ထွက်​မြောက် 14:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² ‘​အီဂျစ်​လူမျိုး​တို့​ထံ အစေခံ​ပါရစေ​။ ငါ​တို့​ကို ဤအတိုင်း​ရှိ​စေ​တော့​’​ဟူ၍ သင့်​ကို အီဂျစ်​ပြည်​၌ ငါ​တို့​ပြော​ခဲ့​သည် မ​ဟုတ်​လော​။ တောကန္တာရ​တွင် သေ​ရ​သည်​ထက် အီဂျစ်​လူမျိုး​တို့​ကို​အစေခံ​ရ​ခြင်း​က ငါ​တို့​အတွက်​သာ၍​ကောင်း​၏​”​ဟု ဆို​ကြ​၏​။

Common Language Bible

¹² အ​ကျွန်ုပ်​တို့​သည်​ထွက်​မ​လာ​မီ​က ဤ​ကဲ့ သို့​ဖြစ်​မည်​ဟု​ပြော​ခဲ့​သည်​မ​ဟုတ်​ပါ​လော။ အ​ကျွန်ုပ်​တို့​က`အီ​ဂျစ်​အ​မျိုး​သား​တို့​ထံ​၌ ကျွန်​ခံ​မြဲ​ကျွန်​ခံ​နေ​ပါ​ရ​စေ' ဟု​ပြော​ပါ သည်။ ဤ​တော​ကန္တာ​ရ​ထဲ​၌​သေ​ရ​သည်​ထက် ကျွန်​ခံ​နေ​ရ​ခြင်း​က​သာ​၍​ကောင်း​ပါ​သည်'' ဟု​ပြော​လေ​၏။

Garrad Bible

¹² အိ ဂျစ် လူ တို့ ထံ ကျွန် ခံ၍ နေ ပါ ရ စေ ဟူ သော စ ကား ကို အိ ဂျစ် ပြည် တွင် ငါ တို့ ပြော ခဲ့ ကြ သည် မ ဟုတ် လော။ တော၌ သေ ရ သည် ထက် အိ ဂျစ် လူ တို့ ထံ ကျွန် ခံ ရ ခြင်း သည် သာ ၍ ကောင်း သည် ဟု မော ရှေ အား ဆို ကြ လျှင်၊

Judson Bible

¹² ငါ​တို့​သည် အဲ​ဂု​တ္တု​လူ​တို့​ထံ၌ အ​စေ​ကျွန်​ခံ​နေ​လျက်​ရှိ​ကြ​ပါ​စေ​ဟု အဲ​ဂု​တ္တု​ပြည်၌​ငါ​တို့​ပြော​ရာ​တွင်၊ ဤ​အ​မှု​ကို​ရည်​ဆောင်၍ ပြော​သည်​မ​ဟုတ်​လော။ ငါ​တို့​သည် ဤ​တော၌​သေ​ရ​သည်​ထက်၊ အဲ​ဂု​တ္တု​လူ​တို့​ထံ၌​အ​စေ​ကျွန်​ခံ​လျှင် သာ၍​ကောင်း​သည်​ဟု ဆို​ကြ၏။

ထွက်​မြောက် 14:12 ပူးပေါင်းရင်းမြစ်များ

ဆာ​လံ 106:7

အကျွန်ုပ်​တို့​၏​ဘိုးဘေး​များ​သည် အီဂျစ်​ပြည်​၌​ရှိ​စဉ် ကိုယ်တော်​၏​အံ့ဖွယ်​သော​အမှု​တို့​ကို ဂရု​မ​ပြု​ခဲ့​ကြ​ပါ​။ သူ​တို့​သည် ကိုယ်တော်​၏​ကြီးမား​သော မေတ္တာကရုဏာ​တော်​ကို မ​အောက်မေ့​ဘဲ ပင်လယ်​အနီး​၊ ပင်လယ်​နီ​အနီး​တွင် ပုန်ကန်​ခဲ့​ကြ​ပါ​၏​။

ထွက်​မြောက် 13:17

အစ္စရေး​လူမျိုး​တို့​ကို ဖာရော​မင်းကြီး​လွှတ်ပေး​သောအခါ ဘုရားသခင်​က “ဤ​လူမျိုး​သည် စစ်မှု​နှင့်​တွေ့​လျှင် စိတ်ပြောင်းသွား​၍ အီဂျစ်​ပြည်​သို့ ပြန်သွား​လိမ့်မည်”​ဟု ဆို​ပြီး ဖိလိတ္တိ​ပြည်​ဘက်​သွား​သော​လမ်း​သည် နီး​သော်လည်း သူ​တို့​အား ထို​လမ်း​ဖြင့်​ပို့ဆောင်​တော်​မ​မူ​ပေ​။

