ထွက်​မြောက် 13:14 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁴ နောင်ကာလ​၌ သင်​တို့​၏​သား​များ​က ‘​ဤ​အမှု​ကား မည်သို့​ဆိုလို​သနည်း​’​ဟု သင်​တို့​အား မေးမြန်း​ကြ​သောအခါ သင်​တို့​က​လည်း ‘​ထာဝရဘုရား​သည် အားကြီး​သော​လက်​တော်​ဖြင့် ငါ​တို့​ကို ကျွန်ခံရာ​အိမ်​အီဂျစ်​ပြည်​မှ ထုတ်ဆောင်​တော်မူ​ခဲ့​၏​။

Common Language Bible

¹⁴ နောင်​အ​ခါ​၌​သင်​၏​သား​က`အ​ဘယ်​ကြောင့်​ဤ သို့​ပြု​လုပ်​ရ​ပါ​သ​နည်း' ဟု​မေး​လျှင်`ထာ​ဝ​ရ ဘု​ရား​သည်​မ​ဟာ​တန်​ခိုး​တော်​ဖြင့် ငါ​တို့​ကို ကျွန်​ခံ​ရာ​အီ​ဂျစ်​ပြည်​မှ​ထုတ်​ဆောင်​ခဲ့​တော် မူ​၏။-

Garrad Bible

¹⁴ နောင်၌ လည်း သင် တို့ သား များ က၊ ဤ ကား အ သို့ နည်း ဟု မေး မြန်း လျှင် ကျွန် ခံ နေ ရာ အိ ဂျစ် ပြည် မှ ထာ ဝ ရ ဘု ရား သည် လက် ရုံး တော့် တန် ခိုး ဖြင့် ငါ တို့ ကို ထုတ် ဆောင် တော် မူ ရာ၊

Judson Bible

¹⁴ နောင်​ကာ​လ၌​သင်၏​သား​က​လည်း၊ အ​ဘယ်​သို့​နည်း​ဟု​မေး​မြန်း​လျှင်၊ သင်​က​လည်း​ကျွန်​ခံ​နေ​ရာ အဲ​ဂု​တ္တု​ပြည်​မှ၊ ထာ​ဝ​ရ​ဘု​ရား​သည် အား​ကြီး​သော လက်​တော်​ဖြင့် ငါ​တို့​ကို​နုတ်​ဆောင်​တော်​မူ၏။

ထွက်​မြောက် 13:14 ပူးပေါင်းရင်းမြစ်များ

ယော​ရှု 4:6

ဤ​ကျောက်တုံး​တို့​သည် သင်​တို့​အတွက် အမှတ်သင်္ကေတ​ဖြစ်​လိမ့်မည်​။ နောင်ကာလ​၌ သင်​တို့​၏​သားမြေး​တို့​က ‘​ဤ​ကျောက်တုံး​များ​ကား မည်သည့်​အဓိပ္ပာယ် ဆောင်​သနည်း​’​ဟု မေးမြန်း​လျှင်

ထွက်​မြောက် 13:3

ထို့နောက် မောရှေ​က အစ္စရေး​လူမျိုး​တို့​အား “​ကျွန်ခံရာ​အိမ်​အီဂျစ်​ပြည်​မှ သင်​တို့​ထွက်လာ​သော ဤ​နေ့ရက်​ကို အောက်မေ့​လော့​။ အကြောင်းမူကား ထာဝရဘုရား​သည် အားကြီး​သော​လက်​တော်​ဖြင့် သင်​တို့​ကို ဤ​အရပ်​မှ ထုတ်ဆောင်​တော်မူ​ခဲ့​၏​။ တဆေးပါသောမုန့်​ကို​မ​စား​ရ​။

ဆာ​လံ 145:4

မျိုးဆက်​တစ်​ဆက်​သည် နောက်​မျိုးဆက်​တစ်​ဆက်​အား ကိုယ်တော်​ပြု​တော်မူ​သော​အမှု​တို့​ကို ထောမနာပြု​ပြောဆို​ပါ​လိမ့်မည်​။ ကိုယ်တော်​၏​အစွမ်းတန်ခိုး​တော်​များ အကြောင်း​ကို​လည်း ပြောကြား​ပါ​လိမ့်မည်​။

ယော​ရှု 22:24

ငါ​တို့ ဤသို့​ပြု​ကြ​သည်​မှာ နောင်ကာလ​၌ သင်​တို့​၏​သားမြေး​တို့​က ငါ​တို့​၏​သားမြေး​တို့​အား ‘​သင်​တို့​နှင့် အစ္စရေး​၏​ဘုရားသခင်​ထာဝရဘုရား​သည် မည်သို့​ဆိုင်​သနည်း​။

