ထွက်​မြောက် 14:28 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁸ အစ္စရေး​အမျိုးသား​တို့​နောက်မှ ပင်လယ်​ထဲသို့​လိုက်ဝင်​ကြ​သော စစ်ရထား​များ​နှင့်​မြင်းစီးသူရဲ​များ စသည့် ဖာရော​မင်းကြီး​၏​စစ်တပ်​တစ်တပ်လုံး​အပေါ်​သို့ ရေ​ပြန်စီး​လာ​ပြီး သူ​တို့​ကို ဖုံးလွှမ်း​သဖြင့် တစ်စုံတစ်ယောက်​မျှ မ​ကျန်ရစ်​ပေ​။

Common Language Bible

²⁸ ရေ​သည်​ပုံ​မှန်​အ​တိုင်း​ပြန်​စီး​သ​ဖြင့်​ပင် လယ်​ထဲ​သို့​ဆင်း​လိုက်​လာ​ကြ​သော​ရ​ထား တပ်၊ မြင်း​တပ်​နှင့်​အီ​ဂျစ်​ဘု​ရင်​၏​တပ်​အား လုံး​တို့​သည်​တစ်​ယောက်​မျှ​မ​ကျန်​ရေ​နစ်​၍ သေ​ကုန်​ကြ​၏။-

Garrad Bible

²⁸ ရေ စီး ပြန်၍ ပင် လယ် ထဲ သို့ ဝင် လိုက် သော ဖာ ရော မင်း၏ ရ ထား တပ်၊ မြင်း တပ် စ သော ဗိုလ် ခြေ အ ပေါင်း တို့ ကို လွှမ်း မိုး သ ဖြင့် တစ် ယောက် မျှ မ ကျန် ချေ။

Judson Bible

²⁸ ထို​သို့ ပင်​လယ်​ရေ​သည်​ပြန်​လာ၍၊ ပင်​လယ်​ထဲ​သို့​လိုက်​ဝင်​သော ဖာ​ရော​ဘု​ရင်၏​ရ​ထား၊ မြင်း​စီး​သူ​ရဲ၊ ဗိုလ်​ခြေ​အ​ပေါင်း​တို့​ကို​လွှမ်း​မိုး​သ​ဖြင့်၊ တစ်​စုံ​တစ်​ယောက်​မျှ မ​ကျန်​ရစ်​ရ၊

ထွက်​မြောက် 14:28 ပူးပေါင်းရင်းမြစ်များ

ကမ္ဘာ​ဦး 50:9

စစ်ရထား​နှင့်​မြင်းစီးသူရဲ​တို့​သည်​လည်း လိုက်ပါ​သွား​ကြ​သဖြင့် အလွန်​ကြီးမား​သော​လူအုပ်ကြီး​ဖြစ်​လေ​၏​။

ကမ္ဘာ​ဦး 7:18

ရေ​သည်​မြင့်တက်​လာ​၍ မြေကြီး​ပေါ်မှာ အလွန်​တိုးလာ​သဖြင့် သင်္ဘော​သည် ရေ​မျက်နှာပြင်​ပေါ်၌ မျော​လျက်​နေ​လေ​၏​။

၂ ရာ​ချုပ် 20:24

ယုဒ​လူမျိုး​တို့​သည် တောကန္တာရ​ရှိ ကင်းမျှော်စင်​သို့​ရောက်​၍ စစ်သည်ထုကြီး​ကို ကြည့်​သောအခါ မြေ​ပေါ်​လဲကျ​သေဆုံး​နေ​သော​အလောင်း​များ​ကို​သာ တွေ့​ရ​လေ​၏​။ လွတ်မြောက်​သော​သူ​တစ်ယောက်​မျှ​မ​ရှိ​။

နေ​ဟ​မိ 9:11

သူ​တို့​ရှေ့​၌​ပင် ကိုယ်တော်​သည် ပင်လယ်​ကို​ခွဲ​တော်မူ​၍ ပင်လယ်​အလယ် ခြောက်သွေ့​သော​မြေ​ပေါ်တွင် သူ​တို့​ကို ဖြတ်ကူး​စေ​၏​။ သူ​တို့​ကို လိုက်​သော​သူ​တို့​အား ကျောက်တုံး​ကို ရေနက်​ထဲ​ပစ်ချ​သကဲ့သို့ ပင်လယ်နက်​ထဲသို့​ပစ်ချ​တော်မူ​၏​။

ဆာ​လံ 136:15

ဖာရော​မင်းကြီး​နှင့်​သူ​၏​တပ်​ကို​မူကား ပင်လယ်​နီ​ထဲ၌ လှဲချ​တော်မူ​၏​။ အကြောင်းမူကား ကိုယ်တော်​၏​မေတ္တာကရုဏာ​တော်​သည် အစဉ်အမြဲ​တည်​၏​။

