ထွက်​မြောက် 9:15 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁵ ယခု ငါ​၏​လက်​ကို​ဆန့်​လျက် သင်​နှင့်​သင်​၏​လူ​တို့​အား ကပ်ရောဂါ​ဘေး​ဖြင့် ငါ​ဒဏ်ခတ်​မည်​။ သင်​သည် မြေကြီး​ပေါ်မှ ပယ်ဖျက်​ခြင်း​ခံရ​လိမ့်မည်​။

Common Language Bible

¹⁵ အ​ကယ်​၍​ငါ​သည်​တန်​ခိုး​တော်​ဖြင့် သင်​နှင့် သင်​၏​လူ​မျိုး​ကို​ရောဂါ​ဘေး​သင့်​စေ​ခဲ့​ပါ​မူ သင်​တို့​အား​လုံး​ပင်​သေ​ကျေ​ပျက်​စီး​ကုန် မည်​ဖြစ်​သည်။-

Garrad Bible

^15-16 သင့် အား ငါ့ တန် ခိုး ကို ပြ ခြင်း ငှါ လည်း ကောင်း၊ ငါ့ နာ မ ကို မြေ တစ် ပြင် လုံး နှံ့ ကြေ ငြာ စေ ခြင်း ငှါ လည်း ကောင်း သင့် ကို တည် နေ ခွင့် ငါ ပေး ခဲ့ ပြီ။ သို့ မ ဟုတ် လျှင် လက် တော် ဆန့် ၍ သင် နှင့် ပြည် သူ ပြည် သား တို့ ပါ သင့် စေ သော ကပ် ရော ဂါ ဘေး ဖြင့် မြေ ကြီး ပေါ် မှ ကွယ် ပျောက် စေ ခဲ့ ပြီ။

Judson Bible

¹⁵ ငါ့​လက်​ကို​ငါ​ဆန့်၍ သင်​နှင့်​သင်၏​လူ​တို့​ကို ကာ​လ​နာ​ဖြင့် ဒဏ်​ခတ်​မည်။ သင့်​ကို​လည်း​မြေ​ကြီး​ပေါ်​က သုတ်​သင်​ပယ်​ရှင်း​မည်။

ထွက်​မြောက် 9:15 ပူးပေါင်းရင်းမြစ်များ

ထွက်​မြောက် 3:20

ထို့ကြောင့် ငါ​၏​လက်​ကို​ဆန့်​၍ အီဂျစ်​ပြည်​ထဲ​၌ ငါ​ပြု​မည့် အံ့ဖွယ်​သော​အမှု​အမျိုးမျိုး​တို့​ဖြင့် ထို​ပြည်​ကို​ဒဏ်ခတ်​မည်​။ ထို့နောက်မှ သူ​သည် သင်​တို့​ကို​လွှတ်​လိမ့်မည်​။

သုတ္တံကျမ်း။ 2:22

ဆိုးယုတ်​သော​သူ​တို့​မူကား ပြည်​တော်​မှ ဖယ်ရှား​ခြင်း​ခံရ​၍ သစ္စာမဲ့​သော​သူ​တို့​သည် ထို​ပြည်​မှ​နုတ်ပယ်​ခြင်း​ခံရ​လိမ့်မည်​။

၃ ရာ 13:34

ဤသို့​ပြုမူ​ခြင်း​များ​သည် ယေရောဗောင်​မင်းမျိုးမင်းနွယ်​အတွက် အပြစ်​ဖြစ်လာ​ပြီး သူ​တို့​ကို မြေမျက်နှာပြင်​ပေါ်​မှ​ဖျက်ဆီးသုတ်သင်​ပစ်​ရ​မည့်​အခြေ​သို့ ဆိုက်​လေ​၏​။

ထွက်​မြောက် 14:28

အစ္စရေး​အမျိုးသား​တို့​နောက်မှ ပင်လယ်​ထဲသို့​လိုက်ဝင်​ကြ​သော စစ်ရထား​များ​နှင့်​မြင်းစီးသူရဲ​များ စသည့် ဖာရော​မင်းကြီး​၏​စစ်တပ်​တစ်တပ်လုံး​အပေါ်​သို့ ရေ​ပြန်စီး​လာ​ပြီး သူ​တို့​ကို ဖုံးလွှမ်း​သဖြင့် တစ်စုံတစ်ယောက်​မျှ မ​ကျန်ရစ်​ပေ​။

