ဒံ​ယေ​လ 4:13 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹³ သလွန်တော်​ပေါ်တွင် တွေးတော​လျက်​နေစဉ် တစ်ဖန် စိတ်အာရုံ​တွင် မြင်​ရ​ပြန်​၏​။ သန့်ရှင်း​သူ​ကောင်းကင်တမန်​တစ်ပါး​သည် ကောင်းကင်​မှ​ဆင်းသက်​လာ​ပြီး

Common Language Bible

¹³ ``ငါ​သည်​ထို​ဗျာ​ဒိတ်​ရူ​ပါ​ရုံ​တွင်​တွေ့​မြင် ရ​ပုံ​ကို​စဉ်း​စား​ဆင်​ခြင်​လျက်​နေ​စဉ် နိုး ကြား​စောင့်​ကြည့်​သူ​ကောင်း​ကင်​တ​မန်​တစ် ပါး​ဆင်း​သက်​လာ​သည်​ကို​မြင်​ရ​၏။-

Garrad Bible

¹³ သာ လွန် ပေါ် တွင် မြင် မက် သော မ နော ရူ ပါ ရုံ ကို ဆို ဦး အံ့။ သန့် ရှင်း သော စောင့် ကြည့် တတ် သူ တစ် ပါး သည် ကောင်း ကင် မှ သက် ဆင်း ပြီး လျှင်၊

Judson Bible

¹³ အိပ်​ပျော်၍ မြင်​မက်​စဉ်၊ တစ်​ဖန်​ငါ​ကြည့်​ရှု​ပြန်​လျှင်၊ သစ်​ပင်​စောင့်​တည်း​ဟူ​သော သန့်​ရှင်း​သူ​တစ်​ယောက်​သည် ကောင်း​ကင်​မှ ဆင်း​လာ၍၊

ဒံ​ယေ​လ 4:13 ပူးပေါင်းရင်းမြစ်များ

ယောဘဝတ္တု။ 12:24

ပြည်သူပြည်သား​တို့​ကို ဦးဆောင်​သော​သူ​များ​၏​အသိတရား​ကို နုတ်ယူ​တော်မူ​ပြီး လမ်း​မ​ရှိ​သော​လွင်တီးခေါင်​တွင် တလည်လည်​ဖြစ်​စေ​တော်မူ​၏​။

ဆာ​လံ 103:20

ကိုယ်တော်​၏​အမိန့်​တော်​အတိုင်း​လုပ်ဆောင်​၍ အမိန့်​တော်​သံ​ကို​နာခံ​ကြ​သည့် တန်ခိုး​ခွန်အားကြီး​သော ကိုယ်တော်​၏​ကောင်းကင်တမန်​တို့​၊ ထာဝရဘုရား​ကို ကောင်းချီးထောမနာ​ပြု​ကြ​လော့​။

ဆာ​လံ 89:7

ဘုရားသခင်​သည် သန့်ရှင်း​သော​သူ​တို့​၏ အစည်းအဝေး​တွင် အလွန်​ကြောက်ရွံ့ရိုသေ​ခြင်း​ကို ခံရ​သော​အရှင်​ဖြစ်​တော်မူ​၏​။ ကိုယ်တော်​၏​ပတ်လည်​၌​ရှိ​သော​သူ​အပေါင်း​တို့​ထက် အံ့ဩ​ဖွယ်​ဖြစ်​တော်မူ​၏​။

ဒံ​ယေ​လ 4:10

ငါ​သည် သလွန်တော်​ပေါ်တွင် တွေးတော​လျက်​နေစဉ် စိတ်အာရုံ​တွင် ကမ္ဘာမြေကြီး​၏​အလယ်ဗဟို​၌ အလွန်​မြင့်မား​သော​သစ်ပင်​တစ်​ပင်​ကို ငါ​မြင်​ရ​၏​။

ဒံ​ယေ​လ 4:17

ဤသည်ကား ကောင်းကင်တမန်​တို့​ကြေညာ​သော စီရင်ချက်​ဖြစ်​၏​။ သန့်ရှင်း​သူ​တို့​၏​စကား​လည်း ဖြစ်​၏​။ အမြင့်ဆုံး​သော​အရှင်​သည် လူ့​ပြည်​ကို​အုပ်စိုး​၍ အလို​တော်​ရှိ​သော​သူ​အား ပေး​တော်မူ​ကြောင်း​နှင့် အနိမ့်ဆုံး​သော​သူ​ကို​ပင် အုပ်စိုးခွင့်​ပေး​တော်မူ​ကြောင်း​ကို အသက်ရှင်​သူ​တို့ သိ​စေရန် ဖြစ်​၏’​ဟု ဆို​လေ​၏​။

