Biblia Todo Logo
အွန်လိုင်း သမ္မာကျမ်းစာ
- ကြော်ငြာတွေ -




နေ​ဟ​မိ 9:26 - မြန်​​​မာ့​​​စံ​​​မီ​​​သမ္မာ​​​ကျမ်း​​

26 သို့သော် သူ​တို့​သည် နာခံမှု​မ​ရှိ​။ ကိုယ်တော်​ကို​ပုန်ကန်​ကြ​၏​။ ပညတ်တရား​ကို ကျောခိုင်း​ကြ​၏​။ ကိုယ်တော့်​ထံသို့​ပြန်လာ​ရန် သူ​တို့​ကို​သတိပေး​သော ကိုယ်တော်​၏​ပရောဖက်​များ​ကို​သတ်ဖြတ်​ကြ​၏​။ လွန်စွာ​ပြစ်မှားစော်ကား​ကြ​၏​။

အခန်းကိုကြည့်ပါ။ ကော်ပီ

Common Language Bible

26 ``သို့​ရာ​တွင်​ကိုယ်​တော်​၏​လူ​မျိုး​တော်​သည် ပုန်​ကန်​ကာ​ကိုယ်​တော်​၏​စ​ကား​ကို နား​မ​ထောင်​ကြ​ပါ။ သူ​တို့​သည်​ကိုယ်​တော်​၏​ပ​ညတ်​တ​ရား​တော်​ကို ပစ်​ပယ်​ကြ​ပါ​၏။ မိ​မိ​တို့​အား​သ​တိ​ပေး​သူ၊ မိ​မိ​တို့​အား ကိုယ်​တော်​ထံ​ပြန်​လာ​ရန် ပြော​ကြား​သူ​ပ​ရော​ဖက်​များ​အား သတ်​ဖြတ်​ကြ​ပါ​၏။ သူ​တို့​သည်​ကိုယ်​တော်​အား​အ​ကြိမ်​ကြိမ် စော်​ကား​ကြ​ပါ​၏။

အခန်းကိုကြည့်ပါ။ ကော်ပီ

Garrad Bible

26 သို့ ရာ တွင် ကိုယ် တော် ကို ပုန် ကန် ခြင်း၊ တ ရား တော် ကို ဖီ ဆန် ကျော ခိုင်း ခြင်း၊ အ ထံ တော် သို့ ပြန် လှည့် ရန် နှိုး ဆော် သော ပ ရော ဖက် တော် တို့ ကို ကွပ် မျက် ခြင်း များ နှင့် ပြစ် မှား တော် လှန် ကြ သည့် အ တွက်၊

အခန်းကိုကြည့်ပါ။ ကော်ပီ

Judson Bible

26 သို့​ရာ​တွင် အ​မိန့်​တော်​ကို နား​မ​ထောင်၊ ပုန်​ကန်​လျက် တ​ရား​တော်​ကို ကျော​နောက်​သို့ ပစ်​ထား​ကြ၏။ အ​ထံ​တော်​သို့ ပြန်​လာ​စေ​ခြင်း​ငှာ၊ ဆုံး​မ​သော ကိုယ်​တော်၏​ပ​ရော​ဖက်​တို့​ကို သတ်၍ အ​လွန်​ပြစ်​မှား​ခြင်း​ကို ပြု​ကြ၏။

အခန်းကိုကြည့်ပါ။ ကော်ပီ




နေ​ဟ​မိ 9:26
35 ပူးပေါင်းရင်းမြစ်များ  

သင်​မူကား သင့်​ရှေ့​က​လူ​အပေါင်း​တို့​ထက် ဆိုးညစ်မှု​များ​ကို ပြု​လေ​ပြီ​။ သင်​သည် ငါ့​ကို​ကျောခိုင်း​ပြီး အခြား​ဘုရား​များ​၊ ရုပ်တု​များ​ကို ပြုလုပ်​ကာ ငါ့​ကို​အမျက်ထွက်​စေ​ပြီ​။


ထာဝရဘုရား​၏​ပရောဖက်​များ​ကို ယေဇဗေလ​သတ်​ခဲ့​စဉ်က အကျွန်ုပ်​မည်သို့​ပြု​ပေး​ခဲ့​သည်​ကို အရှင်​မ​ကြား​မိ​ပါ​သလော​။ အကျွန်ုပ်​သည် ထာဝရဘုရား​၏​ပရောဖက်​တစ်ရာ​ကို ငါးဆယ်​စီ​ခွဲ​၍ လိုဏ်ဂူ​ထဲတွင် ဝှက်ထား​ခဲ့​ပြီး အစာ​ရေစာ​ကို​လည်း ကျွေးမွေး​ခဲ့​ပါ​၏​။


