နေ​ဟ​မိ 9:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² ထို့ပြင် သူ​တို့​အား နေ့​အချိန်​၌ မိုးတိမ်​တိုင်​ဖြင့်​လည်းကောင်း​၊ ညအချိန်​၌ သူ​တို့​သွား​သော​လမ်းခရီး​တွင် အလင်း​ရ​ဖို့ မီး​တိုင်​ဖြင့်​လည်းကောင်း ပို့ဆောင်​တော်မူ​၏​။

Common Language Bible

¹² ကိုယ်​တော်​သည်​ကိုယ်​တော်​၏​လူ​မျိုး​တော်​အား နေ့​အ​ချိန်​၌​မိုး​တိမ်​တိုက်​အား​ဖြင့် လမ်း​ပြ​ပို့​ဆောင်​တော်​မူ​၍၊ညဥ့်​အ​ချိန်​၌ သူ​တို့​၏​ခ​ရီး​လမ်း​ကို​မီး​တိမ်​တိုက်​ဖြင့် ထွန်း​လင်း​စေ​တော်​မူ​ပါ​၏။

Garrad Bible

¹² သွား ရ သော လမ်း လင်း စေ ရန်၊ ညဉ့်၌ မီး တိုင် အား ဖြင့် လည်း ကောင်း၊ နေ့၌ တိမ် တိုင် အား ဖြင့် လည်း ကောင်း၊ ဦး တည်၍၊

Judson Bible

¹² ထို​မှ​တစ်​ပါး၊ နေ့​အ​ချိန်၌ မိုး​တိမ်​တိုင်​အား​ဖြင့်​လည်း​ကောင်း၊ ည​အ​ချိန်၌ သူ​တို့​သွား​ရာ​လမ်း​ကို လင်း​စေ​သော မီး​တိုင်​အား​ဖြင့်​လည်း​ကောင်း၊ သူ​တို့​ကို ပို့​ဆောင်​တော်​မူ၏။

နေ​ဟ​မိ 9:12 ပူးပေါင်းရင်းမြစ်များ

နေ​ဟ​မိ 9:19

ကိုယ်တော်​သည် ကရုဏာ​တော်​ကြီးမား​သောကြောင့် သူ​တို့​ကို​တောကန္တာရ​တွင် စွန့်ပစ်​တော်​မ​မူ​။ နေ့​အချိန်​၌ သူ​တို့​ကို လမ်းခရီး​တွင်​ပို့ဆောင်​ရန် မိုးတိမ်​တိုင်​ကို​သူ​တို့​ရှေ့​မှ​မ​ဖယ်ရှား​၊ ညအချိန်​၌ သူ​တို့​သွား​သော​လမ်းခရီး​တွင်​လည်း အလင်း​ရရှိ​ရန် မီးတိုင်​ဖြင့် ပို့ဆောင်​တော်မူ​၏​။

ဆာ​လံ 105:39

ကိုယ်တော်​သည် သူ​တို့​ကို​အုပ်မိုး​ရန် မိုးတိမ်​ကို​လည်းကောင်း​၊ ညအချိန်​တွင် အလင်းပေး​ရန် မီး​ကို​လည်းကောင်း ဖြန့်​ထား​တော်မူ​၏​။

ဆာ​လံ 107:7

သူ​တို့​နေထိုင်​ရန်​မြို့​သို့​ရောက်​ရန် ဖြောင့်​သော​လမ်း​ဖြင့် သူ​တို့​ကို ဦးဆောင်​လမ်းပြ​တော်မူ​၏​။

ဆာ​လံ 143:8

နံနက်အချိန်​၌ ကိုယ်တော်​၏​မေတ္တာကရုဏာ​တော်​အကြောင်း​ကို အကျွန်ုပ်​အား​ကြား​စေ​တော်မူ​ပါ​။ အကြောင်းမူကား အကျွန်ုပ်​သည် ကိုယ်တော်​ကို​ယုံကြည်ကိုးစား​ပါ​၏​။ အကျွန်ုပ်​သွား​ရ​မည့်​လမ်း​ကို အကျွန်ုပ်​အား သိ​စေ​တော်မူ​ပါ​။ အကြောင်းမူကား အကျွန်ုပ်​၏​စိတ်ဝိညာဉ်​သည် ကိုယ်တော်​ကို မှီဝဲဆည်းကပ်​ပါ​၏​။

ဆာ​လံ 78:14

နေ့​အချိန်​၌ မိုးတိမ်​အားဖြင့်​လည်းကောင်း​၊ ညအချိန်​၌ တစ်ညလုံး မီး​အလင်းရောင်​အားဖြင့်​လည်းကောင်း သူ​တို့​ကို​ပို့ဆောင်​တော်မူ​၏​။

ထွက်​မြောက် 15:13

ကိုယ်တော်​ရွေးနုတ်​တော်မူ​သော​လူမျိုး​ကို မေတ္တာကရုဏာ​တော်​ဖြင့် ပို့ဆောင်​တော်မူ​၍ ကိုယ်တော်​၏​သန့်ရှင်း​သော​စံမြန်း​ရာ​အရပ်​သို့ အစွမ်းတန်ခိုး​တော်​ဖြင့် လမ်းပြ​တော်မူ​၏​။

ယေ​ဇ​ကျေ​လ 20:6

ထို​နေ့​တွင်ပင် သူ​တို့​ကို အီဂျစ်​ပြည်​မှ​ထုတ်ဆောင်​ပြီး ပြည်​တကာ​တို့​ထက် သာယာဝပြော​သော​ပြည်​၊ သူ​တို့​အဖို့ ရွေးချယ်​ထား​သော ‘နို့​နှင့်​ပျားရည်​စီး​သော​ပြည်’​သို့ ပို့ဆောင်​ပေး​မည်​ဟု ကတိသစ္စာ​ပြု​ခဲ့​၏​။

တော​လည် 9:16

ထိုသို့ မိုးတိမ်​သည် ကိန်းဝပ်​တော်မူ​ရာ​ဌာန​ကို အစဉ်မပြတ်​ဖုံးလွှမ်း​လျက်​၊ ညအချိန်​တွင် မီး​သဏ္ဌာန်​ကဲ့သို့​ဖြစ်​လျက် နေ​၏​။

တော​လည် 9:21

မိုးတိမ်​သည် နေဝင်ချိန်​မှ နံနက်​အထိ တည်နေ​သောအခါ​လည်း ရှိ​၏​။ နံနက်အချိန် မိုးတိမ်​ကွာ​လျှင် သူ​တို့ ခရီးပြု​ကြ​၏​။ နေ့​ဖြစ်စေ​၊ ည​ဖြစ်စေ မိုးတိမ်​ကွာ​သည့်အခါ​တိုင်း သူ​တို့ ခရီးပြု​ကြ​၏​။

တ​ရား​ဟော 1:33

ဘုရားသခင်​သည် လမ်းခရီး​၌ သင်​တို့​ရှေ့​မှ​ကြွ​လျက် သင်​တို့​စခန်းချ​ဖို့​နေရာ​ကို စူးစမ်း​တော်မူ​၍ သင်​တို့​သွား​ရ​မည့်​လမ်း​ကို ညအချိန်​၌ မီး​အားဖြင့်​၊ နေ့အချိန်​၌ မိုးတိမ်​အားဖြင့် ပြ​ပေး​တော်မူ​ခဲ့​၏​။