ဒေသနာကျမ်း။ 3:16 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁶ တစ်ဖန် နေ​အောက်​တွင် တရားစီရင်​ခြင်း​နှင့်ဆိုင်သော​အရပ်​၌ ဆိုးယုတ်ခြင်း​ရှိ​ကြောင်း​နှင့် ဖြောင့်မတ်​ခြင်း​နှင့်ဆိုင်သော​အရပ်​၌​လည်း ဆိုးယုတ်ခြင်း​ရှိ​ကြောင်း ငါ​တွေ့မြင်​၏​။

Common Language Bible

¹⁶ ထိုမှတပါး၊ နေအောက်မှာ တရားစီရင်ရာအရပ် ၌ အဓမ္မအမှုရှိသည်ကို၎င်း၊ ဖြောင့်မတ်ရာအရပ်၌ ဒုစရိုက် ရှိသည်ကို၎င်း ငါမြင်ပြီ။

Garrad Bible

¹⁶ ၎င်း ပြင်၊ နေ အောက် တွင် တ ရား ဆုံး ဖြတ် ရာ ဒေ သ နှင့် ဖြောင့် မတ် ရာ ဒေ သ များ၌၊ ဆိုး သွမ်း ခြင်း တည် သည် ကို သိ မြင် ၍၊

Judson Bible

¹⁶ ထို​မှ​တစ်​ပါး၊ နေ​အောက်​မှာ တ​ရား​စီ​ရင်​ရာ​အ​ရပ်၌ အ​ဓ​မ္မ​အ​မှု​ရှိ​သည်​ကို​လည်း​ကောင်း၊ ဖြောင့်​မတ်​ရာ​အ​ရပ်၌ ဒု​စ​ရိုက် ရှိ​သည်​ကို​လည်း​ကောင်း ငါ​မြင်​ပြီ။

ဒေသနာကျမ်း။ 3:16 ပူးပေါင်းရင်းမြစ်များ

ဒေသနာကျမ်း။ 4:1

တစ်ဖန် နေ​အောက်​တွင်​ပြု​သော​နှိပ်စက်​မှု​ရှိသမျှ​တို့​ကို ငါ​ပြန်​၍​တွေ့မြင်​၏​။ ကြည့်ရှု​လော့​။ နှိပ်စက်​ခံရ​သော​သူ​တို့​သည် မျက်ရည်​ကျ​သော်လည်း သူ​တို့​ကို​နှစ်သိမ့်ပေး​မည့်​သူ​မ​ရှိ​။ သူ​တို့​ကို​နှိပ်စက်​သော​သူ​တို့​၏​လက်​တွင် တန်ခိုးအာဏာ​ရှိ​သဖြင့် သူ​တို့​ကို နှစ်သိမ့်ပေး​မည့်​သူ​မ​ရှိ​။

ဒေသနာကျမ်း။ 5:7

အိပ်မက်​များပြားခြင်း​အားဖြင့် အချည်းနှီး​သော​အရာ​နှင့် စကား​တို့​သည်​လည်း များပြား​လာ​တတ်​၏​။ သို့ဖြစ်၍ ဘုရားသခင်​ကို ကြောက်ရွံ့​လော့​။

ဒေသနာကျမ်း။ 5:8

နယ်မြေဒေသ​တစ်ခုခု​တွင် ဆင်းရဲသား​တို့​ကို​ဖိနှိပ်ချုပ်ချယ်​ခြင်း​ကို​လည်းကောင်း​၊ တရားမျှတ​ခြင်း​နှင့် ဖြောင့်မတ်​ခြင်း​တို့​မှ​သွေဖည်​ခြင်း​ကို​လည်းကောင်း သင်​မြင်​ရ​လျှင်လည်း ထို​အမှု​ကို​အံ့ဩ​ခြင်း​မ​ရှိ​နှင့်​။ အကြောင်းမူကား ရာထူးမြင့်​သော​သူ​တစ်ဦး​ကို သူ့​ထက်​ရာထူးမြင့်​သော​သူ​က စောင့်ကြည့်​နေ​၏​။ ထို​သူ​တို့​ထက် ရာထူးမြင့်​သော​သူ​များ​လည်း ရှိ​ကြ​၏​။

ဒေသနာကျမ်း။ 8:9

ငါ​သည် နေ​အောက်​တွင်​ပြု​သမျှ​သော​အမှုအရာ​ကို ဆင်ခြင်​နှလုံးသွင်း​သောအခါ ဤ​အရာ​အားလုံး​ကို တွေ့မြင်​၏​။ လူ​သည် အခြားသောသူ​ကို​စိုးမိုး​၍ သူ​ကိုယ်တိုင် ဒုက္ခ​ရောက်​ရ​သော​အချိန်​ရှိ​၏​။

