ဖိ​လိပ္ပိ 2:25 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁵ သို့သော် ငါ​၏​ညီ၊ ငါ​၏​လုပ်ဖော်ဆောင်ဖက်​နှင့် ရဲဘော်ရဲဘက်​ဖြစ်​သည့်​အပြင် ငါ​၏​လိုအပ်​ချက်​များ​ကို​ဖြည့်ဆည်း​ဆောင်ရွက်​ပေး​သော သင်​တို့​၏​စေတမန် ဧပဖြောဒိတ်​ကို သင်​တို့​ထံသို့​စေလွှတ်​ရန် လိုအပ်​သည်​ဟု ငါ​ယူဆ​၏။

Common Language Bible

²⁵ ငါ​၏​လုပ်​ဖော်​ဆောင်​ဘက်၊ ငါ​နှင့်​အ​တူ​တိုက်​ပွဲ ဝင်​ခဲ့​သူ၊ ငါ့​အား​ပြု​စု​ရန်​သင်​တို့​က​စေ​လွှတ် လိုက်​သူ၊ ငါ​တို့​၏​ညီ​ဧ​ပ​ဖြော​ဒိတ်​ကို​သင်​တို့ ထံ​သို့​စေ​လွှတ်​ရန်​လို​အပ်​သည်​ဟု​ငါ​ယူ​ဆ​၏။-

Garrad Bible

^25-26 ငါ့ ကို ထောက် ပံ့ ရန် သင် တို့ တ မန်၊ ငါ့ ညီ အစ် ကို၊ ငါ့ လုပ် ဖော် ဆောင် ဘက်၊ ငါ စစ် သည် ချင်း ဖြစ် သူ ဧ ပ ဖြော ဒိတ် သည် နာ လျက် ရှိ နေ ခဲ့ ကြောင်း သင် တို့ ကြား သိ ကြ သည့် အ တွက် နှ လုံး မ သာ၍ သင် တို့ ရှိ သ မျှ ကို တ သ သ ဖြင့် ပြန် လွှတ် သင့် သည် ဟု ငါ သ ဘော ရှိ ၏။

Judson Bible

²⁵ သို့​သော်​လည်း ဆောင်​ရွက်​ခြင်း၊ စစ်​တိုက်​ခြင်း​အ​မှု၌ ငါ၏​အ​ပေါင်း​အ​ဖော်၊ ငါ့​ကို​ပြု​စု​သော သူ​တည်း​ဟူ​သော သင်​တို့​တ​မန်၊ ငါ့​ညီ ဧ​ပ​ဖြော​ဒိတ်​ကို သင်​တို့​ရှိ​ရာ​သို့ ယ​ခု​စေ​လွှတ်​သင့်​သည်​ဟု ငါ​ထင်​မှတ်၏။-

ခေတ်သစ်​မြန်မာ သမ္မာကျမ်း

²⁵ သို့သော် ဤ​အတောအတွင်း ဧပဖြောဒိတ်​ကို သင်တို့​ထံသို့ ပြန်လည်​စေလွှတ်​သင့်သည်​ဟု ကျွန်ုပ်​ထင်မြင်ယူဆ၏။ သူ​သည် ကျွန်ုပ်​၏​လိုအပ်ချက်များ​ကို ကူညီ​ဖြည့်ဆည်း​ရန် သင်တို့​စေလွှတ်လိုက်သော သင်တို့​၏​တမန်၊ ကျွန်ုပ်​၏​ညီ လုပ်ဖော်ကိုင်ဖက် ရဲဘော်ရဲဘက်​ဖြစ်၏။

ဖိ​လိပ္ပိ 2:25 ပူးပေါင်းရင်းမြစ်များ

သုတ္တံကျမ်း။ 25:13

သစ္စာရှိ​သော​စေတမန်​သည် သူ့​ကို​စေလွှတ်​သော​သူ​အတွက် ရိတ်သိမ်း​ရာ​ကာလ​၌​ကျ​သော အေးမြ​သည့်​နှင်းပွင့်​ကဲ့သို့​ဖြစ်၍ သူ့​သခင်​တို့​၏​စိတ်ဝိညာဉ်​ကို လန်းဆန်း​စေ​တတ်​၏​။

ရှင်ယောဟန် 13:16

သင်​တို့​အား ငါ​အမှန်အကန်​ဆို​မည်။ ကျွန်​သည် သူ့​သခင်​ထက် ကြီးမြတ်​သည်​မ​ဟုတ်။ စေတမန်​သည်​လည်း သူ့​ကို​စေလွှတ်​သော​သူ​ထက် ကြီးမြတ်​သည်​မ​ဟုတ်။

ရှင်ယောဟန် 17:18

ကိုယ်တော်​သည် အကျွန်ုပ်​ကို ဤ​လောက​ထဲသို့ စေလွှတ်​တော်မူ​သကဲ့သို့ အကျွန်ုပ်​သည် သူ​တို့​ကို ဤ​လောက​ထဲသို့ စေလွှတ်​ပါ​၏။

ရော​မ 16:3

ခရစ်တော်​ယေရှု​၌ ငါ​၏​လုပ်ဖော်ဆောင်ဖက်​များ​ဖြစ်​ကြ​သည့် ပြစ်ကိလ​နှင့်​အာကုလ​တို့​ကို နှုတ်ဆက်​ပေး​ကြ​လော့။

ရော​မ 16:9

ခရစ်တော်​၌ ငါ​တို့​၏​လုပ်ဖော်ဆောင်ဖက်​ဥရဗန်​နှင့် ငါ​ချစ်​သော​သတာခု​တို့​ကို နှုတ်ဆက်​ပေး​ကြ​လော့။

