ထွက်​မြောက် 6:26 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁶ “​အစ္စရေး​အမျိုးသား​တို့​ကို အဖွဲ့​အလိုက် အီဂျစ်​ပြည်​ထဲမှ ထုတ်ဆောင်​လော့​”​ဟု ထာဝရဘုရား​အမိန့်ပေး​ခြင်း​ခံရ​သော​သူ​များ​ကား အာရုန်​နှင့်​မောရှေ​ပေတည်း​။

Common Language Bible

²⁶ ထာ​ဝ​ရ​ဘု​ရား​က``ဣ​သ​ရေ​လ​အ​မျိုး​သား တို့​အား အီ​ဂျစ်​ပြည်​မှ​ထုတ်​ဆောင်​လော့'' ဟု စေ​ခိုင်း​တော်​မူ​ခြင်း​ခံ​ရ​သူ​တို့​သည်​ကား အာ​ရုန်​နှင့်​မော​ရှေ​တို့​ဖြစ်​သ​တည်း။-

Garrad Bible

²⁶ ဣ သ ရေ လ အ မျိုး သား တို့ ကို ဗိုလ် ခြေ အ လိုက် အိ ဂျစ် ပြည် မှ ထုတ် ဆောင် လော့ ဟူ သော ထာ ဝ ရ ဘု ရား ၏ အ မိန့် တော် ကို နာ ခံ ရ သူ တို့ ကား ဆို ခဲ့ သော အာ ရုန် နှင့် မော ရှိ တို့ တည်း။

Judson Bible

²⁶ ထာ​ဝ​ရ​ဘု​ရား​က ဣ​သ​ရေ​လ​အ​မျိုး​သား​ဗိုလ်​ပါ​တို့​ကို အဲ​ဂု​တ္တု​ပြည်​မှ နုတ်​ဆောင်​လော့​ဟု မိန့်​တော်​မူ​သော​စ​ကား​ကို​ခံ​သော​သူ၊

ထွက်​မြောက် 6:26 ပူးပေါင်းရင်းမြစ်များ

ကမ္ဘာ​ဦး 2:1

ဤသို့ဖြင့် ကောင်းကင်​၊ မြေကြီး​နှင့်တကွ ၎င်း​တို့​၌​ရှိ​သော​တန်ဆာ​အားလုံး​ပြီးစီး​လေ​၏​။

၁ ရာ​ချုပ် 6:3

အာမရံ​၏​သားသမီး​များ​မှာ အာရုန်​၊ မောရှေ​၊ မိရိအံ တို့​ဖြစ်​ကြ​၏​။ အာရုန်​၏​သား​များ​မှာ နာဒပ်​၊ အဘိဟု​၊ ဧလာဇာ​၊ ဣသမာ တို့​ဖြစ်​ကြ​၏​။

ဆာ​လံ 77:20

ကိုယ်တော်​သည် မောရှေ​နှင့်​အာရုန်​တို့​လက်​ဖြင့် မိမိ​၏​လူမျိုး​တော်​ကို သိုးအုပ်​ကဲ့သို့​ပို့ဆောင်​တော်မူ​၏​။

ဆာ​လံ 99:6

ကိုယ်တော်​၏​ယဇ်ပုရောဟိတ်​များ​ထဲတွင် မောရှေ​နှင့်​အာရုန်​တို့​ပါ​၍ ကိုယ်တော်​၏​နာမ​တော်​ကို​ခေါ်​သော​သူ​တို့​တွင် ရှမွေလ ပါ​၏​။ သူ​တို့​သည် ထာဝရဘုရား​ကို​ခေါ်​၍ ကိုယ်တော်​သည် သူ​တို့​ကို ထူး​တော်မူ​၏​။

ထွက်​မြောက် 12:17

ဤ​နေ့​၌ သင်​တို့​လူစု​ကို အီဂျစ်​ပြည်​ထဲမှ ငါ​ထုတ်ဆောင်​လာ​ခဲ့​သည်​ဖြစ်၍ ဤ​နေ့​၌ တဆေးမဲ့မုန့်ပွဲတော်​ကို သင်​တို့​ကျင်းပ​ရ​မည်​။ ဤ​နေ့​ကို အစဉ်အမြဲ​လိုက်နာ​ရ​မည့်​ပြဋ္ဌာန်းချက်​အဖြစ် သင်​တို့​၏​မျိုးဆက်​အစဉ်အဆက် စောင့်ထိန်း​ရ​မည်​။

