ဒံ​ယေ​လ 11:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

² ယခု သင့်​အား မှန်​သော​အရာ​ကို ပြောပြ​မည်​။ ကြည့်ရှု​လော့​။ ပါးရှား​နိုင်ငံ​တွင် ရှင်ဘုရင်​သုံး​ပါး ထပ်​ပေါ်လာ​လိမ့်မည်​။ ထို့နောက် ပေါ်လာ​မည့်​စတုတ္ထ​ဘုရင်​သည် အခြား​ဘုရင်​အားလုံး​ထက် ဓနဥစ္စာ​ကြွယ်ဝ​သူ​ဖြစ်​မည်​။ သူ​သည် ဓနဥစ္စာ​ဖြင့် အင်အားကြီး​လာ​သောအခါ လူ​အပေါင်း​တို့​ကို လှုံ့ဆော်​၍ ဂရိ​နိုင်ငံ​ကို တိုက်ခိုက်​လိမ့်မည်​။

Common Language Bible

² သင့်​အား​ယ​ခု​ငါ​ပြော​ပြ​မည့်​အ​ရာ များ​သည်​အ​မှန်​ဖြစ်​ပျက်​မည်'' ဟု​ဆို​၏။ ကောင်း​ကင်​တ​မန်​က``ပါ​ရှ​နိုင်​ငံ​တွင်​နောက် ထပ်​ဘု​ရင်​သုံး​ပါး​ပေါ်​ထွန်း​လာ​လိမ့်​မည်။ ထို​နောက်​စ​တုတ္ထ​ဘု​ရင်​ပေါ်​ထွန်း​ကာ အ​ခြား ဘု​ရင်​များ​ထက်​ပို​၍​ချမ်း​သာ​ကြွယ်​ဝ​လိမ့် မည်။ သူ​သည်​မိ​မိ​တန်​ခိုး​အာ​ဏာ​အ​ကြီး မား​ဆုံး၊ အ​ချမ်း​သာ​ဆုံး​အ​ချိန်​သို့​ရောက် သော​အ​ခါ ဂ​ရိတ်​နိုင်​ငံ​အား​စစ်​မက်​ပြိုင် ဆိုင်​ရန်​ဖိတ်​ခေါ်​လိမ့်​မည်။

Garrad Bible

² ယ ခု မှာ မှန် သော အ ရာ ကို ငါ ဖော် ပြ ဦး အံ့။ ပေ ရ သိ ပြည် တွင် ဘု ရင် သုံး ဆက် ပေါ် ထွန်း လ တ္တံ့။ ၎င်း ရှိ သ မျှ တို့ ထက် စ တု တ္ထ ဘု ရင် သည် ကြွယ် ဝ လိမ့် မည်။ ထို သို့ ကြွယ် ဝ သ ဖြင့် တန် ခိုး ကြီး သော အ ခါ ဂ ရိတ် နိုင် ငံ တစ် ဘက်၌ ပြည် သူ ပြည် သား အ ပေါင်း တို့ ကို ထ ကြွ စေ ပြီး လျှင်၊

Judson Bible

² ယ​ခု​မူ​ကား၊ မှန်​သော​အ​ရာ​ကို ငါ​ပြ​မည်။ ပေ​ရ​သိ​နိုင်​ငံ​ကို အ​စိုး​ရ​သော ရှင်​ဘု​ရင်​သုံး​ပါး ပေါ်​လေ​ဦး​မည်။ စ​တု​တ္ထ​ရှင်​ဘု​ရင်​မူ​ကား၊ ထို​သူ​ရှိ​သ​မျှ​တို့​ထက် ငွေ​ရ​တတ်​လိမ့်​မည်။ ထို​သို့​ရ​တတ်၍ အား​ကြီး​သော​ကြောင့်၊ ဟေ​လ​သ​နိုင်​ငံ​ကို ရန်​ဘက်​ပြု​စေ​ခြင်း​ငှာ၊ ခပ်​သိမ်း​သော သူ​တို့​ကို နှိုး​ဆော်​လိမ့်​မည်။