ထွက်​မြောက် 9:16

အကယ်စင်စစ် သင့်​အား ငါ​၏​တန်ခိုး​ကို​ပြသ​ရန်​နှင့် မြေ​တစ်ပြင်လုံး​၌ ငါ​၏​နာမ​ကို ကြေညာ​ရန် ငါ​သည် သင့်​ကို တည်​နေ​စေ​ခြင်း​ဖြစ်​၏​။

ထွက်​မြောက် 9:6

နောက်တစ်နေ့​၌ ထာဝရဘုရား​သည် ထို​အမှု​ကို​ပြု​တော်မူ​သဖြင့် အီဂျစ်​လူမျိုး​တို့​၏​တိရစ္ဆာန်​ရှိသမျှ​တို့​သည် သေ​ကြ​ကုန်​၏​။ သို့ရာတွင် အစ္စရေး​အမျိုးသား​တို့​၏​တိရစ္ဆာန် တစ်​ကောင်​မျှ​မ​သေ​။

ထွက်​မြောက် 9:3

ထာဝရဘုရား​လက်​တော်​သည် လယ်​၌​ရှိ​သည့် မြင်း​များ​၊ မြည်း​များ​၊ ကုလားအုတ်​များ​၊ နွား​များ​၊ သိုးဆိတ်​များ စသည့် သင်​တို့​၏​တိရစ္ဆာန်​များ​အပေါ် အလွန်​ဆိုးရွား​သော​ကပ်ရောဂါ​ဘေး ကျရောက်​စေ​မည်​။

ထွက်​မြောက် 9:14

သို့မဟုတ်လျှင် ဤ​တစ်ကြိမ်​တွင် ငါ​သည် ဘေးဒဏ်​အမျိုးမျိုး​ကို သင်​မှစ၍ သင်​၏​အမှုထမ်း​များ​၊ သင်​၏​ပြည်သူပြည်သား​များ​အပေါ်​သို့ ကျရောက်​စေ​မည်​။ ဤသို့ဖြင့် မြေ​တစ်ပြင်လုံး​၌ ငါ​ကဲ့သို့သော​ဘုရား​မ​ရှိ​ကြောင်း သင်​သိမြင်​လိမ့်မည်​။

၄ ရာ 17:36

လက်ရုံး​တော်​ကို​ဆန့်​၍​ကြီးမား​သော​တန်ခိုး​တော်​နှင့် သင်​တို့​ကို အီဂျစ်​ပြည်​မှ​ထုတ်ဆောင်​ခဲ့​သော​ထာဝရဘုရား​ကို​သာ ကြောက်ရွံ့​ရ​မည်​၊ ကိုးကွယ်​ရ​မည်​၊ ယဇ်ပူဇော်​ရ​မည်​။

၂ ရာ 7:23

မြေကြီး​ပေါ်တွင် ဘုရားသခင်​၏​လူမျိုး​တော်​အစ္စရေး​နှင့်​တူ​သော​လူမျိုး တစ်​မျိုးမျိုး​ရှိ​ပါ​သလော​။ ဘုရားသခင်​သည် မိမိ​လူမျိုး​တော်​အဖြစ် သူ​တို့​ကို ရွေးနုတ်​တော်မူ​ခဲ့​ပါ​ပြီ​။ အီဂျစ်​ပြည်​၊ လူမျိုးခြား​တို့​နှင့် သူ​တို့​၏​ဘုရား​များ​ထံမှ ရွေးနုတ်​တော်မူ​ခဲ့​သော​လူမျိုး​တော်​၏​ရှေ့မှောက်​မှာ​ပင် ပြည်​တော်​အဖို့ ကြီးမြတ်​၍​အံ့ဖွယ်​သော​အမှု​များ​ပြု​ခြင်း​ဖြင့် နာမ​တော်​ကို ထင်ရှား​စေ​ခဲ့​ပါ​ပြီ​။

၄ ရာ 19:35

ထို​ည​မှာပင် ထာဝရဘုရား​၏​ကောင်းကင်တမန်​သည် ထွက်လာ​၍ အဆီးရီးယား​တပ်စခန်း​ထဲတွင် စစ်သည်​တစ်သိန်း​ရှစ်သောင်း​ငါး​ထောင်​ကို သတ်​လေ​၏​။ နံနက်​စောစောထ​ကြ​သောအခါ အလောင်းကောင်​များ​ကို​သာ တွေ့​ရ​၏​။