ဖိ​လိပ္ပိ 2:19 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁹ ငါ​သည် သင်​တို့​အကြောင်း​ကို​ကြားသိ​၍ အားတက်​လာ​စေရန် တိမောသေ​ကို သင်​တို့​ထံသို့ မကြာမီ​စေလွှတ်​နိုင်​မည်​ဟု သခင်​ယေရှု​၌ ငါ​မျှော်လင့်​ထား​၏။

Common Language Bible

¹⁹ ငါ​သည်​သင်​တို့​၏​အ​ကြောင်း​သ​တင်း​ကောင်း​ကို ကြား​၍ အား​တက်​လာ​စေ​ရန်​သ​ခင်​ဘု​ရား​အလို တော်​ရှိ​လျှင် တိ​မော​သေ​ကို​သင်​တို့​ထံ​သို့​မ​ကြာ မီ​စေ​လွှတ်​နိုင်​လိမ့်​မည်​ဟု​မျှော်​လင့်​ပါ​သည်။-

Garrad Bible

¹⁹ သို့ ရာ တွင် သင် တို့၏ အ ဖြစ် အ နေ ကို ငါ သိ သ ဖြင့် စိတ် သက် သာ ခွင့် ရ ခြင်း ငှာ တိ မော သေ ကို မ ကြာ မီ လွှတ် လိုက် မည် ဟု အ ရှင် ယေ ရှု ၌ ငါ အောက် မေ့ ၏။

Judson Bible

¹⁹ သင်​တို့​အ​ကြောင်း​အ​ရာ​များ​ကို ငါ​သိ၍ စိတ်​သက်​သာ​ခြင်း​ငှာ၊ တိ​မော​သေ​ကို သင်​တို့​ရှိ​ရာ​သို့ များ​မ​ကြာ စေ​လွှတ်​မည်​အ​ကြောင်း၊ သ​ခင်​ယေ​ရှု​ခ​ရစ်၌ ငါ​မှီ​ဝဲ​ခြင်း​ရှိ၏။-

ခေတ်သစ်​မြန်မာ သမ္မာကျမ်း

¹⁹ သင်တို့​အကြောင်း​ကို ကျွန်ုပ်​ကြား​၍ အားတက်လာ​ရန် သခင်​ယေရှု အလိုတော်​ရှိ​လျှင် တိမောသေ​ကို သင်တို့​ထံသို့ မကြာမီ စေလွှတ်မည်​ဟု ကျွန်ုပ်​မျှော်လင့်ပါ၏။

ဖိ​လိပ္ပိ 2:19 ပူးပေါင်းရင်းမြစ်များ

ယေ​ရ​မိ 17:5

ထာဝရဘုရား​က “​လူ​ကို​ကိုးစား​သော​သူ​၊ လူ​၏​လက်ရုံးအား​ကို​မှီခို​သော​သူ​၊ ထာဝရဘုရား​ထံမှ ကျောခိုင်း​သွား​သော​သူ​သည် ကျိန်​ခြင်း​ခံရ​သော​သူ​ဖြစ်​၏​။

မဿဲ 12:21

လူမျိုးခြား​တို့​သည် သူ​၏​နာမ​၌ မျှော်လင့်​အားထား​ကြ​လိမ့်မည်”​ဟူ၍ ဖြစ်​၏။

တမန်တော်ဝတ္ထု 16:1

ထို့နောက် ပေါလု​သည် ဒေရဗေ​မြို့​မှတစ်ဆင့် လုတ္တရ​မြို့​သို့ ရောက်​လာ​၏။ ထို​အရပ်​၌ တိမောသေ​အမည်​ရှိ တပည့်​တော်​တစ်​ဦး​ရှိ​၏။ သူ​သည် ယုံကြည်​သူ​ဂျူး​အမျိုးသမီး​၏​သား​ဖြစ်​သော်လည်း သူ​၏​ဖခင်​မှာ​မူ ဂရိ​အမျိုးသား​ဖြစ်​၏။

