ထွက်​မြောက် 12:31 - မြန်​​​မာ့​​​စံ​​​မီ​​​သမ္မာ​​​ကျမ်း​​

³¹ ထို့ကြောင့် ဖာရော​မင်းကြီး​သည် မောရှေ​နှင့်​အာရုန်​တို့​ကို ညတွင်းချင်း​ဆင့်ခေါ်​၍ “​သင်​တို့​မှစ၍ အစ္စရေး​အမျိုးသား​တို့​ပါ ထ​၍ ငါ​၏​လူမျိုး​ထဲ​မှ ထွက်သွား​ကြ​လော့​။ သင်​တို့​လျှောက်ထား​သည့်​အတိုင်း ထာဝရဘုရား​အား သွား​၍​ဝတ်ပြု​ကြ​လော့​။

Common Language Bible

³¹ ထို​ည​ချင်း​တွင်​ဘု​ရင်​သည်​မော​ရှေ​နှင့်​အာ​ရုန် တို့​ကို​ခေါ်​၍``သင်​တို့​နှင့်​ဣ​သ​ရေ​လ​အ​မျိုး သား​တို့​သည် ငါ​၏​ပြည်​မှ​ထွက်​သွား​ကြ လော့။ သင်​တို့​တောင်း​ဆို​သည့်​အ​တိုင်း​သွား​၍ ထာ​ဝ​ရ​ဘု​ရား​အား​ဝတ်​ပြု​ကိုး​ကွယ်​ကြ လော့။-

Garrad Bible

³¹ ညဉ့် အ ခါ၌ ပင် မော ရှေ နှင့် အာ ရုန် တို့ ကို ခေါ်၍ ဘု ရင် မင်း က၊ သင် တို့ နှင့် ဣ သ ရေ လ အ မျိုး သား တို့ ပါ ပြည် သူ ပြည် သား တို့ ဘောင် မှ ထ၍ ထွက် သွား ပြီး လျှင် တောင်း ခဲ့ သည့် အ တိုင်း ထာ ဝ ရ ဘု ရား အား ဝတ် ပြု ကြ လော့။

Judson Bible

³¹ ထို​ည​ချင်း​တွင် မော​ရှေ​နှင့် အာ​ရုန်​ကို​ခေါ်​တော်​မူ​လျှင်၊ သင်​တို့​မှ​စ၍ ဣ​သ​ရေ​လ​အ​မျိုး​သား​တို့၊ ထ၍ ငါ့​လူ​စု​ထဲ​က​ထွက်​သွား​ကြ​လော့။ သင်​တို့​တောင်း​သည်​အ​တိုင်း ထာ​ဝ​ရ​ဘု​ရား​အား​သွား၍ ဝတ်​ပြု​ကြ​လော့။

ထွက်​မြောက် 12:31 ပူးပေါင်းရင်းမြစ်များ

ဆာ​လံ 105:38

သူ​တို့​ထွက်ခွာ​သွား​သောအခါ အီဂျစ်​ပြည်​သည် ဝမ်းမြောက်​၏​။ အကြောင်းမူကား သူ​တို့​ကို​ကြောက်ရွံ့​သော​စိတ်​သည် ထို​ပြည်သား​တို့​ကို လွှမ်းမိုး​ခဲ့​၏​။

ထွက်​မြောက် 10:29

မောရှေ​က​လည်း “​အရှင်​မိန့်ဆို​သည့်​အတိုင်း​ပေတည်း​။ အကျွန်ုပ်​သည် အရှင့်​ရှေ့​သို့ နောက်ထပ်​မ​ဝင်​တော့​ပါ​”​ဟု ဆို​လေ​၏​။

ထွက်​မြောက် 10:9

မောရှေ​က “​အကျွန်ုပ်​တို့​သည် လူကြီး​ရော လူငယ်​ပါ သွား​ကြ​ပါ​မည်​။ အကျွန်ုပ်​တို့​၏​သား​သမီး​များ​နှင့်တကွ အကျွန်ုပ်​တို့​၏​သိုးဆိတ်​များ​၊ နွား​များ​ကို​လည်း ခေါ်ဆောင်​သွား​ပါ​မည်​။ အကြောင်းမူကား ထာဝရဘုရား​၏​ပွဲတော်​ကို ကျင်းပ​ရ​မည်​ဖြစ်​၏​”​ဟု ဆို​လေ​၏​။

