နေ​ဟ​မိ 9:20 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁰ သူ​တို့​အား​လမ်းပြသွန်သင်​ပေး​ရန် ကိုယ်တော်​၏​ကောင်းမြတ်​သော​ဝိညာဉ်​တော်​ကို ချပေး​တော်မူ​၏​။ ကိုယ်တော်​၏​မန္နမုန့်​ကို သူ​တို့​ပါးစပ်​နှင့်​မ​ပြတ်​စေ​ဘဲ ရေဆာ​သောအခါ​တွင်​လည်း ရေ​ကို​ပေး​တော်မူ​၏​။

Common Language Bible

²⁰ ကိုယ်​တော်​သည်​ကောင်း​မြတ်​တော်​မူ​သ​ဖြင့် သူ​တို့​ပြု​ကျင့်​သင့်​သော​အ​မှု​အ​ရာ​များ​ကို သွန်​သင်​ပေး​တော်​မူ​ပါ​၏။ သူ​တို့​အား​မန္န​မုန့်​ကို​ကျွေး​၍​သူ​တို့​သောက်​ရန် ရေ​ကို​ပေး​တော်​မူ​ပါ​၏။

Garrad Bible

²⁰ သူ တို့ ကျွမ်း ကျင် လိမ် မာ စေ ရန် မွန် မြတ် သော ဝိ ညာဉ် တော် ကို ပေး တော် မူ သည့် ပြင်၊ မ န္န မုန့် တော် ကို သူ တို့ ခံ တွင်း မှ မ ရုပ် သိမ်း ဘဲ၊ အ ငတ် ဖြေ ရန် ရေ ကို လည်း သ နား တော် မူ လျက်၊

Judson Bible

²⁰ သူ​တို့​အား သွန်​သင်​စ​ရာ​ဖို့ ကောင်း​သော​ဝိ​ညာဉ်​တော်​ကို ပေး​တော်​မူ၏။ သူ​တို့​စား​ရ​သော ကိုယ်​တော်၏​မ​န္န​ကို ရုပ်​သိမ်း​တော်​မ​မူ။ သူ​တို့ အ​ငတ်​ပြေ​စေ​ခြင်း​ငှာ၊ ရေ​ကို​လည်း ပေး​တော်​မူ၏။

နေ​ဟ​မိ 9:20 ပူးပေါင်းရင်းမြစ်များ

နေ​ဟ​မိ 9:30

ကိုယ်တော်​သည် သူ​တို့​အား​နှစ်​ပေါင်း​များစွာ​သည်းခံ​တော်မူ​၍ ကိုယ်တော်​၏​ဝိညာဉ်​တော်​ခံရ​သော ပရောဖက်​များ​အားဖြင့် သူ​တို့​ကို သတိပေး​သော်လည်း ဂရု​မ​စိုက်​ကြ​သောကြောင့် သူ​တို့​ကို ဤ​ပြည်​ရှိ လူမျိုးခြား​တို့​လက်​သို့ အပ်လိုက်​တော်မူ​၏​။

ဆာ​လံ 105:41

ကိုယ်တော်​သည် ကျောက်ဆောင်​ကို ဖွင့်​တော်မူ​သောအခါ ရေ​များ​စီးထွက်​၍ ခြောက်သွေ့​သော​နေရာ​တွင် မြစ်​ကဲ့သို့​စီးဆင်း​လေ​၏​။

ဆာ​လံ 143:10

ကိုယ်တော်​၏​အလို​တော်​ကို​ဆောင်ရွက်​နိုင်​ရန် အကျွန်ုပ်​ကို​သင်ကြား​ပေး​တော်မူ​ပါ​။ အကြောင်းမူကား ကိုယ်တော်​သည် အကျွန်ုပ်​၏​ဘုရားသခင်​ဖြစ်​တော်မူ​၏​။ ကိုယ်တော်​၏​ကောင်းမြတ်​သော​ဝိညာဉ်​တော်​သည် အကျွန်ုပ်​ကို ညီညာ​သော​မြေပြင်​ပေါ်မှာ ပို့ဆောင်​တော်မူ​ပါစေသော​။

ထွက်​မြောက် 16:15

ထို​အရာ​ကို အစ္စရေး​အမျိုးသား​တို့​တွေ့မြင်​သောအခါ မည်သည့်​အရာ​ဖြစ်​သည်​ကို​မ​သိ​သောကြောင့် “​မည်သည့်​အရာ​နည်း​”​ဟု အချင်းချင်း​မေးမြန်း​ကြ​၏​။ ထိုအခါ မောရှေ​က “​ဤ​အရာ​သည် သင်​တို့ စား​ဖို့ ထာဝရဘုရား​ပေး​တော်မူ​သော​မုန့်​ဖြစ်​၏​။