ရော​မ 15:12

တစ်ဖန် ဟေရှာယ​က​လည်း “ယေရှဲ​၏​အမြစ်​ပေါက်​လိမ့်မည်။ ထို​သူ​သည် လူမျိုးခြား​တို့​ကို​အုပ်ချုပ်​ရန် ပေါ်ထွန်း​သော​သူ​ဖြစ်​၏။ လူမျိုးခြား​တို့​သည် သူ့​ကို​မျှော်လင့်​အားထား​ကြ​လိမ့်မည်”​ဟု ဆို​ထား​၏။

ရော​မ 16:21

ငါ​၏​လုပ်ဖော်ဆောင်ဖက်​တိမောသေ၊ ငါ့​အမျိုးသား​ချင်း လုကိ၊ ယာသုန်​နှင့် သောသိပါတရု​တို့​သည် သင်​တို့​ကို​နှုတ်ဆက်​ကြ​၏။

၁ ကော 4:17

ဤ​အကြောင်း​ကြောင့် သခင်​ဘုရား​၌​သစ္စာရှိ​သော ငါ​၏​ချစ်​သား တိမောသေ​ကို သင်​တို့​ထံသို့ ငါ​စေလွှတ်​၏။ သူ​သည် အရပ်ရပ်​တို့​၌ အသင်းတော်​တိုင်း​တွင် ငါ​သွန်သင်​သည့်​အတိုင်း ခရစ်တော်​ယေရှု​၌ ငါ​လိုက်လျှောက်​သော​လမ်း​တို့​ကို သင်​တို့​အား သတိရ​စေ​လိမ့်မည်။

ဧ​ဖက် 1:13

သင်​တို့​သည်​လည်း သင်​တို့​၏​ကယ်တင်​ခြင်း​နှင့်ဆိုင်သည့် ကောင်းမြတ်​သော​သတင်း​တည်းဟူသော သမ္မာတရား​၏​နှုတ်ကပတ်တော်​ကို ထို​သခင်​၌​ကြား​ရ​၍ ကိုယ်တော်​ကို​ယုံကြည်​သဖြင့် ကတိ​ထား​တော်မူ​သော သန့်ရှင်း​သော​ဝိညာဉ်​တော်​ဖြင့် တံဆိပ်​ခတ်နှိပ်​ခြင်း​ကို​ခံရ​ကြ​၏။

ဖိ​လိပ္ပိ 1:1

ယေရှု​ခရစ်တော်​၏​အစေအပါး​များ​ဖြစ်​ကြ​သော ငါ​ပေါလု​နှင့်​တိမောသေ​တို့​သည် ဖိလိပ္ပိ​မြို့​၌​နေ​ကြ​သော ကြီးကြပ်​သူ​များ၊ သင်းထောက်​များ​နှင့်တကွ ခရစ်တော်​ယေရှု​၌​ရှိ​သော သန့်ရှင်း​သူ​အပေါင်း​တို့​ထံသို့ စာ​ရေး​လိုက်​ပါ​၏။

ဖိ​လိပ္ပိ 2:18

ထိုနည်းတူ သင်​တို့​သည်​လည်း ဝမ်းမြောက်​ကြ​လော့။ ငါ​နှင့်အတူ​ဝမ်းမြောက်​ကြ​လော့။

ဖိ​လိပ္ပိ 2:28

ထို့ကြောင့် သင်​တို့​သည် သူ့​ကို တစ်ဖန်​တွေ့မြင်​၍ ဝမ်းမြောက်​ကြ​စေရန်​နှင့် ငါ​သည်​လည်း စိတ်​သက်သာ​ရာ​ရ​စေရန် သူ့​ကို မဆိုင်းမတွ​ငါ​စေလွှတ်​၏။

