ထွက်​မြောက် 23:13 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹³ သင်​တို့​အား ငါ​မိန့်ဆို​ထား​သော​အရာ​ရှိသမျှ​တို့​ကို အလေးထား​ရ​မည်​။ အခြား​ဘုရား​များ​၏​နာမ​ကို မ​မြွက်ဆို​ရ​။ သင့်​နှုတ်​မှ​မြွက်ဆို​သည်​ကို မ​ကြား​ရ​စေ​နှင့်​။

Common Language Bible

¹³ ``သင်​တို့​အား​ငါ​မှာ​ကြား​သ​မျှ​ကို​နား​ထောင် လော့။ အ​ခြား​သော​ဘု​ရား​တို့​ထံ​ဆု​မ​ပန်​နှင့်။ ထို​ဘု​ရား​တို့​၏​နာ​မ​ကို​မျှ​မ​မြွက်​ဆို ကြ​နှင့်။

Garrad Bible

¹³ ငါ မိန့် ဆို သ မျှ ကို သ တိ ပြု ကြ လော့။ အ ခြား သော ဘု ရား တို့ နာ မ ကို သ တိ မ မူ နှင့်။ နှုတ် ဖြင့် မျှ မ ပြော မ ကြား နှင့်။

Judson Bible

¹³ ငါ​ပ​ညတ်​သ​မျှ​တို့၌ သ​တိ​ပြု​ကြ​လော့။ အ​ခြား​သော​ဘု​ရား၏​နာ​မ​ကို မ​မြွက်​မ​ဆို​နှင့်။ သင်၏​နှုတ်​ထဲ​က​မြွက်​သံ​ကို သူ​တစ်​ပါး​မ​ကြား​စေ​နှင့်။

ထွက်​မြောက် 23:13 ပူးပေါင်းရင်းမြစ်များ

ဆာ​လံ 16:4

အခြား​ဘုရား​များ​ကို ဆည်းကပ်​သော​သူ​တို့​သည် မိမိ​တို့​၏​ဝမ်းနည်းပူဆွေးမှု​ကို​တိုးပွား​စေ​ကြ​လိမ့်မည်​။ ငါ​သည် သူ​တို့​၏​သွန်းလောင်းရာပူဇော်သက္ကာ​နှင့်ဆိုင်သော​သွေး​ကို သွန်းလောင်း​မည်​မ​ဟုတ်​။ ထို​ဘုရား​တို့​၏​နာမ​ကို​လည်း ငါ့​နှုတ်​ဖြင့်​ရွတ်ဆို​မည်​မ​ဟုတ်​။

ဆာ​လံ 39:1

“​ငါ​သည် နှုတ်​ဖြင့်​မ​ပြစ်မှား​မိ​စေရန် ငါ​၏​အပြုအမူ​အကျင့်အကြံ​တို့​ကို​စောင့်ထိန်း​မည်​။ ငါ​၏​ရှေ့​၌​ဆိုးယုတ်​သော​သူ​တို့​ရှိ​နေစဉ် နှုတ်စွပ်​တပ်​၍ ငါ့​နှုတ်​ကို​စောင့်ထိန်း​မည်​”​ဟု ငါ​ဆို​ခဲ့​၏​။

ထွက်​မြောက် 23:24

သူ​တို့​၏​ဘုရား​များ​ကို မ​ပျပ်ဝပ်​ရ​။ မ​ကိုးကွယ်​ရ​။ သူ​တို့​၏​ဓလေ့ထုံးစံ​များ​အတိုင်း မ​ပြုကျင့်​ရ​။ ထို​ဘုရား​များ​ကို ရှင်းရှင်း​ဖြိုဖျက်​ရ​မည်​။ သူ​တို့​အထွတ်အမြတ်​ထား​သော​ကျောက်တိုင်​များ​ကို အကုန်အစင်​ဖြိုလှဲ​ရ​မည်​။

ထွက်​မြောက် 23:32

သင်​သည် ထို​သူ​တို့​နှင့်​လည်းကောင်း​၊ ထို​သူ​တို့​၏​ဘုရား​များ​နှင့်​လည်းကောင်း ပဋိညာဉ်​မ​ဖွဲ့​ရ​။

ယေ​ရ​မိ 10:11

သင်​တို့​က “​ကောင်းကင်​နှင့်​မြေကြီး​ကို မ​ဖန်ဆင်း​သော​ဘုရား​တို့​သည် ဤ​ကောင်းကင်​အောက်​နှင့် ဤ​မြေကြီး​ပေါ်မှ ပျောက်ပျက်​သွား​ရ​လိမ့်မည်​”​ဟု သူ​တို့​အား ပြော​ရ​မည်​။

