ထွက်​မြောက် 24:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

² မောရှေ​တစ်ဦးတည်း​သာ ထာဝရဘုရား​ထံ​တော်​သို့ ချဉ်းကပ်​ရ​မည်​။ အခြား​သူ​တို့​မူကား မ​ချဉ်းကပ်​ရ​။ လူထု​တို့​သည် မောရှေ​နှင့်အတူ မ​တက်လာ​ရ​”​ဟု မိန့်​တော်မူ​၏​။

Common Language Bible

² သင်​တစ်​ယောက်​တည်း​သာ​ငါ့​အ​နီး​သို့​ချဉ်း​ကပ် ရ​မည်။ အ​ခြား​သော​သူ​တို့​သည်​ငါ့​အ​နီး​သို့ မ​ချဉ်း​ကပ်​စေ​ရ။ လူ​ထု​မူ​ကား​တောင်​ပေါ်​သို့ မ​တက်​ရ'' ဟု​မိန့်​တော်​မူ​၏။

Garrad Bible

² မော ရှေ တစ် ယောက် တည်း သာ ငါ ထာ ဝ ရ ဘု ရား ထံ ချဉ်း ကပ် ရာ အ ခြား သူ တို့ ကား မ ချဉ်း မ ကပ်၊ လူ မျိုး လည်း မ လိုက် မ တက် ကြ ရ ဟု မိန့် တော် မူ သည့် အ လျောက်၊

Judson Bible

² သင်​တစ်​ယောက်​တည်း​သာ ထာ​ဝ​ရ​ဘု​ရား​ထံ​တော်​သို့ ချဉ်း​ကပ်​ရ​မည်။ အ​ခြား​သော​သူ မ​ချဉ်း​မ​ကပ်​ရ။ လူ​များ​တို့​သည် သင်​နှင့်​အ​တူ​မ​တက်​ရ​ကြ​ဟု မော​ရှေ​အား​မိန့်​တော်​မူ၏။

ထွက်​မြောက် 24:2 ပူးပေါင်းရင်းမြစ်များ

ထွက်​မြောက် 19:12

သင်​သည် လူ​တို့​အတွက် တောင်​ပတ်ပတ်လည် နယ်နိမိတ်စည်း​သတ်မှတ်​ပေး​၍ ‘​တောင်​ပေါ်သို့​မ​တက်​၊ တောင်​၏​နယ်နိမိတ်​ကို မ​ထိ​ရန် သတိပြု​လော့​’​ဟု မှာကြား​ရ​မည်​။ ဤ​တောင်​ကို​ထိ​သော​သူ​တိုင်း မုချ​အသတ်​ခံရ​မည်​။

ထွက်​မြောက် 20:21

မောရှေ​သည် ဘုရားသခင်​ရှိ​ရာ​အမှောင်ထု​သို့ ချဉ်းကပ်​သောအခါ လူ​တို့​သည် အဝေး​၌​ရပ်​နေ​ကြ​၏​။

ထွက်​မြောက် 24:1

တစ်ဖန် ထာဝရဘုရား​က မောရှေ​အား “​သင်​နှင့်အတူ အာရုန်​၊ နာဒပ်​၊ အဘိဟု​နှင့် အစ္စရေး​သက်ကြီးဝါကြီး​တို့​ထဲမှ အယောက်​ခုနစ်ဆယ်​တို့​သည် ထာဝရဘုရား​ထံ​တော်​သို့ တက်လာ​၍ အဝေး​မှ ရှိခိုးကိုးကွယ်​ကြ​စေ​။

ထွက်​မြောက် 24:13

ထိုအခါ မောရှေ​သည် မိမိ​လက်ထောက်​ယောရှု​နှင့်အတူ​ထ​သွား​၏​။ မောရှေ​သည် ဘုရားသခင်​၏​တောင်​တော်​ပေါ်သို့​တက်သွား​၏​။

ထွက်​မြောက် 24:15

မောရှေ​သည် တောင်​ပေါ်သို့​တက်သွား​သောအခါ တိမ်တိုက်​သည် တောင်​ကို​ဖုံးလွှမ်း​လေ​၏​။

ထွက်​မြောက် 24:18

မောရှေ​သည် တိမ်တိုက်​ထဲသို့​ဝင်​၍ တောင်​ပေါ်သို့​တက်သွား​ပြီးလျှင် ထို​တောင်​ပေါ်၌ ရက်​ပေါင်း​လေးဆယ်​နေ​လေ​၏​။

