ဒေသနာကျမ်း။ 12:7 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁷ မြေမှုန့်​သည် လာ​ရင်း​မြေ​သို့​ပြန်သွား​သကဲ့သို့ အသက်​ဝိညာဉ်​သည် ၎င်း​ကို​ပေး​တော်မူ​သော​ဘုရားသခင်​ထံသို့​ပြန်သွား​မည့်​အချိန်​မ​ရောက်​မီ ကိုယ်တော်​ကို​အောက်မေ့​လော့​။

Common Language Bible

⁷ ထိုကာလ၌ မြေမှုန့်သည် နေရင်းမြေသို့၎င်း၊ ဝိညာဉ်သည် အရင်ပေးတော်မူသော ဘုရားသခင့်ထံသို့ ၎င်း ပြန်သွားရလိမ့်မည်။

Garrad Bible

⁷ မြေ မုန့် သည် ဖြစ် ခဲ့ ရင်း အ တိုင်း မြေ ဖြစ် ပြန်၍။ သက် ဇီ ဝ လည်း၊ ပေး အပ် တော် မူ ခဲ့ သော ဘု ရား သ ခင် ထံ ပြန် ရောက် လိမ့် မည်။

Judson Bible

⁷ ထို​ကာ​လ၌ မြေ​မှုန့်​သည်​နေ​ရင်း​မြေ​သို့​လည်း​ကောင်း၊ ဝိ​ညာဉ်​သည် အ​ရင်​ပေး​တော်​မူ​သော ဘု​ရား​သ​ခင့်​ထံ​သို့​လည်း​ကောင်း ပြန်​သွား​ရ​လိမ့်​မည်။

ဒေသနာကျမ်း။ 12:7 ပူးပေါင်းရင်းမြစ်များ

ကမ္ဘာ​ဦး 18:27

ထိုအခါ အာဗြဟံ​က “​အကျွန်ုပ်​သည် မြေမှုန့်​နှင့်​ပြာ​သက်သက်​ဖြစ်​သော်လည်း အရဲစွန့်​၍ ဘုရားရှင်​အား​လျှောက်ထား​ပါ​မည်​။

ကမ္ဘာ​ဦး 2:7

ထို့နောက် ထာဝရအရှင်​ဘုရားသခင်​သည် မြေမှုန့်​ဖြင့် လူ​ကို​ပုံဖော်ဖန်ဆင်း​၍ သူ​၏​နှာခေါင်း​ထဲသို့ ဇီဝ​အသက်​ကို မှုတ်သွင်း​တော်မူ​ရာ လူ​သည် သက်ရှိသတ္တဝါ​ဖြစ်လာ​၏​။

ကမ္ဘာ​ဦး 3:19

သင့်​ကို မြေ​မှ​ဖြစ်လာ​စေ​သည်​ဖြစ်၍ သင်​သည် မြေ​သို့​မ​ပြန်​မီ​တိုင်အောင် သင်​၏​နဖူး​မှ​ချွေး​နှင့်​ရင်း​၍ အစာ​ကို​စား​ရ​မည်​။ အကြောင်းမူကား သင်​သည် မြေမှုန့်​ဖြစ်​သောကြောင့် မြေမှုန့်​သို့​ပြန်​ရ​မည်​”​ဟု မိန့်​တော်မူ​၏​။

ယောဘဝတ္တု။ 20:11

သူ့​အရိုး​တို့​သည် နုပျိုသန်စွမ်း​သော်လည်း သူ​နှင့်အတူ မြေမှုန့်​ထဲ၌ လဲလျောင်း​ရ​လိမ့်မည်​။

ယောဘဝတ္တု။ 7:21

အကျွန်ုပ်​ကျူးလွန်​မိ​သော​အပြစ်​ကို အဘယ်ကြောင့်​ခွင့်လွှတ်​တော်​မ​မူ​ပါ​သနည်း​။ အကျွန်ုပ်​၏​ဒုစရိုက်​ကို အဘယ်ကြောင့် ဖယ်ရှား​တော်​မ​မူ​ပါ​သနည်း​။ ယခု မြေမှုန့်​၌ အကျွန်ုပ်​အိပ်​ရ​ပါ​တော့​မည်​။ ကိုယ်တော်​သည် အကျွန်ုပ်​ကို​ကြိုးစားရှာ​သော်လည်း တွေ့​ရ​တော့​မည်​မ​ဟုတ်​ပါ”​ဟု ညည်းဆို​လေ​၏​။