ထာဝရဘုရား​၏​ပရောဖက်​များ​ကို ယေဇဗေလ​သတ်​ခဲ့​စဉ်က ဩဗဒိ​သည် ပရောဖက်​တစ်ရာ​ကို ငါးဆယ်​စီ​ခွဲ​၍ လိုဏ်ဂူ​ထဲတွင် ဝှက်ထား​ခဲ့​ပြီး အစာ​ရေစာ​ကို​လည်း ကျွေးမွေး​ခဲ့​၏​။


ထိုအခါ သူ​က “​အကျွန်ုပ်​သည် ကောင်းကင်​ဗိုလ်ခြေ​အရှင် ထာဝရဘုရား​အဖို့ အလွန်​စိတ်အားထက်သန်​သူ​ဖြစ်​ပါ​၏​။ အစ္စရေး​အမျိုးသား​တို့​မူကား ကိုယ်တော်​နှင့်​ဖွဲ့​ခဲ့​သော​ပဋိညာဉ်​ကို ချိုးဖောက်​ကြ​ပြီး ကိုယ်တော်​၏​ယဇ်ပလ္လင်​များ​ကို​လည်း ဖြိုဖျက်​ကြ​ပါ​ပြီ​။ ကိုယ်တော်​၏​ပရောဖက်​များ​ကို​လည်း ဓား​နှင့်​သတ်​ကြ​ပါ​ပြီ​။ အကျွန်ုပ်​တစ်ဦးတည်း​သာ ကျန်ခဲ့​ပါ​၏​။ ယခု​လည်း အကျွန်ုပ်​ကို​သတ်​ရန် လိုက်ရှာ​ကြ​ပါ​၏​”​ဟု ပြန်လျှောက်​၏​။


ထို့ကြောင့် ထာဝရဘုရား​သည် မိမိ​အစေအပါး ပရောဖက်​များ​အားဖြင့်


“​ယုဒ​ဘုရင်​မနာရှေ​မင်းကြီး​သည် စက်ဆုပ်ရွံရှာဖွယ်​အမှု​များ​ကို ပြု​ပြီ​။ သူ့​အလျင်​ရှိ​ခဲ့​သော​အာမောရိ​လူမျိုး​တို့​ထက် သာ၍​မကောင်းမှု​များ​ကို ပြု​ပြီ​။ သူ​လုပ်​ခဲ့​သော​ရုပ်တု​များ​ဖြင့် ယုဒ​လူမျိုး​တို့​ကို အပြစ်ပြု​စေ​ပြီ​။


သို့သော် လူမျိုး​တော်​အပေါ် ထာဝရဘုရား​အမျက်​တော်​ထွက်​၍ ချမ်းသာ​မ​ပေး​နိုင်​သည့်​တိုင်အောင် သူ​တို့​သည် ဘုရားသခင်​စေလွှတ်​သော​တမန်​များ​ကို လှောင်ပြောင်​ကြ​၏​။ စကား​တော်​ကို မထီမဲ့မြင်ပြု​ကြ​၏​။ ပရောဖက်​တို့​ကို ပြက်ရယ်ပြု​ကြ​၏​။


ထို့ပြင် သူ​တို့​သည် နွားသငယ်​ရုပ်တု​ကို သွန်းလုပ်​၍ ‘​ဤ​ဘုရား​သည် သင်​တို့​ကို အီဂျစ်​ပြည်​မှ​ထုတ်ဆောင်​ခဲ့​သော သင်​တို့​၏​ဘုရား​ဖြစ်​သည်​’​ဟု ပြောဆို​လျက် လွန်စွာ​ပြစ်မှားစော်ကား​ကြ​သော်လည်း


ပညတ်တရားတော်​ကို လိုက်နာ​ရန် ကိုယ်တော်​သည် သူ​တို့​ကို သတိပေး​ခဲ့​၏​။ သို့သော် သူ​တို့​သည် မာနထောင်လွှား​လျက် ကိုယ်တော်​၏​ပညတ်ချက်​တို့​ကို မ​နာခံ​ကြ​။ ‘လိုက်နာ​သော​သူ​တိုင်း အသက်ချမ်းသာ​ရာ​ရ​မည်’​ဟူသော စီရင်ထုံးဖွဲ့ချက်​များ​ကို ဆန့်ကျင်​၍ အပြစ်ပြု​ကြ​၏​။ သူ​တို့​သည် ကိုယ်တော့်​ကို ကျောခိုင်း​၍ ဆန့်ကျင်ပုန်ကန်​လျက်​၊ ခေါင်းမာ​လျက် မ​နာခံ​ဘဲ​နေ​ကြ​၏​။