၁ ကော 3:9

အကြောင်းမူကား ငါ​တို့​သည် ဘုရားသခင်​၏​လုပ်ဖော်ဆောင်ဖက်​များ​ဖြစ်​ကြ​၏။ သင်​တို့​သည် ဘုရားသခင်​၏​ဥယျာဉ်၊ ဘုရားသခင်​၏​အဆောက်အအုံ​ဖြစ်​ကြ​၏။

၂ ကော 2:13

ငါ့​ညီ​တိတု​ကို​မ​တွေ့​ရ​သောကြောင့် ငါ​သည် စိတ်​မ​သာ​မ​ယာ​ဖြစ်​၍ ထို​သူ​တို့​ကို​နှုတ်ဆက်​ပြီးလျှင်​မာကေဒေါနိ​ပြည်​သို့ ငါ​ထွက်ခွာ​သွား​၏။

ဖိ​လိပ္ပိ 2:26

အဘယ်ကြောင့်​ဆိုသော် သူ​သည် သင်​တို့​အားလုံး​ကို​လွမ်းဆွတ်​နေ​ပြီး သူ​နာမကျန်း​ဖြစ်​ကြောင်း သင်​တို့​ကြားသိ​ကြ​သည့်​အတွက် စိတ်ပူပန်​နေ​၏။

ဖိ​လိပ္ပိ 4:18

ငါ​သည် အရာ​အားလုံး​ကို​ရရှိ​၍ ကြွယ်ဝ​လျက်​ရှိ​၏။ သင်​တို့​ပေးပို့​သည့်​အရာ​များ​ကို ဧပဖြောဒိတ်​ထံမှ ငါ​လက်ခံ​ရရှိ​၍ ပြည့်စုံ​လျက်​ရှိ​ပြီ။ ထို​အရာ​တို့​သည် မွှေးကြိုင်​သည့်​ရနံ့၊ ဘုရားသခင်​နှစ်သက်​တော်မူ​သော လက်ခံ​ဖွယ်​ရာ​ယဇ်​ဖြစ်​ကြ​၏။

ဖိ​လိပ္ပိ 4:3

အချင်း​စစ်မှန်​သော​ရဲဘော်ရဲဘက်၊ ထို​အမျိုးသမီး​တို့​ကို ကူညီ​မစ​ရန် သင့်​ကို​လည်း ငါ​တောင်းပန်​၏။ သူ​တို့​သည် အသက်​စာစောင်​တွင် နာမည်​ပါ​သူ​များ​ဖြစ်​ကြ​သည့် ကလေမင်​မှစ၍ အခြား​သော​ငါ​၏​လုပ်ဖော်ဆောင်ဖက်​များ​နှင့်တကွ ကောင်းမြတ်​သော​သတင်း​အတွက် ငါ​နှင့်အတူ​လက်တွဲ​လုပ်ဆောင်​ခဲ့​သူ​များ​ဖြစ်​ကြ​၏။

ကော​လော​သဲ 1:7

သင်​တို့​သည် ထို​သတင်း​ကို ငါ​တို့​၏​အစေအပါး​ချင်း​ဖြစ်​သည့် ချစ်​ရ​သော​ဧပဖြ​ထံမှ ကြားသိ​ခဲ့​၏။ သူ​သည် သင်​တို့​အတွက် ခရစ်တော်​၏ သစ္စာရှိ​သော​အမှု​တော်​ဆောင်​ဖြစ်​၍

ကော​လော​သဲ 4:11

ယုစတု​ဟု​ခေါ်​သော​ယေရှု​လည်း သင်​တို့​ကို​နှုတ်ဆက်​လိုက်​ပါ​၏။ အရေဖျား​လှီး​ထား​သော​သူ​တို့​ထဲတွင် ဤ​သူ​တို့​သာလျှင် ဘုရားသခင်​၏​နိုင်ငံ​တော်​အတွက် ငါ​နှင့်အတူ​လုပ်ဆောင်​သော​သူ​များ​ဖြစ်​ကြ​ပြီး ငါ့​အား နှစ်သိမ့်​မှု​ပေး​သော​သူ​များ​ဖြစ်​ကြ​၏။

၁ သက် 3:2

ခရစ်တော်​၏​ကောင်းမြတ်​သော​သတင်း​၌ ဘုရားသခင်​၏​လုပ်ဖော်ဆောင်ဖက်​ဖြစ်​သော ငါ​တို့​၏​ညီ တိမောသေ​ကို စေလွှတ်​လိုက်​၏။ သူ့​ကို​စေလွှတ်​ခြင်း​မှာ သင်​တို့​၏​ယုံကြည်​ခြင်း​နှင့်ပတ်သက်၍ သင်​တို့​ကို တိုက်တွန်း​နှိုးဆော်​၍ ခိုင်ခံ့​မြဲမြံ​စေရန်​နှင့်

ဖိ​လေ​မုန် 1:24

ငါ​၏​လုပ်ဖော်ဆောင်ဖက်​များ​ဖြစ်​ကြ​သည့် မာကု၊ အာရိတ္တာခု၊ ဒေမ​နှင့် လုကာ​တို့​သည် သင့်​ကို​နှုတ်ဆက်​ကြ​ပါ​၏။

ဟေ​ဗြဲ 3:1

သို့ဖြစ်၍ ကောင်းကင်​နှင့်ဆိုင်သော ခေါ်ယူ​တော်မူ​ခြင်း​၌​ပါဝင်​သည့် သန့်ရှင်း​သော​ညီအစ်ကို​တို့၊ ငါ​တို့​ယုံကြည်​ဝန်ခံ​သည့် တမန်တော်​နှင့်​ယဇ်ပုရောဟိတ်​မင်း​တည်းဟူသော ယေရှု​အကြောင်း​ကို ဆင်ခြင်​အောက်မေ့​ကြ​လော့။