ထွက်​မြောက် 13:9

ထာဝရဘုရား​သည် အားကြီး​သော​လက်​တော်​ဖြင့် သင်​တို့​ကို အီဂျစ်​ပြည်​မှ​ထုတ်ဆောင်​တော်မူ​သောကြောင့် ထာဝရဘုရား​၏​တရားတော်​သည် သင်​တို့​၏​နှုတ်​၌​တည်​မည့်​အကြောင်း သင်​တို့​အတွက် ဤ​အမှု​သည် သင်​တို့​၏​လက်​၌ အမှတ်လက္ခဏာ​၊ သင်​တို့​၏​မျက်မှောင်​၌ အမှတ်ရစရာ​အဖြစ် ရှိ​ရ​မည်​။

ထွက်​မြောက် 10:2

အီဂျစ်​လူမျိုး​တို့​ကို ငါ​အပြင်းအထန်​ဒဏ်ခတ်​ခဲ့​သော​အမှု​များ​၊ သူ​တို့​အား ငါ​ပြ​ခဲ့​သော နိမိတ်လက္ခဏာ​များ​ကို သင်​တို့​သည် သင်​တို့​၏​သား​မြေး​များ​အား ပြောကြား​၍ ငါ​သည် ထာဝရဘုရား​ဖြစ်ကြောင်း​ကို သင်​တို့​သိရှိ​စေရန် သူ​တို့​၏​စိတ်နှလုံး​ကို ငါ​ခိုင်မာ​စေ​ပြီ​”​ဟု မိန့်​တော်မူ​၏​။

ကမ္ဘာ​ဦး 30:33

ဦးရီး​သည် အကျွန်ုပ်​၏​လုပ်အားခ​ကို​လာရောက်​စစ်ဆေး​သောအခါ နောင်တစ်နေ့​တွင် အကျွန်ုပ်​၏​ဖြောင့်မတ်​ခြင်း​သည် အကျွန်ုပ်​အတွက်​သက်သေထူ​ပါ​လိမ့်မည်​။ အကျွန်ုပ်​တွင် အစက်​အပြောက်​မ​ပါ​သော​ဆိတ်​များ​နှင့် မ​ညို​သော​သိုးသငယ်​များ​ရှိ​ခဲ့​လျှင် ၎င်း​တို့​အားလုံး​ကို အကျွန်ုပ်​ခိုး​သည်​ဟူ၍ မှတ်ယူ​ပါ​”​ဟု ဆို​လေ​၏​။

တမန်တော်ဝတ္ထု 13:17

အစ္စရေး​လူမျိုး​၏​ဘုရားသခင်​သည် ငါ​တို့​ဘိုးဘေး​များ​ကို ရွေးကောက်​တော်မူ​၍ အီဂျစ်​ပြည်​၌ ဧည့်သည်​အဖြစ်​နေထိုင်​စဉ် ဤ​လူမျိုး​တော်​ကို ချီးမြှောက်​တော်မူ​၏။ ထို့နောက် အားကြီး​သော​လက်ရုံး​တော်​အားဖြင့် သူ​တို့​ကို ထို​တိုင်းပြည်​မှ ထုတ်ဆောင်​တော်မူ​ပြီး

ထွက်​မြောက် 6:6

သို့ဖြစ်၍ အစ္စရေး​အမျိုးသား​တို့​အား ‘​ငါ​သည် ထာဝရဘုရား​ဖြစ်​၏​။ အီဂျစ်​လူမျိုး​တို့​၏​ထမ်းပိုး​အောက်​မှ သင်​တို့​ကို ဆွဲထုတ်​၍ သူ​တို့​၏​ကျွန်ပြု​ခြင်း​မှ​လည်း သင်​တို့​ကို ငါ​ကယ်နုတ်​မည်​။ လက်ရုံး​ကို​ဆန့်​လျက် သူ​တို့​ကို​ကြီးလေး​သော​အပြစ်ဒဏ်​ပေး​ခြင်း​ဖြင့် သင်​တို့​ကို ငါ​ရွေးနုတ်​မည်​။

ထွက်​မြောက် 13:8

သင်​တို့​သည် ထို​နေ့​၌ သင်​တို့​၏​သားမြေး​များ​အား ‘​အီဂျစ်​ပြည်​မှ ငါ​တို့​ထွက်လာ​သောအခါ ငါ​တို့​အတွက် ထာဝရဘုရား​ပြု​တော်မူ​ခဲ့​သော​အမှု​ကြောင့် ဤသို့​ပြု​ခြင်း​ဖြစ်​၏​’​ဟူ၍ ကြားပြော​ရ​မည်​။

