ဒံ​ယေ​လ 11:36 - မြန်​​​မာ့​​​စံ​​​မီ​​​သမ္မာ​​​ကျမ်း​​

³⁶ ထို​ဘုရင်​သည် မိမိ​အလို​အတိုင်း ပြုမူ​လိမ့်မည်​။ ဘုရား​တကာ​တို့​ထက် ကိုယ့်ကိုယ်ကိုယ် ချီးမြှင့်​မြှောက်စား​လိမ့်မည်​။ ဘုရား​တကာ​တို့​၏​ဘုရား​ကို ရင့်သီးကြမ်းကြုတ်​သော​စကား​တို့​ဖြင့် ဆန့်ကျင်​ပြောဆို​လိမ့်မည်​။ အမျက်​တော်​ကာလ ပြီးဆုံး​သည်​အထိ သူ​သည် အောင်မြင်မှု​ရ​လိမ့်မည်​။ စီရင်​ထား​သော​အရာ​သည် ဧကန်​ဖြစ်လာ​လိမ့်မည်​။

Common Language Bible

³⁶ ``ဆီး​ရီး​ယား​ဘု​ရင်​သည်​မိ​မိ​၏​စိတ်​ဆန္ဒ​ရှိ သည်​အ​တိုင်း​ပြု​လိမ့်​မည်။ မိ​မိ​သည်​ဘု​ရား အ​ပေါင်း​တို့​ထက်​ကြီး​မြတ်​သည်​ဟူ​၍​လည်း ကောင်း၊ အမြင့်​မြတ်​ဆုံး​သော​ဘု​ရား​သ​ခင်​ထက် ပင်​ကြီး​မြတ်​သည်​ဟူ​၍​လည်း​ကောင်း ကြွား​ဝါ ပြော​ဆို​လိမ့်​မည်။ သူ​သည်​မိ​မိ​အား​ဘု​ရား​သ​ခင်​အ​ပြစ်​ဒဏ်​ခတ်​တော်​မူ​ချိန်​တိုင်​အောင် ဤ​သို့​ကြွား​ဝါ​နိုင်​လိမ့်​မည်။ အ​ဘယ်​ကြောင့် ဆို​သော်​ဘု​ရား​သ​ခင်​သည်​မိ​မိ​အ​ကြံ အ​စည်​တော်​ရှိ​သည်​အ​တိုင်း​ပြု​တော်​မူ မည်​ဖြစ်​သော​ကြောင့်​တည်း။-

Garrad Bible

³⁶ ထို ဘု ရင် လည်း အ လို အ တိုင်း ပြု၍ ဘု ရား တ ကာ တို့ ထက် ကိုယ် ကို ချီး မြှင့် ဂုဏ် တင် ပြီး လျှင် ဘု ရား ထက် ဘု ရား ကို အ ထူး သ ဖြင့် ပြစ် မှား ပြော ဆို လျက် အ မျက် တော် အ ဆုံး သတ် မည့် ကာ လ တိုင် အောင် အ ကြံ ထ မြောက် လိမ့် မည်။ ပြ ဋ္ဌာန်း တော် မူ သ မျှ အ တိုင်း အ တည် ပြု ရ လိမ့် မည်။

Judson Bible

³⁶ ရှင်​ဘု​ရင်​တစ်​ပါး​သည် မိ​မိ​အ​လို​အ​လျောက်​ပြု၍၊ ဘု​ရား​အ​ပေါင်း​တို့​ထက် ကိုယ်​ကို​ကိုယ် ချီး​ပင့်​မြှောက်​စား​လျက်၊ ဘု​ရား​တို့၏​ဘု​ရား​ကို ဆန့်​ကျင်​ဘက်​ပြု၍ အံ့​ဖွယ်​သော​စ​ကား​ကို ပြော​လိမ့်​မည်။ ဒေါ​သ​အ​မျက် စေ့​စုံ​သည် ကာ​လ​တိုင်​အောင် ကောင်း​စား​လိမ့်​မည်။ စီ​ရင်​ဆုံး​ဖြတ်​သ​မျှ​အ​တိုင်း ဖြစ်​ရ​လိမ့်​မည်။

