ထွက်​မြောက် 40:9 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁹ ဘိသိက်​ဆီ​ကို​ယူ​ပြီး ကိန်းဝပ်​တော်မူ​ရာ​တဲ​တော်​နှင့် ၎င်း​၌​ရှိ​သော​အရာ​အားလုံး​တို့​ကို ဘိသိက်သွန်း​၍ ကိန်းဝပ်​တော်မူ​ရာ​တဲ​တော်​နှင့် ၎င်း​၏​တန်ဆာပလာ​ရှိသမျှ​တို့​ကို သန့်ရှင်း​စေ​ရ​မည်​။ ထိုအခါ ကိန်းဝပ်​တော်မူ​ရာ​တဲ​တော်​သည် သန့်ရှင်း​လိမ့်မည်​။

Common Language Bible

⁹ ``တဲ​တော်​နှင့်​တဲ​တော်​အ​တွင်း​၌​ရှိ​သ​မျှ သော​အ​ရာ​တို့​ကို ဘိ​သိက်​ဆီ​သွန်း​လောင်း ၍၊ ထာ​ဝ​ရ​ဘု​ရား​ထံ​ဆက်​ကပ်​လော့။-

Garrad Bible

⁹ ဘိ သိက် သွန်း ရန် ဆီ ကို ယူ၍ စံ ရာ တော် နှင့် တ ကွ ရှိ လေ သ မျှ ကို သွန်း လောင်း လျက် စံ ရာ တော် နှင့် အ သုံး အ ဆောင် ရှိ သ မျှ ကို သီး သန့် စေ လော့။ ထို စံ ရာ တော် သည် သီး သန့် ရာ ရောက် လိမ့် မည်။

Judson Bible

⁹ လိမ်း​ရန် ဆီ​ကို​ယူ၍၊ တဲ​တော်​နှင့် တဲ​တော်၌ ရှိ​သ​မျှ​တို့​ကို​လိမ်း​သ​ဖြင့် တဲ​တော်​နှင့် တဲ​တော်​တန်​ဆာ​ရှိ​သ​မျှ​တို့​ကို သန့်​ရှင်း​စေ​ရ​မည်။ ထို​သို့​တဲ​တော်​သည် သန့်​ရှင်း​ရ​လိမ့်​မည်။

ထွက်​မြောက် 40:9 ပူးပေါင်းရင်းမြစ်များ

ဆာ​လံ 45:7

ကိုယ်တော်​သည် ဖြောင့်မတ်​ခြင်း​ကို​နှစ်သက်​၍ တရားမဲ့​ခြင်း​ကို​မုန်း​တော်မူ​၏​။ ထို့ကြောင့် ဘုရားသခင်​တည်းဟူသော ကိုယ်တော်​၏​ဘုရားသခင်​သည် ကိုယ်တော်​၏​အပေါင်းအဖော်​များ​ထက် ကိုယ်တော်​ကို ရွှင်မြူး​ခြင်း​ဆီ​နှင့် ဘိသိက်ပေး​တော်မူ​၏​။

ထွက်​မြောက် 37:29

အမွှေးနံ့သာ​ဖော်စပ်နည်း​အတိုင်း သန့်ရှင်း​သော​ဘိသိက်​ဆီ​၊ စင်ကြယ်​သော​အမွှေးနံ့သာပေါင်း​တို့​ကို ဖော်စပ်​၏​။

ထွက်​မြောက် 39:39

ကြေးနီ​ယဇ်ပလ္လင်​၊ ထို​ယဇ်ပလ္လင်​အတွက်​ကြေးနီ​မီးကျီးခံပြား​၊ ထို​ယဇ်ပလ္လင်​၏​ထမ်းပိုး​များ​နှင့် တန်ဆာပလာ​ရှိသမျှ​ကို​လည်းကောင်း​၊ အင်တုံ​နှင့် အင်တုံ​၏​ခြေတိုင်​ကို​လည်းကောင်း​၊

ထွက်​မြောက် 40:8

တဲ​တော်​ပတ်ပတ်လည်​ကို ဝင်း​ကာ​၍ ဝင်း​အဝင်ဝ​ကို လိုက်ကာ​တပ်​ရ​မည်​။

ဟေ​ရှာ​ယ 11:2

ထာဝရဘုရား​၏​ဝိညာဉ်​တော်​ဖြစ်​သည့် ဉာဏ်ပညာ​နှင့်​အသိဉာဏ်​ကို ပေး​သော​ဝိညာဉ်​၊ အကြံဉာဏ်​နှင့်​အစွမ်းတန်ခိုး​ကို ပေး​သော​ဝိညာဉ်​၊ အသိပညာ​နှင့်​ထာဝရဘုရား​အား ကြောက်ရွံ့​ခြင်း​ကို ပေး​သော​ဝိညာဉ်​သည် သူ့​အပေါ်​တွင် ကိန်းဝပ်​တော်မူ​မည်​။