ဆာ​လံ 78:4

ထို​အရာ​တို့​ကို သူ​တို့​၏​သားသမီး​များ​မ​သိ​အောင် ငါ​တို့​ထိမ်ဝှက်​ထား​မည်​မ​ဟုတ်​။ ငါ​တို့​သည် ထာဝရဘုရား​၏​ဂုဏ်ကျေးဇူး​တော်​များ​နှင့်​တန်ခိုး​တော်​ကို​လည်းကောင်း​၊ ကိုယ်တော်​ပြု​သော အံ့ဖွယ်​သော​အမှု​တို့​ကို​လည်းကောင်း လာမည့်​မျိုးဆက်​အား ပြောကြား​မည်​။

ထွက်​မြောက် 6:1

ထာဝရဘုရား​က မောရှေ​အား “​ယခု ငါ​သည် ဖာရော​မင်းကြီး​အား မည်သို့​ပြု​မည်​ကို သင်​တွေ့မြင်​ရ​မည်​။ အားကြီး​သော​လက်​တော်​ကြောင့် သူ​သည် ဤ​လူမျိုး​ကို လွှတ်​လိမ့်မည်​။ အားကြီး​သော​လက်​တော်​ကြောင့် သူ​သည် ဤ​လူမျိုး​ကို သူ​၏​တိုင်းပြည်​မှ နှင်ထုတ်​လိမ့်မည်​”​ဟု မိန့်​တော်မူ​၏​။

ထွက်​မြောက် 6:7

ငါ​သည် သင်​တို့​ကို ငါ​၏​လူမျိုး​တော်​အဖြစ်​သိမ်းယူ​မည်​။ ငါ​သည် သင်​တို့​၏​ဘုရား​ဖြစ်​မည်​။ ငါ​သည် အီဂျစ်​လူမျိုး​တို့​၏​ထမ်းပိုး​အောက်​မှ သင်​တို့​ကို​ဆွဲထုတ်​တော်မူ​သော သင်​တို့​၏​ဘုရားသခင်​ထာဝရဘုရား​ဖြစ်ကြောင်း သင်​တို့​သိမြင်​ကြ​လိမ့်မည်​။

ထွက်​မြောက် 12:41

နှစ်ပေါင်း​လေး​ရာ့​သုံးဆယ်​ပြည့်​သော​နေ့​၌​ပင် ထာဝရဘုရား​၏​လူစု​အပေါင်း​တို့​သည် အီဂျစ်​ပြည်​မှ​ထွက်လာ​ခဲ့​ကြ​၏​။

ထွက်​မြောက် 20:2

“​ငါ​သည် သင့်​ကို ကျွန်ခံရာ​အိမ်​အီဂျစ်​ပြည်​မှ​ထုတ်ဆောင်​ခဲ့​သော သင်​၏​ဘုရားသခင်​ထာဝရဘုရား​ဖြစ်​၏​။

တ​ရား​ဟော 5:6

‘​ငါ​သည် သင့်​ကို ကျွန်ခံရာ​အိမ်​အီဂျစ်​ပြည်​မှ​ထုတ်ဆောင်​ခဲ့​သည့် သင်​၏​ဘုရားသခင်​ထာဝရဘုရား​ဖြစ်​၏​။

တ​ရား​ဟော 5:15

သင်​သည် အီဂျစ်​ပြည်​၌ ကျွန်​ဖြစ်​ခဲ့​ကြောင်း​ကို​လည်းကောင်း​၊ သင်​၏​ဘုရားသခင်​ထာဝရဘုရား​သည် အားကြီး​သော​လက်​နှင့် လက်ရုံး​တော်​ကို​ဆန့်​လျက် သင့်​အား ထို​ပြည်​မှ​ထုတ်ဆောင်​တော်မူ​ခဲ့​ကြောင်း​ကို​လည်းကောင်း အောက်မေ့​လော့​။ ထိုအကြောင်းကြောင့် ဥပုသ်နေ့​ကို​စောင့်ထိန်း​ရန် သင်​၏​ဘုရားသခင်​ထာဝရဘုရား​သည် သင့်​အား​မိန့်မှာ​တော်မူ​ခဲ့​ခြင်း​ဖြစ်​၏​။

တ​ရား​ဟော 6:12

ကျွန်ခံရာ​အိမ်​အီဂျစ်​ပြည်​မှ သင်​တို့​ကို​ထုတ်ဆောင်​တော်မူ​ခဲ့​သော ထာဝရဘုရား​ကို မ​မေ့လျော့​မည့်​အကြောင်း သင်တို့ကိုယ်သင်တို့ သတိပြု​လော့​။

