ထွက်​မြောက် 21:6 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ သခင်​သည် သူ့​အား ဘုရားသခင်​၏​ရှေ့​တော်​သို့​ခေါ်ဆောင်​လာ​ရ​မည်​။ သူ့​အား တံခါး​၊ သို့မဟုတ် တံခါးတိုင်​သို့​ခေါ်ဆောင်​လာ​၍ သခင်​သည် သူ​၏​နားရွက်​ကို စူး​ဖြင့်​ဖောက်​ရ​မည်​။ သူ​သည် အစဉ်အမြဲ​အစေခံ​ရ​မည်​။

Common Language Bible

⁶ သ​ခင်​က​သူ့​ကို​ဘု​ရား​ရှိ​ခိုး​ရာ​ဌာ​န​သို့​ခေါ် ဆောင်​ခဲ့​ရ​မည်။ ထို​ကျွန်​အား​တံ​ခါး​သို့​မ​ဟုတ် တံ​ခါး​တိုင်​အ​ထိ​ခေါ်​ဆောင်​ပြီး​လျှင် သူ​၏​နား ရွက်​ကို​စူး​ဖြင့်​ဖောက်​ရ​မည်။ ထို​နောက်​သူ​သည် သ​ခင်​ထံ​၌​တစ်​သက်​ပတ်​လုံး​ကျွန်​ခံ​ရ မည်။

Garrad Bible

⁶ သ ခင် သည် ဘု ရား သ ခင့် အ ထံ တော် သို့ ခေါ် သွင်း ပြီး မှ အိမ် တံ ခါး၊ သို့ မ ဟုတ် တံ ခါး တိုင် သို့ ဆောင် ယူ၍ ကျွန် လည်း စူး နှင့် နား ဖောက် ခံ လျက် သ ခင့် ထံ အ စဉ် ကျွန် ခံ စေ။

Judson Bible

⁶ သ​ခင်​သည် ဘု​ရား​သ​ခင်​ရှေ့​တော်​သို့​လည်း​ကောင်း၊ အိမ်​တံ​ခါး​တိုင်​သို့​လည်း​ကောင်း ဆောင်​ယူ၍၊ နား​ရွက်​ကို စူး​ဖြင့်​ဖောက်​ပြီး​မှ၊ ထို​ကျွန်​သည် အ​စဉ်​အ​မြဲ​ကျွန်​ခံ​ရ​မည်။

ထွက်​မြောက် 21:6 ပူးပေါင်းရင်းမြစ်များ

၃ ရာ 12:7

သူ​တို့​က “​ယနေ့ မင်းကြီး​သည် ဤ​လူ​တို့​၏​အမှု​ကို​ထမ်းဆောင်​၍ သူ​တို့​၏​အစေ​ကို​ခံ​လျက် သူ​တို့​ကို ကောင်းမွန်​စွာ​ပြောဆို​ဆက်ဆံ​မည်​ဆို​လျှင် သူ​တို့​သည် မင်းကြီး​ထံ​အစဉ်အမြဲ​အစေခံ​ကြ​ပါ​လိမ့်မည်​”​ဟု ပြန်လျှောက်​ကြ​၏​။

ဆာ​လံ 82:1

ဘုရားသခင်​သည် ဘုရား​အစုအဝေး​၌ နေရာယူ​တော်မူ​၏​။ ဘုရား​များ​၏​အလယ်​တွင် တရားစီရင်​တော်မူ​၏​။

ထွက်​မြောက် 12:12

ဤ​ည​တွင် ငါ​သည် အီဂျစ်​ပြည်​ကို​ဖြတ်သွား​၍ အီဂျစ်​ပြည်​၌​ရှိ​သော လူ​မှစ၍ တိရစ္ဆာန်​တိုင်အောင် သားဦး​အပေါင်း​တို့​ကို​ဒဏ်ခတ်​မည်​။ ငါ​သည် အီဂျစ်​ဘုရား​ရှိသမျှ​တို့​ကို​လည်း အပြစ်ဒဏ်​ပေး​မည်​။ ငါ​သည် ထာဝရဘုရား​ဖြစ်​၏​။