ထွက်​မြောက် 16:35

အစ္စရေး​အမျိုးသား​တို့​သည် သူ​တို့​အခြေချ​နေထိုင်​မည့်​ပြည်​သို့​မ​ရောက်​မ​ချင်း အနှစ်​လေးဆယ်​ပတ်လုံး မန္နမုန့်​ကို​စား​ကြ​၏​။ သူ​တို့​သည် ခါနာန်​ပြည်​နယ်နိမိတ်​သို့​မ​ရောက်​မ​ချင်း မန္နမုန့်​ကို​စား​ကြ​၏​။

ထွက်​မြောက် 16:4

ထိုအခါ ထာဝရဘုရား​က မောရှေ​အား “​ငါ​သည် သင်​တို့​အတွက် မုန့်​ကို မိုးကောင်းကင်​မှ​ရွာကျ​စေ​မည်​။ လူ​တို့​သည် ထွက်​၍ တစ်နေ့​စာ​တစ်နေ့​ကောက်ယူ​ကြ​ရ​မည်​။ ဤသို့သော​အားဖြင့် ငါ​၏​တရားတော်​အတိုင်း သူ​တို့​လိုက်လျှောက်​မည်​၊ မ​လိုက်လျှောက်​မည်​ကို ငါ​စမ်းသပ်​မည်​။

ထွက်​မြောက် 17:3

ထို​အရပ်​၌ လူ​တို့​သည် ရေ​ငတ်​ကြ​သဖြင့် မောရှေ​အား “​ငါ​တို့​နှင့်တကွ ငါ​တို့​၏​သားသမီး​များ​၊ တိရစ္ဆာန်​များ​ကို ရေငတ်​၍​သေ​စေရန် ငါ​တို့​ကို အဘယ်ကြောင့် အီဂျစ်​ပြည်​မှ ထုတ်ဆောင်​ခဲ့​သနည်း​”​ဟု ညည်းညူ​ပြ​ကြ​၏​။

ထွက်​မြောက် 17:6

ကြည့်ရှု​လော့​။ ငါ​သည် ဟောရပ်​တောင်​ရှိ​ကျောက်ဆောင်​ပေါ်တွင် သင့်​ရှေ့​၌ ရပ်​နေ​မည်​။ သင်​သည် ထို​ကျောက်ဆောင်​ကို​ရိုက်​လော့​။ ထို​ကျောက်ဆောင်​မှ ရေ​ထွက်လာ​သဖြင့် လူ​တို့​သည် ရေသောက်​ရ​လိမ့်မည်​”​ဟု မိန့်​တော်မူ​၏​။ မောရှေ​သည်​လည်း အစ္စရေး​သက်ကြီးဝါကြီး​တို့​၏​မျက်မှောက်​၌ ထိုအတိုင်း​ပြု​လေ​၏​။

ဟေ​ရှာ​ယ 48:21

သူ​တို့​ကို တောကန္တာရ​ထဲတွင် ပို့ဆောင်​တော်မူ​စဉ် သူ​တို့​သည် ရေ​မ​ငတ်​ရ​ကြ​။ ကိုယ်တော်​သည် သူ​တို့​အဖို့ ကျောက်ဆောင်​ထဲမှ ရေ​စီးဆင်း​စေ​တော်မူ​၏​။ ကျောက်ဆောင်​ကို​ခွဲ​တော်မူ​သဖြင့် ရေ​စီးထွက်​လေ​၏​။

ဟေ​ရှာ​ယ 49:10

သူ​တို့​သည် ဆာလောင်​မည်​မ​ဟုတ်​၊ ရေငတ်​မည်​မ​ဟုတ်​။ အပူဒဏ်​၊ နေ​ဒဏ်​ကို​လည်း မ​ခံရ​။ အကြောင်းမူကား သူ​တို့​ကို​သနား​သော​သူ​သည် သူ​တို့​ကို​ဦးဆောင်​ပေး​လိမ့်မည်​။ စမ်းရေတွင်း​သို့ လမ်းပြ​ပေး​လိမ့်မည်​။

ဟ္ဂဲ 2:5

‘အီဂျစ်​ပြည်​မှ သင်​တို့​ထွက်လာ​စဉ်က သင်​တို့​နှင့်အတူ ပဋိညာဉ်ဖွဲ့​ခဲ့​သည့်​အတိုင်း ငါ့​ဝိညာဉ်​သည် သင်​တို့​နှင့်အတူ ရှိ​၏​။ ထို့ကြောင့် ကြောက်ရွံ့​ခြင်း မ​ရှိ​ကြ​နှင့်​။