ထွက်​မြောက် 3:9

ယခု အစ္စရေး​အမျိုးသား​တို့​၏​အော်ဟစ်ငိုကြွေးသံ​သည် ငါ့​ထံသို့​ရောက်​၍ သူ​တို့​အား အီဂျစ်​လူမျိုး​တို့​ဖိနှိပ်​ညှဉ်းဆဲ​ကြ​သည်​ကို​လည်း ငါ​မြင်​ပြီ​။

ထွက်​မြောက် 5:21

“​သင်​တို့​သည် ဖာရော​မင်းကြီး​နှင့်​သူ​၏​အမှုထမ်း​တို့​ရှေ့​တွင် ငါ​တို့​ကို စက်ဆုပ်ရွံရှာဖွယ်​အပုပ်ကောင်​ဖြစ်​စေ​ပြီး ငါ​တို့​ကို​သတ်​ရန် သူ​တို့​လက်​ထဲသို့ ဓား​ထည့်ပေး​သောကြောင့် ထာဝရဘုရား​သည် သင်​တို့​ကို​ကြည့်​၍ တရားစီရင်​တော်မူ​ပါစေသော​”​ဟု သူ​တို့​အား ဆို​၏​။

ထွက်​မြောက် 6:9

မောရှေ​သည် အစ္စရေး​အမျိုးသား​တို့​အား ထိုအတိုင်း​ဆင့်ဆို​သော်လည်း သူ​တို့​သည် စိတ်နာကြည်း​သောကြောင့်​လည်းကောင်း​၊ ကြမ်းတမ်း​စွာ​ကျွန်ပြု​ခံရ​သောကြောင့်​လည်းကောင်း မောရှေ​၏​စကား​ကို နား​မ​ထောင်​ကြ​ပေ​။

ဟော​ရှေ 4:17

ဧဖရိမ်​အမျိုး​သည် ရုပ်တု​များ​နှင့် တစ်သားတည်း​ဖြစ်​လေ​ပြီ​။ သူ့​ကို ရှိ​စေ​တော့​။

ယော​န 4:3

ထို့ကြောင့် အို ထာဝရဘုရား​၊ အကျွန်ုပ်​၏​အသက်​ကို ယခုပင်​နုတ်ယူ​တော်မူ​ပါ​။ အကျွန်ုပ် အသက်ရှင်​သည်​ထက် သေ​သည်​က သာ၍​ကောင်း​ပါ​၏​”​ဟု ဆုတောင်း​လေ​၏​။

ယော​န 4:8

နေ​ထွက်လာ​သောအခါ ဘုရားသခင်​သည် အလွန်​ပူပြင်း​သော​အရှေ့​လေ​ကို တိုက်ခတ်​စေ​၍ ယောန​ခေါင်း​ပေါ်သို့ နေပူရှိန်​ကျ​သဖြင့် သူ​သည် မောပန်း​ပြီး သေချင်စိတ်ပေါက်​လေ​၏​။ ထို့ကြောင့် သူ​က “အကျွန်ုပ်​အသက်ရှင်​သည်​ထက် သေ​သည်​က သာ၍​ကောင်း​ပါ​၏”​ဟု ဆို​လေ​၏​။

ရှင်မာကု 1:24

ထို​သူ​က “နာဇရက်​မြို့သား​ယေရှု၊ ကိုယ်တော်​နှင့်​အကျွန်ုပ်​တို့ မည်သို့​ဆိုင်​သနည်း။ အကျွန်ုပ်​တို့​ကို​ဖျက်ဆီး​ရန် ကြွလာ​တော်မူ​သလော။ ကိုယ်တော်​မည်သူ​ဖြစ်​သည်​ကို အကျွန်ုပ်​သိ​ပါ​၏။ ကိုယ်တော်​သည် ဘုရားသခင်​၏​သန့်ရှင်း​သူ​ဖြစ်​ပါ​၏”​ဟု အော်ဟစ်​ပြောဆို​လေ​၏။

ရှင်မာကု 5:7

“အမြင့်ဆုံး​သော​ဘုရားသခင်​၏​သား​တော်​ယေရှု၊ ကိုယ်တော်​နှင့် အကျွန်ုပ်​မည်သို့​ဆိုင်​သနည်း။ အကျွန်ုပ်​ကို​မ​ညှဉ်းဆဲ​ပါ​ရန် ဘုရားသခင်​ကို​အမှီပြု​၍ ကိုယ်တော်​အား အကျွန်ုပ်​အလေးအနက်​တောင်းပန်​ပါ​၏”​ဟု ကျယ်လောင်​သော​အသံ​ဖြင့် အော်ဟစ်​လျှောက်ထား​လေ​၏။