ထွက်​မြောက် 21:22

အချင်းချင်း​ရန်ဖြစ်​၍ ကိုယ်ဝန်ဆောင်​မိန်းမ​ကို​ရိုက်​မိ​သဖြင့် ကိုယ်ဝန်ပျက်ကျ​သော်လည်း အန္တရာယ်​မ​ဖြစ်​လျှင် သူ​၏​ယောက်ျား​တောင်းဆို​သည့်​အတိုင်း မုချ​ဒဏ်ဆောင်​ရ​မည်​။ တရားစီရင်ချက်​များ​အတိုင်း ပေး​ရ​မည်​။

ထွက်​မြောက် 21:5

အကယ်၍ ထို​ကျွန်​က ‘​အကျွန်ုပ်​၏​သခင်​၊ အကျွန်ုပ်​၏​မယား​နှင့်​သားသမီး​များ​ကို အကျွန်ုပ်​ချစ်​ပါ​၏​။ လွတ်လပ်​သော​သူ​အဖြစ် အကျွန်ုပ်​မ​ထွက်သွား​လို​ပါ​’​ဟု ပြတ်ပြတ်သားသား​ပြောဆို​လျှင်

ထွက်​မြောက် 21:7

တစ်စုံတစ်ဦး​သည် မိမိ​၏​သမီး​ကို ကျွန်​အဖြစ်​ရောင်း​လျှင် ထို​ကျွန်မ​သည် ကျွန်ယောက်ျား​ထွက်သွား​သကဲ့သို့ မ​ထွက်သွား​ရ​။

ထွက်​မြောက် 22:28

ဘုရားသခင်​အား ပြစ်မှား​ပြောဆို​ခြင်း​မ​ပြု​ရ​။ သင့်​လူမျိုး​၏​ခေါင်းဆောင်​ကို မ​ကျိန်ဆဲ​ရ​။

ဟေ​ရှာ​ယ 1:26

သင်​၏​တရားသူကြီး​တို့​ကို ယခင်​က​ကဲ့သို့​၊ သင်​၏​အကြံပေးသူ​တို့​ကို မူလအစ​က​ကဲ့သို့ ပြန်လည်​ခန့်ထား​မည်​။ သို့ပြီးမှ သင်​၏​မြို့​ကို ဖြောင့်မတ်​သော​မြို့​၊ သစ္စာရှိ​သော​မြို့​ဟု ခေါ်ဝေါ်​ကြ​မည်​”​ဟု မိန့်​တော်မူ​၏​။

ဝတ်​ပြု 25:23

မြေ​သည် ငါ့​အပိုင်​ဖြစ်​၏​။ သင်​တို့​သည် ငါ့​ထံ၌​တည်းခို​သော တိုင်းတစ်ပါးသား​များ​၊ ဧည့်သည်​များ​ဖြစ်​သောကြောင့် မြေ​ကို​အပြီးအပိုင်​မ​ရောင်း​ရ​။

ဝတ်​ပြု 25:40

သူ​သည် သင့်​ထံ၌ သူရင်းငှား​ကဲ့သို့​လည်းကောင်း​၊ ဧည့်သည်​ကဲ့သို့​လည်းကောင်း နေ​၍ မင်္ဂလာရတု​နှစ်​အထိ သင့်​ထံ၌ အလုပ်​လုပ်​ရ​မည်​။

ဇေဖနိ 3:3

ထို​မြို့​၏​အကြီးအကဲ​တို့​သည် ဟိန်းဟောက်​သော​ခြင်္သေ့​များ​နှင့် တူ​၏​။ တရားသူကြီး​တို့​သည် နေဝင်ချိန်​ရောက်​မှ အစာ​ရှာ​၍ နံနက်​တိုင်အောင် ဘာမျှ​မ​ချန်​ဘဲ စား​တတ်​သော​ဝံပုလွေ​များ​နှင့်​တူ​၏​။