ဒံ​ယေ​လ 11:2 ပူးပေါင်းရင်းမြစ်များ

ဧ​ဇ​ရ 4:24

ဤသို့ဖြင့် ဂျေရုဆလင်​မြို့​ရှိ ဘုရားသခင်​၏​အိမ်​တော်​တည်ဆောက်​ခြင်း​အမှု​ကို ရပ်ဆိုင်း​လိုက်​ရာ ပါးရှား​ဘုရင်​ဒါရိ​မင်းကြီး နန်းစံ​သည့် ဒုတိယ​နှစ်​တိုင်အောင် ရပ်ဆိုင်း​လေ​၏​။

ဧ​ဇ​ရ 4:7

အာတဇေရဇ်​မင်းကြီး​လက်ထက်​၌​လည်း ဗိရှလံ​၊ မိသရေဒတ်​၊ တဗေလ​တို့​နှင့် ကျန်​အပေါင်းပါ​တို့​သည် ပါးရှား​ဘုရင်​အာတဇေရဇ်​မင်းကြီး​ထံသို့ စာ​ရေးသား​ပေးပို့​ကြ​၏​။ ထို​စာ​ကို အာရမိတ်​ဘာသာ​သို့ ဘာသာပြန်ဆို ရေးသား​ပေး​လိုက်​၏​။

ဧ​သ​တာ 1:1

အာရွှေရု​မင်းကြီး​လက်ထက်​တွင် ဖြစ်ပျက်​သော​အရာ​များ​ကား ဤသို့​ဖြစ်​၏​။ အာရွှေရု​မင်းကြီး​သည် အိန္ဒိယ​ပြည်​မှ​အီသီယိုးပီးယား​ပြည်​တိုင်အောင် ပြည်ထောင်​တစ်ရာ​နှစ်ဆယ့်​ခုနစ်​ပြည်​ကို စိုးစံ​လေ​၏​။

သုတ္တံကျမ်း။ 22:21

ဤသည်ကား သင်​သည် မှန်ကန်​သော​စကား​စစ်စစ်​တို့​ကို သိ​စေရန်​နှင့် သင့်​ကို​စေလွှတ်​သော​သူ​များ​အား မှန်ကန်​သော​စကား​တို့​ဖြင့် ဖြေကြား​နိုင်​ရန်​ဖြစ်​၏​။

ဒံ​ယေ​လ 10:1

ပါးရှား​ဘုရင် ကုရု​မင်းကြီး​နန်းစံ တတိယ​နှစ်​တွင် ဗေလတရှာဇာ ခေါ် ဒံယေလ​ထံသို့ နှုတ်ကပတ်တော် ရောက်လာ​၏​။ ထို​နှုတ်ကပတ်တော်​သည် အစစ်အမှန်​ဖြစ်​၏​။ စစ်ပွဲ​ကြီး​နှင့်​ဆိုင်​၏​။ နှုတ်ကပတ်တော်​ကို သူ​နားလည်​၏​။ စိတ်အာရုံ​အားဖြင့် သူ​နားလည်​၏​။

ဒံ​ယေ​လ 11:25

ထို့ပြင် သူ​သည် စစ်အင်အား​အလုံးအရင်း​နှင့်တကွ အားမာန်တင်း​လျက် တောင်​ဘုရင်​ကို တိုက်ခိုက်​လိမ့်မည်​။ တောင်​ဘုရင်​သည် အင်အားကြီး​သော​စစ်တပ်​ကြီး​ကို ပြင်ဆင်​၍​တိုက်ခိုက်​ရန် ကြိုးပမ်း​သော်လည်း ခုခံ​နိုင်​မည်​မ​ဟုတ်​။ အကြောင်းမှာ သူ့​အပေါ် လျှို့ဝှက်​ကြံစည်​ကြ​သောကြောင့် ဖြစ်​၏​။