ဒံ​ယေ​လ 4:23

ထို့ပြင် သန့်ရှင်း​သူ​ကောင်းကင်တမန်​တစ်​ပါး​သည် ကောင်းကင်​မှ​ဆင်းသက်​လာ​ပြီး ‘​ဤ​သစ်ပင်​ကို ခုတ်လှဲ​ဖျက်ဆီး​ပစ်​လော့​။ သို့သော် မြေကြီး​ထဲ​စွဲ​နေ​သော​အမြစ်​နှင့်​အငုတ်​ကို သံကြိုး​၊ ကြေးနီ​တို့​ဖြင့် ချည်နှောင်​၍ မြက်နု​များ​ပေါက်​ရာ​ကွင်းပြင်​တွင် ချန်ထား​လော့​။ မိုးကောင်းကင်​နှင်း​များ စို​ပါစေ​။ တောတိရစ္ဆာန်​တို့​နှင့်အတူ ခုနစ်​နှစ်​ပတ်လုံး မြက်ပင်​ကို အတူ​စား​ပါစေ​’​ဟု မိန့်ဆို​သည်​ကို အရှင်မင်းကြီး မြင်မက်​ပါ​၏​။

ဒံ​ယေ​လ 4:5

အိပ်မက်​တစ်​ခု​ကို မြင်မက်​၏​။ ထို​အိပ်မက်​သည် ငါ့​ကို ခြောက်လှန့်​၏​။ သလွန်တော်​ပေါ်တွင်​လဲလျောင်း​နေစဉ် တွေးမိ​သော​အတွေး​၊ စိတ်အာရုံ​တွင် မြင်​ရ​သော​အရာ​တို့​က ငါ့​ကို ထိတ်လန့်​စေ​၏​။

ဒံ​ယေ​လ 7:1

ဘေဘီလုံ​ဘုရင်​ဗေလရှာဇာ​မင်းကြီး နန်းစံ​ပထမ​နှစ်​တွင် ဒံယေလ​သည် အိပ်ရာ​ပေါ်တွင်​အိပ်​နေစဉ် စိတ်အာရုံ​တွင် အိပ်မက်​တစ်ခု​ကို မြင်မက်​လေ​၏​။ ထိုအခါ သူ​သည် ထို​အိပ်မက်​ကို ရေးမှတ်​ထား​ပြီး အိပ်မက်​၏​အနှစ်ချုပ်​ကို​ပြောပြ​၏​။

ဒံ​ယေ​လ 7:17

‘ဤ​သားရဲ​ကြီး​လေး​ကောင်​သည် နောင်တွင်​ပေါ်လာ​မည့်​မြေကြီး​ဘုရင်​လေး​ပါး​ကို ဆိုလို​၏​။

ဒံ​ယေ​လ 7:23

ထို​သူ​က ‘စတုတ္ထ​သားရဲ​သည် ကမ္ဘာမြေ​ပေါ်တွင် ပေါ်လာ​မည့်​စတုတ္ထ​နိုင်ငံ​ဖြစ်​၏​။ ဤ​နိုင်ငံ​သည် အခြား​နိုင်ငံ​အားလုံး​ထက် ထူးခြား​၍ ကမ္ဘာမြေ​တစ်ပြင်လုံး​ကို တစ်စစီချိုးဖဲ့​ကိုက်စား​ဝါးမျို​ပစ်​လိမ့်မည်​။

ဒံ​ယေ​လ 8:13

ထိုအခါ သန့်ရှင်း​သူ​တစ်​ပါး​၏​စကားသံ​ကို ငါ​ကြား​ရ​၏​။ စကားပြော​နေ​သော ထို​သန့်ရှင်း​သူ​တစ်ပါး​ကို အခြား​သန့်ရှင်း​သူ​တစ်​ပါး​က “​ဗျာဒိတ်နိမိတ်​ထဲတွင် နေ့စဉ်​ပူဇော်သက္ကာ​၊ လူဆိတ်ညံ​ရာ​ဖြစ်​စေ​သော​အပြစ်​၊ သန့်ရှင်းရာဌာန​နှင့် ဗိုလ်ခြေ​တို့​ကို နင်းချေ​အပ်နှံ​ခြင်း​တို့​နှင့်ဆိုင်သော​အဖြစ်အပျက်​သည် မည်မျှ​ကြာကြာ​ဖြစ်​မည်နည်း​”​ဟု မေးမြန်း​ပြောဆို​သည်​ကို ငါ​ကြား​ရ​၏​။