ဒံ​ယေ​လ 11:36 ပူးပေါင်းရင်းမြစ်များ

ဆာ​လံ 136:2

ဘုရား​တကာ​တို့​၏​ဘုရား​ကို ကျေးဇူးတင်​ချီးမွမ်း​ကြ​လော့​။ အကြောင်းမူကား ကိုယ်တော်​၏​မေတ္တာကရုဏာ​တော်​သည် အစဉ်အမြဲ​တည်​၏​။

ဆာ​လံ 33:10

ထာဝရဘုရား​သည် တိုင်းနိုင်ငံ​တို့​၏​အကြံဉာဏ်​ကို ပယ်ဖျက်​၍ လူမျိုး​တို့​၏​အကြံအစည်​များ​ကို ဟန့်တား​တော်မူ​၏​။

သုတ္တံကျမ်း။ 19:21

လူ​၏​စိတ်နှလုံး​ထဲ၌ အကြံအစည်​များစွာ​ရှိ​၏​။ သို့ရာတွင် ထာဝရဘုရား​၏​အကြံဉာဏ်​သည်​သာ တည်​လိမ့်မည်​။

ဟေ​ရှာ​ယ 10:23

ကောင်းကင်​ဗိုလ်ခြေ​အရှင်သခင်​ထာဝရဘုရား​သည် ပြဋ္ဌာန်း​ထား​သော​သုတ်သင်ဖျက်ဆီး​ခြင်း​ကို မြေ​တစ်ပြင်လုံး​တွင် စီရင်​တော်မူ​ပြီ​။

ဟေ​ရှာ​ယ 10:25

အကြောင်းမူကား သင်​တို့​အပေါ် ထား​သော​ငါ့​အမျက်​သည် မကြာမီ​ပြေ​လိမ့်မည်​။ ငါ​၏​အမျက်​ဒေါသ​သည် သူ​တို့​ဖက်​သို့​ရောက်​၍ သူ​တို့​ကို​ဖျက်ဆီး​ပစ်​မည်​”​ဟု မိန့်​တော်မူ​၏​။

ဟေ​ရှာ​ယ 10:5

အဆီးရီးယား​လူမျိုး​သည် အမင်္ဂလာ​ရှိ​၏​။ ထို​လူမျိုး​သည် ငါ့​အမျက်​တော်​ကြိမ်လုံး​ဖြစ်​၏​။ သူ​တို့​ကိုင်ဆောင်​သော​တုတ်​သည် ငါ​၏​အမျက်​ဖြစ်​၏​။

ဟေ​ရှာ​ယ 14:13

သင်​က “​ကောင်းကင်​သို့​ငါ​တက်​မည်​။ ဘုရားသခင်​၏​ကြယ်​တို့​အထက်​၌ ငါ့​ပလ္လင်​ကို​ငါ​တည်​မည်​။ မြောက်ဘက်​စွန်း​ရှိ တွေ့ဆုံစည်းဝေးရာ​တောင်​ပေါ်မှာ ငါ​ထိုင်​မည်​။

ဟေ​ရှာ​ယ 14:14

မြင့်ရာအရပ်​ရှိ​တိမ်တိုက်​များ​အထက်​သို့ ငါ​တက်​မည်​။ အမြင့်ဆုံး​သော​ဘုရား​ကဲ့သို့ ငါ့ကိုယ်ငါ ဖြစ်စေ​မည်​”​ဟု သင့်​စိတ်​ထဲ၌​ဆို​၏​။

ဟေ​ရှာ​ယ 26:20

ငါ့​လူမျိုး​တော်​တို့​၊ သွား​လော့​။ သင့်​အခန်း​ထဲသို့​ဝင်​၍ တံခါး​ကို ပိတ်​ထား​လော့​။ အမျက်​တော်​ပြေ​သည့်​တိုင်အောင် ခေတ္တ​ခဏ​ပုန်း​နေ​လော့​။

