ဒေသနာကျမ်း။ 12:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

² နေ​နှင့်​အလင်း​၊ လ​နှင့်​ကြယ်​တို့ မှောင်​မ​သွား​မီ​၊ မိုးရွာ​ပြီးနောက် တိမ်တိုက်​များ​ပြန်​မ​လာ​မီ ကိုယ်တော်​ကို​အောက်မေ့​လော့​။

Common Language Bible

² နေနှင့်အလင်း၊ လနှင့်ကြယ်တို့သည် ကွယ်၍ မိုဃ်းရွာပြီးမှ၊ အထပ်ထပ်ရွာတတ်သော ကာလမရောက် မှီ အောက်မေ့လော့။

Judson Bible

² နေ​နှင့် အ​လင်း၊ လ​နှင့် ကြယ်​တို့​သည် ကွယ်၍​မိုး​ရွာ​ပြီး​မှ၊ အ​ထပ်​ထပ်​ရွာ​တတ်​သော​ကာ​လ​မ​ရောက်​မီ အောက်​မေ့​လော့။

ဒေသနာကျမ်း။ 12:2 ပူးပေါင်းရင်းမြစ်များ

ကမ္ဘာ​ဦး 27:1

ဣဇက်​သည် အသက်ကြီး​၍ မျက်စိ​မှုန်​သဖြင့် မ​မြင်​နိုင်​သောအခါ သား​ကြီး​ဧသော​အား “​ငါ့​သား​”​ဟု ခေါ်​လျှင် ဧသော​က “​အကျွန်ုပ်​ရှိ​ပါ​၏​”​ဟု ထူး​လေ​၏​။

ကမ္ဘာ​ဦး 48:10

အစ္စရေး​သည် အသက်ကြီး​သောကြောင့် မျက်စိ​မှုန်​၍​မ​မြင်​နိုင်​ပေ​။ ထို့ကြောင့် ယောသပ်​သည် သူ​၏​သား​တို့​ကို အစ္စရေး​အနီး​သို့​ခေါ်လာ​၏​။ ထိုအခါ အစ္စရေး​သည် ယောသပ်​၏​သား​တို့​ကို​နမ်း​ပြီး ပွေ့ဖက်​လေ​၏​။

ဆာ​လံ 42:7

ကိုယ်တော်​၏​ရေတံခွန်​တို့​မြည်ဟည်းသံ​ဖြင့် နက်ရှိုင်း​ရာ​အရပ်​သည် နက်ရှိုင်း​ရာ​အရပ်​ကို​ဟစ်ခေါ်​ပါ​၏​။ ကိုယ်တော်​၏​လှိုင်းလုံး​များ​နှင့် လှိုင်းတံပိုး​အပေါင်း​တို့​သည် အကျွန်ုပ်​အပေါ်​လွှမ်းမိုး​သွား​ကြ​ပါ​၏​။

ဆာ​လံ 71:20

အကျွန်ုပ်​အား များစွာ​သော​ဆင်းရဲဒုက္ခ​နှင့် ဘေးအန္တရာယ်​တို့​ကို ကြုံတွေ့​စေ​တော်မူ​သော​ကိုယ်တော်​သည် အကျွန်ုပ်​ကို အသက်ရှင်​စေ​၍ မြေကြီး​၏​နက်ရှိုင်း​ရာ​အရပ်​ထဲမှ အကျွန်ုပ်​ကို ပြန်​တက်လာ​စေ​တော်မူ​လိမ့်မည်​။

ဆာ​လံ 77:16

အို ဘုရားသခင်​၊ ရေ​တို့​သည် ကိုယ်တော်​ကို​မြင်​ကြ​ပါ​၏​။ ရေ​တို့​သည် ကိုယ်တော်​ကို​မြင်​၍ တုန်လှုပ်​ကြ​ပါ​၏​။ နက်ရှိုင်း​သော​ရေထု​များ​သည်​လည်း လှုပ်ခတ်​ကြ​ပါ​၏​။