ထွက်​မြောက် 24:3

ထို့နောက် မောရှေ​သည် ထာဝရဘုရား​၏​စကား​တော်​အလုံးစုံ​တို့​ကို​လည်းကောင်း​၊ ပညတ်​တော်မူ​ချက်​အလုံးစုံ​တို့​ကို​လည်းကောင်း လူ​တို့​အား လာ​၍​ပြောကြား​၏​။ လူ​အပေါင်း​တို့​က​လည်း “​ထာဝရဘုရား​မိန့်​တော်မူ​သမျှ​စကား​အတိုင်း အကျွန်ုပ်​တို့​ပြု​ပါ​မည်​”​ဟု တစ်သံတည်း​ပြန်ပြော​ကြ​၏​။

ယေ​ရ​မိ 30:21

ထာဝရဘုရား​က “​သူ​၏​ခေါင်းဆောင်​သည် သူ့​အမျိုး​ထဲမှ​ဖြစ်​လိမ့်မည်​။ သူ့​ကို​အုပ်စိုး​သော​သူ​သည် သူ့​အမျိုး​ထဲမှ​ပေါ်ထွန်း​လိမ့်မည်​။ သူ့​ကို ငါ​ခေါ်​၍ သူ​သည် ငါ့​ထံ​ချဉ်းကပ်​လိမ့်မည်​။ အဘယ်သူ​သည် ကိုယ့်​အလိုအလျောက် ငါ့​ထံ​ချဉ်းကပ်​ဝံ့​သနည်း​။

ယေ​ရ​မိ 49:19

ကြည့်ရှု​လော့​။ ဂျော်ဒန်​တောအုပ်​မှ စိမ်းလန်း​သော​စားကျက်မြေ​သို့ ခြင်္သေ့​တက်လာ​သောအခါ သားကောင်​တို့​ထွက်ပြေး​ရ​သကဲ့သို့ ထို​ပြည်သား​တို့​ကို ထို​ပြည်​မှ ငါ​ရုတ်ချည်း​ထွက်ပြေး​စေ​မည်​။ ငါ​ရွေးချယ်​သော​သူ​ကို ထို​ပြည်​၌ ငါ​ခန့်ထား​မည်​။ မည်သူ​သည် ငါ​နှင့်​တူ​သနည်း​။ မည်သူ​သည် ငါ့​ကို​စိန်ခေါ်​ဝံ့​သနည်း​။ မည်သည့်​သိုးထိန်း​သည် ငါ့​ကို​ဆန့်ကျင်​ပြီး ရပ်တည်​နိုင်​သနည်း​”​ဟု မိန့်​တော်မူ​၏​။

တော​လည် 16:5

ထို့နောက် မောရှေ​က ကောရ​နှင့်​သူ​၏​အပေါင်းပါ​အားလုံး​တို့​အား “​မည်သူ​သည် ထာဝရဘုရား​၏​လူ​ဖြစ်​သည်​ကို​လည်းကောင်း​၊ မည်သူ​သည် သန့်ရှင်း​သော​သူ​ဖြစ်​သည်​ကို​လည်းကောင်း​၊ မည်သူ​သည် ကိုယ်တော်​ထံသို့​ချဉ်းကပ်​ခွင့်​ရ​မည်​ကို​လည်းကောင်း မနက်ဖြန်​နံနက် ထာဝရဘုရား​ဖော်ပြ​တော်မူ​လိမ့်မည်​။ ကိုယ်တော်​သည် မိမိ​ရွေးချယ်​တော်မူ​သော​သူ​ကို မိမိ​ထံသို့ ချဉ်းကပ်​ခွင့်​ပေး​တော်မူ​လိမ့်မည်​။

ဟေ​ဗြဲ 9:24

အကြောင်းမူကား ခရစ်တော်​သည် စစ်မှန်​သော​အရာ​၏​ပုံတူ​မျှသာ​ဖြစ်​သည့် လူ့​လက်​ဖြင့်​တည်ဆောက်​သော​သန့်ရှင်း​ရာ​ဌာန​ထဲသို့​မ​ဝင်​ဘဲ ငါ​တို့​ကိုယ်စား ယခု ဘုရားသခင်​၏​ရှေ့​တော်​၌​ထင်ရှား​တော်မူ​ရန် ကောင်းကင်​ထဲသို့​ဝင်​တော်မူ​၏။