ဟေ​ရှာ​ယ 30:33

အကယ်စင်စစ် တောဖက်​အရပ်​ကို ရှေးယခင်​ကပင် ပြင်ဆင်​ထား​လေ​ပြီ​။ ထို​အရပ်​ကို ရှင်ဘုရင်​အတွက် အဆင်သင့်​ဖြစ်စေ​ပြီ​။ ထို​အရပ်​သည် နက်​၍​ကျယ်ဝန်း​ပြီး မီးရှို့​ရန်​ထင်း​အမြောက်အမြား​ပုံထား​၏​။ ထာဝရဘုရား​၏​ထွက်သက်လေ​သည် ကန့်ရည်စီးကြောင်း​ကဲ့သို့​ထွက်လာ​၍ ထို​အရပ်​ကို မီးစွဲလောင်​စေ​မည်​။

ဟေ​ရှာ​ယ 46:10

အစအဦး​ကပင် အဆုံး​ကို​ဖော်ပြ​သော​အရှင်​၊ ရှေးကာလ​ကပင် မ​ဖြစ်​သေး​သော​အရာ​တို့​ကို​ဖော်ပြ​သော​အရှင်​က “​ငါ့​အကြံအစည်​သည် တည်​မည်​။ ငါ​အလို​ရှိသမျှ​ကို ငါ​ပြု​မည်​”​ဟု မိန့်​တော်မူ​၏​။

ဟေ​ရှာ​ယ 57:9

သင်​သည် ရှင်ဘုရင်​ထံသို့ နံ့သာဆီ​ဖြင့် သွား​၏​။ နံ့သာ​မျိုး​များစွာ​ဖြင့် ကိုယ့်ကိုယ်ကိုယ်​မွှေးကြိုင်​စေ​၏​။ သင်​၏​သံတမန်​တို့​ကို​လည်း အဝေး​သို့​စေလွှတ်​၏​။ သင်​သည် မရဏာနိုင်ငံ​တိုင်အောင် နိမ့်ကျ​၏​။

ယေ​ဇ​ကျေ​လ 28:2

“​အချင်း​လူသား​၊ တိုင်ရာ​မင်းကြီး​အား ဤသို့​ဆင့်ဆို​လော့​။ ဘုရားရှင်​ထာဝရဘုရား​က ‘သင်​သည် ဘဝင်မြင့်​၍ ငါ​သည် ဘုရား​ဖြစ်​၏​။ သမုဒ္ဒရာ​အလယ် ဘုရား​တို့​၏​ပလ္လင်​တော်​၌ စံမြန်း​၏​ဟု သင်​ဆို​၏​။ သင်​သည် ဘုရား​မ​ဟုတ် လူသား​ဖြစ်​လျက်​နှင့် သင့်​စိတ်​ထဲ​တွင် သင့်ကိုယ်သင် ဘုရား​ဟု​ထင်မှတ်​၏​။

ယေ​ဇ​ကျေ​လ 35:13

သင့်​နှုတ်​ဖြင့် ငါ့​အား ဆန့်ကျင်​ပုတ်ခတ်​သော​စကား​၊ မောက်မောက်မာမာ​ပြောဆို​ခဲ့​သော​စကား​အလုံးစုံ​ကို ငါ​ကြား​၏’​ဟု မိန့်​တော်မူ​၏​။

ဒံ​ယေ​လ 11:16

တောင်​ဘုရင်​ကို လာတိုက်​သော​မြောက်​ဘုရင်​သည် အလိုရှိ​သည့်​အတိုင်း​ပြု​လိမ့်မည်​။ သူ့​ကို မည်သူ​မျှ​ခုခံ​နိုင်​မည်​မ​ဟုတ်​။ သူ​သည် သာယာဝပြော​သော​ပြည်​တွင် စံမြန်း​လျက် သုတ်သင်ဖျက်ဆီး​ခြင်း​အာဏာ​ကို​စွဲကိုင်​ထား​မည်​။

ဒံ​ယေ​လ 11:3

ထို့နောက် အားကြီး​သော​ရှင်ဘုရင်​တစ်​ပါး ပေါ်လာ​လိမ့်မည်​။ သူ​သည် ဩဇာအာဏာ​ကြီးမား​လျက် အုပ်စိုး​လိမ့်မည်​။ အလိုရှိ​သည့်​အတိုင်း ပြု​လိမ့်မည်​။

