ဒံ​ယေ​လ 12:11 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹¹ နေ့စဉ်​ပူဇော်သက္ကာ​ကို​ဖယ်ရှား​၍ ဖျက်ဆီး​တတ်​သော​ရွံရှာဖွယ်​ရာ​ကို​တည်​ထား​ချိန်​မှစ၍ ရက်​ပေါင်း​တစ်ထောင့်​နှစ်ရာ့​ကိုးဆယ် ကြာ​လိမ့်မည်​။

Common Language Bible

¹¹ ``နေ့​စဉ်​ပူ​ဇော်​ရာ​ယဇ်​များ​ကို​ရပ်​စဲ​စေ​သည့် အ​ချိန်၊ ထိတ်​လန့်​စက်​ဆုပ်​ဖွယ်​ကောင်း​သော အ​ရာ ပေါ်​ပေါက်​လာ​သည့်​အ​ချိန်​မှ​အ​စ​ပြု​၍ ရက်​ပေါင်း​တစ်​ထောင့်​နှစ်​ရာ​ကိုး​ဆယ်​ကုန် လွန်​သွား​လိမ့်​မည်။-

Garrad Bible

¹¹ ဆက် မြဲ ပူ ဇော် သ က္ကာ ကို ပယ် ဖြတ်၍။ ဆိတ် ညံ ရာ ဖြစ် စေ သော ရွံ ရှာ ဖွယ် ကို တည် ထား က တည်း က၊ ရက် ပေါင်း တ ထောင့် နှစ် ရာ့ ကိုး ဆယ် ကြာ လိမ့် မည်။

Judson Bible

¹¹ နေ့​ရက်​အ​စဉ် ပြု​သော​ဝတ်​ကို ပယ်​ရှင်း၍၊ ဖျက်​ဆီး​တတ်​သော ရွံ​ရှာ​ဖွယ်​အ​ရာ​သည် ပေါ်​လာ​ပြီး​မှ၊ အ​ရက် တစ်​ထောင်​နှစ်​ရာ​ကိုး​ဆယ် ကြာ​လိမ့်​မည်။

ဒံ​ယေ​လ 12:11 ပူးပေါင်းရင်းမြစ်များ

ထွက်​မြောက် 29:38

ယဇ်ပလ္လင်​ပေါ်၌ တစ်​နေ့​လျှင် တစ်နှစ်သားအရွယ်​သိုးသငယ်​နှစ်​ကောင်​ကို နေ့စဉ်​ပူဇော်​ရ​မည်​။

ယေ​ဇ​ကျေ​လ 4:6

ရက်စေ့​သောအခါ လက်ယာ​ဘက်​သို့ တစ်ဖန်​စောင်းအိပ်​ပြီး ယုဒ​အမျိုးအနွယ်​၏​အပြစ်​ကို ခံယူ​ရ​မည်​။ တစ်ရက်​ကို တစ်​နှစ်​အဖြစ်​သတ်မှတ်​၍ ရက်ပေါင်း​လေးဆယ် သင်​စောင်းအိပ်​ရ​မည်​။

ဒံ​ယေ​လ 1:12

“​အသင့်​အစေအပါး​တို့​အား ဟင်းသီးဟင်းရွက်​ကို​သာ​ကျွေး​၍ ရေ​ကို​သာ​တိုက်​ခြင်း​ဖြင့် ဆယ်​ရက်​စမ်းသပ်​ကြည့်​ပါ​။

ဒံ​ယေ​လ 11:31

သူ​၏​တပ်သား​တို့​သည် လာ​၍ ခိုလှုံ​ရာ​ဖြစ်​သည့်​သန့်ရှင်းရာဌာန​တော်​ကို ရှုတ်ချ​လိမ့်မည်​။ နေ့စဉ်​ပူဇော်သက္ကာ​ကို ဖယ်ရှား​ပစ်​၍ ဖျက်ဆီး​တတ်​သော​ရွံရှာဖွယ်​ရာ​ကို တည်​ထား​ကြ​လိမ့်မည်​။

ဒံ​ယေ​လ 7:25

ထို​ဘုရင်​သည် အမြင့်ဆုံး​သော​အရှင်​ကို ဆန့်ကျင်​ပြောဆို​၍ အမြင့်ဆုံး​သော​အရှင်​၏​သန့်ရှင်း​သူ​များ​ကို ဖိနှိပ်ချုပ်ချယ်​မည်​။ သူ​သည် အချိန်​ကာလ​နှင့် ဥပဒေ​တို့​ကို ပြောင်းလဲ​ပစ်​ရန် ကြိုးစား​လိမ့်မည်​။ သန့်ရှင်း​သူ​တို့​သည်​လည်း တစ်​ကာလ​၊ နှစ်​ကာလ​၊ ကာလ​တစ်ဝက်​ပတ်လုံး သူ့​လက်​သို့ ကျရောက်​ရ​လိမ့်မည်​။

