ထွက်​မြောက် 10:1 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹ တစ်ဖန် ထာဝရဘုရား​က မောရှေ​အား “​ဖာရော​မင်းကြီး​ထံသို့​ဝင်​လော့​။ ငါ​သည် ဖာရော​မင်းကြီး​နှင့် သူ​၏​အမှုထမ်း​တို့​ရှေ့​၌ ဤ​နိမိတ်လက္ခဏာ​များ​ကို​ပြ​ရန်​နှင့်

Common Language Bible

^1-2 ထို​နောက်​ထာ​ဝ​ရ​ဘု​ရား​က မော​ရှေ​အား``သင် သည်​ဘု​ရင်​ထံ​သို့​သွား​လော့။ ငါ​သည်​အံ့​ဖွယ် သော​အ​မှု​တို့​ကို အီ​ဂျစ်​အ​မျိုး​သား​တို့​တွင် ပြ​ခြင်း​ငှာ​လည်း​ကောင်း၊ သူ​တို့​အား​ပြ​သည့် အံ့​ဖွယ်​သော​အ​မှု​များ​အ​ကြောင်း​ကို သင် တို့​၏​သား​မြေး​တို့​အား​ပြော​ပြ​နိုင်​ခြင်း ငှာ​လည်း​ကောင်း ငါ​သည်​ဘု​ရင်​နှင့်​သူ​၏ မှူး​မတ်​တို့​ကို​ခေါင်း​မာ​စေ​၏။ ငါ​သည် ထာ​ဝ​ရ​ဘု​ရား​ဖြစ်​ကြောင်း​ကို​သင်​တို့ အား​လုံး​သိ​ရ​လိမ့်​မည်'' ဟု​မိန့်​တော်​မူ​၏။

Garrad Bible

^1-2 ထို နောက် ထာ ဝ ရ ဘု ရား က၊ ဖာ ရော မင်း ထံ ဝင် ဦး လော့။ ထို မင်း နှင့် ကျေး ကျွန် သင်း ပင်း တို့ ရှေ့ တွင် ဤ လ က္ခ ဏာ သက် သေ တော် များ ကို ပြ ခြင်း ငှါ လည်း ကောင်း၊ အိ ဂျစ် ပြည် တွင် ငါ ပြု သော အ မှု၊ ငါ ပြ သော လ က္ခ ဏာ သက် သေ တော် များ အ ကြောင်း၊ သင့် သား စဉ် မြေး ဆက် တို့ အား ကြား ပြော စေ ခြင်း ငှါ လည်း ကောင်း၊ ငါ သည် ထာ ဝ ရ ဘု ရား ဖြစ် ကြောင်း သင် တို့ သိ စေ ခြင်း ငှါ လည်း ကောင်း၊ ထို သူ တို့ စိတ် နှ လုံး ကို ငါ ခက် မာ စေ ပြီ ဟု မော ရှေ အား မိန့် တော် မူ ၏။

Judson Bible

¹ တစ်​ဖန်​ထာ​ဝ​ရ​ဘု​ရား​က၊ သင်​သည် ဖာ​ရော​ဘု​ရင်​ထံ​သို့​ဝင်​လော့။ ငါ​သည် ဤ​နိ​မိတ်​တို့​ကို သူ​ရှေ့၌​ပြ​ခြင်း​ငှာ​လည်း​ကောင်း၊

ထွက်​မြောက် 10:1 ပူးပေါင်းရင်းမြစ်များ

ဆာ​လံ 7:11

ဘုရားသခင်​သည် ဖြောင့်မတ်​စွာ​တရားစီရင်​သော​အရှင်​ဖြစ်​တော်မူ​ပြီး ဆိုးယုတ်​သော​သူ​ကို နေ့စဉ်​နှင့်အမျှ​အမျက်ထွက်​တော်မူ​ရ​ပါ​၏​။

ထွက်​မြောက် 10:20

သို့သော် ထာဝရဘုရား​သည် ဖာရော​မင်းကြီး​၏​စိတ်နှလုံး​ကို မာကျော​စေ​သဖြင့် သူ​သည် အစ္စရေး​အမျိုးသား​တို့​ကို​မ​လွှတ်​ဘဲ​နေ​လေ​၏​။

ထွက်​မြောက် 3:20

ထို့ကြောင့် ငါ​၏​လက်​ကို​ဆန့်​၍ အီဂျစ်​ပြည်​ထဲ​၌ ငါ​ပြု​မည့် အံ့ဖွယ်​သော​အမှု​အမျိုးမျိုး​တို့​ဖြင့် ထို​ပြည်​ကို​ဒဏ်ခတ်​မည်​။ ထို့နောက်မှ သူ​သည် သင်​တို့​ကို​လွှတ်​လိမ့်မည်​။

ထွက်​မြောက် 4:21

ထာဝရဘုရား​က မောရှေ​အား “​သင်​သည် အီဂျစ်​ပြည်​သို့​ပြန်​ရောက်​သောအခါ သင်​၌ ငါ​အပ်ပေး​သော အံ့ဩဖွယ်အမှု​အလုံးစုံ​တို့​ကို ဖာရော​မင်းကြီး​ရှေ့​၌​ပြု​လော့​။ သို့ရာတွင် ငါ​သည် သူ​၏​စိတ်နှလုံး​ကို မာကျော​စေ​မည်​ဖြစ်၍ သူ​သည် အစ္စရေး​လူမျိုး​တို့​ကို မ​လွှတ်​ဘဲ​နေ​လိမ့်မည်​။