ဟေ​ရှာ​ယ 61:1

ဘုရားရှင်​ထာဝရဘုရား​၏​ဝိညာဉ်​တော်​သည် ငါ့​အပေါ်​တည်​တော်မူ​၏​။ အကြောင်းမူကား ဆင်းရဲသား​တို့​အား ကောင်းမြတ်​သော​သတင်း​ကို​ဟောပြော​ရန် ထာဝရဘုရား​သည် ငါ့​ကို​ဘိသိက်ပေး​တော်မူ​ပြီ​။ စိတ်နှလုံး​ကြေကွဲ​သော​သူ​တို့​ကို ဖြေသိမ့်​ပေး​ရန်​၊ ဖမ်းဆီးချုပ်နှောင်​ခံရ​သူ​တို့​အား လွတ်မြောက်​ခြင်း​တရား​ကို​ဟောပြော​ရန်​၊ အကျဉ်းချ​ခံရ​သော​သူ​တို့​အား လွတ်ငြိမ်း​ခြင်း​တရား​ဟောပြော​ရန် ငါ့​ကို​စေလွှတ်​တော်မူ​ပြီ​။

ယေ​ဇ​ကျေ​လ 28:14

ငါ​သည် သင့်​ကို အတောင်​ဖြန့်မိုး​သော​ခေရုဗိမ်​တစ်ပါး​အဖြစ် ဘိသိက်ပေး​ပြီး ဘုရားသခင်​၏​သန့်ရှင်း​သော​တောင်​ပေါ်၌ နေရာချ​ထား​၏​။ သင်​သည် မီးတောက်​နေ​သော​ကျောက်တုံး​များ​အလယ်​တွင် သွားလာ​၏​။

ဝတ်​ပြု 8:10

ထို့နောက် မောရှေ​သည် ထာဝရဘုရား​မိန့်မှာ​တော်မူ​သည့်​အတိုင်း ဘိသိက်​ဆီ​ကို​ယူ​ပြီး ကိန်းဝပ်​တော်မူ​ရာ​တဲ​တော်​နှင့် အထဲ​ရှိ​အရာ​အားလုံး​ကို ဘိသိက်သွန်း​၍ သန့်ရှင်း​စေ​၏​။

တော​လည် 7:1

မောရှေ​သည် ကိန်းဝပ်​တော်မူ​ရာ​တဲ​တော်​ကို တည်​ပြီး​သော​နေ့​၌ ကိန်းဝပ်​တော်မူ​ရာ​တဲ​တော်​နှင့် ထို​တဲ​တော်​၏​တန်ဆာပလာ​ရှိသမျှ​ကို ဘိသိက်သွန်း​၍ သန့်ရှင်း​စေ​၏​။ ယဇ်ပလ္လင်​နှင့် ထို​ယဇ်ပလ္လင်​၏​တန်ဆာပလာ​ရှိသမျှ​ကို​လည်း ဘိသိက်သွန်း​၍ သန့်ရှင်း​စေ​၏​။

မဿဲ 3:16

ယေရှု​သည် ဗတ္တိဇံ​ခံ​ပြီးနောက် ရေ​ထဲမှ​ထွက်​လာ​သည်နှင့် ကောင်းကင်​သည်​ပွင့်​၍ ဘုရားသခင်​၏​ဝိညာဉ်​တော်​သည် ချိုးငှက်​ကဲ့သို့​ဆင်းသက်​ကာ မိမိ​အပေါ်သို့ ကြွလာ​တော်မူ​သည်​ကို မြင်​တော်မူ​၏။

ရှင်ယောဟန် 3:34

ဘုရားသခင်​စေလွှတ်​တော်မူ​သော​သူ​သည် ဘုရားသခင်​၏​စကား​တော်​များ​ကို​မြွက်ဆို​တတ်​၏။ အကြောင်းမူကား ဘုရားသခင်​သည် ဝိညာဉ်​တော်​ကို အတိုင်းအဆ​မ​ရှိ​ပေး​တော်မူ​၏။

၂ ကော 1:22

ထို​ဘုရားသခင်​သည် ငါ​တို့​ကို​တံဆိပ်​ခတ်နှိပ်​တော်မူ​၍ စရန်​အဖြစ် ငါ​တို့​၏​စိတ်နှလုံး​ထဲ၌ ဝိညာဉ်​တော်​ကို သွင်း​ပေး​တော်မူ​၏။

၂ ကော 1:4

ဘုရားသခင်​သည် ငါ​တို့​ခံရ​သော​ဆင်းရဲ​ဒုက္ခ​အမျိုးမျိုး​တို့​၌ ငါ​တို့​ကို​နှစ်သိမ့်​ပေး​တော်မူ​၏။ ဤသည်ကား ဘုရားသခင်​ထံမှ ငါ​တို့​ရရှိ​သော​နှစ်သိမ့်​ခြင်း​အားဖြင့် ဆင်းရဲ​ဒုက္ခ​အမျိုးမျိုး​ကို​ခံ​နေ​ရ​သော​သူ​တို့​အား ငါ​တို့​နှစ်သိမ့်​ပေး​နိုင်​ရန်​အတွက်​ဖြစ်​၏။

ဟေ​ဗြဲ 9:21

ထို့နောက် တဲ​တော်​နှင့်တကွ ဝတ်ပြု​ရာ​တွင်​အသုံးပြု​သော​ပစ္စည်း​ရှိသမျှ​တို့​ကို​လည်း ထိုနည်းတူ​သွေး​နှင့် ပက်ဖျန်း​လေ​၏။

၁ ယော 2:20

သင်​တို့​မူကား သန့်ရှင်း​တော်မူ​သော​အရှင်​ထံမှ ဘိသိက်​ကျေးဇူး​ကို ခံစား​ရ​သည်​ဖြစ်၍ ခပ်သိမ်း​သော​အရာ​တို့​ကို​သိ​ကြ​၏။