ဒံ​ယေ​လ 8:26

ညဥ့်ဦးယံ​၊ နံနက်ယံ​၌ ဖော်ပြ​သော ဗျာဒိတ်အာရုံ​သည်​လည်း အမှန်ပင်​ဖြစ်​၏​။ ဤ​ဗျာဒိတ်နိမိတ်​သည် နောင်လာမည့်​နေ့ရက်​ကာလ​နှင့်​ဆိုင်​သည်​ဖြစ်၍ ၎င်း​ကို ဝှက်​ထား​လော့​”​ဟု ငါ့​အား ရှင်းပြ​၏​။

ဒံ​ယေ​လ 9:27

ထို​မင်း​သည်​လည်း တစ်​သီတင်း​အတွက် လူ​အများ​တို့​နှင့်​အခိုင်အမာ​ပဋိညာဉ်​ဖွဲ့​လိမ့်မည်​။ သို့သော် သီတင်း​တစ်ဝက်​တွင် ယဇ်ပူဇော်​ခြင်း​နှင့် ဘောဇဉ်ပူဇော်သက္ကာ​တို့​ကို ရပ်စဲ​စေ​လိမ့်မည်​။ သုတ်သင်ဖျက်ဆီး​ခြင်း​ခံရ​မည်​ဟူသော စီရင်သတ်မှတ်​ချက်​သည် ဖျက်ဆီး​သော​သူ​အပေါ် ကျရောက်​မည်​။ ထို​အချိန်​တိုင်အောင် ထို​ဖျက်ဆီး​သော​သူ​သည် ရွံရှာဖွယ်​ရာ​များ​၏​တောင်ပံ​ပေါ်တွင် တည်​နေ​လိမ့်မည်”​ဟု ဆို​၏​။

ဟော​ရှေ 3:4

အစ္စရေး​အမျိုးသား​တို့​သည် ရှင်ဘုရင်​နှင့် အကြီးအကဲ မ​ရှိ​၊ ယဇ်ပူဇော်​ခြင်း မ​ရှိ​၊ အထွတ်အမြတ်​ကျောက်တိုင် မ​ရှိ​၊ ဧဖုဒ် မ​ရှိ​၊ တေရပ်ရုပ်တု မ​ရှိ​။ ထိုကဲ့သို့ နေ့ရက်​များစွာ နေ​ရ​လိမ့်မည်​။

မဿဲ 24:15

ထို့ကြောင့် ပရောဖက်​ဒံယေလ​အားဖြင့် မိန့်​တော်မူ​ခဲ့​သည့် ပျက်စီး​ဆိတ်သုဉ်း​ခြင်း​နှင့်ဆိုင်သော​ရွံရှာ​ဖွယ်​အရာ သည် သန့်ရှင်း​သော​နေရာ​၌ ရပ်​နေ​သည်​ကို သင်​တို့​မြင်​ကြ​သောအခါ (ဖတ်​သော​သူ​နားလည်​ပါစေ)

ရှင်မာကု 13:14

ပျက်စီး​ဆိတ်သုဉ်း​ခြင်း​နှင့်ဆိုင်သော​ရွံရှာ​ဖွယ်​အရာ​သည် မ​ရပ်​သင့်​သော​နေရာ​၌​ရပ်​နေ​သည်​ကို သင်​တို့​မြင်​ကြ​သောအခါ (ဖတ်​သော​သူ​နားလည်​ပါစေ) ယုဒ​နယ်​၌​ရှိ​သော​သူ​တို့​သည် တောင်​များ​ပေါ်သို့​ထွက်ပြေး​ကြ​စေ။

ဗျာ​ဒိတ် 11:2

သို့သော် ဗိမာန်​တော်​၏​အပြင်​ဘက်​၌​ရှိ​သည့်​တံတိုင်း​သည် လူမျိုးခြား​တို့​အား​ပေး​ထား​သည်​ဖြစ်၍ ၎င်း​ကို​မ​တိုင်း​ဘဲ​ချန်ထား​လော့။ ထို​သူ​တို့​သည် သန့်ရှင်း​သော​မြို့​တော်​ကို လေးဆယ့်​နှစ်​လ​တိုင်တိုင် နင်းချေ​ကြ​လိမ့်မည်။

ဗျာ​ဒိတ် 12:6

ထို​အမျိုးသမီး​သည်​လည်း တော​ကန္တာရ​ထဲသို့ ထွက်ပြေး​လေ​၏။ ထို​အရပ်​၌ ရက်​ပေါင်း​တစ်ထောင့်​နှစ်ရာ​ခြောက်ဆယ်​တိုင်တိုင် သူ့​ကို​ကြည့်ရှု​စောင့်ရှောက်​ရန် ဘုရားသခင်​ပြင်ဆင်​ထား​တော်မူ​သော နေရာ​တစ်​နေရာ​ရှိ​၏။

ဗျာ​ဒိတ် 13:5

ထို​သားရဲ​သည် လေလုံးထွား​၍ ဘုရားသခင်​ကို​စော်ကား​ပြောဆို​တတ်​သော​နှုတ်​ကို​ရရှိ​လျက် လေးဆယ့်​နှစ်​လ​တိုင်တိုင် အာဏာ​လွှမ်း​ရ​သော​အခွင့်​ကို​ရရှိ​၏။