ထွက်​မြောက် 7:4

သို့သော် ဖာရော​မင်းကြီး​သည် သင်​တို့​စကား​ကို နားထောင်​လိမ့်မည်​မ​ဟုတ်​။ အီဂျစ်​ပြည်​အပေါ် ငါ့​လက်​ကို​တင်​၍ ကြီးလေး​သော​အပြစ်ဒဏ်​ပေး​ခြင်း​ဖြင့် ငါ့​လူစု​ဖြစ်​သော ငါ့​လူမျိုး​တော် အစ္စရေး​အမျိုးသား​တို့​ကို အီဂျစ်​ပြည်​မှ ငါ​ထုတ်ဆောင်​မည်​။

ထွက်​မြောက် 9:12

ထာဝရဘုရား​သည် ဖာရော​မင်းကြီး​၏​စိတ်နှလုံး​ကို မာကျော​စေ​သဖြင့် မောရှေ​အား ထာဝရဘုရား​မိန့်​တော်မူ​ခဲ့​သည့်​အတိုင်း ဖာရော​မင်းကြီး​သည် မောရှေ​နှင့်​အာရုန်​တို့​၏​စကား​ကို နား​မ​ထောင်​ဘဲ​နေ​၏​။

ထွက်​မြောက် 9:16

အကယ်စင်စစ် သင့်​အား ငါ​၏​တန်ခိုး​ကို​ပြသ​ရန်​နှင့် မြေ​တစ်ပြင်လုံး​၌ ငါ​၏​နာမ​ကို ကြေညာ​ရန် ငါ​သည် သင့်​ကို တည်​နေ​စေ​ခြင်း​ဖြစ်​၏​။

ထွက်​မြောက် 9:27

ဖာရော​မင်းကြီး​သည် မောရှေ​နှင့်​အာရုန်​ကို​ဆင့်ခေါ်​ပြီးလျှင် “​ဤ​တစ်ကြိမ်​ကား ငါ​ပြစ်မှား​မိ​ပြီ​။ ထာဝရဘုရား​သာလျှင် ဖြောင့်မတ်​တော်မူ​၏​။ ငါ​နှင့်​ငါ့​လူ​တို့​မူကား ဆိုးယုတ်​သော​သူ​များ​ဖြစ်​ကြ​ပါ​၏​။

ရှင်ယောဟန် 12:40

“သူ​တို့​သည် မျက်စိ​ဖြင့်​မြင်​၍ စိတ်နှလုံး​ဖြင့်​နားလည်​ကာ ပြောင်းလဲ​ကြ​သဖြင့် သူ​တို့​ကို​ကျန်းမာ​စေ​ရ​မည့်​အဖြစ်​မျိုး​မ​ရှိ​စေရန် ဘုရားသခင်​သည် သူ​တို့​၏​မျက်စိ​ကို ကွယ်​စေ​တော်မူ​၍ သူ​တို့​၏​စိတ်နှလုံး​ကို မာကျော​စေ​တော်မူ​၏”​ဟု ထပ်မံ​၍ ဟောပြော​ခဲ့​သောကြောင့်​ဖြစ်​၏။

ရော​မ 9:17

အကြောင်းမူကား ကျမ်းစာ​၌ ဖာရော​ဘုရင်​အား “သင့်​ကို ငါ​ချီးမြှောက်​ခြင်း​မှာ သင်​၌ ငါ့​တန်ခိုး​ကို​ပြသ​၍ ကမ္ဘာမြေ​တစ်ဝန်းလုံး​တွင် ငါ​၏​နာမ​ကို ကျော်ကြား​စေရန်​ဖြစ်​၏”​ဟု ဆို​ထား​၏။

ရော​မ 9:18

ထို့ကြောင့် ဘုရားသခင်​သည် သနား​လို​သော​သူ​ကို သနား​တော်မူ​၍ ခေါင်းမာ​စေ​လို​သော​သူ​ကို ခေါင်းမာ​စေ​တော်မူ​၏။

ယော​ရှု 11:20

အစ္စရေး​လူမျိုး​တို့​နှင့် စစ်တိုက်​ရန် သူ​တို့​ကို ထာဝရဘုရား​စိတ်ခိုင်မာ​စေ​၏​။ ဤသို့​ဖြစ်​ခြင်း​မှာ သူ​တို့​ကို သုတ်သင်ပယ်ရှင်း​မည်​ဟု မောရှေ​အား ထာဝရဘုရား​မိန့်​တော်မူ​ခဲ့​သည့်​အတိုင်း သူ​တို့​ကို မ​သနား​မ​ညှာတာ​ဘဲ တစ်​ယောက်​မ​ကျန်​ကွပ်မျက်​တော်မူ​ရန်​ဖြစ်​၏​။

၁ ရာ 4:8

ငါ​တို့​၌ အမင်္ဂလာ ဖြစ်​လေ​ပြီ​။ ဤ​တန်ခိုးကြီး​သော​ဘုရား​၏​လက်​မှ ငါ​တို့​ကို မည်သူ​ကယ်တင်​မည်နည်း​။ ဤ​ဘုရား​ကား တောကန္တာရ​၌ အီဂျစ်​လူမျိုး​တို့​ကို ကပ်ရောဂါ​အမျိုးမျိုး​ဖြင့် ဒဏ်ခတ်​တော်မူ​သော​ဘုရား​ဖြစ်​၏​။