ထွက်​မြောက် 34:1 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹ တစ်ဖန် ထာဝရဘုရား​က မောရှေ​အား “​ယခင်​ကျောက်ပြား​တို့​နှင့်တူသော​ကျောက်ပြား​နှစ်​ချပ်​ကို သင်​ထုဆစ်​လော့​။ သင်​ချိုးဖျက်​လိုက်​သော ယခင်​ကျောက်ပြား​တို့​၌​ပါ​သည့် နှုတ်ကပတ်တော်​အတိုင်း ထို​ကျောက်ပြား​တို့​ပေါ်၌ ငါ​အက္ခရာတင်​ထား​မည်​။

Common Language Bible

¹ ထာ​ဝ​ရ​ဘု​ရား​က​မော​ရှေ​အား``ပ​ထ​မ ကျောက်​ပြား​များ​နှင့်​တူ​သော​ကျောက်​ပြား နှစ်​ချပ်​ကို​ဆစ်​လော့။ သင့်​ကြောင့်​ကျိုး​သွား သော​ယ​ခင်​ကျောက်​ပြား​များ​ပေါ်​တွင် ရေး ထိုး​ခဲ့​သည့်​ကမ္ပည်း​စာ​အ​တိုင်း​ငါ​သည်​ဤ ကျောက်​ပြား​များ​ပေါ်​၌​ရေး​ထိုး​မည်။-

Garrad Bible

¹ တစ် ဖန် ထာ ဝ ရ ဘု ရား က၊ အ ထက် ကျောက် နှစ် ပြား နှင့် အ လား တူ အ ခြား ကျောက် နှစ် ပြား ကို ဆစ် လော့။ သင် ချိုး ဖဲ့ သော အ ထက် ကျောက် ပြား၌ ပါ သည့် မူ အ တိုင်း ငါ ရေး တင် ဦး မည်။

Judson Bible

¹ တစ်​ဖန် ထာ​ဝ​ရ​ဘု​ရား​က၊ အ​ရင်​ကျောက်​ပြား​နှစ်​ပြား​နှင့်​တူ​အောင် ကျောက်​ပြား​နှစ်​ပြား​ကို​ခုတ်​လော့။ သင်​ချိုး​ဖဲ့​သော အ​ရင်​ကျောက်​ပြား၌ စ​ကား​ပါ​သည်​အ​တိုင်း နောက်​ကျောက်​ပြား​ပေါ်​မှာ ငါ​ရေး​ထား​မည်။

ထွက်​မြောက် 34:1 ပူးပေါင်းရင်းမြစ်များ

ဆာ​လံ 119:89

အို ထာဝရဘုရား​၊ ကိုယ်တော်​၏​နှုတ်ကပတ်တော်​သည် ကောင်းကင်ဘုံ​၌ အစဉ်အမြဲ​တည်​ပါ​၏​။

ထွက်​မြောက် 24:12

ထို့နောက် ထာဝရဘုရား​က မောရှေ​အား “​ငါ​ရှိ​ရာ တောင်​ပေါ်​သို့​တက်လာ​၍ ထို​နေရာ​၌​နေ​လော့​။ လူ​တို့​ကို သွန်သင်​ရန် ငါ​အက္ခရာတင်​ထား​သည့် တရားတော်​၊ ပညတ်တော်​ပါရှိ​သော​ကျောက်ပြား​တို့​ကို သင့်​အား ငါ​ပေး​မည်​”​ဟု မိန့်​တော်မူ​၏​။

ထွက်​မြောက် 31:18

ဤသို့ သိနာ​တောင်​ပေါ်၌ ဘုရားသခင်​သည် မောရှေ​အား မိန့်ဆို​တော်မူ​ပြီးနောက် လက်ချောင်း​တော်​ဖြင့် အက္ခရာတင်​ထား​သော​သက်သေခံချက်​ကျောက်ပြား​နှစ်​ချပ်​ကို သူ့​အား ပေးအပ်​တော်မူ​၏​။

