ထွက်​မြောက် 22:23 - မြန်​​​မာ့​​​စံ​​​မီ​​​သမ္မာ​​​ကျမ်း​​

²³ အကယ်၍ သင်​နှိပ်စက်​၍ သူ​တို့​သည် ငါ့​ထံ အော်ဟစ်​မည်​ဆိုလျှင် သူ​တို့​၏​အော်ဟစ်ငိုကြွေးသံ​ကို ငါ​အသေအချာ​နားထောင်​မည်​။

Common Language Bible

²³ သင်​တို့​သည်​ထို​သူ​တို့​ကို​နှိပ်​စက်​သ​ဖြင့်၊ သူ​တို့​က​ငါ့​ထံ​အ​သ​နား​ခံ​လျှင်​ငါ ထာ​ဝ​ရ​ဘု​ရား​သည်​နား​ညောင်း​မည်။

Garrad Bible

²³ ညှဉ်း ပန်း ခံ ရ သ ဖြင့် ငါ့ ထံ အော် ဟစ် လျှင် ထို ဟစ် သံ ကို မု ချ ငါ နား ညောင်း သည် နှင့် အ ညီ၊

Judson Bible

²³ နှောင့်​ယှက်​ခြင်း တစ်​စုံ​တစ်​ခု​ကို​ပြု၍ သူ​တို့​သည် ငါ့​အား​အ​နည်း​ငယ်​အော်​ဟစ်​လျှင်၊ ငါ​သည် ထို​အ​သံ​ကို​အ​မှန်​ကြား၍၊

ထွက်​မြောက် 22:23 ပူးပေါင်းရင်းမြစ်များ

ယောဘဝတ္တု။ 34:28

ဆင်းရဲ​သော​သူ​တို့​၏​ငိုကြွေးသံ​ကို အထံ​တော်​သို့ ရောက်​စေ​၍ အဖိနှိပ်​ခံရ​သော​သူ​တို့​၏​ငိုကြွေးသံ​ကို ကိုယ်တော်​ကြား​တော်မူ​၏​။

ယောဘဝတ္တု။ 35:9

လူ​တို့​သည် အပြင်းအထန်​ညှဉ်းပန်းနှိပ်စက်​ခံရ​သောကြောင့် အော်ဟစ်​ငိုယို​တတ်​ကြ​၏​။ အားကြီး​သူ​တို့ နှိပ်စက်​သောကြောင့် အကူအညီ​အော်ဟစ်​တောင်းခံ​တတ်​ကြ​၏​။

ဆာ​လံ 10:14

သို့သော် ကိုယ်တော်​သည် အခက်အခဲ​ပြဿနာ​နှင့် ပူဆွေး​ခြင်း​တို့​ကို​မြင်​၍ လက်​တော်​ဖြင့်​ဖြေရှင်း​ရန် ကြည့်ရှုဆင်ခြင်​တော်မူ​၏​။ ခိုကိုးရာမဲ့သောသူ​သည် ကိုယ်တော်​ထံ၌ မိမိကိုယ်ကို​အပ်နှံ​ပါ​၏​။ ကိုယ်တော်​သည် မိဘမဲ့သူ​ကို ကူညီမစ​သော​အရှင်​ဖြစ်​တော်မူ​၏​။

ဆာ​လံ 140:12

ထာဝရဘုရား​သည် အဖိနှိပ်​ခံရ​သော​သူ​တို့​၏ အမှုကိစ္စ​ကို ဆောင်ရွက်​ပေး​၍ နွမ်းပါး​သော​သူ​တို့​အတွက် တရားမျှတမှု​ကို​ဆောင်ကြဉ်း​ပေး​တော်မူ​ကြောင်း ငါ​သိ​၏​။

ဆာ​လံ 145:19

ကိုယ်တော်​သည် မိမိ​ကို​ကြောက်ရွံ့​သော​သူ​တို့​၏ အလို​ကို ပြည့်စုံ​စေ​တော်မူ​၏​။ သူ​တို့​၏​အော်ဟစ်သံ​ကို​လည်း​ကြား​၍ သူ​တို့​ကို ကယ်တင်​တော်မူ​၏​။

ဆာ​လံ 18:6

ဆင်းရဲဒုက္ခ​ရောက်​စဉ် ငါ​သည် ထာဝရဘုရား​ကို ခေါ်​ပါ​၏​။ ငါ​၏​ဘုရားသခင်​ကို အကူအညီ​အော်ဟစ်​တောင်းခံ​ပါ​၏​။ ကိုယ်တော်​သည် ငါ​၏​အသံ​ကို ဗိမာန်တော်​ထဲမှ ကြား​တော်မူ​ပါ​၏​။ ငါ​၏​အော်ဟစ်သံ​သည်​လည်း ကိုယ်တော်​၏​ရှေ့​တော်​၊ ကိုယ်တော်​၏​နား​တော်​သို့​ရောက်​ပါ​၏​။