ဆာ​လံ 90:10

အကျွန်ုပ်​တို့​၏​အသက်တာ​နှစ်ကာလ​သည် အနှစ်​ခုနစ်ဆယ်​ဖြစ်​ပါ​၏​။ ကျန်းမာသန်စွမ်း​လျှင် အနှစ်​ရှစ်ဆယ်​ဖြစ်နိုင်​ပါ​၏​။ သို့သော် ထို​နှစ်ကာလ​တို့​၏​အကောင်းဆုံး​အချိန်​မှာပင် အခက်အခဲ​ပြဿနာ​နှင့် ဆင်းရဲဒုက္ခ​မျှသာ​ဖြစ်​ပါ​၏​။ အကယ်စင်စစ် အချိန်​တို့​သည် လျင်မြန်​စွာ​ကုန်လွန်​၍ အကျွန်ုပ်​တို့​သည် အဝေး​သို့​ပျံသန်း​သွား​ကြ​ပါ​၏​။

ဟေ​ရှာ​ယ 13:10

ကောင်းကင်​ကြယ်​၊ ကောင်းကင်ကြယ်စု​တို့​သည် အလင်း​ကို​မ​ပေး​။ နေ​ထွက်​ချိန်​၌ မှောင်မည်း​နေ​မည်​။ လ​သည်​လည်း အလင်း​ကို​မ​ပေး​။

ဟေ​ရှာ​ယ 5:30

ထို​နေ့ရက်​တွင် သူ​တို့​သည် သမုဒ္ဒရာ​မြည်ဟည်း​သကဲ့သို့ မာန်ဖီ​ကြ​လိမ့်မည်​။ ထို​ပြည်​ကို​ကြည့်​လျှင် ဆင်းရဲဒုက္ခ​အမှောင်ထု​သာ​ရှိ​၏​။ မိုးတိမ်​များ​ကြောင့် အလင်း​သည် မှောင်မိုက်​လေ​၏​။

ယော​လ 3:15

နေ​နှင့်​လ​လည်း အမှောင်ကျ​လိမ့်မည်​။ ကြယ်​များ​သည်​လည်း မိမိ​တို့​အလင်း​ကို ထွန်းလင်း​ကြ​မည်​မ​ဟုတ်​။

မဿဲ 24:29

ထို​နေ့ရက်​တို့​၏​ဆင်းရဲ​ဒုက္ခ​ပြီးဆုံး​သည်​နှင့် ချက်ချင်း​ပင် နေ​သည် မှောင်မည်း​သွား​၍ လ​သည်​လည်း မိမိ​၏​အလင်းရောင်​ကို​မ​ပေး​ဘဲ​နေ​လိမ့်မည်။ ကြယ်​တို့​သည်​လည်း ကောင်းကင်​မှ​ကြွေကျ​ကာ အာကာသ​ကောင်းကင်​၏​စွမ်းအား​တို့​သည် တုန်လှုပ်​ကြ​လိမ့်မည်။

၁ ရာ 3:2

ဧလိ​သည်​လည်း မျက်စိ​အားနည်း​၍ မ​မြင်​နိုင်​တော့​ပေ​။ တစ်နေ့တွင် သူ​သည် အိပ်ခန်း​ထဲ၌​အိပ်​နေ​၏​။

၁ ရာ 4:15

ထို​အချိန်​၌ ဧလိ​သည် အသက်​ကိုးဆယ့်​ရှစ်​နှစ်​အရွယ်​ရှိ​ပြီး မျက်စိ​အားနည်း​၍ မ​မြင်​နိုင်​တော့​ပေ​။

၁ ရာ 4:18

ထိုသို့ ဘုရားသခင်​၏​သေတ္တာ​တော်​အကြောင်း​ကို ကြားလိုက်​ရ​သောအခါ ဧလိ​သည် မြို့​တံခါး​နား သူ​ထိုင်​နေ​သော​ထိုင်ခုံ​ပေါ်​မှ အနောက်​သို့​လန်ကျ​ရာ အသက်​လည်း​ကြီး လူ​လည်း​ဝ​သဖြင့် ဇက်​ကျိုး​ကာ သေ​လေ​၏​။ သူ​သည် အစ္စရေး​လူမျိုး​တို့​ကို အနှစ်​လေးဆယ် စီရင်အုပ်ချုပ်​ခဲ့​၏​။