ထွက်​မြောက် 22:29 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁹ အသီးဦး​၊ စပျစ်ရည်ဦး​တို့​ကို မ​ယူ​ထား​ဘဲ ငါ့​အား ဆက်ကပ်​ရ​မည်​။ သင်​တို့​၏​သားဦး​များ​ကို​လည်း ဆက်ကပ်​ရ​မည်​။

Common Language Bible

²⁹ ``သင်​တို့​၏​အ​ဦး​ဆုံး​ရိတ်​သိမ်း​သော​အ​သီး အ​နှံ၊ အ​ဦး​ဆုံး​ညှစ်​သော​စ​ပျစ်​ရည်​ကို​ငါ့ အား​ဆက်​ကပ်​ရ​မည်။ ``သင်​တို့​၏​သား​ဦး​များ​ကို​ငါ့​အား​ဆက်​ကပ် ရ​မည်။-

Garrad Bible

²⁹ သင့် စ ပါး ဆန် ရေ အ နက်၊ ဆက် ကပ် ရန် မ ဖင့် နွှဲ နှင့်။ အ ဦး ဖွား သော သား တို့ ကို လည်း ငါ့ အား ဆက် ကပ် ရ မည်။

Judson Bible

²⁹ အ​ဦး​မှည့်​သော​အ​သီး၊ အ​ဦး​ညှစ်​သော​အ​ရည်​ကို မ​ထိမ်​မ​ဝှက်​ဘဲ ဆက်​ကပ်​ရ​မည်။ အ​ဦး​ဖွား​သော သား​ယောက်ျား​ကို​လည်း ငါ့​အား​ဆက်​ကပ်​ရ​မည်။

ထွက်​မြောက် 22:29 ပူးပေါင်းရင်းမြစ်များ

၄ ရာ 4:42

ထို့နောက် ဗာလရှလိရှ​မြို့​မှ​လူ​တစ်​ဦး​သည် မုယော​အသီးဦး​ဖြင့်​လုပ်​ထား​သော​မုယော​မုန့်​အလုံး​နှစ်ဆယ်​နှင့် အသီးအနှံ​တို့​ကို အိတ်​ထဲ​ထည့်​၍ ဘုရားသခင်​၏​လူ​ထံ ယူဆောင်​လာ​၏​။ ဧလိရှဲ​က​လည်း “​လူ​တို့​စား​ဖို့ ပေး​လော့​”​ဟု ဆို​၏​။

၂ ရာ​ချုပ် 31:5

ထို​အမိန့်​တော်​ကို နေရာ​အနှံ့​ထုတ်ပြန်​သည်​နှင့် အစ္စရေး​အမျိုးသား​တို့​သည် သီးဦးသီးဖျား​ကောက်ပဲသီးနှံ​များ​၊ စပျစ်ဝိုင်​အသစ်​၊ ဆီ​၊ ပျားရည်​နှင့် လယ်ယာထွက်​သီးနှံ​အားလုံး​တို့​ကို အမြောက်အမြား​ယူဆောင်​လာ​ပေး​ကြ​၏​။ ဥစ္စာ​ရှိသမျှ​၏​ဆယ်ဖို့တစ်ဖို့​ကို​လည်း အမြောက်အမြား ယူဆောင်​လာ​ကြ​၏​။

ထွက်​မြောက် 13:12

သားအိမ်​မှ​အဦးဆုံး​ထွက်လာ​သော​သူ​ရှိသမျှ​နှင့် သင်​တို့​၏​တိရစ္ဆာန်​များ​မှ အဦးဆုံး​ပေါက်​သော​သားပေါက်​ရှိသမျှ​တို့​ကို ထာဝရဘုရား​အား ဆက်ကပ်​ရ​မည်​။ အထီး​ဟူသမျှ ထာဝရဘုရား​ပိုင်​တော်မူ​၏​။