ဒံ​ယေ​လ 11:37

သူ​သည် သူ့​ဘိုးဘေး​တို့​၏​ဘုရား​ကို​ဖြစ်စေ​၊ မိန်းမ​တို့​နှစ်သက်​သည့်​ဘုရား​များ​ကို​ဖြစ်စေ မည်သည့်​ဘုရား​ကို​မျှ အလေး​မ​ထား​၊ ဘုရား​တကာ​ထက် ကိုယ့်ကိုယ်ကိုယ်​ချီးမြှောက်​လိမ့်မည်​။

ဒံ​ယေ​လ 12:7

ထိုအခါ မြစ်ရေပြင်​အထက်​တွင်​ရှိ​သော ပိတ်ချောထည်​ဝတ်ဆင်​ထား​သူ​က လက်​နှစ်​ဖက်​ကို ကောင်းကင်​သို့​မြှောက်​၍ “​တစ်​ကာလ​၊ နှစ်​ကာလ​၊ ကာလ​တစ်ဝက် ကြာ​လိမ့်မည်​။ သန့်ရှင်းသူ​တို့​၏​အင်အား​ကို တစ်စစီ​ဖြိုခွဲ​ပြီးမှ ဤ​အံ့ဖွယ်​အမှု​အားလုံး​၏​အဆုံး​သည် ရောက်​လိမ့်မည်​”​ဟု ထာဝရ​အသက်ရှင်​တော်မူ​သော​အရှင်​ကို တိုင်တည်​၍ ပြောဆို​သည်​ကို ငါ​ကြား​ရ​၏​။

ဒံ​ယေ​လ 2:47

ထို့ပြင် ရှင်ဘုရင်​က ဒံယေလ​အား “​စင်စစ် သင်​၏​ဘုရားသခင်​သည် ဘုရား​တကာ​တို့​၏​ဘုရား​၊ ဘုရင်​တကာ​တို့​၏​အရှင်သခင်​၊ နက်နဲသောအရာ​ကို ဖွင့်ပြ​နိုင်​သော​အရှင် ဖြစ်​တော်မူ​၏​။ ထို့ကြောင့် သင်​သည်​လည်း ဤ​နက်နဲသောအရာ​ကို ဖွင့်ပြ​နိုင်​ခြင်း ဖြစ်​၏​”​ဟု မိန့်ဆို​၏​။

ဒံ​ယေ​လ 4:35

မြေကြီးသား​တို့​ကို ဘာမျှ​မ​ဟုတ်​သော​အရာ​ကဲ့သို့ မှတ်​တော်မူ​၏​။ ကောင်းကင်သား​ကို​ဖြစ်စေ​၊ မြေကြီးသား​ကို​ဖြစ်စေ အလိုရှိ​သည့်​အတိုင်း ပြု​တော်မူ​၏​။ ကိုယ်တော်​၏​လက်​တော်​ကို ဆီးတား​နိုင်​သော​သူ​မ​ရှိ​။ “ကိုယ်တော် မည်သို့​ပြု​ဘိ​သနည်း​”​ဟု ဆို​နိုင်​သော​သူ​မ​ရှိ​။

ဒံ​ယေ​လ 5:19

ထိုသို့ ဘုန်းတန်ခိုး​ကို ပေး​တော်မူ​သောကြောင့် နိုင်ငံ​အသီးသီး​မှ ဘာသာစကား​အမျိုးမျိုး​ပြောဆို​သော​လူမျိုး​အပေါင်း​တို့​သည် သူ​၏​ရှေ့​တွင် ကြောက်ရွံ့​တုန်လှုပ်​ကြ​ရ​ပါ​၏​။ သူ​သည် သတ်​လို​သော​သူ​ကို သတ်​၍ အသက်ချမ်းသာ​ပေး​လို​သော​သူ​ကို ပေး​ပါ​၏​။ ချီးမြှောက်​လို​သော​သူ​ကို ချီးမြှောက်​၍ နှိမ့်ချ​လို​သော​သူ​ကို နှိမ့်ချ​ပါ​၏​။