တ​ရား​ဟော 1:16

ထို​အချိန်​က သင်​တို့​၏​တရားသူကြီး​များ​ကို​လည်း ‘​သင်​တို့​၏​အမျိုးသားချင်း​တို့​ထဲ၌​ရှိ​သော​အမှု​များ​ကို​နားထောင်​၍ အမျိုးသား​အချင်းချင်း​ကြား​၌​ဖြစ်စေ​၊ အမျိုးသားချင်း​နှင့် သူ့​ထံ၌​တည်းခိုနေထိုင်​သော​တိုင်းတစ်ပါးသား​ကြား​၌​ဖြစ်စေ ဖြောင့်မတ်​စွာ​တရားစီရင်​ရ​မည်​။

တ​ရား​ဟော 15:16

သို့ရာတွင် ထို​သူ​သည် သင်​နှင့် သင်​၏​မိသားစု​ကို​ချစ်​သောကြောင့်​၊ သင့်​ထံ၌​နေ​ပျော်​သောကြောင့် ‘​အကျွန်ုပ်​သည် သင့်​ထံမှ မ​ထွက်သွား​လို​ပါ​’​ဟု ဆို​လျှင်

တ​ရား​ဟော 15:17

သင်​သည် စူး​ကို​ယူ​ပြီး သူ​၏​နားရွက်​ကို တံခါး​၌​ကပ်​၍ ဖောက်​ရ​မည်​။ ထိုအခါ သူ​သည် သင်​၏​ကျွန် အစဉ်အမြဲ​ဖြစ်​လိမ့်မည်​။ သင်​၏​ကျွန်မိန်းမ​ကို​လည်း ထိုနည်းတူ​ပြု​ရ​မည်​။

တ​ရား​ဟော 16:18

သင်​၏​ဘုရားသခင်​ထာဝရဘုရား​ပေး​တော်မူ​သော​မြို့​ရှိသမျှ​တို့​တွင် တရားသူကြီး​များ​၊ ကြီးကြပ်အုပ်ချုပ်သူ​များ​ကို မျိုးနွယ်​အလိုက် သင်​ခန့်ထား​ရ​မည်​။ သူ​တို့​သည် လူ​တို့​ကို ဖြောင့်မတ်​စွာ​တရားစီရင်​ရ​မည်​။

၁ ရာ 1:22

သို့သော် ဟန္န​က လိုက်​မ​သွား​ဘဲ သူ့​ခင်ပွန်း​အား “​သူငယ်​နို့ပြတ်​ပြီးမှ သူ့​ကို ခေါ်သွား​မည်​။ သူ​သည် ထာဝရဘုရား​ရှေ့​တော်​သို့ ရောက်​၍ ထို​နေရာ​တွင် အစဉ်အမြဲ​နေ​ရ​မည်​”​ဟု ဆို​၏​။

၁ ရာ 27:12

အာခိတ်​မင်းကြီး​သည် ဒါဝိဒ်​ကို​ယုံ​ပြီး “​ဒါဝိဒ်​ကို သူ့​လူမျိုး​အစ္စရေး​တို့ အလွန်​စက်ဆုပ်ရွံရှာ​ကြ​ပြီ​။ ထို့ကြောင့် သူ​သည် ငါ့​ထံ၌ အစဉ်အမြဲ​ကျွန်ခံ​ရ​လိမ့်မည်​”​ဟု ဆို​၏​။

၁ ရာ 28:2

ဒါဝိဒ်​က အာခိတ်​မင်းကြီး​အား “​အရှင့်​အစေအပါး မည်သို့​ပြု​နိုင်​သည်​ကို အရှင် သိမြင်​ရ​လိမ့်မည်​”​ဟု ဆို​၏​။ အာခိတ်​မင်းကြီး​က​လည်း ဒါဝိဒ်​အား “​ကောင်း​ပြီ​။ သင့်​ကို ငါ​၏​သက်တော်စောင့်​အဖြစ် ရာသက်ပန်​ခန့်​လိုက်​ပြီ​”​ဟု ပြန်ပြော​၏​။