ဒံ​ယေ​လ 9:20 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁰ ထိုသို့ ငါ​သည် ငါ့​အပြစ်​၊ ငါ့​လူမျိုး​အစ္စရေး​တို့​၏​အပြစ်​ကို ဝန်ချတောင်းပန်​၍ မြွက်ဆို​ဆုတောင်း​ခဲ့​၏​။ ဘုရားသခင်​၏​သန့်ရှင်း​သော​တောင်​တော်​အတွက်​လည်း ဘုရားသခင်​ထာဝရဘုရား​ထံ ပျပ်ဝပ်​အသနားခံ​ခဲ့​၏​။

Common Language Bible

²⁰ ငါ​သည်​ဆက်​လက်​၍​ဆု​တောင်း​ပတ္ထ​နာ​ပြု ကာ မိ​မိ​၏​အ​ပြစ်​များ​ကို​လည်း​ကောင်း၊ မိ​မိ ၏​လူ​မျိုး​ဖြစ်​သော​ဣ​သ​ရေ​လ​အ​မျိုး​သား တို့​၏​အ​ပြစ်​များ​ကို​လည်း​ကောင်း​ဖော်​ပြ ဝန်​ခံ​လျက် ကိုယ်​တော်​၏​သန့်​ရှင်း​မြင့်​မြတ် သော​ဗိ​မာန်​တော်​ကို​ပြန်​လည်​တည်​ဆောက် ပေး​တော်​မူ​ရန် ငါ​၏​ဘု​ရား​သ​ခင်​ထာ​ဝ​ရ ဘု​ရား​အား​အ​သ​နား​ခံ​လျက်​နေ​၏။-

Garrad Bible

²⁰ ထို သို့ ဆု တောင်း ပ ဌ နာ ပြု၍ ကိုယ့် အ ပြစ် ကို လည်း ကောင်း၊ အ မျိုး သား ချင်း ဣ သ ရေ လ လူ တို့၏ အ ပြစ် ကို လည်း ကောင်း ဝန် ချ လျက် ငါ၏ ဘု ရား သ ခင့် သန့် ရှင်း သော တောင် တော် အ ဖို့ ငါ၏ ဘု ရား သ ခင် ထာ ဝ ရ ဘု ရား ရှေ့ တော်၌ အ သ နား တော် ခံ၍၊

Judson Bible

²⁰ ထို​သို့ ဆု​တောင်း​ပ​တ္ထ​နာ​ပြု၍၊ ကိုယ်​အ​ပြစ်​ကို​လည်း​ကောင်း၊ အ​မျိုး​သား​ချင်း ဣ​သ​ရေ​လ​လူ​တို့၏​အ​ပြစ်​ကို​လည်း​ကောင်း ဖော်​ပြ​တောင်း​ပန်၍၊ ငါ​ကိုး​ကွယ်​သော ဘု​ရား​သ​ခင်၏ သန့်​ရှင်း​သော​တောင်​တော်​အ​ဖို့ ငါ​ပြု​သော​ပ​တ္ထ​နာ​စ​ကား​ကို၊ ငါ၏​ဘု​ရား​သ​ခင် ထာ​ဝ​ရ​ဘု​ရား​ရှေ့​တော်၌ ဆက်​ကပ်​လျက်​နေ၍၊

ဒံ​ယေ​လ 9:20 ပူးပေါင်းရင်းမြစ်များ

ဧ​ဇ​ရ 10:1

ထိုသို့ ဧဇရ​သည် ဘုရားသခင်​၏​အိမ်​တော်​ရှေ့​တွင် မျက်ရည်ကျ​လျက် ပျပ်ဝပ်​၍ အပြစ်​ဝန်ချ​တောင်းပန်​နေစဉ် ယောက်ျား​၊ မိန်းမ​၊ ကလေးသူငယ်​များ​ပါမကျန် အစ္စရေး​လူအုပ်​ကြီး​သည် သူ့​ထံ​လာ​၍ အော်ဟစ်ငိုကြွေး​ကြ​လေ​၏​။

နေ​ဟ​မိ 1:6

မျက်စိ​ကို​ဖွင့်​၊ နား​ကို​စွင့်​တော်မူ​၍ ကိုယ်တော်​၏​အစေအပါး​အစ္စရေး​လူမျိုး​တို့​အတွက် ရှေ့​တော်​၌ နေ့ညမပြတ်​ဆုတောင်း​ပေး​သော​ကိုယ်တော်​၏​အစေအပါး အကျွန်ုပ်​၏​ဆုတောင်းသံ​ကို နားညောင်း​တော်မူ​ပါ​။ အစ္စရေး​လူမျိုး​တို့ ကျူးလွန်​မိ​သော​အပြစ်​၊ အကျွန်ုပ်​နှင့်​အကျွန်ုပ်​၏​ဘိုးဘေး​အမျိုးအနွယ်​တို့ ကျူးလွန်​မိ​သော​အပြစ်​တို့​ကို ဝန်ချတောင်းပန်​ပါ​၏​။

