ထွက်​မြောက် 14:19 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁹ အစ္စရေး​တပ်​ရှေ့​မှ​သွား​သော​ဘုရားသခင်​၏​ကောင်းကင်တမန်​သည် သူ​တို့​နောက်​သို့​ပြောင်း​၍​လိုက်​လေ​၏​။ မိုးတိမ်​တိုင်​သည်​လည်း သူ​တို့​၏​ရှေ့​မှ နောက်​သို့​ပြောင်း​၍ ရပ်​လေ​၏​။

Common Language Bible

¹⁹ ဣ​သ​ရေ​လ​အ​မျိုး​သား​တို့​၏​ရှေ့​က​ကြွ သွား​သော ဘု​ရား​သ​ခင်​၏​ကောင်း​ကင်​တ​မန် သည်​အ​နောက်​ဘက်​သို့​နေ​ရာ​ပြောင်း​၍​လိုက် ပါ​လာ​၏။ သူ​တို့​၏​အ​ရှေ့​၌​ရှိ​သော​မိုး​တိမ် တိုင်​သည်​လည်း အ​နောက်​ဘက်​သို့​နေ​ရာ ပြောင်း​သ​ဖြင့်၊-

Garrad Bible

¹⁹ ထို အ ခါ ဣ သ ရေ လ တပ် ဦး က ကြွ တတ် သော ဘု ရား သ ခင့် စေ တ မန် တော် သည် နောက် သို့ ရွှေ့ ၍ လိုက် လေ ၏။ တိမ် တိုင် လည်း ရှေ့ မှ ရွှေ့၍ နောက် ၌ တည် နေ လေ ၏။

Judson Bible

¹⁹ ထို​အ​ခါ ဣ​သ​ရေ​လ​တပ်​ရှေ့​မှာ​သွား​သော ဘု​ရား​သ​ခင်၏ ကောင်း​ကင်​တ​မန်​သည် နောက်၌​လိုက်​သ​ဖြင့်၊ မိုး​တိမ်​တိုင်​သည် သူ​တို့​ရှေ့​က​ရွှေ့၍ နောက်၌​ရပ်​နေ​လေ​၏။

ထွက်​မြောက် 14:19 ပူးပေါင်းရင်းမြစ်များ

ဆာ​လံ 77:20

ကိုယ်တော်​သည် မောရှေ​နှင့်​အာရုန်​တို့​လက်​ဖြင့် မိမိ​၏​လူမျိုး​တော်​ကို သိုးအုပ်​ကဲ့သို့​ပို့ဆောင်​တော်မူ​၏​။

ဆာ​လံ 78:53

ကိုယ်တော်​သည် သူ​တို့​ကို ဘေးကင်းလုံခြုံ​စွာ​ပို့ဆောင်​တော်မူ​သဖြင့် သူ​တို့​သည် မ​ကြောက်​ကြ​ရ​ပေ​။ သို့သော် ပင်လယ်​ရေ​သည် သူ​တို့​၏​ရန်သူ​များ​ကို ဖုံးလွှမ်း​ခဲ့​၏​။

ထွက်​မြောက် 14:20

ထိုသို့ မိုးတိမ်​သည် အီဂျစ်​တပ်​နှင့် အစ္စရေး​တပ်​ကြား​သို့​ရောက်​၍ တစ်ဖက်​၌​အမှောင်​ကို​ဖြစ်​စေ​ပြီး တစ်ဖက်​၌​ညအချိန်​တွင် အလင်း​ကို​ပေး​၏​။ ထို့ကြောင့် တစ်ညလုံး တစ်ဖက်​နှင့်​တစ်ဖက်​မ​ချဉ်းကပ်​နိုင်​ကြ​။

ထွက်​မြောက် 14:24

မိုးသောက်ချိန်​ရောက်​သောအခါ ထာဝရဘုရား​သည် အီဂျစ်​တပ်​ကို မီး​တိုင်​၊ မိုးတိမ်​တိုင်​ထဲမှ ငုံ့ကြည့်​တော်မူ​၍ အီဂျစ်​တပ်​တို့​ကို ကစဥ့်ကလျား​ဖြစ်​စေ​တော်မူ​၏​။

ထွက်​မြောက် 32:34

ယခု သွား​၍ သင့်​အား ငါ​မိန့်ဆို​သော​နေရာ​သို့ ထို​လူ​တို့​ကို ပို့ဆောင်​လော့​။ ကြည့်ရှု​လော့​။ ငါ​၏​ကောင်းကင်တမန်​သည် သင့်​ရှေ့​မှ သွား​လိမ့်မည်​။ သို့သော် ငါ​အပြစ်ဒဏ်​ပေး​မည့်​နေ့ရက်​၌ သူ​တို့​၏​အပြစ်​အတွက် သူ​တို့​ကို​ဒဏ်ခတ်​မည်​”​ဟု မိန့်​တော်မူ​၏​။