ဆာ​လံ 68:5

ဖတဆိုး​တို့​၏​ဖခင်​၊ မုဆိုးမ​တို့​အတွက်​တရားစီရင်​ပေး​သော​အရှင်​မှာ မိမိ​၏​သန့်ရှင်း​သော​ကိန်းဝပ်​ရာ​အရပ်​၌ ရှိ​တော်မူ​သော ဘုရားသခင်​ပေတည်း​။

ထွက်​မြောက် 22:27

အကြောင်းမူကား ၎င်း​သည် သူ​၏​တစ်ခုတည်း​သော​ခြုံစရာ​၊ သူ​၏​ကိုယ်ခန္ဓာ​အတွက် ခြုံထည်​ဖြစ်​သဖြင့် သူ​သည် မည်သည့်​အရာ​ကို​ခြုံ​၍ အိပ်​မည်နည်း​။ ငါ​သည် သနားကြင်နာ​တတ်​သည်​ဖြစ်၍ သူ​သည် ငါ့​ထံ အော်ဟစ်​တောင်းလျှောက်​သောအခါ ငါ​နားထောင်​မည်​။

မြည်​တမ်း​စ​ကား 5:3

အကျွန်ုပ်​တို့​သည် ဖခင်​မ​ရှိ​သော ဖတဆိုး​များ​ဖြစ်​ကြ​ပြီ​။ မိခင်​သည်​လည်း မုဆိုးမ ဖြစ်​ရ​လေ​ပြီ​။

လုကာ 18:7

ဘုရားသခင်​သည်​လည်း မိမိ​ထံ နေ့​ည​မပြတ်​အော်ဟစ်​တောင်းလျှောက်​နေ​သည့် မိမိ​ရွေးကောက်​တော်မူ​သော​သူ​တို့​အတွက် တရားသဖြင့်​မ​စီရင်​ဘဲ ကြာရှည်​စွာ​ဆိုင်း​ထား​တော်မူ​လိမ့်မည်​လော။

တ​ရား​ဟော 10:18

ဖတဆိုး​နှင့်​မုဆိုးမ​တို့​အတွက် တရားသဖြင့်​စီရင်​သော​အရှင်​၊ တိုင်းတစ်ပါးသား​ကို​ချစ်​၍ အစားအစာ​နှင့် အဝတ်အစား​တို့​ကို ပေးသနား​တော်မူ​သော​အရှင်​ဖြစ်​တော်မူ​၏​။

တ​ရား​ဟော 15:9

သင်​သည် ‘​အကြွေးလျှော်ပစ်​ခြင်း​နှစ်​ဖြစ်​သော ခုနစ်​နှစ်​မြောက်​သော​နှစ်​ရောက်​လု​နီး​ပြီ​’​ဟု တွေး​လျက် နွမ်းပါး​သော သင်​၏​ညီအစ်ကို​အား မကြည်ဖြူ​၊ ဘာမျှ​မ​ပေး​ဘဲ​နေ​ခြင်း​ဖြင့် ဆိုးညစ်​သော​စိတ် မ​ဝင်​မိ​စေရန်​သတိပြု​လော့​။ သို့မဟုတ်လျှင် သူ​သည် ထာဝရဘုရား​ထံ​ဟစ်အော်​သဖြင့် သင့်​အပေါ်​အပြစ်​သက်ရောက်​မည်​။

တ​ရား​ဟော 24:15

သူ​သည် ဆင်းရဲ​သဖြင့် မိမိ​လုပ်အားခ​ကို​မှီ​၍ အသက်ဆက်​ရ​သောကြောင့် သူ​၏​လုပ်အားခ​ကို နေ​မ​ဝင်​မီ နေ့ချင်း​ပေး​ရ​မည်​။ မပေးဘဲနေလျှင် သူ​သည် ထာဝရဘုရား​ထံ​ဟစ်အော်​သဖြင့် သင့်​အပေါ်​အပြစ်​သက်ရောက်​လိမ့်မည်​။

ယာ​ကုပ် 5:4

ကြည့်​ကြ​လော့။ သင်​တို့​လယ်ကွင်း​၌​ရိတ်သိမ်း​ပေး​သည့် အလုပ်သမား​တို့​ကို သင်​တို့​လိမ်ညာ​၍​မ​ပေး​ဘဲ​နေ​သော လုပ်အားခ​များ​သည် အော်ဟစ်​နေ​ကြ​၏။ ရိတ်သိမ်း​သော​သူ​တို့​၏​အော်ဟစ်​သံ​များ​သည်​လည်း ကောင်းကင်​ဗိုလ်ခြေ​အရှင်​ထာဝရ​ဘုရား​၏​နား​တော်​သို့ ရောက်​လေ​ပြီ။