ထွက်​မြောက် 13:2

“​အစ္စရေး​အမျိုးသား​တို့​တွင် လူ​ဖြစ်စေ​၊ တိရစ္ဆာန်​ဖြစ်စေ သားအိမ်​တိုင်း​မှ​အဦးဆုံး​ထွက်လာ​သော​သားဦး​တိုင်း​ကို ငါ​ပိုင်​၏​။ ငါ့​အတွက် သန့်ရှင်း​စေ​ကြ​လော့​”​ဟု မိန့်​တော်မူ​၏​။

ထွက်​မြောက် 23:15

တဆေးမဲ့မုန့်​ပွဲတော်​ကို စောင့်ထိန်း​ရ​မည်​။ အဗိဗ​လ​၌ အီဂျစ်​ပြည်​မှ သင်​ထွက်လာ​သည်​ဖြစ်၍ သင့်​အား​ငါ​မိန့်မှာ​ထား​သည့်​အတိုင်း သတ်မှတ်​ထား​သော​အချိန်​၊ အဗိဗ​လ​၌ ခုနစ်​ရက်​ပတ်လုံး တဆေးမဲ့မုန့်​ကို​စား​ရ​မည်​။ ငါ့​ရှေ့မှောက်​သို့ မည်သူ​မျှ လက်ချည်းသက်သက်​မ​လာ​ရ​။

ထွက်​မြောက် 23:16

လယ်ယာ​၌ သင်​မျိုးကြဲ​၍ ထွက်ရှိ​သော​အဦးဆုံးသီးနှံ​ရိတ်သိမ်း​ရာ​ပွဲ​ကို​လည်းကောင်း​၊ နှစ်​ကုန်​ချိန်​၌ လယ်ယာ​မှ​သီးနှံ​စုသိမ်း​သောအခါ စုသိမ်း​ရာ​ပွဲ​ကို​လည်းကောင်း ကျင်းပ​ရ​မည်​။

ထွက်​မြောက် 23:19

သင့်​မြေ​မှ​ထွက်​သော​အဦးဆုံးသီးနှံ​ထဲမှ​အကောင်းဆုံး​ကို သင်​၏​ဘုရားသခင်​ထာဝရဘုရား​၏​အိမ်​တော်​သို့ ယူဆောင်​လာ​ရ​မည်​။ ဆိတ်သငယ်​ကို မိခင်​၏​နို့ရည်​ဖြင့် မ​ပြုတ်​ရ​။

ထွက်​မြောက် 34:19

သားအိမ်​မှ​အဦးဆုံး​ထွက်လာ​သော​သူ​ရှိသမျှ​တို့​ကို​လည်းကောင်း​၊ နွား​ဖြစ်စေ​၊ သိုး​ဖြစ်စေ အဦးဆုံး​ပေါက်​သော တိရစ္ဆာန်​အထီး​ရှိသမျှ​တို့​ကို​လည်းကောင်း ငါ​ပိုင်​၏​။

ထွက်​မြောက် 34:20

မြည်း​မှ အဦးဆုံး​ပေါက်​သော​အကောင်​ကို သိုးသငယ်​ဖြင့် ရွေး​ရ​မည်​။ အကယ်၍ မ​ရွေး​လို​လျှင် မြည်းသားပေါက်​၏​လည်ပင်း​ကို ချိုး​ရ​မည်​။ သင်​၏​သား​များ​ထဲမှ သားဦး​ရှိသမျှ​ကို ရွေး​ရ​မည်​။ ငါ့​ရှေ့မှောက်​သို့ မည်သူ​မျှ လက်ချည်းသက်သက်​မ​လာ​ရ​။

ယေ​ဇ​ကျေ​လ 20:40

ဘုရားရှင်​ထာဝရဘုရား​က ‘ငါ​၏​သန့်ရှင်း​သော​တောင်​၊ မြင့်မား​သော​အစ္စရေး​တောင်​ပေါ်တွင် တစ်ပြည်လုံး​ရှိ​အစ္စရေး​အမျိုးအနွယ်​အပေါင်း​တို့​သည် ငါ့​ကို ဝတ်ပြု​ကြ​လိမ့်မည်​။ ထို​အရပ်​၌ သူ​တို့​ကို ငါ​လက်ခံ​မည်​။ လှူဖွယ်ဝတ္ထု​များ​၊ အသီးဦး​ပူဇော်သက္ကာ​များ​နှင့်တကွ သန့်ရှင်း​သော​ပူဇော်သက္ကာ​များ​ကို ငါ​တောင်းဆို​မည်​။