ဒံ​ယေ​လ 5:20

သူ​သည် မာနထောင်လွှား​ပြီး မောက်မာ​ခက်ထန်​လာ​သောအခါ ရာဇ​ပလ္လင်​မှ​ဖြုတ်ချ​ခံရ​ပြီး သူ့​ဂုဏ်သရေ​လည်း ရုပ်သိမ်း​သွား​ခြင်း ခံရ​၏​။

ဒံ​ယေ​လ 7:8

ထို​ချို​များ​အကြောင်း​ကို စဉ်းစား​လျက်​နေ​စဉ် အခြား​ချို​ငယ်​တစ်​ချောင်း​သည် ထို​ချို​များ​ကြား​မှ ပေါက်လာ​၏​။ ထို​ချို​များ​ထဲမှ သုံး​ချောင်း​သည် သူ့​ရှေ့​တွင်​ပင် အမြစ်ပါမကျန်​နုတ်ပစ်​ခြင်း​ခံရ​၏​။ ချိုငယ်​တွင် လူ​မျက်စိ​နှင့်​တူ​သော မျက်စိ​ရှိ​၏​။ ဝါကြွား​ပြောဆို​တတ်​သော​နှုတ်​လည်း ရှိ​၏​။

ဒံ​ယေ​လ 8:19

“​ကြည့်ရှု​လော့​။ အမျက်​တော်​၏​အဆုံး​၌​ဖြစ်ပျက်​မည့်​အရာ​ကို သင့်​အား ငါ​သိမြင်​စေ​မည်​။ ဤ​အဖြစ်အပျက်​သည် သတ်မှတ်​ထား​သော​နောက်ဆုံး​အချိန်​တွင် ဖြစ်လာ​လိမ့်မည်​။

ဒံ​ယေ​လ 8:4

ထို​သိုးထီး​သည် အနောက်ဘက်​၊ မြောက်ဘက်​၊ တောင်ဘက်​တို့​သို့ လိုက်ဝှေ့​နေ​သောကြောင့် မည်သည့်​တိရစ္ဆာန်​မျှ မ​ခံနိုင်​။ မည်သူ​မျှ တိရစ္ဆာန်​တို့​ကို သူ့​လက်​မှ​မ​ကယ်နုတ်​နိုင်​။ ထို​သိုးထီး​သည် မိမိ​အလို​အတိုင်း​ပြု​လျက်​၊ မာန်ထောင်​လျက်​ရှိ​သည်​ကို ငါ​မြင်​ရ​၏​။

ဇာ​ခ​ရိ 11:16

အကြောင်းမူကား ငါ​သည် ထို​ပြည်​တွင် သိုးထိန်း​တစ်​ဦး​ကို ပေါ်ထွန်း​စေ​မည်​။ သူ​သည် ပျောက်​သော​သိုး​တို့​ကို ဂရု​မ​စိုက်​၊ သိုးသငယ်​တို့​ကို မ​ရှာဖွေ​၊ ဒဏ်ရာ​ရ​သော​သိုး​တို့​ကို​လည်း ဆေး​မ​ကု​၊ ဆာလောင်​သော​သိုး​တို့​ကို​လည်း မ​ကျွေးမွေး​ဘဲ ဆူဖြိုး​သော​သိုး​တို့​ကို​မူ ခွာ​ကို​ချွတ်ပစ်​ပြီး အသား​ကို စား​လိမ့်မည်​။

ရှင်ယောဟန် 5:30

ငါ​သည် ကိုယ့်​ဆန္ဒ​အလျောက် မည်သည့်​အရာ​ကို​မျှ​မ​ပြု​နိုင်။ ငါ​သည် ကြား​ရ​သည့်​အတိုင်း​သာ တရား​စီရင်​၍ ကိုယ့်​အလို​မ​ဟုတ်​ဘဲ ငါ့​ကို​စေလွှတ်​တော်မူ​သော​အရှင်​၏​အလို​တော်​ကို လိုက်နာ​သောကြောင့် ငါ​၏​စီရင်​ဆုံးဖြတ်​ချက်​သည် ဖြောင့်မတ်​၏။