ဟေ​ရှာ​ယ 52:12

သင်​တို့​သည် အလျင်စလို​မ​ထွက်သွား​ရ​ကြ​။ ပြေး​၍​လည်း​မ​သွား​ရ​ကြ​။ အကြောင်းမူကား ထာဝရဘုရား​သည် သင်​တို့​ရှေ့​၌​ကြွ​တော်မူ​မည်​။ အစ္စရေး​လူမျိုး​၏​ဘုရားသခင်​သည် အနောက်​မှ​လည်း သင်​တို့​ကို ကာကွယ်​တော်မူ​မည်​။

ဟေ​ရှာ​ယ 58:8

ထိုသို့​ပြု​လျှင် သင်​၏​အလင်း​သည် အရုဏ်ဦး​အလင်း​ကဲ့သို့ ထွက်ပေါ်​လာ​မည်​။ သင်​၏​အနာရောဂါ​သည် အလျင်အမြန်​ပျောက်ကင်း​မည်​။ သင်​၏​ဖြောင့်မတ်​ခြင်း​သည် သင့်​ရှေ့​၌​သွား​မည်​။ ထာဝရဘုရား​၏​ဘုန်းအသရေ​သည် သင့်​ကို အနောက်မှ​ကာကွယ်​တော်မူ​မည်​။

ဟေ​ရှာ​ယ 63:9

သူ​တို့​ခံရ​သမျှ​သော​ဆင်းရဲဒုက္ခ​ကို ကိုယ်တော်​လည်း ခံ​တော်မူ​ခဲ့​၏​။ မျက်မှောက်​တော်​ရှိ ကောင်းကင်တမန်​သည် သူ​တို့​ကို ကယ်တင်​ခဲ့​၏​။ ကိုယ်တော်​သည် မေတ္တာ​ကရုဏာ​တော်​ဖြင့် သူ​တို့​ကို ရွေးနုတ်​တော်မူ​ခဲ့​၏​။ ရှေး​ကာလ​ပတ်လုံး သူ​တို့​ကို​ချီ​ဆောင်​တော်မူ​ခဲ့​၏​။

ဟော​ရှေ 12:13

ထာဝရဘုရား​သည် ပရောဖက်​အားဖြင့် အစ္စရေး​ကို အီဂျစ်​ပြည်​မှ ထုတ်ဆောင်​တော်မူ​ခဲ့​၏​။ ပရောဖက်​အားဖြင့် စောင့်ရှောက်​တော်မူ​ခဲ့​၏​။

မိက္ခာ 2:13

ထိုးဖောက်​သွား​မည့်​သူ​သည် သူ​တို့​ရှေ့​မှ​ကြွ​မည်​။ သူ​တို့​လည်း မြို့​တံခါး​ကို​ဖြိုဖျက်​ပြီး ထို​တံခါး​မှ ဖြတ်​သွား​ကြ​မည်​။ သူ​တို့​၏​ရှင်ဘုရင်​သည် သူ​တို့​ရှေ့​မှ​ကြွ​မည်​။ ထာဝရဘုရား​သည် သူ​တို့​ကို​ဦးဆောင်​တော်မူ​မည်​။”

ဇာ​ခ​ရိ 12:8

ထို​နေ့ရက်​တွင် ထာဝရဘုရား​သည် ဂျေရုဆလင်​မြို့သား​တို့​ကို ကာကွယ်​မည်​။ ထို​နေ့ရက်​၌ သူ​တို့​တွင် အားနည်း​သော​သူ​သည် ဒါဝိဒ်​မင်းကြီး​ကဲ့သို့​ဖြစ်​မည်​။ ဒါဝိဒ်​အမျိုးအနွယ်​သည် သူ​တို့​အဖို့ ဘုရားသခင်​ကဲ့သို့​လည်းကောင်း​၊ ထာဝရဘုရား​၏​ကောင်းကင်တမန်​ကဲ့သို့​လည်းကောင်း ဖြစ်​လိမ့်မည်​။

တော​လည် 20:16

အကျွန်ုပ်​တို့​သည် ထာဝရဘုရား​ထံ အော်ဟစ်​သောအခါ အကျွန်ုပ်​တို့​၏​အသံ​ကို ကြား​တော်မူ​၍ ကောင်းကင်တမန်​ကို စေလွှတ်​ပြီး အကျွန်ုပ်​တို့​ကို အီဂျစ်​ပြည်​မှ ထုတ်ဆောင်​ခဲ့​ပါ​၏​။ ယခု အကျွန်ုပ်​တို့​သည် အရှင်မင်းကြီး​၏​နယ်မြေ​အစွန်အဖျား​မြို့​ဖြစ်​သော ကာဒေရှ​မြို့​သို့​ရောက်​နေ​ပါ​ပြီ​။