ကိုယ်တော်​သည် သူ​တို့​အား​နှစ်​ပေါင်း​များစွာ​သည်းခံ​တော်မူ​၍ ကိုယ်တော်​၏​ဝိညာဉ်​တော်​ခံရ​သော ပရောဖက်​များ​အားဖြင့် သူ​တို့​ကို သတိပေး​သော်လည်း ဂရု​မ​စိုက်​ကြ​သောကြောင့် သူ​တို့​ကို ဤ​ပြည်​ရှိ လူမျိုးခြား​တို့​လက်​သို့ အပ်လိုက်​တော်မူ​၏​။


အကြောင်းမူကား သင်​သည် ဆုံးမပဲ့ပြင်​ခြင်း​ကို​မုန်း​၏​။ ငါ​၏​စကား​တို့​ကို သင့်​နောက်၌​သာ ပစ်ထား​၏​။


ထိုအခါ သင်​က သူ​တို့​အား ‘ထာဝရဘုရား​က သင်​တို့​၏​ဘိုးဘေး​တို့​သည် ငါ့​ကို​စွန့်ပယ်​၍ အခြား​ဘုရား​များ​နောက်သို့ လိုက်​ကြ​ပြီ​။ ထို​ဘုရား​တို့​ကို အစေခံ​ကြ​ပြီ​။ ပျပ်ဝပ်​ကြ​ပြီ​။ ငါ​ပညတ်​ထား​သော​တရား​ကို မ​စောင့်ထိန်း​ကြ​။


“ငါ​သည် သင်​တို့​၏​သားသမီး​များ​ကို ဆုံးမ​သော်လည်း အကျိုးမရှိ​။ သူ​တို့​သည် ဆုံးမပဲ့ပြင်​ခြင်း​ကို​လက်​မ​ခံ​ကြ​။ သင်​တို့​၏​ဓား​သည် သွေးဆာ​နေ​သော​ခြင်္သေ့​ကဲ့သို့ ပရောဖက်​များ​ကို ဝါးမျို​လေ​ပြီ​။


ကောင်း​သော​အသီးအနှံ​တို့​ကို စား​ရ​မည့်​အကြောင်း သင်​တို့​အား သီးနှံ​ဖြစ်ထွန်း​သော​ပြည်​သို့ ငါ​ခေါ်ဆောင်​လာ​၏​။ သို့သော် သင်​တို့​ရောက်လာ​၍ ငါ့​ပြည်​ကို​ညစ်ညူး​စေ​ကြ​၏​။ အမွေ​ပြည်​ကို စက်ဆုပ်ရွံရှာဖွယ် ဖြစ်စေ​ကြ​၏​။


သူ​တို့​သည် ထို​ပြည်​ကို ဝင်ရောက်​သိမ်းပိုက်​ကြ​သော်လည်း စကား​တော်​ကို​နား​မ​ထောင်​ကြ​။ တရားတော်​အတိုင်း မ​လိုက်လျှောက်​ကြ​။ ကိုယ်တော်​မိန့်မှာ​သော​အမှု​တို့​ကို​လည်း တစ်စုံတစ်ခု​မျှ​မ​လုပ်ဆောင်​ကြ​။ သို့ဖြစ်၍ ကိုယ်တော်​သည် ဤ​ဘေးအန္တရာယ်​အပေါင်း​တို့​ကို သူ​တို့​အပေါ်​သို့ ကျရောက်​စေ​တော်မူ​ပြီ​။


အို ကြွင်းကျန်​သော​ယုဒ​အမျိုး​တို့​၊ ထာဝရဘုရား​က ‘​အီဂျစ်​ပြည်​သို့ မ​သွား​ကြ​နှင့်​’​ဟု သင်​တို့​အား မိန့်​တော်မူ​ကြောင်း​ကို ယနေ့ သင်​တို့​အား ငါ​သတိပေး​၏​။ အသေအချာ​မှတ်​ထား​ကြ​လော့​။