ရှင်ယောဟန် 6:38

အကြောင်းမူကား ငါ​သည် မိမိ​အလို​ကို ဆောင်ရွက်​ရန်​မ​ဟုတ်​ဘဲ ငါ့​ကို​စေလွှတ်​တော်မူ​သော​အရှင်​၏​အလို​တော်​ကို ဆောင်ရွက်​ရန် ကောင်းကင်​မှ​ဆင်းသက်​၏။

တမန်တော်ဝတ္ထု 4:28

ကိုယ်တော်​၏​လက်​တော်​နှင့်​အကြံအစည်​တော်​တို့​အားဖြင့် ဖြစ်ပျက်​လာ​ရန်​ကြိုတင်​သတ်မှတ်​ထား​သမျှ​သော​အရာ​တို့​ကို ပြု​ခဲ့​ကြ​ပါ​ပြီ။

တ​ရား​ဟော 10:17

သင်​တို့​၏​ဘုရားသခင်​ထာဝရဘုရား​သည် ဘုရား​တကာ​တို့​၏​ဘုရား​၊ သခင်​တကာ​တို့​၏​သခင်​၊ ကြီးမြတ်​၍​တန်ခိုး​နှင့်​ပြည့်စုံ​သော​ဘုရား​၊ အံ့ဩဖွယ်​ကောင်း​သော​ဘုရား ဖြစ်​တော်မူ​၏​။ မျက်နှာ​မ​လိုက်​၊ တံစိုးလက်ဆောင်​ကို​လက်​မ​ခံ​၊

၂ သက် 2:3

မည်သူ​မျှ သင်​တို့​ကို မည်သည့်​နည်း​နှင့်​မျှ မ​လှည့်ဖြား​စေ​နှင့်။ အဘယ်ကြောင့်​ဆိုသော် ဖောက်ပြန်​သွေဖည်​မှု​သည် ဦးစွာ​ဖြစ်လာ​၍ ပျက်စီး​ခြင်း​၏​သား​တည်းဟူသော တရားမဲ့​ခြင်း​နှင့်ဆိုင်သော​သူ​သည် ထင်ရှား​မ​လာ​မီ ထို​နေ့ရက်​သည် ရောက်လာ​မည်​မ​ဟုတ်။

၂ သက် 2:4

ထို​သူ​သည် ဘုရား​ဟု​ခေါ်ဝေါ်​သော​အရာ​နှင့် ကိုးကွယ်​ခြင်း​ခံရ​သော​အရာ​အားလုံး​ကို ဆန့်ကျင်​လျက် ၎င်း​တို့​အပေါ် မိမိကိုယ်ကို​ချီးမြှောက်​ကာ ဘုရားသခင်​၏​ဗိမာန်​တော်​၌​ထိုင်​၍ မိမိကိုယ်ကို​ဘုရား​ဖြစ်​သည်​ဟု ကြေညာ​လိမ့်မည်။

၂ သက် 2:8

ထို့နောက် တရားမဲ့​သော​သူ​သည် ထင်ရှား​လာ​လိမ့်မည်။ သခင်​ယေရှု​သည် ထို​သူ​ကို မိမိ​နှုတ်​တော်​မှ​ထွက်သက်လေ​အားဖြင့် ကွပ်မျက်​၍ မိမိ​ကြွလာ​တော်မူ​ခြင်း​၏​ရောင်ခြည်​အားဖြင့် ပယ်ဖျက်​တော်မူ​လိမ့်မည်။

ယော​ရှု 22:22

“​တန်ခိုးကြီး​တော်မူ​သော​အရှင် ဘုရားသခင်​ထာဝရဘုရား​၊ တန်ခိုးကြီး​တော်မူ​သော​အရှင် ဘုရားသခင်​ထာဝရဘုရား သိ​တော်မူ​ပါ​၏​။ အစ္စရေး​လူမျိုး​တို့​ကို​လည်း သိ​စေ​တော်မူ​ပါ​။ ထာဝရဘုရား​ကို​ပုန်ကန်​မိ​လျှင်​၊ ပြစ်မှား​မိ​လျှင် ယနေ့ အကျွန်ုပ်​တို့​ကို ချမ်းသာ​ခွင့်​မ​ပေး​ပါ​နှင့်​။