တော​လည် 11:17

ငါ​ဆင်းလာ​၍ ထို​နေရာ​၌ သင်​နှင့်​စကားပြော​မည်​။ ငါ​သည် သင်​၌​ရှိ​သည့်​ဝိညာဉ်​တော်​ကို​နုတ်ယူ​၍ ထို​သူ​တို့​ထဲသို့ သွင်းပေး​မည်​။ သူ​တို့​သည် သင်​နှင့်အတူ ထို​လူမျိုး​၏​ဝန်​ကို ထမ်း​ကြ​ရ​လိမ့်မည်​။ သို့ဖြစ်၍ သင်​တစ်ယောက်တည်း ထမ်း​ရ​တော့​မည်​မ​ဟုတ်​။

ရှင်ယောဟန် 4:10

ယေရှု​က​လည်း“ဘုရားသခင်​၏​ကောင်းချီး​လက်ဆောင်​ကို​လည်းကောင်း၊ ငါ​သောက်​ဖို့​ရေ​ပေး​ပါ​ဟု ပြောဆို​နေ​သူ​မှာ မည်သူ​ဖြစ်​သည်​ကို​လည်းကောင်း သင်​သိ​ခဲ့​လျှင် သင်​က​သာ သူ့​ကို​တောင်း​၍ သူ​သည် သင့်​အား အသက်​ရေ​ကို​ပေး​ခဲ့​လိမ့်မည်”​ဟု ပြန်​၍​မိန့်​တော်မူ​၏။

ရှင်ယောဟန် 4:14

ငါ​ပေး​မည့်​ရေ​ကို​သောက်​သော​သူ​မူကား ကာလ​အစဉ်အဆက် မည်သည့်​အခါ​မျှ ရေငတ်​မည်​မ​ဟုတ်။ ထိုထက်မက ငါ​ပေး​မည့်​ရေ​သည် ထို​သူ​၌ ထာဝရ​အသက်​တိုင်အောင် ရေ​ပန်းထွက်​ရာ စမ်းရေ​ပေါက်​ဖြစ်​လိမ့်မည်”​ဟု ပြန်​၍​မိန့်​တော်မူ​၏။

ရော​မ 15:30

ညီအစ်ကို​တို့၊ ငါ​တို့​၏​သခင်​ယေရှု​ခရစ်တော်​နှင့် ဝိညာဉ်​တော်​၏​ချစ်​ခြင်း​မေတ္တာ​အားဖြင့် သင်​တို့​အား ငါ​တောင်းပန်​လို​သည်​မှာ

၁ ကော 10:3

သူ​တို့​အားလုံး​သည် တစ်မျိုးတည်း​သော ဝိညာဉ်ရေး​ဆိုင်ရာ​အစာ​ကို စား​ခဲ့​၍

ဧ​ဖက် 5:9

အကြောင်းမူကား အလင်း​၏​အသီးအပွင့်​သည် အလုံးစုံ​သော​ကောင်းမြတ်​ခြင်း၊ ဖြောင့်မတ်​ခြင်း​နှင့် မှန်ကန်​ခြင်း​တို့​ဖြစ်​ကြ​၏။

ယော​ရှု 5:12

ထို​ပြည်​ထွက်​အစားအစာ​ကို​စား​ပြီး နောက်တစ်နေ့​တွင် မန္နမုန့်​ပြတ်​လေ​၏​။ အစ္စရေး​အမျိုးသား​တို့​သည် မန္နမုန့်​ကို မ​စား​ရ​ကြ​တော့​ပေ​။ ထို​နှစ်​တွင် ခါနာန်​ပြည်​ထွက်​အသီးအနှံ​ကို စား​ရ​ကြ​၏​။

၂ ပေ 1:21

အကြောင်းမူကား ပရောဖက်ပြု​ဟောပြော​ချက်​သည် မည်သည့်​အခါ​မျှ လူ​၏​အလိုဆန္ဒ​အရ​ဖြစ်ပေါ်​လာ​သည်​မ​ဟုတ်။ သန့်ရှင်း​သော​ဝိညာဉ်​တော်​၏​နှိုးဆော်​ခြင်း​ကို ခံရ​သော​သူ​တို့​သည် ဘုရားသခင်​ထံမှ​လာ​သော​စကား​ကို ဟောပြော​ကြ​ခြင်း​ဖြစ်​၏။