ဟော​ရှေ 2:17

ဗာလ​ဘုရား​၏​အမည်နာမ​တို့​ကို သူ့​နှုတ်​မှ ငါ​ဖယ်ရှား​ပစ်​မည်​။ ထို​နာမည်​တို့​ကို သတိရ​တော့​မည်​မ​ဟုတ်​။

ဇာ​ခ​ရိ 13:2

ကောင်းကင်​ဗိုလ်ခြေ​အရှင်​ထာဝရဘုရား​က “​ထို​နေ့ရက်​တွင် ထို​ပြည်​မှ ရုပ်တု​တို့​၏​အမည်​များ​ကို ပြန်လည်​အမှတ်ရ​ခြင်း မ​ရှိ​လေ​အောင် ငါ ပယ်ဖျက်​ပစ်​မည်​။ ထိုနည်းတူ ထို​ပြည်​မှ ပရောဖက်​များ​နှင့် ဝိညာဉ်ဆိုး​များ​ကို​လည်း ဖယ်ရှား​ပစ်​မည်​။

တော​လည် 32:38

နေဗော​၊ ဗာလမုန်​၊ (​အမည်​ပြောင်း​ထား​သော​မြို့​များ​) စိဗမာ​စသော မြို့​တို့​ကို တည်ဆောက်​ကြ​၏​။ သူ​တို့​တည်ဆောက်​သော​မြို့​တို့​၏​အမည်​များ​ကို အမည်​အသစ်​ဖြင့်​မှည့်ခေါ်​ကြ​၏​။

ဧ​ဖက် 5:12

အကြောင်းမူကား ဆိတ်ကွယ်​ရာ​၌ သူ​တို့​ပြု​နေ​သော​အရာ​များ​ကို ပြောဆို​ရန်​ပင် ရှက်ဖွယ်​ကောင်း​၏။

ဧ​ဖက် 5:15

ထို့ကြောင့် သင်​တို့​သည် မည်သို့​အသက်ရှင်​လျှောက်လှမ်း​သည်​ကို သေချာ​စွာ​ဆင်ခြင်​ကြ​လော့။ ပညာမဲ့​ကဲ့သို့​မ​ဟုတ်​ဘဲ ပညာရှိ​ကဲ့သို့ လျှောက်လှမ်း​၍

တ​ရား​ဟော 12:3

သူ​တို့​၏​ယဇ်ပလ္လင်​များ​ကို​လည်း ဖြိုဖျက်​၍ ကျောက်တိုင်​များ​ကို ဖြိုလှဲ​ပစ်​ရ​မည်​။ အာရှရ​နတ်ဘုရားမ​တံခွန်တိုင်​များ​ကို မီး​ရှို့​ပစ်​ရ​မည်​။ သူ​တို့​၏​ဘုရား​များ​ဖြစ်​သည့် ရုပ်တုဆင်းတု​များ​ကို ခုတ်လှဲ​၍ ထို​ဘုရား​များ​၏​နာမ​ကို ထို​အရပ်​မှ ဖျောက်ဖျက်​ပစ်​ရ​မည်​။

တ​ရား​ဟော 4:15

ဟောရပ်​တောင်​၌ သင်​တို့​အား ထာဝရဘုရား မီး​ထဲ​မှ မိန့်​တော်မူ​သော​နေ့​တွင် သင်​တို့​သည် ကိုယ်တော်​ကို မည်သည့်​ပုံသဏ္ဌာန်​နှင့်​မျှ​မ​မြင်​ရ​။ သို့ဖြစ်၍ သင်တို့ကိုယ်သင်တို့ အထူး​သတိပြု​ကြ​လော့​။

တ​ရား​ဟော 4:23

သင်​တို့​နှင့် သင်​တို့​၏​ဘုရားသခင်​ထာဝရဘုရား ဖွဲ့​တော်မူ​သော​ပဋိညာဉ်​ကို မ​မေ့လျော့​ရန်​၊ သင်​တို့​၏​ဘုရားသခင်​ထာဝရဘုရား​တားမြစ်​ထား​သော မည်သည့်​ပုံသဏ္ဌာန်​ကို​မျှ သင်​တို့​အဖို့ ရုပ်တုဆင်းတု​အဖြစ်​မ​လုပ်​ရန် သတိပြု​ကြ​လော့​။