ဆာ​လံ 78:53

ကိုယ်တော်​သည် သူ​တို့​ကို ဘေးကင်းလုံခြုံ​စွာ​ပို့ဆောင်​တော်မူ​သဖြင့် သူ​တို့​သည် မ​ကြောက်​ကြ​ရ​ပေ​။ သို့သော် ပင်လယ်​ရေ​သည် သူ​တို့​၏​ရန်သူ​များ​ကို ဖုံးလွှမ်း​ခဲ့​၏​။

ထွက်​မြောက် 14:13

မောရှေ​က​လည်း “​မ​ကြောက်​ကြ​နှင့်​။ ယနေ့ သင်​တို့​အတွက် ပြု​တော်မူ​မည့် ထာဝရဘုရား​၏​ကယ်တင်​ခြင်း​ကို ရပ်​၍​ကြည့်​ကြ​လော့​။ ယနေ့ သင်​တို့​မြင်​နေ​ရ​သော​အီဂျစ်​လူမျိုး​တို့​ကို မည်သည့်​အခါ​မျှ မြင်​ရ​တော့​မည်​မ​ဟုတ်​။

ထွက်​မြောက် 15:10

ကိုယ်တော်​သည် လေ​ကို​ရှူထုတ်​လိုက်​ရာ ပင်လယ်​ရေ​သည် သူ​တို့​ကို​ဖုံးလွှမ်း​၍ ရေထု​အောက်​သို့ ခဲသတ္တု​သဖွယ်​နစ်မြုပ်​သွား​လေ​၏​။

ထွက်​မြောက် 15:19

ဖာရော​မင်းကြီး​၏​မြင်း​များ​နှင့်အတူ စစ်ရထား​များ​၊ မြင်းစီးသူရဲ​များ​သည် ပင်လယ်​ထဲသို့​ဝင်​ကြ​သောအခါ ထာဝရဘုရား​သည် ပင်လယ်​ရေ​ကို သူ​တို့​အပေါ်​သို့ ပြန်စီးလာ​စေ​တော်မူ​၏​။ အစ္စရေး​အမျိုးသား​တို့​မူကား ပင်လယ်​ထဲ​၌ ခြောက်သွေ့​သော​မြေ​ပေါ်တွင် လျှောက်သွား​ရ​၏​။

ဟ​ဗက္ကုတ် 3:13

ကိုယ်တော်​၏​လူမျိုး​တော်​ကို​ကယ်တင်​ရန်​နှင့် ကိုယ်တော်​ဘိသိက်ပေး​ထား​သော​သူ​ကို​ကယ်တင်​ရန် ကြွလာ​တော်မူ​ပြီ​။ အိမ်​ကို အုတ်မြစ်​မှ​အမိုး​တိုင်အောင်​လှန်ပစ်​သကဲ့သို့ ဆိုးယုတ်​သော​အမျိုးအနွယ်​၏​အကြီးအမှူး​ကို ချေမှုန်း​တော်မူ​၏​။ (စေလာ)

တ​ရား​ဟော 11:4

အီဂျစ်​စစ်သည်​များ​၊ မြင်း​များ​၊ စစ်ရထား​များ​အား သင်​တို့​နောက်မှ လိုက်လာ​သောအခါ ထာဝရဘုရား​သည် သူ​တို့​ကို ပင်လယ်နီ​ရေ​ဖြင့်​လွှမ်းမိုး​စေ​၍ ဖျက်ဆီး​တော်မူ​ခဲ့​ပုံ​၊

ဟေ​ဗြဲ 11:29

အစ္စရေး​အမျိုးသား​တို့​သည် ယုံကြည်​ခြင်း​အားဖြင့် ပင်လယ်​နီ​ကို ခြောက်သွေ့​သော​မြေ​ကဲ့သို့​ဖြတ်​သွား​ကြ​၏။ ထိုနည်းတူ​ပြု​ရန် ကြံစည်​အားထုတ်​သော​အီဂျစ်​အမျိုးသား​တို့​သည် နစ်မြုပ်​ကြ​ကုန်​၏။

သူ​ကြီး 4:16

ဗာရက်​သည် ဟာရောရှက်​ဟာဂေါအိမ်​မြို့​တိုင်အောင် သိသရ​၏​စစ်ရထား​၊ စစ်သည်​တို့​နောက်သို့​လိုက်​၍ စစ်သည်​တို့​ကို တစ်ယောက်မကျန်​ဓား​ဖြင့် သတ်​ပစ်​၏​။