ထွက်​မြောက် 12:41

နှစ်ပေါင်း​လေး​ရာ့​သုံးဆယ်​ပြည့်​သော​နေ့​၌​ပင် ထာဝရဘုရား​၏​လူစု​အပေါင်း​တို့​သည် အီဂျစ်​ပြည်​မှ​ထွက်လာ​ခဲ့​ကြ​၏​။

ထွက်​မြောက် 12:51

ဤ​နေ့​၌​ပင် ထာဝရဘုရား​သည် အစ္စရေး​အမျိုးသား​တို့​ကို အီဂျစ်​ပြည်​ထဲမှ အဖွဲ့​လိုက် ထုတ်ဆောင်​တော်မူ​၏​။

ထွက်​မြောက် 13:18

ဘုရားသခင်​သည် ဤ​လူမျိုး​ကို ပင်လယ်နီ​ဘက်​မှ ကွေ့ဝိုက်​သော​တောကန္တာရ​လမ်း​ဖြင့် ပို့ဆောင်​တော်မူ​၏​။ အစ္စရေး​အမျိုးသား​တို့​သည် စစ်အခင်းအကျင်း​ဖြင့် အီဂျစ်​ပြည်​ထဲမှ​ထွက်သွား​ကြ​၏​။

ထွက်​မြောက် 20:2

“​ငါ​သည် သင့်​ကို ကျွန်ခံရာ​အိမ်​အီဂျစ်​ပြည်​မှ​ထုတ်ဆောင်​ခဲ့​သော သင်​၏​ဘုရားသခင်​ထာဝရဘုရား​ဖြစ်​၏​။

ထွက်​မြောက် 32:1

မောရှေ​သည် တောင်​ပေါ်မှ​မ​ဆင်းလာ​သေး​ဘဲ ကြန့်ကြာ​နေ​သည်​ကို လူ​တို့​သိ​သောအခါ အာရုန်​ထံသို့​စုရုံး​လာ​၍ “​ထ​ပါ​။ ငါ​တို့​ရှေ့​မှ​ကြွ​မည့်​ဘုရား​ကို ငါ​တို့​အဖို့ လုပ်ပေး​ပါ​။ အီဂျစ်​ပြည်​မှ ငါ​တို့​ကို ထုတ်ဆောင်​လာ​သော ထို​မောရှေ​ဆို​သူ​၌ မည်သို့​ဖြစ်​သည်​ကို ငါ​တို့​မ​သိ​ပါ​”​ဟု ဆို​ကြ​၏​။

ထွက်​မြောက် 32:11

ထိုအခါ မောရှေ​က မိမိ​၏​ဘုရားသခင် ထာဝရဘုရား​အား “​အို ထာဝရဘုရား​၊ ကိုယ်တော်​သည် ကြီးမား​သော​တန်ခိုး​၊ အားကြီး​သော​လက်​တော်​ဖြင့် အီဂျစ်​ပြည်​မှ​ထုတ်ဆောင်​တော်မူ​ခဲ့​သော ကိုယ်တော်​၏​လူမျိုး​တော်​ကို အဘယ်ကြောင့် အမျက်ထွက်​တော်မူ​ပါ​သနည်း​။

ထွက်​မြောက် 32:7

ထာဝရဘုရား​က မောရှေ​အား “​ဆင်း​သွား​လော့​။ အီဂျစ်​ပြည်​မှ သင်​ထုတ်ဆောင်​ခဲ့​သော သင်​၏​လူ​တို့​သည် ဖောက်ပြန်​ကြ​လေ​ပြီ​။

ထွက်​မြောက် 6:13

ထိုသို့ မောရှေ​နှင့်​အာရုန်​အား အစ္စရေး​အမျိုးသား​တို့​ကို အီဂျစ်​ပြည်​မှ​ထုတ်ဆောင်​ရန် ထာဝရဘုရား​မိန့်မှာ​တော်မူ​ခဲ့​သည်​ကို အစ္စရေး​အမျိုးသား​တို့​နှင့် အီဂျစ်​ဘုရင်​ဖာရော​မင်းကြီး​တို့​အား ပြောကြား​စေ​၏​။