ဝတ်​ပြု 22:27

“​နွား​ဖြစ်စေ​၊ သိုး​ဖြစ်စေ​၊ ဆိတ်​ဖြစ်စေ မွေး​လာ​လျှင် မိခင်​နှင့်အတူ ခုနစ်​ရက်​ထား​ရ​မည်​။ ရှစ်​ရက်​မြောက်​သော​နေ့​မှစ၍ ထာဝရဘုရား​ထံ မီး​ဖြင့်​ပူဇော်​သော​ပူဇော်သက္ကာ​အဖြစ် ပူဇော်​နိုင်​၏​။

မိက္ခာ 7:1

ငါ​၌ အမင်္ဂလာ​ရှိ​၏​။ အကြောင်းမူကား ငါ​သည် နွေရာသီသီးနှံ​ရိတ်သိမ်းသူ​များ​၊ စပျစ်ခြံ​၌ အသီးကျန်လိုက်ခူးသူ​များ​နှင့်​တူ​လေ​ပြီ​။ စားစရာ​စပျစ်သီးခိုင် တစ်​ခိုင်​မျှ​မ​ရှိ​၊ အဦးဆုံးမှည့်သောအသီး​ကို စားလိုစိတ်​ရှိ​သော်လည်း တစ်​လုံး​မျှ​မ​ရှိ​။

တော​လည် 18:13

ထာဝရဘုရား​ထံ ယူဆောင်​လာ​သော သူ​တို့​ပြည်​ထွက်​အဦးဆုံးသီးနှံ​အားလုံး​သည်​လည်း သင့်​အဖို့​ဖြစ်​၏​။ သင့်​အိမ်​ရှိ စင်ကြယ်​သော​သူ​တိုင်း စား​ခွင့်​ရှိ​၏​။

မဿဲ 6:33

ဘုရားသခင်​၏​နိုင်ငံ​တော်​နှင့် ကိုယ်တော်​၏​ဖြောင့်မတ်​ခြင်း​ကို ဦးစွာ​ရှာ​ကြ​လော့။ ထိုအခါ ဤ​အရာ​အားလုံး​တို့​ကို သင်​တို့​အား ထပ်လောင်း​၍​ပေး​တော်မူ​လိမ့်မည်။

ရော​မ 8:23

ထိုမျှမက ဝိညာဉ်​တော်​၏​အသီးဦး​ကို​ရရှိ​သော ငါ​တို့​ကိုယ်တိုင်​သည်​လည်း သားသမီး​အရာ​ကို​ရ​ခြင်း​တည်းဟူသော ငါ​တို့​၏​ကိုယ်ခန္ဓာ​ရွေးနုတ်​ခံရ​ခြင်း​ကို စောင့်မျှော်​လျက် စိတ်နှလုံး​ထဲ၌ ညည်းတွား​နေ​ကြ​၏။

တ​ရား​ဟော 15:19

သင်​၏​နွား​၊ သင်​၏​သိုး​တို့​မှ​မွေး​သော သားဦး​အထီး​ရှိသမျှ​ကို သင်​၏​ဘုရားသခင်​ထာဝရဘုရား​အဖို့ သန့်ရှင်း​စေ​ရ​မည်​။ နွား​သားဦး​ကို မ​ခိုင်း​ရ​။ သိုး​သားဦး​ကို အမွေး​မ​ညှပ်​ရ​။

ယာ​ကုပ် 1:18

ကိုယ်တော်​သည် မိမိ​ဖန်ဆင်း​တော်မူ​သော​အရာ​တို့​တွင် ငါ​တို့​ကို အသီးဦး​သဖွယ်​ဖြစ်​စေရန် အလို​တော်​ရှိ​သည့်​အတိုင်း သမ္မာတရား​၏​နှုတ်ကပတ်တော်​အားဖြင့် ငါ​တို့​ကို​ဖြစ်ပွား​စေ​တော်မူ​၏။