့်မတ်​ခြင်း​ဝက်သစ်ချပင်​ဟု သူ​တို့​ကို ခေါ်ဝေါ်​ကြ​လိမ့်မည်​။

မဿဲ 11:28

ဝန်လေး​၍​ပင်ပန်း​သော​သူ​အပေါင်း​တို့၊ ငါ့​ထံသို့​လာ​ကြ​လော့။ ငါ​သည် သင်​တို့​အား​ငြိမ်သက်​ချမ်းသာ​မှု​ကို​ပေး​မည်။

မဿဲ 26:37

ပေတရု​နှင့် ဇေဗေဒဲ​၏​သား​နှစ်​ယောက်​တို့​ကို ခေါ်သွား​တော်မူ​၏။ ထိုအခါ ကိုယ်တော်​သည် ဝမ်းနည်း​ခြင်း​နှင့်​စိတ်ပူပန်​ခြင်း​ရှိ​သဖြင့်

တမန်တော်ဝတ္ထု 21:13

ထိုအခါ ပေါလု​က “သင်​တို့​သည် ငိုကြွေး​လျက်​၊ ငါ​၏​စိတ်နှလုံး​ကို​ကြေကွဲ​စေ​လျက် မည်သည့်​အရာ​ကို ပြု​ကြ​သနည်း။ ငါ​သည် သခင်​ယေရှု​၏​နာမ​တော်​အတွက် ဂျေရုဆလင်​မြို့​၌ ချည်နှောင်​ခြင်း​ခံရ​ရန်​သာမက အသေခံ​ရန်​ပင် အသင့်​ရှိ​သည်”​ဟု ပြန်​ပြော​၏။

ရော​မ 1:11

သင်​တို့​ကို ငါ​အလွန်​တွေ့မြင်​လို​သည်​မှာ သင်​တို့​အား ဝိညာဉ်​ဆု​ကျေးဇူး​အချို့​ကို​ဝေမျှ​ပေး​၍ သင်​တို့​ကို​ခိုင်ခံ့​မြဲမြံ​စေ​ရန်​ဖြစ်​၏။

ရော​မ 12:15

ဝမ်းမြောက်​သော​သူ​တို့​နှင့်အတူ​ဝမ်းမြောက်​၍ ငိုကြွေး​သော​သူ​တို့​နှင့်အတူ​ငိုကြွေး​ကြ​လော့။

ရော​မ 9:2

ငါ​၌​အလွန်​ဝမ်းနည်း​ခြင်း​ရှိ​၍ ငါ​၏​စိတ်နှလုံး​ထဲတွင် အမြဲမပြတ်​ပူပန်​ခြင်း​ဝေဒနာ​ရှိ​၏။

၁ ကော 12:26

သို့ဖြစ်၍ အင်္ဂါ​အစိတ်အပိုင်း​တစ်​ခု​သည် ဝေဒနာ​ခံစား​ရ​လျှင် အင်္ဂါ​အစိတ်အပိုင်း​ရှိသမျှ​သည် အတူတကွ​ခံစား​ရ​ကြ​၏။ အင်္ဂါ​အစိတ်အပိုင်း​တစ်​ခု​သည် ချီးမြှောက်​ခြင်း​ခံရ​လျှင် အင်္ဂါ​အစိတ်အပိုင်း​ရှိသမျှ​သည် အတူတကွ​ဝမ်းမြောက်​ကြ​၏။

၂ ကော 9:14

ထို့ပြင် သင်​တို့​အပေါ်​သက်ရောက်​သည့် ဘုရားသခင်​၏​ထူးကဲ​သော​ကျေးဇူး​တော်​ကြောင့် သူ​တို့​သည် သင်​တို့​ကို​လွမ်းဆွတ်​လျက် သင်​တို့​အတွက် ဆုတောင်း​ပေး​ကြ​လိမ့်မည်။