ဟေ​ရှာ​ယ 59:14

ထို့ကြောင့် တရားမျှတမှု​သည် နောက်​သို့​ပြန်ဆုတ်​သွား​၍ ဖြောင့်မတ်​ခြင်း​သည် အဝေး​၌​ရပ်​နေ​၏​။ သစ္စာတရား​သည်​လည်း လမ်း​၌​ခလုတ်တိုက်​လဲကျ​၍ မှန်ကန်​ခြင်း​သဘော​သည်​လည်း ဝင်ရောက်​မ​လာ​နိုင်​။

မိက္ခာ 2:2

သူ​တို့​သည် တပ်မက်​သဖြင့် လယ်မြေ​များ​ကို လုယူ​ကြ​၍ အိမ်​များ​ကို​လည်း သိမ်းပိုက်​ကြ​၏​။ ဤသို့ဖြင့် တစ်ပါးသူ​နှင့်​သူ​၏​အိမ်​၊ တစ်ပါးသူ​နှင့်​သူ​၏​အမွေဥစ္စာ​ကို အနိုင်အထက်ပြု​ကြ​၏​။

မိက္ခာ 7:3

သူ​တို့​၏​လက်​နှစ်ဖက်စလုံး​သည် မကောင်းမှု​၌ ကျင်လည်​တတ်​ကြ​၏​။ အကြီးအကဲ​များ​၊ တရားသူကြီး​များ​သည် တံစိုးလက်ဆောင်​ကို တောင်းဆို​တတ်​ကြ​၏​။ မင်းအရာရှိ​တို့​သည်​လည်း မိမိ​တို့​စိတ်​အလိုရမ္မက်​ကို​သာ ဖော်ပြ​တတ်​ကြ​၏​။ ထို​သူ​တို့​သည် တစ်ကျိတ်တည်း​တစ်ဉာဏ်တည်း ဖြစ်​ကြ​၏​။

ဇေဖနိ 3:3

ထို​မြို့​၏​အကြီးအကဲ​တို့​သည် ဟိန်းဟောက်​သော​ခြင်္သေ့​များ​နှင့် တူ​၏​။ တရားသူကြီး​တို့​သည် နေဝင်ချိန်​ရောက်​မှ အစာ​ရှာ​၍ နံနက်​တိုင်အောင် ဘာမျှ​မ​ချန်​ဘဲ စား​တတ်​သော​ဝံပုလွေ​များ​နှင့်​တူ​၏​။

မဿဲ 26:59

ယဇ်ပုရောဟိတ်​အကြီးအကဲ​များ​နှင့် တရား​လွှတ်တော်​အဖွဲ့ဝင်​အားလုံး​သည် ယေရှု​ကို သေဒဏ်​ချမှတ်​နိုင်​ရန် ကိုယ်တော်​ကို​ဆန့်ကျင်​ထွက်ဆို​မည့် မမှန်​သော​သက်သေ​ကို ရှာ​ကြ​၏။

တမန်တော်ဝတ္ထု 23:3

ပေါလု​က​လည်း “ထုံးဖြူ​သုတ်​ထား​သည့်​အုတ်ရိုး၊ ဘုရားသခင်​သည် သင့်​ကို ရိုက်​တော်မူ​မည်။ သင်​သည် ထိုင်​၍ အကျွန်ုပ်​ကို ပညတ်​တရား​အတိုင်း​စစ်ဆေး​စီရင်​လျက်​နှင့် ပညတ်​တရား​ကို​ချိုးဖောက်​ပြီး အကျွန်ုပ်​ကို​ရိုက်​ရန် အမိန့်​ပေး​သလော”​ဟု ဆို​၏။

ယာ​ကုပ် 2:6

သို့ရာတွင် သင်​တို့​သည် ဆင်းရဲ​သော​သူ​တို့​ကို မထီလေးစား​ပြု​ကြ​သည်​တကား။ ချမ်းသာ​သော​သူ​တို့​သည် သင်​တို့​ကို ဖိနှိပ်​ခြယ်လှယ်​ကြ​သည်​မ​ဟုတ်​လော။ သူ​တို့​သည် သင်​တို့​ကို တရားရုံး​သို့ ဆွဲခေါ်​သွား​ကြ​သည်​မ​ဟုတ်​လော။