ဗျာ​ဒိတ် 10:7

သတ္တမ​ကောင်းကင်​တမန်​မှုတ်​ရ​မည့် တံပိုးခရာ​မှုတ်​သံ​မြည်​သော​နေ့ရက်​ကာလ​၌ ဘုရားသခင်​၏​လျှို့ဝှက်​နက်နဲ​သော​အရာ​သည် မိမိ​အစေအပါး​ပရောဖက်​တို့​အား ပြောကြား​ခဲ့​သည့်​အတိုင်း ပြည့်စုံ​ခြင်း​သို့​ရောက်​လိမ့်မည်”​ဟု ဆို​၏။

ဗျာ​ဒိတ် 12:14

သို့သော် ထို​အမျိုးသမီး​သည် တော​ကန္တာရ​ထဲ​ရှိ မိမိ​၏​နေရာ​အရပ်​သို့ ပျံသန်း​သွား​နိုင်​ရန် ကြီးမား​သော​လင်းယုန်​၏​အတောင်​နှစ်​ခု​ကို​ရရှိ​၏။ သူ​သည် ထို​အရပ်​တွင် မြွေ​၏​ရှေ့မှောက်​မှ​လွတ်​၍ တစ်​ကာလ၊ နှစ်​ကာလ​နှင့် ကာလ​တစ်ဝက်​အတွင်း ပြုစု​စောင့်ရှောက်​ခြင်း​ကို​ခံရ​၏။

ဗျာ​ဒိတ် 13:1

ထို့နောက် ဦးချို​ဆယ်​ချောင်း​နှင့် ခေါင်း​ခုနစ်​လုံး​ရှိ​သော​သားရဲ​တစ်​ကောင်​သည် ပင်လယ်​ထဲမှ​တက်​လာ​သည်​ကို ငါ​မြင်​ရ​၏။ ထို​ဦးချို​များ​ပေါ်တွင် သရဖူ​ဆယ်​ခု​ရှိ​၍ ၎င်း​၏​ခေါင်း​များ​ပေါ်တွင် ဘုရားသခင်​ကို​စော်ကား​သော​အမည်​နာမ​များ​ရှိ​၏။

ဗျာ​ဒိတ် 17:17

အကြောင်းမူကား ဘုရားသခင်​သည် မိမိ​၏​နှုတ်ကပတ်တော်​များ​ပြည့်စုံ​ခြင်း​သို့​ရောက်​သည်​အထိ သူ​တို့​သည် တစ်စိတ်​တစ်သဘောတည်း​ဖြစ်​လျက် မိမိ​တို့​၏​နိုင်ငံ​များ​ကို သားရဲ​ထံ​ပေးအပ်​ခြင်း​အားဖြင့် ဘုရားသခင်​၏​အကြံအစည်​တော်​အတိုင်း ဆောင်ရွက်​မည့်​သဘော​ကို သူ​တို့​၏​စိတ်နှလုံး​ထဲ၌ ထည့်သွင်း​တော်မူ​၏။

ဗျာ​ဒိတ် 17:3

ငါ့​ကို ဝိညာဉ်​တော်​အားဖြင့် တော​ကန္တာရ​ထဲသို့ ခေါ်ဆောင်​သွား​လေ​၏။ ထိုအခါ ခေါင်း​ခုနစ်​လုံး​နှင့်​ဦးချို​ဆယ်​ချောင်း​ရှိ​၍ ဘုရားသခင်​ကို​စော်ကား​သော အမည်​နာမ​များ​ဖြင့်​ပြည့်​နေ​သည့် နီမြန်း​သော​သားရဲ​ပေါ်၌ ထိုင်​နေ​သော​မိန်းမ​တစ်​ယောက်​ကို ငါ​မြင်​ရ​၏။