ဇာ​ခ​ရိ 14:5

ဤ​တောင်​ကြား​ချိုင့်ဝှမ်းလွင်ပြင်​သည် အာဇေလ​အရပ်​တိုင်အောင် ရောက်​လိမ့်မည်​။ ယုဒ​ဘုရင်​ဩဇိ​မင်းကြီး​လက်ထက် ငလျင်လှုပ်​သဖြင့် သင်​တို့​ထွက်ပြေး​ရ​သကဲ့သို့ ယခု​လည်း တောင်​ကြား​ချိုင့်ဝှမ်းလွင်ပြင်​အတိုင်း သင်​တို့ ထွက်ပြေး​ရ​လိမ့်မည်​။ ငါ​၏​ဘုရားသခင်​ထာဝရဘုရား​သည်​လည်း မိမိ​သန့်ရှင်း​သူ​အပေါင်း​တို့​နှင့်အတူ ကြွလာ​တော်မူ​လိမ့်မည်​။

မဿဲ 25:31

လူ့သား​သည် မိမိ​၏​ဘုန်း​အသရေ​ကို​ဆောင်​လျက် ကောင်းကင်တမန်​အပေါင်း​တို့​နှင့်တကွ ကြွလာ​သောအခါ ဘုန်း​အသရေ​နှင့်​ပြည့်စုံ​သော မိမိ​၏​ပလ္လင်​ပေါ်၌ ထိုင်​တော်မူ​လိမ့်မည်။

ရှင်မာကု 1:24

ထို​သူ​က “နာဇရက်​မြို့သား​ယေရှု၊ ကိုယ်တော်​နှင့်​အကျွန်ုပ်​တို့ မည်သို့​ဆိုင်​သနည်း။ အကျွန်ုပ်​တို့​ကို​ဖျက်ဆီး​ရန် ကြွလာ​တော်မူ​သလော။ ကိုယ်တော်​မည်သူ​ဖြစ်​သည်​ကို အကျွန်ုပ်​သိ​ပါ​၏။ ကိုယ်တော်​သည် ဘုရားသခင်​၏​သန့်ရှင်း​သူ​ဖြစ်​ပါ​၏”​ဟု အော်ဟစ်​ပြောဆို​လေ​၏။

လုကာ 4:34

“အို နာဇရက်​မြို့သား​ယေရှု၊ ကိုယ်တော်​နှင့်​အကျွန်ုပ်​တို့ မည်သို့​ဆိုင်​သနည်း။ အကျွန်ုပ်​တို့​ကို​ဖျက်ဆီး​ရန်​ကြွလာ​တော်မူ​သလော။ ကိုယ်တော်​သည် မည်သူ​ဖြစ်​သည်​ကို အကျွန်ုပ်​သိ​ပါ​သည်။ ကိုယ်တော်​သည် ဘုရားသခင်​၏​သန့်ရှင်း​သူ​ဖြစ်​ပါ​သည်”​ဟု အော်ဟစ်​လေ​၏။

တ​ရား​ဟော 33:2

မောရှေ​က “​ထာဝရဘုရား​သည် သိနာ​တောင်​မှ ကြွလာ​တော်မူ​၏​။ စိရ​တောင်​မှ ထွန်းလင်း​တော်မူ​၏​။ ပါရန်​တောင်​မှ ရောင်ခြည်လွှတ်​တော်မူ​၏​။ လက်ယာ​လက်​တော်​၌ ဥပဒေသမီး​ပါ​လျက် သန့်ရှင်း​သူ​အထောင်အသောင်း​တို့​နှင့် ကြွလာ​တော်မူ​၏​။

ယု​ဒ 1:14

အာဒံ​မှ ခုနစ်​ဆက်​မြောက်​သော​မျိုးဆက်​ဖြစ်​သည့် ဧနောက်​သည်​လည်း သူ​တို့​နှင့်​ပတ်သက်၍ ပရောဖက်ပြု​ဟောပြော​လျက် “ကြည့်ရှု​လော့။ ထာဝရ​ဘုရား​သည် အတိုင်းမသိ​များစွာ​သော မိမိ​၏​သန့်ရှင်း​သူ​တို့​နှင့်အတူ ကြွလာ​တော်မူ​လိမ့်မည်။

ဗျာ​ဒိတ် 14:10

ဘုရားသခင်​၏​အမျက်​တော်​ခွက်​၌ မည်သည့်​အရာ​မျှ​မရောစပ်​ဘဲ​လောင်းထည့်​သည့် ကိုယ်တော်​၏​ပြင်းစွာ​သော​ဒေါသ​စပျစ်​ဝိုင်​ကို သောက်​ရ​လိမ့်မည်။ ထို​သူ​သည် သန့်ရှင်း​သော​ကောင်းကင်​တမန်​များ​နှင့် သိုးသငယ်​တော်​၏​ရှေ့မှောက်​တွင် ကန့်​နှင့်​မီး​တို့​ထဲ၌ ညှဉ်းဆဲ​ခြင်း​ကို​ခံရ​လိမ့်မည်။