ဆာ​လံ 103:14

အကြောင်းမူကား ကိုယ်တော်​သည် ငါ​တို့​၏​ခန္ဓာကိုယ်​ဖွဲ့စည်း​ပုံ​ကို​သိ​တော်မူ​၏​။ ငါ​တို့​သည် မြေမှုန့်​ဖြစ်ကြောင်း​ကို သတိရ​တော်မူ​၏​။

ဆာ​လံ 104:29

မျက်နှာ​လွှဲ​တော်မူ​သောအခါ သူ​တို့​သည် ထိတ်လန့်​ကြ​ပါ​၏​။ သူ​တို့​၏​အသက်​ကို ရုပ်သိမ်း​တော်မူ​သောအခါ သူ​တို့​သည်​သေ​၍ မိမိ​တို့​ဖြစ်လာ​ရာ မြေမှုန့်​သို့​ပြန်သွား​ကြ​ပါ​၏​။

ဆာ​လံ 146:4

သူ​တို့​၏​ဝိညာဉ်​ထွက်သွား​သောအခါ မြေကြီး​သို့ ပြန်သွား​ရ​၏​။ ထို​နေ့​၌ပင် သူ​တို့​၏​အကြံအစည်​တို့​သည် ပျက်စီး​ကြ​၏​။

ဆာ​လံ 31:6

အချည်းနှီး​သော​ရုပ်တု​များ​ကို ဆည်းကပ်​သော​သူ​တို့​ကို အကျွန်ုပ်​မုန်း​ပါ​၏​။ ထာဝရဘုရား​ကို အကျွန်ုပ်​ယုံကြည်ကိုးစား​ပါ​၏​။

ဆာ​လံ 90:3

ကိုယ်တော်​က “​အချင်း​လူသား​တို့​၊ ပြန်သွား​ကြ​လော့​”​ဟု မိန့်​တော်မူ​လျက် လူ​ကို မြေမှုန့်​သို့ ပြန်သွား​စေ​တော်မူ​၏​။

ဟေ​ရှာ​ယ 57:16

ငါ​ကိုယ်တော်တိုင်​ဖန်ဆင်း​သော​ဝိညာဉ်​၊ ငါ​ကိုယ်တော်တိုင်​ဖန်ဆင်း​သော​ဇီဝအသက်​တို့​သည် ငါ့​ရှေ့​မှာ မ​ညှိုးငယ်​စေရန် ငါ​သည် အစဉ်​အပြစ်တင်​မည်​မ​ဟုတ်​။ အစဉ်​အမျက်ထွက်​မည်​မ​ဟုတ်​။

ယေ​ရ​မိ 38:16

ထိုအခါ ဇေဒကိ​မင်းကြီး​က ယေရမိ​အား “​ငါ​တို့​အား ဇီဝအသက်​ပေး​တော်မူ​သော ထာဝရဘုရား အသက်ရှင်​တော်မူ​သည်​နှင့်အညီ သင့်​ကို​ငါ​မ​သတ်​။ သင့်​အသက်​ကို ရန်ရှာ​သော​သူ​တို့​လက်​သို့ သင့်​ကို​ငါ​မ​အပ်​”​ဟု တိတ်တဆိတ်​ကျိန်ဆို​လေ​၏​။

ဒံ​ယေ​လ 12:2

ထိုအခါ မြေမှုန့်​ထဲ၌ အိပ်ပျော်​သော​သူ​အမြောက်အမြား​နိုးလာ​၍ အချို့​တို့​သည် ထာဝရ​အသက်ရှင်​ရ​လိမ့်မည်​။ အချို့​တို့​သည် ကဲ့ရဲ့​ခြင်း​၊ ရွံရှာ​ခြင်း ထာဝရ​ခံရ​လိမ့်မည်​။