ထွက်​မြောက် 32:16

ထို​ကျောက်ပြား​တို့​သည် ဘုရားသခင်​၏​လက်ရာ​တော်​ကျောက်ပြား​များ​ဖြစ်​၏​။ ကျောက်ပြား​တို့​အပေါ်​၌ ကမ္ပည်းထိုး​ထား​သော​စာ​သည်​လည်း ဘုရားသခင်​၏​စာ​ဖြစ်​၏​။

ထွက်​မြောက် 32:19

မောရှေ​သည် တပ်စခန်း​အနီး​သို့​ရောက်​သည်​နှင့် နွားသငယ်ရုပ်တု​ကို​လည်းကောင်း​၊ ကခုန်​နေ​ကြ​သည်​ကို​လည်းကောင်း မြင်​သောအခါ အမျက်ထွက်​၍ တောင်​ခြေရင်း​၌ မိမိ​လက်​ထဲမှ​ကျောက်ပြား​များ​ကို ပစ်ချ​ကာ ချိုးဖျက်​လေ​၏​။

ထွက်​မြောက် 34:28

မောရှေ​သည် အစာ​ကို​မ​စား​၊ ရေ​ကို​လည်း​မ​သောက်​ဘဲ ထို​အရပ်​၌ ထာဝရဘုရား​နှင့်အတူ နေ့​ပေါင်း​လေးဆယ်​၊ ည​ပေါင်း​လေးဆယ်​နေ​လျက် ကျောက်ပြား​များ​အပေါ်​၌ ပညတ်တော်​ဆယ်​ပါး​တည်းဟူသော ပဋိညာဉ်​ပါ​အချက်​များ​ကို ရေးသား​လေ​၏​။

ထွက်​မြောက် 34:4

သို့ဖြစ်၍ မောရှေ​သည် ထာဝရဘုရား​မိန့်မှာ​တော်မူ​သည့်​အတိုင်း ယခင်​ကျောက်ပြား​တို့​နှင့်တူသော ကျောက်ပြား​နှစ်​ချပ်​ကို​ထုဆစ်​ပြီး နံနက်​စောစောထ​၍ သိနာ​တောင်​ပေါ်သို့​တက်သွား​၏​။ သူ​၏​လက်​ထဲ၌​လည်း ကျောက်ပြား​နှစ်​ချပ်​ကို ယူဆောင်​သွား​၏​။

ယေ​ရ​မိ 36:32

ထို့နောက် ယေရမိ​သည် စာလိပ်​နောက်​တစ်​လိပ်​ကို​ယူ​၍ နေရိ​၏​သား စာရေးတော်ကြီး​ဗာရုတ်​အား ပေး​လေ​၏​။ ယုဒ​ဘုရင်​ယောယကိမ်​မင်းကြီး မီး​ရှို့​ပစ်​သော​စာလိပ်​၌​ပါ​သည့်​စကား​အတိုင်း ယေရမိ​သည် နှုတ်​မှ​ခေါ်ပေး​၍ ဗာရုတ်​ရေးမှတ်​လေ​၏​။ ထိုသို့သော နှုတ်ထွက်​စကား​များစွာ​ကို​လည်း ထပ်၍​ဖြည့်စွက်​ခေါ်ပေး​သေး​၏​။

တ​ရား​ဟော 4:13

ကိုယ်တော်​သည် သင်​တို့​လိုက်နာ​ရန် ညွှန်ကြား​ထား​သည့် မိမိ​၏​ပဋိညာဉ်​တည်းဟူသော ပညတ်တော်​ဆယ်​ပါး​ကို သင်​တို့​အား​ပြောကြား​တော်မူ​ပြီးလျှင် ကျောက်ပြား​နှစ်​ချပ်​ပေါ်၌ ရေးထား​တော်မူ​၏​။