ဒံ​ယေ​လ 7:5

တစ်ဖန် ငါ​ကြည့်​နေ​စဉ် ဝက်ဝံ​နှင့်​တူ​သော​ဒုတိယ​သားရဲ ထွက်လာ​၏​။ ထို​သားရဲ​သည် ကိုယ်​ကို​တစ်ဖက်​ကြွ​ထား​ပြီး နှုတ်​တွင်​လည်း နံရိုး​သုံး​ချောင်း​ကို ကိုက်​ထား​၏​။ အသံ​တစ်​သံ​က သူ့​အား ‘ထ​ပါ​။ အသား​များများ​စား​ပါ’​ဟု ဆို​၏​။

ဒံ​ယေ​လ 8:21

အမွေးထူ​သော​ဆိတ်ထီး​သည် ဂရိ​ဘုရင်​ကို ဆိုလို​၏​။ ထို​ဆိတ်ထီး​၏​မျက်စိ​နှစ်​လုံး​ကြား​ရှိ​ချို​ကြီး​သည် ပထမ​ဘုရင်​ကို ဆိုလို​၏​။

ဒံ​ယေ​လ 8:26

ညဥ့်ဦးယံ​၊ နံနက်ယံ​၌ ဖော်ပြ​သော ဗျာဒိတ်အာရုံ​သည်​လည်း အမှန်ပင်​ဖြစ်​၏​။ ဤ​ဗျာဒိတ်နိမိတ်​သည် နောင်လာမည့်​နေ့ရက်​ကာလ​နှင့်​ဆိုင်​သည်​ဖြစ်၍ ၎င်း​ကို ဝှက်​ထား​လော့​”​ဟု ငါ့​အား ရှင်းပြ​၏​။

ဒံ​ယေ​လ 8:4

ထို​သိုးထီး​သည် အနောက်ဘက်​၊ မြောက်ဘက်​၊ တောင်ဘက်​တို့​သို့ လိုက်ဝှေ့​နေ​သောကြောင့် မည်သည့်​တိရစ္ဆာန်​မျှ မ​ခံနိုင်​။ မည်သူ​မျှ တိရစ္ဆာန်​တို့​ကို သူ့​လက်​မှ​မ​ကယ်နုတ်​နိုင်​။ ထို​သိုးထီး​သည် မိမိ​အလို​အတိုင်း​ပြု​လျက်​၊ မာန်ထောင်​လျက်​ရှိ​သည်​ကို ငါ​မြင်​ရ​၏​။

အာ​မုတ် 3:7

စင်စစ် ဘုရားရှင်​ထာဝရဘုရား​သည် မိမိ​အကြံအစည်​တော်​ကို အစေအပါး​ပရောဖက်​တို့​အား မ​ဖွင့်ပြ​ဘဲ မည်သည့်​အမှု​ကို​မျှ ပြု​တော်​မ​မူ​။

ရှင်ယောဟန် 10:35

ဘုရားသခင်​၏​နှုတ်ကပတ်​တော်​ကို​ရရှိ​သော​သူ​တို့​အား ‘ဘုရား​များ’​ဟု ခေါ်​လျှင် ကျမ်းစာ​သည် မ​ပျက်ပြယ်​နိုင်​သည်​ဖြစ်၍

ဗျာ​ဒိတ် 21:5

ပလ္လင်​ပေါ်တွင်​ထိုင်​တော်မူ​သော​အရှင်​က​လည်း “ကြည့်ရှု​လော့။ ငါ​သည် အရာ​ခပ်သိမ်း​တို့​ကို အသစ်​ဖြစ်​စေ​၏”​ဟု မိန့်​တော်မူ​ပြီးလျှင် “ရေး​ထား​လော့။ ဤ​စကား​တို့​သည် သစ္စာ​စကား၊ မှန်ကန်​သော​စကား​ဖြစ်​ကြ​၏”​ဟု မိန့်​တော်မူ​၏။