ဆာ​လံ 145:18

ထာဝရဘုရား​သည် မိမိ​ကို​ခေါ်​သော​သူ​အားလုံး​၊ သမ္မာတရား​နှင့်အညီ မိမိ​ကို​ခေါ်​သော​သူ​အားလုံး​၏ အနီး​တွင်​ရှိ​တော်မူ​၏​။

ဆာ​လံ 32:5

အကျွန်ုပ်​သည် အကျွန်ုပ်​၏​အပြစ်​ကို ကိုယ်တော်​ထံ​ဝန်ချ​ပါ​၏​။ အကျွန်ုပ်​၏​ဒုစရိုက်​ကို​လည်း ဖုံးအုပ်​မ​ထား​ပါ​။ “​အကျွန်ုပ်​ကျူးလွန်​သော​အပြစ်​များ​ကို ထာဝရဘုရား​ထံ​ဖော်ပြဝန်ခံ​မည်​”​ဟု အကျွန်ုပ်​ပြောဆို​ခဲ့​ပါ​၏​။ ထိုအခါ ကိုယ်တော်​သည် အကျွန်ုပ်​၏​အပြစ်​ဒုစရိုက်​ကို ခွင့်လွှတ်​တော်မူ​၏​။(​စေလာ)

ဒေသနာကျမ်း။ 7:20

အမှန်စင်စစ် အပြစ်​မ​ပြု​ဘဲ ကောင်း​သော​အမှု​ကို​သာ​ပြု​သည့်​ဖြောင့်မတ်​သော​သူ​ဟူ၍ ကမ္ဘာမြေကြီး​ပေါ်၌​မ​ရှိ​။

ဟေ​ရှာ​ယ 56:7

ငါ​၏​သန့်ရှင်း​သော​တောင်​ပေါ်သို့ ငါ​ဆောင်​ခဲ့​၍ ငါ​၏​ဆုတောင်း​ရာ​အိမ်​၌ သူ​တို့​ကို ငါ​ဝမ်းမြောက်​စေ​မည်​။ ငါ့​ယဇ်ပလ္လင်​ပေါ်မှာ​ပူဇော်​သော သူ​တို့​၏​မီးရှို့ရာယဇ်​များ​၊ ပူဇော်သက္ကာ​များ​ကို ငါ​လက်ခံ​မည်​။ ငါ့​အိမ်​တော်​ကို လူမျိုး​တကာ​တို့​၏​ဆုတောင်း​ရာ​အိမ်​ဟူ၍ ခေါ်ဝေါ်​ကြ​လိမ့်မည်​”​ဟု မိန့်​တော်မူ​၏​။

ဟေ​ရှာ​ယ 58:9

သင်​ခေါ်​သောအခါ ထာဝရဘုရား ထူး​တော်မူ​မည်​။ အကူအညီ​အော်ဟစ်​တောင်းခံ​သောအခါ “​ငါ​ရှိ​၏​”​ဟု မိန့်​တော်မူ​မည်​။ သင်​သည် သူတစ်ပါး​ကို​လက်ညှိုးထိုး​ခြင်း​၊ ယုတ်ညံ့​သော​စကား​ပြောဆို​ခြင်း​ဟူသော သင့်​တွင်​ရှိ​သော​ထမ်းပိုး​ကို ဖယ်ရှား​၍

ဟေ​ရှာ​ယ 6:5

ထိုအခါ “​ငါ​၌​အမင်္ဂလာ​ရှိ​၏​။ ငါ​သည် ပျက်စီးဆုံးရှုံး​ပြီ​။ အကြောင်းမူကား ငါ​သည် နှုတ်ခမ်း​ညစ်ညူး​လျက်​၊ နှုတ်ခမ်း​ညစ်ညူး​သော​လူမျိုး​အလယ်​တွင်​နေထိုင်​လျက်ပင် ကောင်းကင်​ဗိုလ်ခြေ​အရှင်​ထာဝရဘုရား​တည်းဟူသော ရှင်ဘုရင်​ကို ငါ့​မျက်စိ​နှင့်​မြင်​လေ​ပြီ​တကား​”​ဟု ငါ​ဆို​၏​။

ဟေ​ရှာ​ယ 65:24

သူ​တို့​မ​ခေါ်​မီ ငါ​ထူး​မည်​။ သူ​တို့​တောင်းလျှောက်​နေစဉ် ငါ​နားထောင်​မည်​။

ဒံ​ယေ​လ 10:12

တစ်ဖန် သူ​က “​ဒံယေလ​၊ မ​ကြောက်​နှင့်​။ သင်​သည် ဘုရားသခင်​၏​ရှေ့​တော်​တွင် ကိုယ်​ကို​နှိမ့်ချ​၍ နားလည်​လို​သော​ဆန္ဒရှိ​သည့်​ပထမဆုံး​နေ့​မှစ၍ သင့်​စကား​ကို ဘုရားသခင်​ကြား​တော်မူ​ပြီ​။ သင့်​စကား​ကြောင့် ငါ​ရောက်လာ​ရ​ခြင်း​ဖြစ်​၏​။