ထွက်​မြောက် 6:20

အာမရံ​သည် မိမိ​၏​အရီး​ယောခေဗက်​နှင့်​စုံဖက်​၍ ထို​မိန်းမ​သည် သူ့​အတွက် အာရုန်​နှင့်​မောရှေ တို့​ကို​မွေးဖွား​ပေး​၏​။ အာမရံ​အသက်ရှင်​ခဲ့​သော​နှစ်​ကာလ​မှာ တစ်ရာ​သုံးဆယ့်​ခုနစ်​နှစ်​ဖြစ်​၏​။

ထွက်​မြောက် 6:7

ငါ​သည် သင်​တို့​ကို ငါ​၏​လူမျိုး​တော်​အဖြစ်​သိမ်းယူ​မည်​။ ငါ​သည် သင်​တို့​၏​ဘုရား​ဖြစ်​မည်​။ ငါ​သည် အီဂျစ်​လူမျိုး​တို့​၏​ထမ်းပိုး​အောက်​မှ သင်​တို့​ကို​ဆွဲထုတ်​တော်မူ​သော သင်​တို့​၏​ဘုရားသခင်​ထာဝရဘုရား​ဖြစ်ကြောင်း သင်​တို့​သိမြင်​ကြ​လိမ့်မည်​။

ထွက်​မြောက် 7:4

သို့သော် ဖာရော​မင်းကြီး​သည် သင်​တို့​စကား​ကို နားထောင်​လိမ့်မည်​မ​ဟုတ်​။ အီဂျစ်​ပြည်​အပေါ် ငါ့​လက်​ကို​တင်​၍ ကြီးလေး​သော​အပြစ်ဒဏ်​ပေး​ခြင်း​ဖြင့် ငါ့​လူစု​ဖြစ်​သော ငါ့​လူမျိုး​တော် အစ္စရေး​အမျိုးသား​တို့​ကို အီဂျစ်​ပြည်​မှ ငါ​ထုတ်ဆောင်​မည်​။

မိက္ခာ 6:4

ငါ​သည် သင့်​ကို ကျွန်ခံရာ​အိမ်​အီဂျစ်​ပြည်​မှ ရွေးနုတ်​ခေါ်ဆောင်​ခဲ့​ပြီ​။ သင့်​ကို​ဦးဆောင်​မည့် မောရှေ​၊ အာရုန်​နှင့်​မိရိအံ​တို့​ကို စေလွှတ်​ပေး​ခဲ့​ပြီ​။

တော​လည် 33:1

မောရှေ​နှင့်​အာရုန်​တို့​၏​ဦးဆောင်မှု​ဖြင့် အီဂျစ်​ပြည်​မှ​တပ်ဖွဲ့​အလိုက်​ထွက်လာ​သော အစ္စရေး​အမျိုးသား​တို့​၏​ခရီးစဉ်​ကား ဤသို့​ဖြစ်​၏​။

ယော​ရှု 24:5

ငါ​သည် မောရှေ​နှင့်​အာရုန်​ကို​စေလွှတ်​၍ အီဂျစ်​ပြည်​၌ ဘေးအမျိုးမျိုး​ကျရောက်​စေ​ခြင်း​အားဖြင့် ဒဏ်ခတ်​ပြီးနောက် သင်​တို့​ကို ထုတ်ဆောင်​ခဲ့​၏​။

၁ ရာ 12:6

တစ်ဖန် ရှမွေလ​က လူ​တို့​အား “​မောရှေ​နှင့်​အာရုန်​ကို ရွေးကောက်​ပြီး သင်​တို့​၏​ဘိုးဘေး​များ​ကို အီဂျစ်​ပြည်​မှ​ထုတ်ဆောင်​စေ​သော​အရှင်​မှာ ထာဝရဘုရား​ပင်​ဖြစ်​၏​။

၁ ရာ 12:8

ယာကုပ်​သည် အီဂျစ်​ပြည်​သို့ ရောက်သွား​ပြီးနောက် သင်​တို့​၏​ဘိုးဘေး​တို့​သည် ထာဝရဘုရား​ထံ အော်ဟစ်​ကြ​၏​။ ထိုအခါ ထာဝရဘုရား​သည် မောရှေ​နှင့်​အာရုန်​ကို စေလွှတ်​တော်မူ​၍ သူ​တို့​သည် သင်​တို့​၏​ဘိုးဘေး​တို့​ကို အီဂျစ်​ပြည်​မှ​ထုတ်ဆောင်​ပြီး ဤ​အရပ်​တွင် နေထိုင်​စေ​၏​။