ယော​ရှု 24:17

အကြောင်းမူကား အကျွန်ုပ်​တို့​၏​ဘုရားသခင်​ထာဝရဘုရား​သည် အကျွန်ုပ်​တို့​နှင့်တကွ ဘိုးဘေး​တို့​ကို ကျွန်ခံရာ​အိမ်​အီဂျစ်​ပြည်​မှ ထုတ်ဆောင်​ပေး​ခဲ့​သော​အရှင်​၊ အကျွန်ုပ်​တို့ မျက်စိ​ရှေ့​တွင်​ပင် ကြီးမား​သော​နိမိတ်လက္ခဏာ​များ​ကို ပြ​တော်မူ​သော​အရှင်​၊ လူမျိုးခြား​တို့​အကြား ဖြတ်ကျော်​လာ​ရ​သော​လမ်းခရီး​တစ်လျှောက်လုံး​တွင် အကျွန်ုပ်​တို့​ကို စောင့်ရှောက်​တော်မူ​သော​အရှင် ဖြစ်​တော်မူ​၏​။

သူ​ကြီး 2:12

သူ​တို့​သည် အီဂျစ်​ပြည်​မှ မိမိ​တို့​ကို​ထုတ်ဆောင်​တော်မူ​ခဲ့​သည့် ဘိုးဘေး​တို့​၏​ဘုရားသခင်​ထာဝရဘုရား​ကို​စွန့်ပယ်​ပြီး မိမိ​တို့​ပတ်လည်​ရှိ​လူမျိုး​တို့​၏​ဘုရား​များ​နောက်သို့​လိုက်​၍ ထို​ဘုရား​များ​ကို​ရှိခိုးကိုးကွယ်​ခြင်း​ဖြင့် ထာဝရဘုရား​၏​အမျက်​တော်​ကို​နှိုးဆော်​ကြ​၏​။

သူ​ကြီး 6:8

ထာဝရဘုရား​သည် အစ္စရေး​အမျိုးသား​တို့​ထံသို့ ပရောဖက်​တစ်​ပါး​ကို​စေလွှတ်​တော်မူ​၏​။ ထို​ပရောဖက်​က သူ​တို့​အား “​အစ္စရေး​လူမျိုး​၏​ဘုရားသခင်​ထာဝရဘုရား​က ‘​ငါ​သည် သင်​တို့​ကို အီဂျစ်​ပြည်​မှ ထုတ်ဆောင်​ခဲ့​၏​။ ကျွန်ခံရာ​အိမ်​မှ ခေါ်ထုတ်​ခဲ့​၏​။

၁ ရာ​ချုပ် 16:12

ပြု​တော်မူ​သော​အံ့ဖွယ်​အမှု​များ​၊ ပြ​တော်မူ​သော​နိမိတ်လက္ခဏာ​များ​၊ နှုတ်​တော်​ထွက်​စီရင်ထုံးဖွဲ့ချက်​များ​ကို အောက်မေ့​ကြ​လော့​။

နေ​ဟ​မိ 1:10

သူ​တို့​သည် ကိုယ်တော်​၏​ကြီးမား​သော​တန်ခိုး​တော်​၊ အားကြီး​သော​လက်​တော်​ဖြင့် ရွေးနုတ်​တော်မူ​သော ကိုယ်တော်​၏​အစေအပါး​၊ ကိုယ်တော်​၏​လူမျိုး​တော် ဖြစ်​ပါ​၏​။

ဆာ​လံ 136:11

ကိုယ်တော်​သည် အစ္စရေး​လူမျိုး​ကို ထို​သူ​တို့​အထဲ​မှ ထုတ်ဆောင်​တော်မူ​၏​။ အကြောင်းမူကား ကိုယ်တော်​၏​မေတ္တာကရုဏာ​တော်​သည် အစဉ်အမြဲ​တည်​၏​။

ယေ​ရ​မိ 34:13

“အစ္စရေး​လူမျိုး​၏​ဘုရားသခင်​ထာဝရဘုရား​က ‘ငါ​သည် သင့်​ဘိုးဘေး​တို့​ကျွန်ခံရာ​အီဂျစ်​ပြည်​မှ သူ​တို့​ကို​ထုတ်ဆောင်​လာ​ခဲ့​စဉ်က သူ​တို့​နှင့်​ပဋိညာဉ်​ဖွဲ့​၍

ဒံ​ယေ​လ 9:15

တန်ခိုးကြီး​သော​လက်​တော်​ဖြင့် လူမျိုး​တော်​ကို အီဂျစ်​ပြည်​မှ​ထုတ်ဆောင်​တော်မူ​ခဲ့​ခြင်း​ဖြင့် နာမ​တော်​ကို ထင်ရှား​စေ​ခဲ့​သော​အကျွန်ုပ်​တို့​၏​အရှင် ဘုရားသခင်​၊ အကျွန်ုပ်​တို့​သည် ယနေ့​တိုင် အပြစ်​ပြု​လျက်​၊ ဆိုးယုတ်​လျက်​သာ ရှိ​ပါ​၏​။