ဇာ​ခ​ရိ 12:1

အစ္စရေး​လူမျိုး​နှင့်ပတ်သက်​သော ထာဝရဘုရား​၏​ဗျာဒိတ်​စကား​။ မိုးကောင်းကင်​ကို ဖြန့်ကြက်​၍ မြေကြီး​အုတ်မြစ်​ကို​တည်​ပြီးလျှင် လူ့​အထဲ​၌ အသက်ဝိညာဉ်​ကို ပုံဖော်ဖန်ဆင်း​ပေး​တော်မူ​သော​ထာဝရဘုရား​က

တော​လည် 16:22

ထိုအခါ မောရှေ​နှင့်​အာရုန်​သည် ပျပ်ဝပ်​လျက် “​လူသား​အားလုံး​၏​အသက်ဝိညာဉ်​ကို ပိုင်​တော်မူ​သော အို ဘုရားသခင်​၊ လူ​တစ်​ယောက်​၏​ပြစ်မှားမှု​ကြောင့် လူထု​အပေါင်း​ကို အမျက်ထွက်​တော်မူ​မည်လော​”​ဟု လျှောက်​ကြ​၏​။

တော​လည် 27:16

“​လူသား​အပေါင်း​တို့​၏​အသက်ဝိညာဉ်​ကို​ပိုင်​တော်မူ​သော​ဘုရားသခင် ထာဝရဘုရား​သည် ဤ​လူထု​ကို​အုပ်စိုး​ရန် လူ​တစ်​ယောက်​ကို​ခန့်ထား​တော်မူ​ပါစေသော​။

လုကာ 23:46

ထိုအခါ ယေရှု​သည် ကျယ်လောင်​သော​အသံ​ဖြင့် ကြွေးကြော်​လျက်“အို အဖ၊ အကျွန်ုပ်​၏​ဝိညာဉ်​ကို ကိုယ်တော်​၏​လက်​သို့ အပ်နှံ​ပါ​၏”​ဟု မြွက်ဆို​တော်မူ​၏။ ထိုသို့​မြွက်ဆို​ပြီးနောက် အသက်​ချုပ်ငြိမ်း​တော်မူ​၏။

တမန်တော်ဝတ္ထု 7:59

သူ​တို့​သည် သတေဖန်​ကို ခဲ​နှင့်​ပေါက်​ကြ​စဉ် သတေဖန်​သည် ပတ္ထနာ​ပြု​လျက် “သခင်​ယေရှု၊ အကျွန်ုပ်​၏​ဝိညာဉ်​ကို လက်ခံ​တော်မူ​ပါ”​ဟု မြွက်ဆို​လေ​၏။

ဟေ​ဗြဲ 12:23

ကောင်းကင်​ဘုံ​စာရင်း​ဝင်​သော သားဦး​တို့​၏​အသင်းတော်​သို့​လည်းကောင်း၊ လူ​အပေါင်း​တို့​ကို​တရား​စီရင်​တော်မူ​သော ဘုရားသခင်​ထံသို့​လည်းကောင်း၊ စုံလင်​ခြင်း​သို့​ရောက်​သည့် ဖြောင့်မတ်​သော​သူ​တို့​၏​ဝိညာဉ်​များ​ထံသို့​လည်းကောင်း၊

ဟေ​ဗြဲ 12:9

ထို့ပြင် ငါ​တို့​တွင် ဆုံးမ​ပဲ့ပြင်​ပေး​သော​လူသား​ဖခင်​ရှိ​၍ သူ​တို့​ကို ငါ​တို့​ရိုသေ​လေးစား​ကြ​သည်​ဆိုလျှင် ဝိညာဉ်​ရေး​ဆိုင်ရာ​ဖခင်​ကို ပို၍​ပင် နာခံ​ရ​မည်​မ​ဟုတ်​လော။ ထိုအခါ ငါ​တို့​သည် အသက်​ချမ်းသာ​ရာ​ရ​ကြ​လိမ့်မည်။