ဂ​လာ​တိ 6:2

အချင်းချင်း​၏​ဝန်ထုပ်ဝန်ပိုး​များ​ကို ကူညီ​ထမ်းရွက်​ပေး​ကြ​လော့။ ထိုသို့​ပြု​ခြင်း​အားဖြင့် သင်​တို့​သည် ခရစ်တော်​၏​တရား​တော်​ကို ပြည့်စုံ​စေ​ကြ​လိမ့်မည်။

ဧ​ဖက် 3:13

သို့ဖြစ်၍ သင်​တို့​အတွက် ငါ​ခံရ​သော​ဆင်းရဲ​ဒုက္ခ​များ​ကြောင့် စိတ်ပျက်​အားလျော့​ခြင်း​မ​ရှိ​ကြ​ရန် ငါ​တောင်းပန်​၏။ ထို​အရာ​များ​သည် သင်​တို့​၏​ဂုဏ်သရေ​ဖြစ်​၏။

ဖိ​လိပ္ပိ 1:3

ငါ​သည် သင်​တို့​ကို​သတိရ​သည့်​အခါ​တိုင်း ငါ​၏​ဘုရားသခင်​ကို ကျေးဇူးတင်​လျက်

ဖိ​လိပ္ပိ 1:8

ငါ​သည် ခရစ်တော်​ယေရှု​၏​ကြင်နာ​ခြင်း​ဖြင့် သင်​တို့​အားလုံး​ကို မည်မျှ​လွမ်းဆွတ်​ကြောင်း ငါ့​အတွက်​သက်သေခံ​ပေး​သော​အရှင်​မှာ ဘုရားသခင်​ဖြစ်​တော်မူ​၏။

ဖိ​လိပ္ပိ 2:25

သို့သော် ငါ​၏​ညီ၊ ငါ​၏​လုပ်ဖော်ဆောင်ဖက်​နှင့် ရဲဘော်ရဲဘက်​ဖြစ်​သည့်​အပြင် ငါ​၏​လိုအပ်​ချက်​များ​ကို​ဖြည့်ဆည်း​ဆောင်ရွက်​ပေး​သော သင်​တို့​၏​စေတမန် ဧပဖြောဒိတ်​ကို သင်​တို့​ထံသို့​စေလွှတ်​ရန် လိုအပ်​သည်​ဟု ငါ​ယူဆ​၏။

ဖိ​လိပ္ပိ 2:27

သူ​သည် အမှန်ပင် သေ​လုနီးပါး​နာမကျန်း​ဖြစ်​ခဲ့​၏။ သို့သော် ဘုရားသခင်​သည် သူ့​ကို​သနား​တော်မူ​လေ​ပြီ။ သူ့​ကို​သာ​မ​ဟုတ်​ဘဲ ငါ​၌ တစ်​ပူ​ပေါ်​တစ်​ပူ​ဆင့်​မ​ဖြစ်​ရ​လေ​အောင် ငါ့​ကို​လည်း သနား​တော်မူ​၏။

ဖိ​လိပ္ပိ 4:1

ထို့ကြောင့် ငါ​၏​ဝမ်းမြောက်​ခြင်း​အကြောင်း​နှင့် ငါ​၏​သရဖူ​ဖြစ်​သည့် ငါ​ချစ်​၍​လွမ်းဆွတ်​သော ငါ့​ညီအစ်ကို​တို့၊ ငါ​ဆို​ခဲ့​သည့်​အတိုင်း သခင်​ဘုရား​၌ ခိုင်မြဲ​စွာ​ရပ်တည်​ကြ​လော့၊ ငါ​ချစ်​သော​သူ​တို့။

၁ ပေ 1:6

သင်​တို့​သည် ယခု​အချိန်​တွင် စုံစမ်း​နှောင့်ယှက်​ခြင်း​အမျိုးမျိုး​ကြောင့် ခေတ္တ​ခဏ​ဝမ်းနည်း​ရ​လျှင်​လည်း အထက်​၌​ဆို​ခဲ့​ပြီး​သော​အကြောင်း​ကြောင့် ရွှင်မြူး​ခြင်း​ရှိ​ကြ​၏။