၁ သက် 3:2

ခရစ်တော်​၏​ကောင်းမြတ်​သော​သတင်း​၌ ဘုရားသခင်​၏​လုပ်ဖော်ဆောင်ဖက်​ဖြစ်​သော ငါ​တို့​၏​ညီ တိမောသေ​ကို စေလွှတ်​လိုက်​၏။ သူ့​ကို​စေလွှတ်​ခြင်း​မှာ သင်​တို့​၏​ယုံကြည်​ခြင်း​နှင့်ပတ်သက်၍ သင်​တို့​ကို တိုက်တွန်း​နှိုးဆော်​၍ ခိုင်ခံ့​မြဲမြံ​စေရန်​နှင့်

၁ သက် 3:5

ထို့ကြောင့် ဖြားယောင်း​သွေးဆောင်​သော​သူ​သည် တစ်နည်းနည်း​ဖြင့် သင်​တို့​ကို​ဖြားယောင်း​သွေးဆောင်​ပြီး ငါ​တို့​၏​ကြိုးပမ်း​အားထုတ်​မှု​သည် အချည်းနှီး​ဖြစ်​မည်​ကို​စိုးရိမ်​၍ ငါ​သည် နောက်ထပ် အောင့်ခံ​၍​မ​ရ​နိုင်​တော့​သဖြင့် သင်​တို့​၏​ယုံကြည်​ခြင်း​ကို​သိရှိ​နိုင်​ရန်​အတွက် သူ့​ကို​စေလွှတ်​ခဲ့​၏။

၂ သက် 1:3

ညီအစ်ကို​တို့၊ ငါ​တို့​သည် သင်​တို့​အတွက် ဘုရားသခင်​ကို အစဉ်အမြဲ​ကျေးဇူးတင်​သင့်​၏။ ထိုသို့​ပြု​ခြင်း​သည်​လည်း သင့်လျော်​ပေ​၏။ အဘယ်ကြောင့်​ဆိုသော် သင်​တို့​၏​ယုံကြည်​ခြင်း​သည် အလွန်​တိုးပွား​၍ အချင်းချင်း​အပေါ်၌​ထား​သော သင်​တို့​တစ်ဦးစီ​၏​ချစ်​ခြင်း​မေတ္တာ​သည်​လည်း ပွားများ​လျက်​ရှိ​၏။

၂ တိ 1:12

ထို​အကြောင်း​ကြောင့် ငါ​သည် ဤ​ဒုက္ခ​ဝေဒနာ​များ​ကို​လည်း ခံစား​နေ​ရ​၏။ သို့သော် ငါ​သည် ရှက်ကြောက်​ခြင်း​မ​ရှိ။ အကြောင်းမူကား ငါ​သည် မိမိ​ယုံကြည်​သော​အရှင်​ကို​သိ​၍ ကိုယ်တော်​ထံ၌ ငါ​အပ်​ထား​သော​အရာ​ကို ထို​နေ့ရက်​တိုင်အောင် ကိုယ်တော်​စောင့်ထိန်း​နိုင်​သည်​ဟု ငါ​ယုံကြည်​စိတ်ချ​၏။

ယာ​ကုပ် 4:15

ထို့ကြောင့် “ထာဝရ​ဘုရား​အလို​တော်​ရှိ​လျှင် ငါ​တို့​သည် အသက်ရှင်​၍ ဤ​အမှု​၊ သို့မဟုတ် ထို​အမှု​ကို​ပြု​ကြ​မည်”​ဟု​သာ သင်​တို့​ဆို​သင့်​၏။

၁ ပေ 1:21

ကိုယ်တော်​အား သေ​သော​သူ​တို့​ထဲမှ ထမြောက်​စေ​၍ ဘုန်း​အသရေ​ပေး​တော်မူ​သော​ဘုရားသခင်​ကို ကိုယ်တော်​အားဖြင့် သင်​တို့​ယုံကြည်​ကြ​၏။ သို့ဖြစ်၍ သင်​တို့​၏​ယုံကြည်​ခြင်း​နှင့်​မျှော်လင့်​ခြင်း​တို့​သည် ဘုရားသခင်​ထဲ၌​တည်ရှိ​ကြ​၏။