ဒံ​ယေ​လ 10:2

ထိုစဉ်က ငါ​ဒံယေလ​သည် ရက်သတ္တပတ်​သုံး​ပတ်​တိုင်တိုင် ငိုကြွေးမြည်တမ်း​လျက်

ဒံ​ယေ​လ 11:45

ပင်လယ်​နှင့် သာယာ​သော​တောင်​ကြား​တွင် သူ့​တဲနန်း​ကို သူ​ဆောက်​လိမ့်မည်​။ ဤသို့ဖြင့် သူ့​ဘဝ​နိဂုံးချုပ်​ချိန်​ရောက်လာ​ကာ သူ့​ကို​ကူညီ​မည့်​သူ တစ်ယောက်​မျှ​ရှိ​မည်​မ​ဟုတ်​။

ဒံ​ယေ​လ 9:16

အို ဘုရားရှင်​၊ ကိုယ်တော်​သည် ဖြောင့်မှန်​စွာ​ပြု​တော်မူ​သည့်​အတိုင်း ကိုယ်တော်​၏​အမျက်​ဒေါသ​ကို ကိုယ်တော်​၏​သန့်ရှင်း​သော​တောင်​တည်းဟူသော ဂျေရုဆလင်​မြို့​မှ ပြန်လည်​ရုပ်သိမ်း​တော်မူ​ပါ​။ အကြောင်းမူကား အကျွန်ုပ်​တို့​၏​အပြစ်​၊ ဘိုးဘေး​တို့​၏​ဒုစရိုက်​များ​ကြောင့် ဂျေရုဆလင်​မြို့​နှင့် လူမျိုး​တော်​တို့​သည် ဝန်းကျင်​ရှိ​လူ​အပေါင်း​တို့​အတွက် ကဲ့ရဲ့စရာ ဖြစ်​ရ​ပါ​ပြီ​။

ဇာ​ခ​ရိ 8:3

ထာဝရဘုရား​က ‘ဇိအုန်​မြို့​သို့ ငါ​ပြန်လာ​မည်​။ ဂျေရုဆလင်​မြို့​တွင် ကိန်းဝပ်​မည်​။ ဂျေရုဆလင်​မြို့​သည် သစ္စာစောင့်​သော​မြို့​၊ ကောင်းကင်​ဗိုလ်ခြေ​အရှင်​ထာဝရဘုရား​၏​တောင်​တော်​၊ သန့်ရှင်း​သော​တောင်​တော်​ဟူ၍ ခေါ်ဝေါ်​ကြ​လိမ့်မည်’​ဟု မိန့်​တော်မူ​၏​။

တမန်တော်ဝတ္ထု 4:31

ထိုသို့ သူ​တို့​ဆုတောင်း​ပြီး​သောအခါ သူ​တို့​စုဝေး​နေ​ကြ​သော​နေရာ​သည် တုန်လှုပ်​၍ သူ​တို့​အားလုံး​သည် သန့်ရှင်း​သော​ဝိညာဉ်​တော်​နှင့်​ပြည့်ဝ​လျက် ဘုရားသခင်​၏​နှုတ်ကပတ်​တရား​ကို ရဲရင့်​စွာ​ဟောပြော​ကြ​၏။

ရော​မ 3:23

အကြောင်းမူကား လူ​အပေါင်း​တို့​သည် အပြစ်​ပြု​၍ ဘုရားသခင်​၏​ဘုန်း​အသရေ​တော်​နှင့် အလှမ်းဝေး​ကြ​ပြီ။

ယာ​ကုပ် 3:2

အကြောင်းမူကား ငါ​တို့​ရှိသမျှ​သည် များစွာ​မှားယွင်း​တတ်​ကြ​၏။ မည်သူမဆို စကား​ပြော​ခြင်း​အရာ​၌ မှားယွင်း​ခြင်း​မ​ရှိ​လျှင် ထို​သူ​သည် မိမိ​ကိုယ်ခန္ဓာ​တစ်ခုလုံး​ကို​လည်း​ချုပ်တည်း​နိုင်​သည့် စုံလင်​သော​သူ​ဖြစ်​၏။

ဗျာ​ဒိတ် 21:10

ထို​ကောင်းကင်​တမန်​သည် ကြီးမား​၍​မြင့်​လှ​သော​တောင်​ပေါ်သို့ ဝိညာဉ်​တော်​အားဖြင့် ငါ့​ကို​ခေါ်ဆောင်​သွား​ကာ ဘုရားသခင်​အထံ​တော်၊ ကောင်းကင်​ထက်​မှ​ဆင်းသက်လာ​သည့် သန့်ရှင်း​သော​ဂျေရုဆလင်​မြို့​ကို ငါ့​အား​ပြ​လေ​၏။

ဗျာ​ဒိတ် 21:2

တစ်ဖန် သန့်ရှင်း​သော​ဂျေရုဆလင်​မြို့​သစ်​သည် သတို့သား​အတွက်​ဆင်မြန်း​ထား​သည့် သတို့သမီး​ကဲ့သို့​ပြင်ဆင်​လျက် ဘုရားသခင်​အထံ​တော်၊ ကောင်းကင်​မှ​ဆင်းသက်​လာ​သည်​ကို ငါ​မြင်​ရ​၏။