ငါ​တို့ အပြစ်ကျူးလွန်​မိ​ပြီ​၊ ပုန်ကန်​မိ​ပြီ​။ ကိုယ်တော်​သည် ငါ​တို့​ကို ခွင့်လွှတ်​တော်​မ​မူ​။


သို့သော် သူ​တို့​၏​သားသမီး​တို့​သည် ငါ့​ကို​ပုန်ကန်​ကြ​၏​။ ‘လိုက်နာ​သော​သူ​တိုင်း အသက်ချမ်းသာ​ရာ​ရ​မည်’​ဟူသော ပြဋ္ဌာန်းချက်​တို့​ကို မ​လိုက်လျှောက်​ကြ​၊ စီရင်ထုံးဖွဲ့ချက်​တို့​ကို မ​စောင့်ထိန်း​ကြ​။ ဥပုသ်နေ့​ကို​လည်း ညစ်ညူး​စေ​ကြ​၏​။ ထို့ကြောင့် တောကန္တာရ​တွင် ငါ​၏​ဒေါသ​ကို သူ​တို့​အပေါ်​သို့​သွန်ချ​၍ သူ​တို့​ကို ငါ့​အမျက်မီး လောင်ကျွမ်း​သွား​စေ​မည်​ဟု ငါ​မိန့်ဆို​ခဲ့​၏​။


ထိုအခါ ခြံသမား​တို့​သည် ထို​သူ​၏​အစေအပါး​တို့​ကို​ဖမ်းဆီး​၍ တစ်​ဦး​ကို​ရိုက်နှက်​ကာ အခြား​တစ်​ဦး​ကို​သတ်ဖြတ်​လျက် တစ်​ဦး​ကို​မူ ခဲ​နှင့်​ပေါက်​သတ်​ကြ​၏။


သင်​တို့​ဘိုးဘေး​များ မ​ညှဉ်းဆဲ​ခဲ့​သော​ပရောဖက်​တစ်ပါးပါး​ရှိ​သလော။ သူ​တို့​သည် ဖြောင့်မတ်​သော​အရှင်​ကြွလာ​မည့်​အကြောင်း ကြိုတင်​ဟောပြော​သော​သူ​များ​ကို​သတ်​ခဲ့​ကြ​၏။ ယခု သင်​တို့​သည် ထို​ဖြောင့်မတ်​သော​အရှင်​ကို သစ္စာဖောက်​သော​သူ​နှင့် သတ်ဖြတ်​သော​သူ​များ​ဖြစ်​ကြ​ပြီ။


နွား​မှ​ရ​သော​ထောပတ်​၊ သိုး​မှ​ရ​သော​သိုး​နို့​၊ သိုးသငယ်​အဆီ​၊ ဗာရှန်​ပြည်​သိုးထီး​၊ ဆိတ်ထီး​နှင့်တကွ အကောင်းဆုံး​ဂျုံ​ဖြင့်​လည်းကောင်း ကျွေးမွေး​တော်မူ​၏​။ စပျစ်​သွေး​တည်းဟူသော​ဝိုင်နီ​ကို​လည်း သောက်​ရ​၏​။


အို ယေရှုရုန်​၊ သင်​သည် ဝဖြိုး​လာ​သဖြင့် ခြေစုံကန်​လေ​ပြီ​။ ဝဖြိုး​တုတ်ခဲ​ပြီး ဖောင်းကား​လာ​သောအခါ မိမိ​ကို​ဖန်ဆင်း​တော်မူ​သော​ဘုရားသခင်​ကို ပစ်ပယ်​လေ​ပြီ​။ မိမိ​၏​ကယ်တင်​ရာ​ကျောက်ဆောင်​ကို မထီမဲ့မြင်ပြု​လေ​ပြီ​။


တစ်ဖန် အစ္စရေး​အမျိုးသား​တို့​သည် ထာဝရဘုရား​ရှေ့​တော်​တွင် မကောင်းမှု​ကို ပြု​ကြ​ပြန်​၏​။ သူ​တို့​သည် ထာဝရဘုရား​ကို ဝတ်​မ​ပြု​၊ ထာဝရဘုရား​ကို စွန့်ပယ်​၍ ဗာလ​ဘုရား​၊ အာရှတရက်​ဘုရား​၊ ဆီးရီးယား​ဘုရား​၊ ဆီဒုန်​ဘုရား​၊ မောဘ​ဘုရား​၊ အမ္မုန်​ဘုရား​၊ ဖိလိတ္တိ​ဘုရား​တို့​ကို ဝတ်ပြု​ကြ​၏​။


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