ထွက်​မြောက် 11:1

တစ်ဖန် ထာဝရဘုရား​က မောရှေ​အား “​ငါ​သည် နောက်​ဘေးဒဏ်​တစ်​ပါး​ကို ဖာရော​မင်းကြီး​နှင့် အီဂျစ်​ပြည်​ပေါ်သို့ ကျရောက်​စေ​ဦး​မည်​။ ထို့နောက်မှ သင်​တို့​ကို ဤ​ပြည်​မှ လွှတ်ပေး​လိမ့်မည်​။ လွှတ်ပေး​သောအခါ​တွင်​လည်း သင်​တို့​ကို ဤ​ပြည်​မှ တစ်ယောက်မကျန်​နှင်ထုတ်​လိမ့်မည်​။

ထွက်​မြောက် 11:8

အရှင်​၏​အမှုထမ်း​အပေါင်း​တို့​သည် အကျွန်ုပ်​ထံသို့​လာ​၍ အကျွန်ုပ်​ရှေ့​၌ ပျပ်ဝပ်​လျက် ‘​သင်​နှင့် သင်​၏​နောက်လိုက်နောက်ပါ​အပေါင်း​တို့ ထွက်သွား​ကြ​ပါ​လော့​’​ဟု ပြောဆို​မှ အကျွန်ုပ်​ထွက်သွား​မည်​”​ဟု ဆို​ပြီးနောက် အမျက်​ပြင်းစွာ​ထွက်​လျက် ဖာရော​မင်းကြီး​ထံ​မှ ထွက်သွား​လေ​၏​။

ထွက်​မြောက် 12:39

အီဂျစ်​ပြည်​မှ​နှင်ထုတ်​ခံရ​စဉ်က သူ​တို့​သည်​အချိန်​မ​ရ​သဖြင့် မိမိ​တို့​အတွက်​စားနပ်ရိက္ခာ​ကို​ပင် မ​ပြင်ဆင်​နိုင်​ကြ​။ ထို့ကြောင့် အီဂျစ်​ပြည်​မှ​ယူဆောင်​လာ​သည့် တဆေး​မ​ဖောက်​ထား​သော မုန့်နှစ်​ဖြင့် တဆေးမဲ့​မုန့်ပြား​ကို​သာ ဖုတ်စား​ကြ​ရ​၏​။

ထွက်​မြောက် 6:1

ထာဝရဘုရား​က မောရှေ​အား “​ယခု ငါ​သည် ဖာရော​မင်းကြီး​အား မည်သို့​ပြု​မည်​ကို သင်​တွေ့မြင်​ရ​မည်​။ အားကြီး​သော​လက်​တော်​ကြောင့် သူ​သည် ဤ​လူမျိုး​ကို လွှတ်​လိမ့်မည်​။ အားကြီး​သော​လက်​တော်​ကြောင့် သူ​သည် ဤ​လူမျိုး​ကို သူ​၏​တိုင်းပြည်​မှ နှင်ထုတ်​လိမ့်မည်​”​ဟု မိန့်​တော်မူ​၏​။

ထွက်​မြောက် 8:25

ထိုအခါ ဖာရော​မင်းကြီး​သည် မောရှေ​နှင့်​အာရုန်​တို့​ကို​ခေါ်​၍ “​သွား​ကြ​လော့​။ ဤ​ပြည်​၌​သာ သင်​တို့​၏​ဘုရားသခင်​အား ယဇ်ပူဇော်​ကြ​လော့​”​ဟု ဆို​လေ​၏​။

ထွက်​မြောက် 8:8

ထိုအခါ ဖာရော​မင်းကြီး​သည် မောရှေ​နှင့်​အာရုန်​ကို​ခေါ်​၍ “​ငါ​နှင့်​ငါ​၏​လူ​တို့​ထံမှ ဖား​များ​ကို​ဖယ်ရှား​ပေး​မည့်​အကြောင်း ထာဝရဘုရား​ထံ ဆုတောင်း​လော့​။ သို့ပြုလျှင် ထာဝရဘုရား​အား​ယဇ်ပူဇော်​ရန် အစ္စရေး​လူ​တို့​ကို​ငါ​လွှတ်ပေး​မည်​”​ဟု ဆို​လေ​၏​။

၁ ရာ 6:6

ဖာရော​မင်းကြီး​အပါအဝင် အီဂျစ်​လူမျိုး​တို့ စိတ်နှလုံး​မာကျော​ခဲ့​သကဲ့သို့ အဘယ်ကြောင့် သင်​တို့ စိတ်နှလုံး​မာကျော​ကြ​သနည်း​။ သူ​တို့​ကို ဘုရားသခင် ပြင်းထန်​စွာ​ဒဏ်ခတ်​လိုက်​သောအခါ အစ္စရေး​လူမျိုး​တို့​ကို လွှတ်လိုက်​ရ​သဖြင့် အစ္စရေး​လူမျိုး​တို့ ထွက်လာ​ကြ​ရ​သည်​မ​ဟုတ်​လော​။