တ​ရား​ဟော 4:9

သင်​တို့​သတိပြု​ကြ​လော့​။ သင်​တို့​မျက်စိ​ဖြင့်​တွေ့မြင်​ခဲ့​ရ​သော​အမှုအရာ​များ​ကို သင်​တို့​မ​မေ့လျော့​စေရန်​နှင့် သင်​တို့​အသက်ရှင်​သမျှ​ကာလ​ပတ်လုံး သင်​တို့​စိတ်နှလုံး​လမ်း​မ​လွဲ​စေရန် သင်​တို့​၏​စိတ်​ကို​အထူး​စောင့်ထိန်း​လော့​။ သင်​တို့​၏​သား​မြေး​တို့​ကို​လည်း ပြောပြ​ကြ​လော့​။

တ​ရား​ဟော 6:1

သင်​တို့​ကူးသွား​၍​သိမ်းပိုက်​နေထိုင်​မည့်​ပြည်​၌ လိုက်နာ​ရ​မည့် ပညတ်တော်​၊ ပြဋ္ဌာန်းချက်​များ​နှင့် စီရင်ထုံးဖွဲ့ချက်​များ​ကို သင်​တို့​အား​သင်ကြား​ပေး​ရန် သင်​တို့​၏​ဘုရားသခင်​ထာဝရဘုရား​မိန့်မှာ​တော်မူ​ခဲ့​၏​။

၁ တိ 4:16

သင့်ကိုယ်သင်​သော်လည်းကောင်း၊ သင်​၏​သွန်သင်​ချက်​ကို​သော်လည်းကောင်း ဂရုစိုက်​၍ ထို​သွန်သင်ချက်​တို့​၌ အမြဲ​တည်​နေ​လော့။ အကြောင်းမူကား သင်​သည် ထိုသို့​ပြု​ခြင်း​ဖြင့် သင့်ကိုယ်သင်​နှင့် သင့်​ကို​နားထောင်​သော​သူ​တို့​ကို ကယ်တင်​လိမ့်မည်။

ဟေ​ဗြဲ 12:15

မည်သူမျှ ဘုရားသခင်​၏​ကျေးဇူး​တော်​မှ ကင်းကွာ​မ​သွား​စေရန်​လည်းကောင်း၊ ခါးသီး​သော​အမြစ်​တစ်စုံတစ်ခု​ပေါက်​လျက် သင်​တို့​ကို​နှောင့်ယှက်​သဖြင့် လူ​များစွာ​တို့​သည် ထို​အရာ​ကြောင့် ညစ်ညူး​စေ​ခြင်း​မ​ခံရ​စေရန်​လည်းကောင်း သတိပြု​ကြ​လော့။

ယော​ရှု 22:5

သင်​တို့​၏​ဘုရားသခင်​ထာဝရဘုရား​ကို​ချစ်​ရ​မည်​၊ တရားလမ်း​တော်​ရှိသမျှ​အတိုင်း​လိုက်လျှောက်​ရ​မည်​၊ ပညတ်တော်​များ​ကို​စောင့်ထိန်း​ရ​မည်​၊ ကိုယ်တော်​၌​ဆည်းကပ်​ရ​မည်​၊ သင်​တို့​၏​စိတ်နှလုံး​အကြွင်းမဲ့​၊ စိတ်ဝိညာဉ်​အကြွင်းမဲ့ ကိုယ်တော်​ကို​ဝတ်ပြု​ရ​မည်​ဟူ၍ သင်​တို့​အား ထာဝရဘုရား​၏​အစေအပါး​မောရှေ​မိန့်မှာ​ထား​သည့် ပညတ်တော်​၊ တရားတော်​တို့​ကို​စောင့်ထိန်း​မည့်​အကြောင်း အထူး​သတိပြု​ကြ​လော့​”​ဟု မှာကြား​လေ​၏​။

ယော​ရှု 23:11

သို့ဖြစ်၍ သင်​တို့​သည် သင်​တို့​၏​ဘုရားသခင်​ထာဝရဘုရား​ကို​ချစ်​ကြ​ရ​မည့်​အကြောင်း ကိုယ့်ကိုယ်ကိုယ်​အထူး​သတိပြု​ကြ​လော့​။

ယော​ရှု 23:7

သင်​တို့​တွင် ကျန်နေ​သေး​သော​လူမျိုး​တို့​နှင့်​ပေါင်းဖော်​ခြင်း​မ​ပြု​နှင့်​၊ သူ​တို့​ဘုရား​များ​၏​နာမ​ကို​မ​တ​နှင့်​၊ မ​တိုင်တည်​နှင့်​။ ထို​ဘုရား​တို့​ကို​ဝတ်​မ​ပြု​နှင့်​၊ ရှိခိုးကိုးကွယ်​ခြင်း​မ​ပြု​နှင့်​။